Loading...
Уламжлалт анагаах ухаанд элэгний үрэвсэлд хэрэглэж ирсэн чинтан жорын судалгааны зарим үр дүнгээс
Зохиогч
Он
2022 оны зургаадугаар сарын 12
Төрөл
journal article
Journal
Эрүүл мэндийн шинжлэх ухаан
Volume
18
Issue
3
Start Page
170
End Page
174
ISSN
2959-6947
Хураангуй
Үндэслэл: Манай орны хүн амын дунд элэг, цөсний эмгэг хүн амын өвчлөл, эндэгдлийн томоохон шалтгаан болдог бөгөөд хоол боловсруулах эрхтэн тогтолцооны эмгэгүүдийн дотор хордлогын шалтгаант элэгний үрэвсэл зонхилон тохиолдож байна. Манай улсад 2020 оны байдлаар хоол боловсруулах эрхтэн тогтолцооны эмгэг 10 000 хүн амд 341.4 бүртгэгдсэн ба үүнээс элэгний эмгэг 23.2% эзэлж, нас баралтын 10 шалтгааны нэгд элэг, цөсний өмөн орсон байна. Монгол анагаах ухааны сурвалж зохиолуудад чинтанг элэгний цусан халууныг арилгах чадалтай бөгөөд элэг орчмоор өвдөх, элэг томрох, элгэнд цус дэлгэрсэн, нүд шарлахад хэрэглэдэг талаар тэмдэглэсэн байдаг. Зорилго: Хордлогын шалтгаант элэгний үрэвсэлд Чин тангийн үзүүлэх нөлөөг судлахаар сонгон авлаа. Арга, аргачлал: Судалгааг туршилт судалгааны загвараар АШУҮИС, МАУОУС, ӨМӨЗО-ны Олон Улсын Монгол Эмнэлгийн Хорооны судалгааны төвийг түшиглэн хийж гүйцэтгэв. Чинтанг Өвөр Монголын олон улсын Монгол Эмнэлгийн Хорооны Монгол эм найрлагын төвөөс хангасан. Туршилт судалгааг (KM) үйлдвэрийн 40 цагаан хулганыг (20±2 г) санамсаргүй байдлаар сонгон авч, эрүүл бүлэг, эмгэг загварын бүлэг, хяналтын бүлэг, туршилтын бүлэг гэж 4 бүлэгт (n=10) хувааж хорон чанарын судалгаа болон фармакологийн зарим үзүүлэлтүүдийг судалсан. Үр дүн: Уламжлалт чинтан жор нь хорон чанар багатай буюу LD50≥5 г/кг байв. Харин гематоксилин эозин (H&E) будгаар будсан элэгний эдийн микроскопын зургийг хооронд нь харьцуулахад эрүүл бүлэгт ямар ч гэмтэл илрээгүй. Харин эмгэг загварын бүлэгт их хэмжээний гэмтэл илэрсэн бөгөөд үр дүнг туршилтын бүлэг, эерэг хяналтын бүлэгтэй харьцуулахад эвдрэлийн талбай мэдэгдэхүйц бага буюу буурсан байсан. Мөн туршилтын бүлэг болон эерэг хяналтын бүлгийн хооронд элэгний коэффициент, ALT, AST, SOD, MDA-ийн утга статистик ач холбогдол бүхий ялгаагүй байсан боловч эерэг хяналтын бүлгийн AST/ALT дундаж нь туршилтын бүлгийнхээс бага байв. Дүгнэлт: Уламжлалт чинтан жор нь хорон чанар багатай байв. Уламжлалт чинтан нь элэг хамгаалах илт нөлөөтэй буюу антиоксидант идэвхийг нэмэгдүүлж байна.
Background: Liver and gallbladder diseases are the leading causes of morbidity and mortality in our country, in which toxic hepatitis is the most common gastrointestinal disease. As of 2020, 341.4 cases of gastrointestinal diseases were registered per 10,000 population in Mongolia, of which liver diseases accounted for 23.2%, and liver and gallbladder cancer was one of the ten causes of death. According to Mongolian medical sources, Qingtang can relieve hepatic blood fever and is used for local pain around the liver, enlarged liver, hepatic haemorrhage, and jaundice. Aim: To study the effects of Qingtang on toxic hepatitis. Materials and Methods: The study was made with an experimental model in which 40 white mice (20±2 g) from the factory (KM) were randomly selected and divided into four groups (n=10): healthy group, pathogen model group, control group, and the experimental group to study toxicology and some pharmacological indicators. Results: The traditional Qingtang was less toxicity, LD50≥5g/kg. However, when H&E stained liver tissue microscopic images were compared, no lesions were found in the healthy group. However, large lesions were found in the pathogen model group, and when the results were compared to the experimental and positive control groups, the area of damage was significantly smaller or reduced. Moreover, hepatic coefÏcients, ALT, AST, SOD and MDA values statistical significance did not differ between the experimental group and the positive control group, but the AST/ALT mean of the positive control group was lower than that of the experimental group. Conclusion: Traditional Qintang recipes were less toxicity. Traditional Qintang has a liver protective effect or increases antioxidant activity.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/660
Эшлэл
Дай юу жи, Б.Халиун, Вэнжун, Бүрэнбаяр, Б.Цэрэнцоо. Уламжлалт анагаах ухаанд элэгний үрэвсэлд хэрэглэж ирсэн чинтан жорын судалгааны зарим үр дүнгээс. Эрүүл мэндийн шинжлэх ухаан. 2022;18(3):170-174.