Loading...
Нүдний эвэрлэг бүрхүүлийн морфометрийн зарим үзүүлэлтийг насанд хүрсэн Монгол хүнд судалсан нь
Зохиогч
Х.Баярмаа
Л.Баярмагнай
П.Баясгалан
Д.Уранчимэг
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
56
End Page
61
ISSN
2959-6947
Хураангуй
Үндэслэл: Нүдний эвэрлэг бүрхүүлийн хамгийн дотор талын давхарга болох зургаан талт эндотель эсүүд нь эвэрлэг бүрхүүлийн тунгалаг чанарыг хадгалж, өөрөөрөө дамжуулан эвэрлэгийн үндсэн бодисыг тэжээх үүрэгтэй харааны чадалд шууд нөлөөлдөг өвөрмөц бүтэц юм. Судлаачдын тогтоосноор энэхүү эс нь нөхөн төлждөггүй бөгөөд нас ахих тусам тоо нь цөөрч, бүтцээ алдан өөрчлөгддөг байна. Эвэрлэг бүрхүүлийн зузаан, эндотель эсийн морфологи шинж чанар нь хүн бүрт харилцан адилгүй байдагт үндэслэн эвэрлэг бүрхүүлийн өвчнийг ялган оношлох, эвэрлэгийг шилжүүлэн суулгах, болор солих мэс засал хийх шийдвэр гаргахад эндотель эсийн лавламж хэмжээ чухал юм. Нүдний эвэрлэг бүрхүүлийн зузаан, эндотель эсийн тоо ширхэг, хэлбэр хэмжээг Монгол хүнд судалсан судалгааны ажил хомс байгаа нь бидний судалгааны ажил хийх үндэслэл боллоо. Зорилго: Нүдний эвэрлэг бүрхүүлийн зузаан, эндотель эсийн морфологи шинжийг насанд хүрсэн Монгол хүнд судлан тогтоох. Арга, аргачлал: Энэхүү судалгааг аналатик судалгааны агшны загвараар хийж гүйцэтгэсэн ба 20-79 насны 198 хүнийг санамсаргүй түүврийн аргаар сонгон нүдний бүрэн үзлэг хийж, нүдэнд хүрэлцдэггүй спекуляр микроскопоор эвэрлэг бүрхүүлийн зузаан, эндотель эсийн нягт, эсийн талбайн дундаж, эсийн хэмжил зүйн вариацийн коэффициент, зөв зургаан талт эндотель эсийн эзлэх хувийг тоон аргаар тодорхойлов. Бид АШУҮИС-ийн Судалгааны ёс зүйн хяналтын хорооноос зөвшөөрөл авч (Дугаар № 2024/3-06) таниулсан зөвшөөрлийн хуудсаар судалгаанд хамрагдагсдаас зөвшөөрөл авч судалгааг гүйцэтгэсэн. Үр дүн: Судалгаанд хамрагдагсдын дундаж нас 48.4±14.5 жил, үүнээс 48.9% (n=97) нь эрэгтэй, 51.1% (n=101) нь эмэгтэй хүмүүс байв. Эвэрлэг бүрхүүлийн төвийн хэсэгт эндотель эсийн нягт дунджаар 2857.14±291.49 эс/мм², эвэрлэг бүрхүүлийн төвийн зузаан 526.25±33.67 мкм, эсийн талбайн дундаж 335.11±37.82 мкм2, зөв зургаан талт эндотель эсийн эзлэх хувь 64.81±3.94%, эсийн хэмжил зүйн вариацийн коэффициент 0.31±0.04 байв. Нас ахих тусам эндотель эсийн нягт, зургаан талт эсийн эзлэх хувь статистикийн ач холбогдол бүхий буурч байсан бөгөөд эндотель эсийн талбайн дундаж, эсийн хэмжил зүйн вариацийн коэффициенттэй урвуу хамааралтай байв. (P=0.0001) Эвэрлэг бүрхүүлийн зузаан, эндотель эсийн морфометрийн үзүүлэлтүүдэд баруун зүүн нүд, хүйсийн хооронд статистик ялгаа ажиглагдсангүй. Насанд хүрсэн Монгол хүний эвэрлэг бүрхүүлийн дотор талын эндотель эсийн нягт жилд ойролцоогоор 0.3%-иар буурч байна. (r=0.2107, p<0.0001) Дүгнэлт: Насанд хүрсэн Монгол хүнд нүдний эвэрлэгийн төвийн зузаан дунджаар 526.25±33.67 мкм буюу бусад оронд хийгдсэн судалгааны үр дүнтэй ойролцоо, харин эндотель эсийн нягт харьцангуй их буюу 2857.14±291.49 эс/мм² байв. Нас ахих тусам эвэрлэг бүрхүүлийн төвийн хэсгийн эндотель эсийн нягт, зөв зургаан талт эсийн эзлэх хувь буурч, эсийн хэмжилзүйн вариацийн коэффициент, эсийн талбайн дундаж үзүүлэлт ихсэх зүй тогтолтой байна.
Background: The corneal endothelium, the innermost layer of the cornea, is composed of hexagonal cells that maintain corneal transparency and provide essential nutrients to the stroma. These cells play a critical role in preserving visual acuity. Previous studies have demonstrated that endothelial cells do not regenerate, and their density progressively declines with age, accompanied by morphological alterations. Given the individual variability in corneal thickness and endothelial morphology, establishing normative reference values is crucial for diagnosing corneal diseases, planning corneal transplantation, and optimizing surgical strategies for cataract surgery. However, there is a scarcity of data regarding central corneal thickness, endothelial cell density, and cell morphology among Mongolian adults. This knowledge gap provided the rationale for the present study. Aim: To study the central corneal thickness and endothelial cell morphology in Mongolian adults. Materials and Methods: This study was conducted using an analytical cross-sectional design. A total of 198 individuals aged 20 to 79 years were randomly selected, and comprehensive ophthalmic examinations were performed. Corneal parameters—including central corneal thickness, endothelial cell density, mean cell area, coefÏcient of variation of cell size, and the percentage of hexagonal cells—were quantitatively assessed using a non-contact specular microscope. Ethical approval was obtained from the Research Ethics Committee of the Mongolian National University of Medical Sciences (Approval No. 2024/3-06), and written informed consent was obtained from all participants prior to enrollment. Results: The mean age of the study participants was 48.4±14.5 years, with 48.9% (n=97) being male and 51.1% (n=101) female. In the central cornea, the mean endothelial cell density (ECD) was 2857.14±291.49 cells/mm², the mean central corneal thickness (CCT) was 526.25±33.67 µm, the mean cell area was 335.11±37.82 µm², the percentage of hexagonal cells was 64.81±3.94%, and the coefÏcient of variation (CV) in cell size was 0.31±0.04. With increasing age, both ECD and the percentage of hexagonal cells showed a statistically significant decline, while the mean cell area and CV demonstrated a significant inverse correlation (P=0.0001). No statistically significant differences were observed in corneal thickness or endothelial morphometric parameters between the right and left eyes or between sexes. Among the Mongolian adults, the endothelial cell density decreases by approximately 0.3% annually (r=0.2107, p<0.0001). Conclusions: 1. The mean central corneal thickness (CCT) in adult Mongolian individuals was 526.25±33.67 μm, which is comparable to reported averages from other populations. However, the mean endothelial cell density (ECD) was relatively higher, measured at 2857.14±291.49 cells/mm². 2. With advancing age, a progressive decline in central endothelial cell density and the proportion of hexagonal cells was observed, whereas the coefÏcient of variation (CV) in cell size and the mean cell area showed a corresponding increase.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1215
Эшлэл
Х.Баярмаа, Л.Баярмагнай, П.Баясгалан, Д.Уранчимэг. Нүдний эвэрлэг бүрхүүлийн морфометрийн зарим үзүүлэлтийг насанд хүрсэн Монгол хүнд судалсан нь. Эрүүл мэндийн шинжлэх ухаан. 2025;21(4):56-61.