Loading...
Бага, дунд орлоготой орнуудад тохиолдох Коронавируст халдвар (COVID-19)-тай эмчлүүлэгсдийг бөөрний цочмог гэмтэцээс урьдчилан сэргийлэх, эмчлэх хялбаршуулсан зааварчилгаа
Зохиогч
Кристинс Руд
ЕлифЧизмец
Габриела Гали
Ганболд Лүндэг
Маркус Шульц
Алфред Папали
Он
2021 оны зургаадугаар сарын 10
Төрөл
journal article
Journal
Эрүүл мэндийн шинжлэх ухаан
Volume
17
Issue
2
Start Page
72
End Page
92
ISSN
2959-6947
Хураангуй
Коронавирус(COVID-19)-ын халдварын улмаас бөөрний цочмог гэмтэц (БЦГ) учирсантохиолдолд өвчтөнүүдийг эмчлэх тухай боловсруулан гаргасан өвлөмжүүд нь ихэвчлэн өндөр орлоготой орнуудад нөөц хангамж сайтай, эрчимт эмчилгээний тасгаас гаргасан нотолгоон дээр үндэслэгдэж байна. Эдгээр зөвлөмжүүдийг бага, дунд орлоготой орнууд(БДОО)-ын нөөц хязгаарлагдмал нөхцөлд эмнэлзүйн практик үйл ажиллагаанд хэрэглэх боломж бололцоо хомс, ач холбогдол багатай байдаг. БДОО-уудад тохиолдох коронавирусын халдварын үеийн бөөрний цочмог гэмтэцээс урьдчилан сэргийлэх, оношлох, эмчлэх талаарх практик зөвлөмжүүдийн бид боловсруулан гаргасан болно. Коронавирусын халдвар авсан эмчлүүлэгсдийг бөөрний цочмог гэмтлээс урьдчилан сэргийлэх зорилгоор орчих цусны эзлэхүүнийг нэмэгдүүлэн заалтаар коллойд шингэнээс илүүтэй кристаллойд уусмалыг судсаар сэлбэх шингэн болгон сонгон авах, амьсгалын дутагдалтай өвчтөнүүдэд шингэн сэлбэх хэмжээг эрс бууруулах, өвчтөний шингэний тэнцвэрийг сөрөг үзүүлэлтэй байлгахыг зөвлөж байна. БДОО-уудад учрах COVID-19 халдвар авсан эмчлүүлэгсдийн дунд креатинины түвшин нэмэгдсэн бол БЦГ-тэй хэмээн үзэж тохирох эмчилгээг хугацаа алдахгүй эхлүүлэх заалттай. Дээрх өвчтөнийг эмчлэх явцдаа цаашид ялган оношилгоо хийх замаар тухайн тохиолдолд БЦГ байсан эсэхийг тодруулна. COVID-19 халдвартай бөөрний үйл ажиллагааны алдагдалтай өвчтөнүүдэд БЦГ-ийг оношлохын тулд бололцоотой нөхцөлд сийвэнгийн креатинин, шүлсний мочевины (ихэнх БДОО-д хийдэг нам технологийн шинжилгээ-ред.) хэмжээг тодорхойлох шинжилгээг ЭМАШТ-ийн хүрээнд хэрэгжүүлэх шаардлагатай. Эрүүл мэндийн тусламж үзүүлдэг бүх шатны байгууллагын ажилтнууд БЦГ-ийн илрүүлэх, эмчлэх арга аргачлалд суралцаж зохих мэдлэгийг эзэмшсэн байх хэрэгтэй. БДОО-д тохиолдох COVID-19 халдвартай БЦГ-тэй үйлчлүүлэгчдэд сэлбэх шингэний хэмжээг нямбай тохируулан, шингэн сэлбэлтийн хэмжээг хэтрүүлэхгүйгээр зүгшрүүлэхийг зөвлөж байна. Коронавирус (COVID-19)-ын хүнд хэлбэрийн халдвартай, амьсгалын дутагдалтай тохиолдолд боломжтой тохиолдолд уушги хамгаалах дэгээр механик амьсгалуулалт хийх замаар цитокиноос үүдэлтэй бөөрний гэмтлээс сэргийлэхийг санал болгож байна. Амьсгалын цочмог дистресс хамшинж (АДХШ) илэрсэн, COVID-19 халдвартай үед БЦГ-ийг эмчлэх эхний сонголт нь диализ эмчилгээ байх бөгөөд шингэнийг нэвчүүлэн (ультрафилтрац) гаргаж сөрөг тэнцлийг үүсгэх бололцоог олгоно. Харин амьсгалын цочмог дистресс хамшинж илрээгүй COVID-19 халдвартай тохиолдолд БЦГ-ийг хэвлийн диализ хийх замаар эмчлэх боломжтой.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/233
Эшлэл
Кристинс Руд, ЕлифЧизмец, Габриела Гали, Ганболд Лүндэг, Маркус Шульц, Алфред Папали. Бага, дунд орлоготой орнуудад тохиолдох Коронавируст халдвар (COVID-19)-тай эмчлүүлэгсдийг бөөрний цочмог гэмтэцээс урьдчилан сэргийлэх, эмчлэх хялбаршуулсан зааварчилгаа. Эрүүл мэндийн шинжлэх ухаан. 2021;17(2):72-92.