Loading...
Тархины анхдагч хавдрын үед ийлдэс дэх Aquaporin-4, IL-6, TNF-α-ийн түвшинг тодорхойлсон дүн
Зохиогч
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
79
End Page
84
ISSN
2959-6947
Хураангуй
Үндэслэл: Глиома нь глиал эсийн гаралтай насанд хүрэгчдэд түгээмэл тохиолддог тавилан муутай тархины анхдагч хавдар юм. IL-6, TNF-α зэрэг хавдар өвөрмөц, үрэвслийн цитокин болон AQP-4 уураг нь глиомагийн үед илрэлтэй болохыг цөөнгүй судлаачид онцолсон байна. Манай орны хувьд тархины анхдагч хавдартай хүмүүсийн ийлдэст AQP-4 уураг болон IL-6, TNF-α зэрэг үрэвслийн цитокины түвшинг тодорхойлох, оношилгооны ач холбогдлыг үнэлсэн судалгааны ажил хомс байгаа нь бидний энэхүү судалгааг хийх үндэслэл боллоо. Зорилго: Тархины анхдагч хавдартай хүмүүсийн ийлдэс дэх Aquaporin-4 (AQP-4), үрэвслийн цитокинууд болох интерлейкин-6 (IL-6), хавдрын үхжлийн хүчин зүйл альфа (TNF-α)-ийн агууламжийг тодорхойлж, эрүүл хяналтын бүлэгтэй харьцуулан тэдгээрийн оношилгооны ач холбогдлыг үнэлэх. Арга, аргачлал: Тархины анхдагч хавдар (ТАХ) оношлогдсон 28, хяналтын 26 үйлчлүүлэгчдэд AQP-4 уургийг цусны ийлдэс дэх агууламжийг ФХЭБУ-ын аргаар үнэлсэн бол тархины анхдагч хавдартай 59, хяналтын 52 үйлчлүүлэгчдэд IL-6 болон TNF-α цитокины агууламжийг урсгал эс тоолуурын аргаар тус тус тодорхойлж үр дүнг тооцлоо. Үр дүн: Нийт тархины анхдагч хавдрын 45.61% нь менингиома, 26.32% нь анапластик астроцитома, 8.77% нь глиобластома, 12.28% нь бусад хавдар (хондрома, эпиндиома, шваннома, краниофарингиома) байсан. Тархины анхдагч хавдрын үед IL-6, TNF-α болон AQP-4-ийн ийлдэс дэх түвшин нь эрүүл хяналтын бүлэгтэй харьцуулахад агууламж их байгаа нь тодорхойлогдлоо. Дүгнэлт: Тархины анхдагч хавдартай үйлчлүүлэгчдийн захын цусанд AQP-4, IL-6, TNF-α-ийн түвшин хяналттай харьцуулахад статистикийн үнэн магадтай ялгаатай байсан бөгөөд ТАХ-ын инвазив бус, эрт үеийн оношилгооны биомаркер байж болох юм.
Background: Gliomas are common primary brain tumors of glial origin in adults with a poor prognosis. Tumor-related inflammatory cytokines such as interleukin-6 (IL-6), tumor necrosis factor-alpha (TNF-α), and aquaporin-4 (AQP-4) water channel protein have been reported to be expressed in gliomas. Aim: This study aimed to determine their serum levels in patients with primary brain tumors compared to healthy controls and to evaluate their potential diagnostic value. Materials and Methods: Serum AQP-4 levels were measured by ELISA in 28 patients with primary brain tumors (PBT) and 26 healthy controls. IL-6 and TNF-α were assessed by flow cytometry in 59 PBT patients and 52 controls. Results: Among the primary brain tumor cases, 45.61% were meningiomas, 26.32% anaplastic astrocytomas, 8.77% glioblastomas, and 12.28% other tumors (including chondroma, ependymoma, schwannoma, craniopharyngioma). Serum IL-6, TNF-α, and AQP-4 levels were significantly higher in the PBT group compared with healthy controls. Conclusion: Elevated serum levels of AQP-4, IL-6, and TNF-α in patients with primary brain tumors suggest that these biomarkers molecules could represent valuable non-invasive biomarkers for the early detection of PBT.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1264
Эшлэл
Д.Байгалмаа, Ш.Орхонтуул, С.Энхтуяа, С.Цогтсайхан, Ч.Гансүх, Л.Энхсайхан нар. Тархины анхдагч хавдрын үед ийлдэс дэх Aquaporin-4, IL-6, TNF-α-ийн түвшинг тодорхойлсон дүн. Эрүүл мэндийн шинжлэх ухаан. 2025;21(5):79-84.