Loading...
Зүрхний хий хатгалга өвчинд (TMK00.2) уламжлалт анагаах ухааны зарим эм хэрэглэсэн эмнэлзүйн судалгаа
Зохиогч
Болор (Bolor)
Насандалай (Nasandalai)
Т.Алимаа
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
117
End Page
121
ISSN
2959-6947
Хураангуй
Үндэслэл: Монгол уламжлалт анагаах ухаанд зүрхний хий хатгалга өвчнийг махбодыг тэгшитгэж, хий цусны гүйдлийг нэвтрүүлэн, тунгалаг цөвийн ялгаралтыг сайжруулж, хатгалгааг даран, зүрхний тамирыг төлжүүлж, өвдөлт намдаах, өвчний бодит байдалтай нь уялдуулан эмчилдэг. Тиймээс зүрхний хий хатгалга өвчний үед Зүрхний агар-8, Зандан-3 уламжлалт эмийн үзүүлэх нөлөөг судлахаар энэ судалгааг хийж гүйцэтгэв. Зорилго: Зүрхний хий хатгалга өвчний үед хэрэглэх зарим уламжлалт эмийн эмчилгээний үйлдлийг судлах. Арга, аргачлал: Судалгааг хяналтын бүлэггүй, нээлттэй, эмнэлзүйн туршилт судалгааны загвараар хийж гүйцэтгэв. Судалгаанд хамруулах шалгуур хангасан хүмүүсээс 48 үйлчлүүлэгчийг сонгон авч Зүрхний агар-8 эмийг 3 граммаар өглөө, Зандан-3 эмийг орой 3 граммаар тус бүр өдөрт 1 удаа, нийт 3 долоо хоногийн турш уулган эмнэлзүйн туршилт судалгааг хийв. Судалгааны үр дүнг SAQ асуумж, зүрхний өвдөлтийн зэргийн ангилал, 6 минутын алхалтын сорил, зүрхний цахилгаан бичлэг зэрэг үзүүлэлтээр судалгааны өмнө болон дараа үнэлэв. Судалгааны ёс зүйн зөвшөөрлийг АШУҮИС-ийн Судалгааны ёс зүйн хяналтын хороо (№24-25/03-01) болон ӨМӨЗО-ны ОУМЭХ (№2024-077)-с тус тус авч судалгаанд хамрагдсан хүмүүсийн сайн дураар хамрагдсан таниулсан зөвшөөрлийн хуудсаар баталгаажуулав. Эмнэлзүйн туршилт судалгааны үр дүнг T-test, repeated ANOWA тестийг ашиглан боловсруулав. Үр дүн: Судалгаанд зүрхний хий хатгалга (TMK00.2) гэж оношлогдсон нийт 48 хүн хамрагдав. Судалгаанд хамрагдсан хүмүүсийн дундаж нас 53.94±1.69 жил ба үүнээс хамгийн залуу нь 44, хамгийн ахмад нь 60 настай байлаа. Судалгаанд хамрагдсан хүмүүсийг хүйсийн байдлаар авч үзвэл 15 (31,25 %) нь эрэгтэйчүүд, 33 (68,75%) нь эмэгтэйчүүд байв. SAQ үнэлгээгээр эмчилгээний өмнөх үр дүнг эмчилгээний дараах үр дүнтэй харьцуулан үзэхэд хөдөлгөөн (p<0.000), цээжний тогтвортой байдал (p<0.012), цээжний өвдөлт (p<0.000), эмчилгээний сэтгэл ханамж (p<0.001), амьдралын чанарын үнэлгээ (p<0.000) зэрэг сайжирсан үзүүлэлттэй байна. Титэм судасны архаг хам шинж буюу зүрхний өвдөлтийн Канадын ангиллаар үнэлгээ хийхэд судалгаанд хамрагдсан нийт хүмүүсийн 44 буюу 91.6%-д эмчилгээний өмнө II түвшинд байсан бол эмчилгээний дараа 37 буюу 77.08% нь I түвшинд орсон үнэлгээтэй байсан нь эмчилгээний өмнөх болон эмчилгээний дараах үзүүлэлтүүдийн хооронд статистик ач холбогдол бүхий ялгаатай (p<0.034) байв. Зүрхний үйл ажиллагааг 6 минутын алхалтын сорилоор тооцоход эмчилгээний өмнө 393.9±36.73 метр буюу үйл ажиллагааны зэрэг II зэрэг байсан бол эмчилгээний дараа 456.83±48.6 метр буюу I зэрэг болж сайжирсан (p<0.000) байна. Дүгнэлт: 1. Зүрхний хий хатгалга оноштой хүмүүст уламжлалт Зүрхний агар-8, зандан-3 эмийг хавсруулан уулгаж эмнэл зүйн сорилуудаар үнэлэхэд статистик ач холбогдол бүхий сайжирсан үр дүн үзүүлж байна. 2. Зүрхний хий хатгалга оноштой хүмүүст хөдөлгөөн, ердийн үйл ажиллагаа, өвдөлт, сэтгэл гутралын үзүүлэлтүүд статистик ач холбогдол бүхий сайжирч, амьдралын чанар дээшилж, зүрхний титэм судасны дутагдлын үед үйл ажиллагааны зэрэг нэмэгдсэн байна.
Background: In traditional Mongolian medicine, ischemic heart disease are treated by balancing the body, promoting the flow of khii and blood, improving the metabolism, suppressing inflammation, increasing heart strength, relieving pain, and treating the disease according to its actual condition. Therefore, a study was conducted to investigate the effects of traditional medicines Heart Agar-8 and Zandan-3 on ischemic heart disease. Aim: Studying the therapeutic effects of some traditional medicines used in the treatment of ischemic heart disease. Materials and Methods: Clinical trial was performed in an uncontrolled, single-centered, and open-study design. A total of 48 patients with ischemic heart disease who met the inclusion criteria participated in the study. The study was conducted by giving people 3 grams of Heart Agar-8 and 3 grams of Zandan-3 medicine, each once a day, for a total of 3 weeks. The results of the study were assessed before and after the study using the SAQ questionnaire, the chronic coronary syndromes (CCS) questionnaire, 6-minute walk test, and electrocardiogram. The research was conducted in accordance with the appropriate ethical approvals (No. 24-25/03-01), (No. 2024-077) and confirmed by an informed consent form. Clinical trial research results were processed using T-test, Paired T-test. Results: A total of 48 people diagnosed with ischemic heart disease (TMK00.2) were included in the study. The average age of the study participants was 53.94±1.69, with the youngest being 44 and the oldest being 60. Regarding the gender of the respondents, 15 (31.25%) were men and 33 (68.75%) were women. When comparing pre-treatment results with post-treatment results using the SAQ, there were improvements in mobility (p<0.000), chest stability (p<0.012), chest pain (p<0.000), treatment satisfaction (p<0.001), and quality of life assessment (p<0.000). When assessing chronic coronary syndrome in people, 44 or 91.6% of the total number of people included in the study had a level II score before treatment, while 37 or 77.08% had a level I score after treatment, which was a statistically significant difference between the pre-treatment and post-treatment indicators (p<0.034). Cardiac function was assessed by the 6-minute walk test, which was 393.9±36.73 meters before treatment, or grade II, but improved to 456.83±48.6 meters after treatment, or grade I (p<0.000). Conclusions: 1. People diagnosed with ischemic heart disease have shown statistically significant results when given the traditional medicine Heart Agar-8 and Zandan-3 in combination with clinical trials. 2. The study participants experienced statistically significant improvements in mobility, usual activities, pain, and depression, improved quality of life, and increased functional status in coronary heart disease.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1226
Эшлэл
Болор (Bolor), Насандалай (Nasandalai), Т.Алимаа. Зүрхний хий хатгалга өвчинд (TMK00.2) уламжлалт анагаах ухааны зарим эм хэрэглэсэн эмнэлзүйн судалгаа. Эрүүл мэндийн шинжлэх ухаан. 2025;21(4):117-121.