Loading...
Эрдэнэт үйлдвэрийн ажилчдын бодисын солилцооны хам шинжийн тархалтын судалгаа
Зохиогч
О.Алтансүх
Б.Пүрэвсүх
А.Хонгорзул
Б.Алтанзул
Э.Эрдэнэчимэг
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
161
End Page
170
ISSN
2959-6947
Хураангуй
Үндэслэл: Уул уурхайн олборлолттой холбоотой ажлын байрны тоосжилт, шуугиан, доргионы улмаас ажилтнуудын дунд уушги тоосжих, сонсгол бууралт, нурууны гэмтэл зэрэг ажил мэргэжлээс шалтгаалсан өвчин төдийгүй, артерийн даралт ихсэх, зүрх судасны өвчнөөр өвчлөх эрсдэл нэмэгддэгийг судлаачид тогтоосон. Ажлаас шалтгаалсан стресс, гэр бүлээсээ тусдаа амьдрах, зөөврийн хоолны үйлчилгээ, ээлжийн цагийн системээр ажиллах нь ажилтны биеийн жин нэмэгдэх, дотоод шүүрлийн үйл ажиллагаанд сөргөөр нөлөөлөх эрсдэл үүсгэдэг байна. Зорилго: Эрдэнэт үйлдвэрийн ажилтнуудын дундах бодисын солилцооны хам шинж, халдварт бус өвчний тархалтыг судлах. Арга, аргачлал: Судалгаанд Эрдэнэт үйлдвэрийн 15 цехийн нийт 303 ажилтан хамрагдсан. Хамрагдсан ажилтнууд нь 10-20 ба түүнээс дээш жил тус үйлдвэрт ажилласан, эмэгтэй ажилчдын эзлэх хувь 15%, технологийн ажилчид 75% байхаар тус тус хамруулсан. Судалгаанд халдварт бус өвчний эрсдэлт бүлгийн ажилтнуудыг зорилтот түүврийн аргаар сонгосон. Үр дүн: Судалгаанд хамрагдсан ажилтнуудын биеийн жингийн индексийг ажил мэргэжлээр судлан үзэхэд үйлчилгээний ажилтан 79.2%, цахилгаанчин 65%, шатахуун түгээгч 100%, засал чимэглэлчин 77.8%, засварчин 75.5%, мэргэжилтэн 94.7%, мэргэжлийн ажилтан 86.4%, оператор, инженер 75.7%, захиргааны ажилтан 88.9% нь илүүдэн жинтэй буюу таргалалтай байна. Судалгаанд оролцогч нарын төвийн таргалалтын тархалтыг албан тушаалаар судлан үзэхэд үйлчилгээний ажилтны 79.2%, лаборант нарын 60%, цахилгаанчин 35%, оператор, инженер 64.9%, захиргааны ажилтан 66.7% нь төвийн таргалалттай байна. Нийт судалгаанд оролцогчдын 20.7% зүрх судасны өвчнөөр өмнө өвчилж байсан. Үүнээс 71.4% нь эрэгтэй, 28.6% нь эмэгтэй ажилтан байна. Судалгаанд хамрагдсан ажилтнуудын цусан дахь глюкозын арифметик дундаж хэмжээ 6.0 ммоль/л, голч утга нь 5.6 ммоль/л, хамгийн бага утга нь 3.9 ммоль/л, хамгийн их утга нь 18.3 ммоль/л байна. Мөн цусан дахь глюкозын голч утга улсын дундаж хэмжээнээс 0.2 ммоль/л бага байна. Цусан дахь глюкозын хэмжээ хүйсийн хувьд статистик бүхий ялгаа ажиглагдаагүй (p=0.135). Цусан дахь глюкозын хэмжээг албан тушаалаар судлан үзэхэд үйлчилгээний ажилтан 62.5%, лаборант 40%, цахилгаанчин 35%, менежер 71.4%, захиргааны ажилтан 55.6%-д цусан дахь глюкоз хэмжээгээр чихрийн шижин өвчний урьдал үед байна. Дүгнэлт: “Эрдэнэт үйлдвэр” ТӨҮГын ажилтнуудын дунд бодисын солилцооны болон зүрх-судасны эрсдэлийн хүчин зүйлс нэмэгдэж байгааг харуулж байна.
Background: Researchers have identified that occupational exposures related to mining operations-such as dust, noise, and vibration—can increase the risk of developing occupational diseases, including pneumoconiosis, hearing loss, and spinal injuries, as well as noncommunicable conditions such as hypertension and cardiovascular diseases. Work-related stress, living away from family, reliance on portable food services, and shift work systems also contribute to weight gain and negatively affect endocrine function. Aim: To investigate the prevalence of metabolic syndrome and noncommunicable diseases among employees of Erdenet Mining Corporation. Materials and methods: A total of 303 employees from 15 divisions of Erdenet Mining Corporation participated in the study. Participants included employees with 10–20 years or more of service; 15% were female, and 75% were technical workers. Employees belonging to high-risk groups for noncommunicable diseases were selected using a purposive sampling method. Results: When analyzing body mass index (BMI) by occupation, overweight or obesity was found among 79.2% of service workers, 65% of electricians, 100% of fuel distributors, 77.8% of decorators, 75.5% of mechanics, 94.7% of specialists, 86.4% of professional workers, 75.7% of operators and engineers, and 88.9% of administrative staff. Central obesity was also analyzed by job position, revealing that 79.2% of service workers, 60% of laboratory staff, 35% of electricians, 64.9% of operators and engineers, and 66.7% of administrative employees had central obesity. Among all participants, 20.7% had a previous history of cardiovascular disease, of whom 71.4% were male and 28.6% were female. The mean blood glucose level among participants was 6.0 mmol/L, with a median of 5.6 mmol/L, a minimum of 3.9 mmol/L, and a maximum of 18.3 mmol/L. The median glucose level was 0.2 mmol/L lower than the national average. No statistically significant difference in blood glucose levels was found between males and females (p = 0.135). By job position, elevated blood glucose levels (prediabetic range) were found in 62.5% of service workers, 40% of laboratory staff, 35% of electricians, 71.4% of managers, and 55.6% of administrative employees. Conclusion: The findings indicate an increasing trend in metabolic and cardiovascular risk factors among employees of Erdenet Mining Corporation SOE.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1309
Эшлэл
О.Алтансүх, Б.Пүрэвсүх, А.Хонгорзул, Б.Алтанзул, Э.Эрдэнэчимэг. Эрдэнэт үйлдвэрийн ажилчдын бодисын солилцооны хам шинжийн тархалтын судалгаа. Эрүүл мэндийн шинжлэх ухаан. 2025;21(6):161-170.