Loading...
Хавдартай эмчлүүлэгчийн асран хамгаалагчдын ачааллыг “Caregiver burden inventory” олон улсын стандарт асуумжаар судлах нь
Зохиогч
М.Мөнхжаргал
Д.Одонтуяа
Он
2021 оны есдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
6
Start Page
185
End Page
188
ISSN
2959-6947
Хураангуй
Үндэслэл: Дэлхийн эрүүл мэндийн байгууллага /ДЭМБ/ 2008–2030 онд хавдрын шалтгаант нас баралтын тоо 45 хувь нэмэгдэх тооцооллыг гаргасан байна. Монгол улсад 2019 оны байдлаар хорт хавдрын улмаас аймаг, дүүргийн хавдар судлаач эмчийн хяналтад 20 913 хүн амьдарч байна. Манай улсад нийт хавдрын 78.8 хувь нь 3, 4-р шатандаа оношлогдсоноор хөнгөвчлөх тусламж үйлчилгээнд шилжиж байна. Гэвч манай улсад хөнгөвчлөх тусламж үйлчилгээ авч буй эмчлүүлэгчийн ар гэр, асран хамгаалагчийн ачаалал, амьдралын чанарыг судалсан байдал хангалтгүй байна. Тиймээс бид тус судалгааны ажлаар хавдартай эмчлүүлэгчийн асран хамгаалагчдын ачааллыг үнэлэхийг зорилоо. Арга аргачлал: Судалгааг аналитик судалгааны агшингийн загварыг ашиглан 2017.11–2019.12 сарын хооронд хийж гүйцэтгэв. АШУҮИС-ийн “Судалгааны ёс зүйн хяналтын хороо”-оос судалгааны ажлыг хийх ёс зүйн зөвшөөрөл авсан. Судалгааны мэдээ материалыг Хавдар Судлалын Үндэсний Төв, Улаанбаатар хотын дүүргийн эрүүл мэндийн төвүүд, Ногоон гэр, Ивээл хоспис эмнэлгүүдийг түшиглэн хавдартай эмчлүүлэгчдийн асран хамгаалагчдаас асуумжийн аргаар цуглуулсан. Асран хамгаалагчийн ачааллын үнэлгээг “Caregiver burden inventory” олон улсын стандарт асуумжаар хийсэн. Үр дүн: Нийт асран хамгаалагчдын 82.8 хувь нь эмэгтэй, 17.2 хувь нь эрэгтэй байна. Нийт судалгаанд оролцсон асран хамгаалагчдын 91.7 хувьд ачааллын зэрэг 2 болон түүнээс дээш байгаа нь хавдартай эмчлүүлэгчийн асран хамгаалагчдын ачаалал их байгааг харуулж байна. Асран хамгаалагчдын ачааллын дундаж оноо эрэгтэй 32.97±11.8, эмэгтэй 40.53±14.9 байгаа нь статистик ач холбогдол бүхий ялгаатай байна. Дүгнэлт: Асран хамгаалагчдын 60-аас дээш хувь нь эмчлүүлэгчийг асран хамгаалахад өдөрт 11-ээс их цагийг зарцуулдаг байна. Нийт судалгаанд оролцсон асран хамгаалагчдын 91.7 хувьд ачааллын зэрэг 2 болон түүнээс дээш байгаа нь хавдартай эмчлүүлэгчийн асран хамгаалагчдын ачаалал их байгааг харуулж байна.
Background: The World Health Organization (WHO) estimates that the number of cancer-related deaths will increase by 45 percent between 2008 and 2030. Following this estimate, many projects and programs have been implemented to improve cancer prevention, diagnosis, and treatment, but the number of new cancer cases and deaths is increasing worldwide. As of 2019, there are 20 913 cancer patients under the supervision of aimag and district oncologists. In our country, 78.8 percent of all cancers are diagnosed in stage 3, 4 and are transferred to palliative care. However, in our country, there is a lack of research on the family, caregiver burden of patients receiving palliative care. Therefore, we aimed to assess the caregivers of burden and quality of life of family of cancer patients in this study. Material and methods: The survey was conducted between November 2017 and December 2019 using an analytical instantaneous model. The survey data were collected from caregivers of cancer patients at the National Cancer Center, Ulaanbaatar District Health Center, Green Home, and Grace Hospices. The caregiver burden of cancer patients receiving palliative care was assessed using the Caregiver burden inventory international standard questionnaire “Caregiver burden inventory”. Results: In the study involved 180 caregivers aged 20 to 72 years. 82.8 percent of care givers are women and 17.2 percent are men. The average workload score for caregivers is 32.97±11.8 for men and 40.53±14.9 for women, which is a statistically significant difference. Conclusions: More than 60 percent of caregivers spend more than 11 hours a day caring for patients.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/409
Эшлэл
М.Мөнхжаргал, Д.Одонтуяа. Хавдартай эмчлүүлэгчийн асран хамгаалагчдын ачааллыг “Caregiver burden inventory” олон улсын стандарт асуумжаар судлах нь. Эрүүл мэндийн шинжлэх ухаан. 2021;17(6):185-188.