Loading...
Яаралтай тусламжийн тасгаар үйлчлүүлсэн үйлчлүүлэгчдийн эрэмбийн хуудаст хийсэн дүн шинжилгээ
Зохиогч
Он
2024 оны гуравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
20
Issue
3
Start Page
151
End Page
155
ISSN
2959-6947
Хураангуй
Үндэслэл: Яаралтай тусламжийн тасгийн сувилагч нарын эрэмбэлэн ангилах үйл ажиллагаатай холбоотой асуудлуудын дотроос ногоон эрэмбээр эрэмбэлэгдсэн үйлчлүүлэгчдийн тоон үзүүлэлт жил тутамд өссөн үзүүлэлттэй байна. Энэ нь тусламж үйлчилгээний ихэнх хувийг эзэлж, яаралтай тусламж үйлчилгээний ачааллыг нэмэгдүүлэх, цаашлаад нэн шаардлагатай тусламж үйлчилгээ авах үйлчлүүлэгчдэд чанартай тусламж үйлчилгээ үзүүлэхэд сөргөөр нөлөөлж байна. Мөн манай улсын хувьд шар эрэмбэд эрэмбэлэгдсэн үйлчлүүлэгчдийн зардал нийт зардлын томоохон хувийг эзэлсээр байна. Иймээс яаралтай тусламжийн тасгийн үйлчлүүлэгч нарын эрэмбэд нөлөөлж буй хүчин зүйлийг судлах зайлшгүй хэрэгцээ байгаа нь энэхүү судалгааг хийх үндэслэл боллоо. Зорилго: Яаралтай тусламжийн тасгийн үйлчлүүлэгчдийн эрэмбийн хуудаст үндэслэн үйлчлүүлэгчдийг эрэмбэлсэн өнгө, тусламж үйлчилгээ үзүүлсэн хугацаа, эмчилгээний өртөг зардлыг тооцоолох, түүнд нөлөөлж буй хүчин зүйлсийг тодорхойлох. Арга, аргачлал: Судалгааг эргэмж судалгааны загвараар хийж гүйцэтгэв. Судалгааны мэдээллийг Сүхбаатар Нэгдсэн Эмнэлэг болон Чингэлтэй Дүүргийн Нэгдсэн Эмнэлгийг түшиглэн, яаралтай тусламжийн тасгийн үйлчлүүлэгчдийн 269 эрэмбийн хуудаснаас түүвэрлэв. Судалгааны мэдээллийг дескриптив статистик, Pearson корреляци болон олон регресс (multiple regression) дүн шинжилгээг ашиглан үр дүнг тооцоолов. Үр дүн: Судалгаанд оролцогсдын насны дундаж 44.8±14.81 жил, хүйсийн хувьд 52.4% (141) нь эмэгтэйчүүд байв. Яаралтай тусламжийн тасгаар үйлчлүүлсэн үйлчлүүлэгчдийн эмчилгээний хуудаст үндэслэн үйлчлүүлэгчдийг эрэмбэлсэн өнгийг тодорхойлоход 56.1% (151) үйлчлүүлэгч шар эрэмбээр, 40.1% (108) үйлчлүүлэгч ногоон эрэмбээр эрэмбэлэгдсэн байв. Үйлчлүүлэгчдийн эрэмбэ болон нас сөрөг, сул хамааралтай (r=-0.180, p=0.027), харин үйлчлүүлэгчийн эрэмбэ нь судалгаанд оролцогсдын хүйстэй (r=0.135, p=0.02) эерэг, сул хамааралтай; боловсролын түвшинтэй эерэг, дунд зэргийн хамааралтай байв (r=0.352, p=0.001). Үйлчлүүлэгчдийн эрэмбэнд нас (R2=.029, P=0.003), хүйс (R2=.014, P=0.02), боловсрол (R2=.364, P=0.0001) нөлөөлж байна. Дүгнэлт: Нийт үйлчлүүлэгчдийн 96.2% (259) нь ногоон, шар эрэмбээр эрэмбэлэгдсэн ба нийт яаралтай тусламжийн зардлын 97%ийг эзэлж байв. Үйлчлүүлэгчийн эрэмбэд тэдний нас, хүйс, боловсрол зэрэг хүн ам зүйн хувьсагч нөлөөлж байна. Иймд цаашид хүн амд эрүүл мэндийн боловсрол олгох нэн шаардлагатай ба энэ нь яаралтай тусламж үйлчилгээний ачаалал, эмчилгээний өртөг зардлыг бууруулах, цаашлаад нэн яаралтай тусламж үйлчилгээ авах шаардлагатай үйлчлүүлэгчдэд чанартай тусламж үйлчилгээ үзүүлэхэд чухал нөлөөтэй байна.
Background: It has been found that among the issues related to triage of emergency department patients by nurses, the number of patients with green tag has been increased year by year. It accounts for the majority of the total emergency care services, which causes the increased load on the services and interfere with the quality of service to the critical patients. For our country, for our country, the cost of patients with yellow label still occupies a large share of the total cost related emergency department. Therefore, there is a need to study the factors affect the triage of emergency department patients. Aim: This research aims to determine the color labels of emergency patients based on their triage, the length of time for emergency care services and the cost for treatment and identify the factors influencing them. Materials and Methods: The research was carried out using a retrospective study design. The research data was sampled on 269 triage sheets of the emergecy department patients at the Sukhbaatar district Medical Center and Chingeltei district Hospital. The results were producted using descriptive statistics, Pearson correlation and multiple regression analysis. Results: The average age of the participants was 44.8±14.81, and the majority of them, 52.4% (141), were women. According to the triage sheets of the emergency department patients, 56.1% (151) of patients were tagged with yellow and 40.1% (108) were green. The patients triage and age have a weak negative correlation (r=-0.180, p=0.027), however the patient triage and gender have a weak positive correlation (r=0.135, p=0.02); and it has a moderate positive correlation with education level (r=0.352, p=0.001). In other words, the patient`s age, gender and education level have the correlations of (R2=.029, P=0.003), (R2=.014, P=0.02) and (R2=.364, P=0.0001), respectively, to the patient triage. Conclusions: 1. 96.2% (259) of all patients were triaged with green and yellow tags, which were influenced by demographic variables such as their age, gender and education level. 2. Thus, it has been concluded that it is essential to provide the citizens with health education, which will enable to reduce the overload of emergency care services and the costs of treatment, and to provide the quality of care to the critical patients.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1043
Эшлэл
А.Энхжаргал, Ц.Басбиш, Г.Ганхуяг, Р.Оргилмаа. Яаралтай тусламжийн тасгаар үйлчлүүлсэн үйлчлүүлэгчдийн эрэмбийн хуудаст хийсэн дүн шинжилгээ. Эрүүл мэндийн шинжлэх ухаан. 2024;20(3):151-155.