Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 10 of 23
  • Some of the metrics are blocked by your 
    Item type:Publication,
    Тархины салаа судасны хатууралт эмгэгийн шалтгаант тархины цус тасалдах давтан харвалтын тохиолдол
    (2026-09-15)
    Ц.Байгалмаа
    ;
    Ж.Алтанхуяг
    ;
    Р.Ганбаатар
    ;
    Г.Байгалмаа
    ;
    Н.Лхамцоо
    Удиртгал: Тархины салаа судасны хатууралт эмгэгийн үед гүний нэвчигч артериуд, үүнд, arteriae lenticulostriatae судасны хатуурлын улмаас нарийсах эсвэл бөглөрснөөр тархины цус тасалдах харвалтaд хүргэдэг. Тус эмгэг нь эмнэлзүй, дүрс оношлогоогоор илрэх судасны илрэл, тархины шигдээсийн морфологи зэргээр тархины том судасны бөглөрөлт эмгэг болон жижиг судасны эмгэгээс илэрхий ялгагдахын зэрэгцээ эмнэлзүй богино хугацаанд даамжран хөдөлмөрийн чадвар хүнд зэргээр алдагдахын зэрэгцээ давтан тархины цус тасалдах дайрлага болон тархины цус тасалдах харвалт болдог онцлогтой. Иймд тархины салаа судасны хатууралт эмгэгийг эрт үед нь илрүүлэн дээр дурдсан хүндрэлүүдийн урьдчилан сэргийлэлт, эмчилгээний зарчмыг оновчтой тодорхойлох нь чухал юм. Эмнэлзүйн тохиолдлын танилцуулга: 34 настай эрэгтэй 07 сарын зайтай тархины цус тасалдах харвалт, баруун тархины дунд артерийн М1 хэсгийн нарийслын шалтгаант, артерийн гипертензи, зүрхний механик хавхлага оношоор Улсын гуравдугаар төв эмнэлэгт 2 удаа хэвтэж, хэвтэх бүртээ бүлэн уусгах эмчилгээ хийлгэсэн болно. Дүгнэлт: ТССХЭ-ийн оношлогоог оновчтой хийх нь цаашдын эмчилгээ болон хоёрдогч урьдчилан сэргийлэлтийг төлөвлөхөд чухал юм.
  • Some of the metrics are blocked by your 
    Item type:Publication,
    Пaрри-Ромбергийн хам шинжийн шугаман склеродермтэй хавсарсан тохиолдол
    (2026-09-15)
    Г.Отгонбаяр
    ;
    Б.Түвшинжаргал
    ;
    Н.Лхамцоо
    Парри-Ромбергийн хам шинж нь тодорхойгүй шалтгаанаар нүүрний нэг талыг хамардаг, мэдрэл-арьс, гавал-нүүрний эмгэг бол хэсэг газрын склеродермын дэд хэв шинж болох шугаман склеродерм (англиар Mophea en coup de sabre) нь арьс, арьсан дорх эдэд коллаген хэт хуралдсаны улмаас үүссэн арьсны зузаарал-хатуурал юм. 2 эмгэг хоёулаа ховор боловч ч цөөн тохиолдолд хавсран тохиолддог. Бид анх нүүрний зүүн талаас эхэлсэн боловч олон жилийн турш аажим даамжирсаар сүүлийн жилүүдэд баруун талыг хамарсан нүүр, хэлний хатангирал дээр үндэслэн шугаман склеродермтэй хавсарсан ПарриРомбергийн хам шинж гэсэн онош тавьж дархлаа дарангуйлах эмчилгээ хийгдэж байгаа тохиолдлыг танилцуулж байна. Эмнэлзүйн тохиолдол танилцуулга: 30 гаруй насны эмэгтэйд нүүрний зүүн талын дух, зулай орчмоос эхэлж олон жилийн турш аажим даамжирсан зөөлөн эдийн хатангирал, нүүрний тэгш хэмийн алдагдал, зүүн талын духны өвдөлт илэрсэн. Өвчний явцад хатангирал хацар, доод эрүү болон хэлний зүүн талд тархсан. Эмнэлзүйн болон дүрс оношилгооны олдворуудад үндэслэн шугаман склеродермтэй хавсарсан Парри-Ромбергийн хам шинж оношилж, дархлаа дарангуйлах эмчилгээ эхлүүлэн хяналтад авсан. Дүгнэлт: Парри-Ромбергийн хам шинж нь нүүрний арьс, арьсан дорх эд, булчин, яс болон мэдрэлийн тогтолцоог хамарч болох аажим даамжрах ховор эмгэг бөгөөд шугаман склеродермтэй хавсрах үед эмнэлзүйн илрэл илүү өргөн хүрээтэй байж болно. Нүүрний нэг талын даамжрах хатангирал бүхий өвчтөнд мэдрэлийн нарийвчилсан үзлэг, дүрс оношилгоо болон мэдрэл-булчингийн цахилгаан бичлэгийг хавсарган үнэлэх нь оношилгоо, цаашдын эмчилгээний тактикийг тодорхойлоход чухал ач холбогдолтой.
  • Some of the metrics are blocked by your 
    Item type:Publication,
    Бөөмсийн дээрх даамжрах саагийн ховор тохиолдол
    (2026-09-15)
    Б.Сайнбилэг
    ;
    Э.Бямбацэцэг
    ;
    Д.Лхагвасүрэн
    ;
    Н.Лхамцоо
    Удиртгал: Мэдрэлийн сөнөрөлт ховор эмгэг болох бөөмсийн дээрх даамжрах саа (БДДС)-ийн үед харцны саа, их биеийн тэнцвэргүйдэл, танин мэдэхүйн алдагдал голлон илэрдэг. Тус эмгэгийн тархалтыг оношилгооны хүртээмж болон чанар сайжирвал одоогийнхоос өндөр байх магадлалтай хэмээн үздэг. Эмнэлзүйн хувьд олон шинжээр илэрдэг тул оношийг бүрэн тогтооход дунджаар 7.8 жил шаардагддаг байна. БДДС-г эмгэг судлалын шинжилгээгээр төгс оношлох ч өвчтөний амьд ахуйд эмнэлзүйн оношилгооны шалгуурыг ашиглан оношийг тавих боломжтой. Сүүлийн үеийн судалгаанууд тархины дүрс оношилгоо, үүнд, соронзон резонанст томографи нь тус эмгэгийн эрт оношилгоонд ач холбогдолтой болохыг харуулсан. Эмнэлзүйн тохиолдлын танилцуулга: Сүүлийн хэдэн жилийн турш шалтгаангүй тэнцвэр алдах, улмаар бүдэрч унаад байсан өгүүлэмжтэй, Паркинсоны өвчинтэй андуурагдсан 60 гаруй настай эрэгтэй өвчтөний тохиолдлыг бид танилцуулж байна. Өвчтөний тэнцвэргүйдэл даамжирсаар дахин дахин унах хандлагатай болж, аажмаар улам дордсоор бие даан алхаж чадахгүй болсон. Түүнчлэн танин мэдэхүйн буурлын шинжүүд хавсран илэрч байсан. Нарийвчилсан үзлэг, тархины дүрс оношилгоо БДДС онош тавихад хүргэсэн. Дүгнэлт: БДДС нь эмнэлзүйн ур чадварыг шаарддаг тул эмч нар тус эмгэгийг эрт илрүүлэхэд ойлголт сайн байх хэрэгтэй. Тавилан муутай буюу эмчилгээ хараахан нээгдээгүй эмгэг болох БДДС-г эрт оношлох нь 2-гч хүндрэлээс урьдчилан сэргийлэх, өвчтөн болон түүний гэр бүлийн амьдралын чанарыг сайжруулахад хувь нэмэр оруулах учиртай. Энэхүү өгүүллэг нь БДДС-ийн үед хийгдэх эмнэлзүйн ялангуяа нүдний үзлэг болон дүрс оношилгооны ач холбогдлыг онцлохыг зорилоо.
  • Some of the metrics are blocked by your 
    Item type:Publication,
    Гүрээний артерийн стентийн дараах хүнд зэргийн давтан нарийслын тохиолдол
    (2026-09-15)
    М.Гантуяа
    ;
    Р.Ганбаатар
    ;
    Ч.Мөнх-Ялалт
    ;
    С.Дэмбэрэлдорж
    ;
    Г.Байгалмаа
    Удиртгал: Гүрээний артерийн өндөр зэрэг (≥70%)-ийн нарийсал оношлогдсон тохиолдолд гүрээний артерид стент суулгалт (ГАСС) (англиар Carotid artery stenting) эмчилгээг сонгон хийх явдал улам нэмэгдсээр байгаа бөгөөд тус эмчилгээний дараа гарч болзошгүй хоёрдогч хүндрэлүүдээс сэргийлэх шаардлага тулгарч байна. ГАССын дараах стентийн доторх давтан нарийсал (СДДН) нь урт хугацааны хяналтын явцад тулгардаг үндсэн хүндрэл юм. Бид энэхүү эмнэлзүйн тохиолдлоор СДДН-ын үүсэх эрсдэлт хүчин зүйлс, эмгэг жам, оношлогоо, эмчилгээ болон хяналтыг хөндсөн болно. Эмнэлзүйн тохиолодол: Бид 70 настай, эрэгтэй гүрээний артерид стент суулгаснаас хойш 1.8 жилийн дотор дахин хүнд зэргийн стентийн доторх давтан нарийсал үүссэн тохиолдлыг танилцуулж байна. Дүгнэлт: Стент доторх давтан нарийслын эрт илрүүлэлт, тогтмол хяналт болон тамхидалтыг зогсоох нь давтан харвалтаас сэргийлэхэд чухал ач холбогдолтой.
  • Some of the metrics are blocked by your 
    Item type:Publication,
    Тархмал хатууралтай өвчтөнүүдийн тархины эзлэхүүнийг соронзон резонанст томографын шинжилгээгээр тодорхойлсон дүн
    (2026-09-15)
    Б.Халиун
    ;
    М. Энхтуяа
    ;
    М.Жанар
    ;
    Г.Урантөгс
    ;
    Н.Лхамцоо
    Үндэслэл: Тархмал хатуурал (ТХ) нь төв мэдрэлийн тогтолцоог гэмтээдэг архаг үрэвсэлт, сөнөрөлт эмгэг ба гэмтлийн бус шалтгаант хөдөлмөрийн чадвар алдалтад хүргэдэг эмгэгт тооцогддог, ихэвчлэн 20–40 насны, эмэгтэйчүүдэд 2–3 дахин өндөр тохиолддог байна. Дэлхий даяар ТХ-ын тархалт нэмэгдэж байгаа бөгөөд Монгол хүнд тохиолдож буй ТХ-ын соронзон резонанст томографын (СРТ) дүрслэл болон ТХын үеийн СРТ эзлэхүүнийг үнэлсэн судалгааны ажил хязгаарлагдмал байгаа нь уг судалгааг хийх үндэслэл болсон. Зорилго: Тархмал хатууралтай өвчтөнүүдийн тархины эзлэхүүнийг соронзон резонанст томографын шинжилгээгээр үнэлэх. Арга, аргачлал: Судалгааг тоон судалгааны арга, аналитик судалгааны тохиолдол хяналтын загвараар 2020–2023 оны хугацаанд УГТЭ-н Мэдрэл, мэдрэлийн мэс заслын төвд ТХ оношлогдсон нийт 59 өвчтөнийг хамруулах болон хасах шалгуурт үндэслэн 50 өвчтөний СРТ шинжилгээг хяналтын бүлгийн (ХБ) 50 үйлчлүүлэгчдийн СРТ шинжилгээтэй харьцуулсан. Үр дүн: Судалгаанд ТХ оношлогдсон 23–65 насны 50 өвчтөн хамрагдсан бөгөөд 8 (16%) нь эрэгтэй, 42 (84%) нь эмэгтэй байв. Судалгаанд хамрагдагсдын дундаж нас 45.5±11.8 жил, өвчин үргэлжилсэн хугацаа 7.0±6.4 жил байлаа. ТХ-ын бүлгийг хяналтын бүлэгтэй харьцуулахад нийт бор бодисын эзлэхүүн (p=0.002), гадрын бор бодисын эзлэхүүн (p<0.001), гадрын доорх бор бодисын эзлэхүүн (p=0.006) болон их тархины эзлэхүүн (p=0.02) статистикийн ач холбогдолтойгоор буурсан байна. Мөн гадрын доорх бор бодисын бүтцүүдээс таламус (p=0.001), сүүлт бөөм (p=0.009), хуягт бөөм (p=0.008), зэргэлдээх бөөм (p<0.001)ийн эзлэхүүнүүд мөн статистикийн ач холбогдолтойгоор буурсан байв. Тархины дэлбэнгүүдээс чамархайн (p=0.006) болон дагзны (p<0.001) дэлбэнгийн эзлэхүүн ТХ-ын бүлэгт хяналтын бүлгээс бага байлаа. Өвчин үргэлжилсэн хугацаа нь нийт бор бодисын эзлэхүүнтэй (r= −0.30, p<0.02), таламусын эзлэхүүнтэй (r= −0.28, p<0.04) сул урвуу хамааралтай байсан бол дагзны дэлбэнгийн эзлэхүүнтэй дунд зэргийн урвуу хамааралтай байв (r= −0.43, p<0.002). Мөн өвчин үргэлжилсэн хугацаа нь нугасны байрлалтай (p=0.01) болон бор бодисын эзлэхүүнтэй (p=0.04) статистик ач холбогдол бүхий ялгаатай, өвчний сэдрэлийн тоо нийт тархины эзлэхүүнтэй сул, урвуу хамааралтай (r= −0.28, p=0.046) байлаа. Дүгнэлт: Судалгаанд хамрагсдад ТХ-ын үед тархины эзлэхүүн бууралт нь тархины бор бодис, гүний бор бодис болон тархины чамархай, дагзны дэлбэнгүүдэд илүүтэй илэрсэн нь ТХ-ын үед миелингүйжилт болон тархины сөнөрөлт өөрчлөлт зэрэгцэн явагдаж байгааг харуулж байна.
  • Some of the metrics are blocked by your 
    Item type:Publication,
    Тархины эдийн цус харвалтыг хот болон орон нутгийн үйлчлүүлэгчдэд харьцуулсан дүн
    (2026-03-30)
    С.Дэмбэрэлдорж
    ;
    П.Баярмаа
    ;
    ;
    Shin-Joe Yeh
    ;
    Н.Лхамцоо
    Үндэслэл: Тархины эдийн цус харвалт (ТЭЦХ) нь нас баралт, урт хугацааны хөдөлмөрийн чадвар алдалтад хүргэдэг тул тусламж үйлчилгээг цаг алдалгүй авахыг шаарддаг эмгэг юм. Зорилго: ТЭЦХын улмаас хотын болон орон нутгаас тээвэрлэгдэн ирсэн хэвтэн эмчлүүлэгчдийн эмнэлзүйн шинжүүдийг харьцуулан судлах. Арга, аргачлал: Судалгааг Улсын гуравдугаар төв эмнэлэгт ТЭЦХ оношоор 2022-2024 оны хооронд хэвтэж эмчлүүлсэн тохиолдлуудад аналитик нэг агшингийн загвараар хийж, статистик боловсруулалтыг “SPSS27.0” программыг ашиглан гүйцэтгэв. Үр дүн: Судалгаанд УГТЭ-т 2022-2024 оны хооронд тархины компьютерт томографи (КТ)-иар ТЭЦХ батлагдсанаас хойш 10 хоногийн доторх нийт 373 тохиолдол, үүнээс Улаанбаатар хотын 313, орон нутгаас тээвэрлэгдэн ирсэн 60 тохиолдлыг хамруулсан. Хотын бүлэгтэй харьцуулахад орон нутгийн бүлгийн эрэгтэйчүүд цөөн (45.0% vs 59.7%, p=0.034) байж, артерийн гипертензийн өгүүлэмж давамгайлсан (98.3% vs 90.1%, p=0.041), эмнэлэгт хэвтэх үед артерийн даралт бага (систолын даралт 159.7±34.7 мм.муб vs 179.0±32.9 мм муб, p<0.001; диастолын даралт 99.7±21.4 мм.муб vs 106.5±21.8 мм муб, p=0.026) байсан. Орон нутгийн бүлгийн тохиолдлууд хотын бүлэгтэй харьцуулбал эмнэлзүйн шинж илэрч эхэлснээс тус эмнэлэгт хэвтсэн хугацаа урт (12.1±17.9 цаг vs. 4.2±4.3 цаг, p=0.001) байсан. Олон хүчин зүйлсийн регрессийн шинжилгээгээр тооцоолон үзэхэд цусан хурааны эзлэхүүн (adjusted odds ratio [aOR] 0.92, p=0.047) болон эмнэлэгт хэвтэх үеийн ҮЭМХХҮ оноо (aOR 0.67, p<0.001) бага байх тусам тавилан сайн байх нь тогтоогдсон бол 03 сарын дараах нас баралт multivariate regression загвараар тооцоолж үзэхэд эмнэлэгт хэвтэх үеийн зөвхөн ҮЭМХХҮ оноо нь нас баралттай шууд хамааралтай цор ганц эрсдэлт хүчин зүйл байсан (aOR 1.14, p=0.005). Эсрэгээр нас баралт нь эмнэлэгт хэвтэх хугацаа болон орон нутгийн харьяаллаас хамааралгүй байсан. Дүгнэлт: ТЭЦХ-тай орон нутгаас тээвэрлэгдэн ирсэн эмчлүүлэгчдийн эмнэлзүйн үзүүлэлтүүд хотын эмчлүүлэгсдийнхээс ялгаагүй байна (AOR≈1, 95% CI: 1-ийг агуулсан, p>0.05).
  • Some of the metrics are blocked by your 
    Item type:Publication,
    Тархины эдийн цус харвалтаар илэрсэн хэвийн төрөлтийн дараах жирэмсний хориокарциномын ховор тохиолдол
    (2026-02-03)
    М.Нандинбаяр
    ;
    С.Дэмбэрэлдорж
    ;
    Г.Байгалмаа
    ;
    Б.Отгонбаяр
    ;
    Н.Лхамцоо
    Удиртгал: Хэвийн төрөлтийн дараах жирэмсний хориокарцином нь маш ховор тохиолддог ба ихсийн дотор үүсч үсэрхийлэл өгдөг гэж үздэг тул бараг оношлогддоггүй байна. Эмнэлзүйн тохиолдлын танилцуулга: 34 настай эмэгтэй таталт өгч комын байдалтай тус эмнэлэгт хэвтсэн. Тархины компьютерт томографиар баруун зулайд цусан хураа, цээжний компьютерт томографиар баруун уушгины оройд хавдрын үсэрхийлэл тодорхойлогдсон. 04 сарын өмнө жирэмсний 39 долоо хоногтойдоо эсэн мэнд эрүүл хүүхэд төрүүлсэн өгүүлэмжтэй байсан. Хэдий эрчимт эмчилгээ хийсэн боловч өвчтөн 01 хоногийн дараа нас барсан. Задлан шинжилгээгээр жирэмсний хориокарцином оношлогдсон. Дүгнэлт: Нөхөн үржих насны эмэгтэйчүүдэд шалтгааныг өөрөөр тайлбарлах боломжгүй тархины эдийн цус харвалт болсон тохиолдолд жирэмсний хориокарциномыг тооцох зүйтэй.
  • Some of the metrics are blocked by your 
    Item type:Publication,
    Төв мэдрэлийн тогтолцооны анхдагч лимфомын ховор тохиолдол
    (2026-02-03)
    М.Нандинбаяр
    ;
    С.Лхагвасүрэн
    ;
    Б.Отгонбаяр
    ;
    Ц.Алтанцэцэг
    ;
    Н.Лхамцоо
    Удиртгал: Төв мэдрэлийн тогтолцооны анхдагч лимфом (ТМТАЛ) нь тархи, нугас, тархины бүрхүүл болон нүдийг хамардаг том эст В эсийн лимфомын ховор хэлбэр юм. Эмнэлзүйн тохиолдлын танилцуулга: 52 настай, эрэгтэй тэнцвэр алданa, босож алхаж чадахгүй сөхөрч унана, дотор муухайрна, 2 хөл сул, хөлийн эрээн булчин татна, халуурна гэсэн зовуурьтай. Өгүүлэмжинд 18 сарын өмнөөс харааны өөрчлөлтүүд, шээс хаагдалт, 2 хөлийн сулрал даамжирч, тасралтгүй халуурсан тул тархины болон бүтэн нурууны СРТ давтан хийлгэн тархи-тархины бүрхүүлнугасны үрэвсэл оношоор хэвтэн 4 удаагийн стероид эмчилгээ хийлгэхэд түр зуур сайжирсан ч эмнэлзүйн шинжүүд тасралтгүй даамжирсан. Тасралтгүй халуурч байсан тул тархины эдийн шинжилгээнд хамрагдаж чадаагүй. Өвчний түүх, эмнэлзүй, тархи нугасны давтан дүрс оношилгоо, тархины нугасны шингэний шинжилгээ, эмчилгээг эмнэлзүйтэй уялдуулан ТМТАЛ байх магадлалтай гэж үзсэн тохиолдлыг танилцуулж байна. Тархи нугасны дүрс оношилгоог цаг алдалгүй хийж зөв оношлох нь цаашдын тавиланд эерэг үр дүнтэй.
  • Some of the metrics are blocked by your 
    Item type:Publication,
    Тархины эдийн цус харвалтаар илэрсэн гэр бүлийн тархины каверномын ховор тохиолдол
    (2026-02-03)
    С.Дэмбэрэлдорж
    ;
    С.Дунгар-Яйчил
    ;
    Г.Үүрцайх
    ;
    Б.Отгонбаяр
    ;
    Ц.Алтанцэцэг
    Удиртгал: Гэр бүлийн тархины каверном (ГБТК) нь аутосом-доминант хэв шинжээр удамшдаг тархины судасны гажиг ба эмнэлзүйн олон хэлбэртэй тул зөвхөн өвөрмөгц шинж тархины соронзон резонанст томографи (СРТ)-иар оношлогддог. Эмнэлзүйн тохиолдлын танилцуулга: Артерийн гипертензитэй 48 настай эмэгтэй баруун гар хөл бадайрч, мэдээгүй мэт оргиж, толгой өвдөж, дотор муухайрч, бөөлжсөн зовуураар Улсын Гуравдугаар төв эмнэлгийн Харвалтын тасагт хэвтсэн. Хийгдсэн тархины СРТ-ийн Т1 болон Т2 дарааллуудад тархины майхнаас дээш болон доош эдэд голдоо цайвар болон бараан холимог нягтрал бүхий олон тооны голомт бүхий “Эрдэнэ шишийн шинж” (англиар Popcorn appearance), SWI дараалалд голомтын жинхэнэ хэмжээнээс илүү өргөн нягтрал буурсан захалсан хүрээ бүхий “Хоосролтын шинж” (англиар Blooming effect) гэсэн зөвхөн ГБТКийн үед илэрдэг 2 өвөрмөгц шинж илэрсэн. Дүгнэлт: ГБТК-ын үед олон мэргэжилтний багийн тусламж шаардлагатай ба эмнэлзүйн шинж тэмдэг илэрсэн тохиолдолд эмчилгээний алтан стандарт нь мэс засал ба удамшлын эсвэл олдмол шалтгааныг тодорхойлох нь эмчилгээний сонголтыг шийдвэрлэх үндэс юм.
  • Some of the metrics are blocked by your 
    Item type:Publication,
    Эмнэлгийн үйлчлэгч нарын дунд бугуйн сувгийн хам шинжийн эрсдэлт хүчин зүйлсийг судалсан үр дүн
    (2026-02-03)
    О.Дуламцо
    ;
    Ж.Мөнхсайхан
    ;
    Т.Халиунаа
    ;
    М.Оюунчимэг
    ;
    Н.Лхамцоо
    Үндэслэл: Бугуйн сувгийн хам шинж (БСХШ) нь бугуйн сувагт дунд мэдрэл дарагдсаны улмаас үүсдэг эмгэг бөгөөд хувь хүн, ажил мэргэжил, нийгэм эдийн засгийн хамааралтай гэж үздэг. Зорилго: Эмнэлгийн үйлчлэгч нарт БСХШ-ийн эрсдэлт хүчин зүйлсийг судлах. Арга, аргачлал: Судалгаанд Улсын гуравдугаар төв эмнэлгийн үйлчлэгч нар хамруулсан ба эмнэлзүйг Зовуурь-үзлэгийн үнэлгээгээр, зовуурийг Бугуйн сувгийн Бостоны асуумж (БСБА)-аар үнэлж, электрофизиологийн шинжилгээгээр оношийг баталгаажуулсан. Үнэлгээ тус бүрийг хөнгөн, дунд болон хүнд зэргээр хэмээн ангилсан. Судалгааг аналитик нэг агшингийн загвараар хийж, статистик боловсруулалтыг “SPSS-27.0” программыг ашиглан гүйцэтгэв. Үр дүн: Судалгаанд нийт 82 үйлчлэгч хамрагдсанаас 32 (39%) үйлчлэгчид БСХШ оношлогдсон нь статистик ач холбогдол бүхий хамааралтай байсан (р<0.001). БСХШ (+) бүлэгт нэг хүчин зүйлийн регрессийн шинжилгээгээр судлахад хавсарсан/архаг эмгэг (OR, 2.50 [95% CI, 1.02-6.16]), тамхи таталт (OR, 3.90 [95% CI, 1.12-13.57]), олон хүчин зүйлийн регрессийн шинжилгээгээр судлахад зөвхөн хавсарсан/архаг эмгэг (OR, 2.90 [95% CI, 1.03-8.16]) статистик ач холбогдолтой байв. Дүгнэлт: Эмнэлгийн үйлчлэгч нарт БСХШ үүсэхэд БЖИ, тамхи таталт болон хавсарсан/архаг эмгэг, чихрийн шижин нөлөөлдөг болох нь тодорхойлогдлоо.