Loading...
Эрүүл мэндийн ажилтнуудын дундах хепатитийн В вирүсийн халдварын тархалт, эрсдэлт хүчин зүйлийг судалсан дүн
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
233
End Page
238
ISSN
2959-6947
Хураангуй
Үндэслэл: Эрүүл мэндийн ажилтнууд нь ажлын нөхцөлөөс шалтгаалан хепатитийн В вирүс (ХВВ)-ийн халдварт өртөх эрсдэлт бүлэг юм. Дэлхий дахинд нэг жилд эрүүл мэндийн байгууллагын ажилтнуудын 5.9% нь ХВВ-ийн халдварт өртдөг гэсэн судалгаа бий. Монгол улс вирүст хепатитийн тархалт өндөртэй орны нэг бөгөөд сүүлийн 10 жилд вирүст хепатитийн эсрэг бодлогын өөрчлөлт, үндэсний хөтөлбөрүүд амжилттай хэрэгжиж байна. Энэхүү судалгаагаар эрүүл мэндийн ажилтнуудын дундах хепатитийн В вирүсийн халдварын тархалтыг тодорхойлж, эрсдэлт хүчин зүйлийг судлах зорилго дэвшүүллээ. Арга, аргачлал: Судалгааг аналитик судалгааны агшингийн загвараар, олон шатлалт түүврийн аргаар Улаанбаатар хот, Монгол улсын 5 аймгаас 1135 эрүүл мэндийн ажилтнуудыг хамруулсан. Судалгаанд хамрагдсан нийт оролцогчдоос асуумж болон цусны сорьц цуглуулж HBsAg, anti-HBc үзүүлэлтийг ХӨСҮТ-ийн вирүст хепатит энтеровирүсийн лабораторид фермент холбоот эсрэг биеийн урвалын аргаар хийв. Судалгааны тоон мэдээллийн статистик боловсруулалтыг SPSS 21.0 программ ашиглан гүйцэтгэв. Үр дүн: Судалгаанд эрүүл мэндийн ажилтнуудын дунд ХВВ-ийн тархалт улсын хэмжээнд 4.7% (53/1135) байна. Судалгаанд оролцогчдын 670 (59.0%) нь ХВВ-ийн халдварт өртөж байсан буюу anti-HBc эерэг тодорхойлогдсон. Өндөр эрсдэлтэй ажил эрхэлдэг эрүүл мэндийн ажилтнуудын дунд ХВВ-ийн халдварын тархалт 5.0% байна. Судалгаанд оролцогчдын 669 (58.9%) зүү тариур, хурц үзүүртэй багаж, хэрэгсэлд хатгуулж байсан бөгөөд 181 (26.8%) тарилга хийх үедээ, 133 (19.7%) мэс засал үед, 104 (15.4%) эмнэлгийн хог хаягдал хаях үедээ хатгуулж байсан өгүүлэмжтэй байв. Дүгнэлт: Эрүүл мэндийн ажилтнуудын дунд халдварын тархалт 4.7%, халдварт өртөхөд мэргэжлээс шалтгаалсан эрсдэлт хүчин зүйл илүү хамааралтай байна.
Background: Health care workers (HCWs) are at high risk of contracting HBV infection through their occupation. The annual proportion of healthcare workers exposed to blood-borne pathogens was 5.9% for HBV in healthcare workers worldwide. Mongolia has a high prevalence of viral hepatitis. Over the last 10 years, policy changes and national programs against viral hepatitis have been implemented. This study to determine the prevalence of hepatitis B virus infection among health workers and study risk factors. Materials and Methods: The survey involved 1,135 health workers from Ulaanbaatar and 5 provinces using a snapshot of the analytical survey and a multi-stage sampling method. Questionnaires and blood samples were collected from all participants, and HBsAg and anti-HBc were measured by enzyme-linked antibody tests at the NCCD’s viral hepatitis enterovirus laboratory. Results: The prevalence of HBV among health workers in the study was 4.7% (53/1135). Of the study participants, 670 (59.0%) of them were seropositivity for anti-HBc. The prevalence of HBV infection among high-risk health care workers is 5.0%. A total of 669 (58.9%) respondents were injected with needles sharp instruments, and 181 (26.8%) were injected during injections, 133 (19.7%) during surgery, and 104 (15.4%) during medical waste disposal. Conclusion: The prevalence of infection among health workers is 4.7%, and occupational risk factors are more relevant to exposure.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/584
Эшлэл
Н.Наранзул, Г.Сарангуа, Б.Бурмаажав, А.Энхжаргал, Б.Төмөрбат, Н.Хүрэлбаатар нар. Эрүүл мэндийн ажилтнуудын дундах хепатитийн В вирүсийн халдварын тархалт, эрсдэлт хүчин зүйлийг судалсан дүн. Эрүүл мэндийн шинжлэх ухаан. 2022;18(1):233-238.