Loading...
Төрсний дараах умайн эргэн хөгжилд Шимшин-6 эмийн үзүүлэх нөлөөг туршилтын амьтанд судалсан дүн
Зохиогч
Ж.Номин-Эрдэнэ
Б.Дэжидмаа
Ч.Эрдэнэчимэг
Д.Мөнхцэцэг
Ч.Чимэдрагчаа
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
95
End Page
99
ISSN
2959-6947
Хураангуй
Үндэслэл: Шимшин-6 эм нь гишүүнэ, чацаргана, гажа, руда, хэл цоргигч давс, хужир гэсэн 6 найралтаас бүрдэх бөгөөд сарын хир хоригдсон, эмэгтэйн цус бүрэлдсэн өвчний үед хэрэглэгддэг уламжлалт эм юм. Төрсний дараа умайн агшилтыг сайжруулах, цус алдалт болон үрэвслээс урьдчилан сэргийлэх зорилгоор өргөн хэрэглэгдэж буй Шимшин-6 эмийн үйлдлийг нотолгоожуулах зорилгоор судалгааг хийсэн. Зорилго: Шимшин-6 эмийн хархны төрсний дараах умайн эргэн хөгжилд үзүүлэх нөлөөг судлах. Арга, аргачлал: Судалгааг Уламжлалт Анагаах Ухааны Технологийн Хүрээлэнгийн эрдэм шинжилгээний төвийг түшиглэн туршилт судалгааны загвараар Zheng ZH (2019) нарын аргаар хийсэн. Хархнуудыг төрсний дараа 4 бүлэгт хуваан Шимшин-6 шахмал эм (ШШЭ) 180мг/кг ба 90 мг/кг тунгаар, Шимшин-6 талх эм (ШТЭ) 163 мг/кг тунгаар, хяналтын бүлэгт физиологийн уусмалыг өдөрт 2 удаа нийт 5 хоног уулган эстроген, прогестрон даавар, TNFα, TGF-β1, TGF-β3 цитокины түвшинг ELISA-ын аргаар тодорхойлсон. Судалгааны төгсгөлд амьтдыг ёс зүйн дагуу егүүтгэн умайг авч жинг тодорхойлон, эд судлалын шинжилгээнд умайн салстын зузаан, булчин давхаргын бүтэц, булчирхайг үнэлсэн. Үр дүн: Төрсний дараах загвар бүлгийн хархны умайн жин хээлгүй хяналтын бүлгийн амьтнаас 46.13% (p=0.001) нэмэгдсэн бөгөөд Шимшин-6 эм хэрэглэсэн бүлэгт загвар бүлэгтэй харьцуулахад умайн жин 15.9-25.3% хүртэл буурсан (p=0.001) байв. ШШЭ нь 90мг/кг, 180 мг/кг тунд эстроген дааврыг бууруулах (p=0.0008) нөлөөтэй байна. TNF-α хэмжээ загвар бүлэгт 42.0±2.9 пг/ мл, хяналтын бүлэгтэй харьцуулахад 12.0% нэмэгдсэн ба ШШЭ нь 90 мг/кг тунд 36.2±1.3 пг/мл хүртэл бууруулсан байв (p=0.05). Шимшин-6 эм хэрэглэсэн бүлгүүдэд TGFβ1 хэмжээг нэмэгдүүлэх (p=0.006), TGFβ3 хэмжээг ихэсгэх (p=0.01) нөлөө үзүүлсэн. Умайн эд судлалын шинжилгээнд ШШЭ 90 мг/кг, ШТЭ 162 мг/кг хэрэглэсэн бүлэгт үрэвсэлт, цусархаг өөрчлөлт багассан, булчингийн давхаргын агшилт илүүтэй явагдаж эхэлсэн, булчингийн ширхэг эрэмбэлэгдсэн байв. Дүгнэлт: Шимшин-6 уламжлалт эм нь хархны төрсний дараах умайн эргэн хөгжлийг дэмжих нөлөөтэй байна.
Background: The Shimshin-6 formulation, composed of Rheum undulatum L., Hippophae rhamnoides L., Zingiber ofÏcinale Roscoe, Saussurea lappa C.B. Clarke, Sal ammoniacum, and Tronae veneni, has traditionally been used in the management of gynecological disorders such as amenorrhea, abnormal blood clot formation, and pelvic pain. It has also been widely applied in postpartum care to promote uterine contractility and to prevent complications, including hemorrhage and inflammation. However, its therapeutic potential in postpartum uterine involution has not been scientifically validated. Aim: To investigate the effects of the Shimshin-6 herbal formulation on postpartum uterine involution in rats Materials and Methods: This experimental study was conducted at the Research Center of the Institute of Traditional Medicine and Technology, following the methodology described by Zheng ZH et al. (2019). Postpartum rats were randomly assigned to four groups and received daily treatments for five consecutive days with either Shimshin-6 tablets at doses of 180 mg/kg and 90 mg/kg, Shimshin-6 decoction at 163 mg/kg, or physiological saline as a control. Serum concentrations of estrogen, progesterone, TNF-α, TGF-β1, and TGF-β3 were measured using commercially available ELISA kits (Shanghai MLBIO Biotechnology Co. Ltd, China). Following ethical euthanasia, uterine tissues were collected for histological examination, which included evaluation of uterine weight, endometrial thickness, myometrial structure, and glandular morphology. Results: Shimshin-6 treatment significantly reduced the uterine index and serum estrogen levels compared with the control group, while no significant difference was observed in progesterone concentration. The treatment also decreased tumor necrosis factor-α (TNF-α) levels and modulated growth factors in postpartum rats. Histological analysis further revealed that Shimshin-6 promoted uterine recovery, despite the presence of inflammatory cell infiltration and hemorrhagic changes in the uterine wall. Conclusion: Shimshin-6 preparation exerts a promotive effect on postpartum uterine involution in rats.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1267
Эшлэл
Ж.Номин-Эрдэнэ, Б.Дэжидмаа, Ч.Эрдэнэчимэг, Д.Мөнхцэцэг, Ч.Чимэдрагчаа. Төрсний дараах умайн эргэн хөгжилд Шимшин-6 эмийн үзүүлэх нөлөөг туршилтын амьтанд судалсан дүн. Эрүүл мэндийн шинжлэх ухаан. 2025;21(5):95-99.