АШУҮИС — Судалгааны мэдээлэл (CRIS)
Permanent URI for this communityhttps://library.mnums.edu.mn/handle/123456789/5001
Browse
16 results
Search Results
- Some of the metrics are blocked by yourconsent settings
Item type:Publication, Туршилтын амьтанд үүсгэсэн чихрийн шижин хэв шинж 2 эмгэгт Саппарин шахмал эмийн үзүүлсэн зарим үр дүн(2026-09-15) ;DA WA ;Б.Дэжидмаа ;Ч.Эрдэнэчимэг ;А.АнуЧ.ЧимэдрагчааҮндэслэл: Чихрийн шижин өвчин нь дотоод шүүрэл, тэжээлийн бодисын солилцооны өвчлөлийн 2020 онд 42.9 хувийг эзэлж, 10000 хүн амд 111.4 байгаа нь өнгөрсөн он (2019 онд 82.9)-оос 28.5%-иар нэмэгдсэн байна. Энэ нь чихрийн шижин өвчний тархалт хойшид улам нэмэгдэх хандлагатай байгааг харуулж байна. Монголын уламжлалт анагаах ухаанд Саппарин шахмал эмийг цусны эмгэг болон элэгний өвчнийг эмчлэхэд хэрэглэдэг. Энэхүү эм нь C. jubata, C. sappan, Z. ofÏcinale болон H.rhamnoides гэсэн дөрвөн үндсэн найрлагатай. Зорилго: Туршилтын харханд өндөр өөх тос бүхий хоол ба бага тунтай стрептозоциноор үүсгэсэн чихрийн шижингийн эмгэг загварын үед Саппарин эмийн үзүүлэх нөлөөг судлах. Арга, аргачлал: Бид Bailu Duan (2017) нарын аргаар 40 толгой вистар үүлдрийн харх ашиглан өндөр өөх тостой хоолыг 28 хоног өгсний дараа стрептозотоцин (35 мг/кг) хэвлийн хөндийд тарьж чихрийн шижин 2 хэв шинжийн эмгэг загвар үүсгэсэн. Стрептозотоциныг тарьснаас хойш 21 хоногийн турш Саппариныг 89 ба 178 мг/кг тунгаар диабет үүсгэсэн харханд амаар өгсөн.Туршилтын төгсгөлд Инсулин, GLUT4, SOD, GLP1 хэмжээг 14 ба 21 хоногийн дараа ELISA аргаар үйлдвэрлэгчийн протоколын дагуу тодорхойлсон. Үр дүн: Өлөн үеийн глюкозын хэмжээнд 14, 21 хоногийн дараа судалгааны бүлэг болох Саппарины 89 мг/кг тунд 33%, 178 мг/ кг тунд 22.5%-иар хяналттай харьцуулахад буурсан нь тогтоогдсон (p=0.05). Глюкозын ачаалалтай сорилд Саппаринаар эмчилсэн бүлгийн 89 мг/кг тунд эмгэг хяналттай харьцуулахад эхний хэмжилтээр глюкоз 31% нэмэгдсэн бол 30, минутад 10%, 120 минутад 30%-иар буурсан байна (p=0.04). Цусан дахь инсулиний хэмжээнд Саппарин эмийн 89 мг/кг тунд инсулин нь 14 дэх хоногт 20%, 21 дэх хоногт 19.8%-иар эмгэг хяналттай харьцуулахад багассан бол 178 мг/кг тунгийн бүлэгт 15 ба 20%-иар бууруулсан нь эрүүл хяналттай ойролцоо байна (p=0.05). Харин Саппарины 89 ба178 мг/кг тунгаар эмчилсэн бүлэгт HOMA-IR нь хугацаанаас хамааралтай 42-46%-иар буурсан нь статистикийн хувьд магадлал илэрсэн байна (p=0.05). Дүгнэлт: Харханд үүсгэсэн чихрийн хэв шинж 2 эмгэг загварын үед Саппарин эм нь глюкозын хэмжээ бууруулах, инсулиныг багасгах, инсулин тэсвэржилт буюу HOMA-IR багасгах, өөх тосны солилцоонд эерэг нөлөөтэй байна. - Some of the metrics are blocked by yourconsent settings
Item type:Publication, Туршилтын амьтанд өдөөсөн архаг сульдлын эмгэг загварт Иммунофлю эмийн үрэвслийн цитокинд үзүүлсэн зарим үр дүн(2026-05-22) ;Б.Анхбаяр ;Б.Дэжидмаа ;Ч.Эрдэнэчимэг ;А.АнуЧ.ЧимэдрагчааҮндэслэл: Архаг сульдлын хам шинж (CFS) нь анагаах ухаанд одоогоор бүрэн тайлбарлагдаагүй эмгэг ба шалтгаан тодорхойгүй, эмнэлзүйд бие сульдаж ядрах, бага зэрэг халуурах, булчингаар өвдөх, толгой эргэх, сэтгэл санаа хямрах, мартамхай болох, нойр сэргэг болох зэрэг шинжээр илэрдэг эмгэг юм. Шинж тэмдгүүд нь бие махбод, оюун санааны ачааллын үед улам дорддог боловч амрах үед бүрэн сайжирдаггүй ба одоогоор анагаах ухаанд архаг сульдлыг эмчлэх үр дүнтэй батлагдсан эмчилгээ дутагдалтай байна. Иймээс бид Мана-4 танд ордог найрлагуудаас бүрдсэн Иммунофлю уусдаг мөхлөгийг гаргаж авсан бөгөөд уг эмийн архаг сульдлын эсрэг үйлдлийн судалгаа хийгдээгүй байгаа нь уг судалгааг хийх үндэслэл боллоо. Зорилго: Мана-4 тангаас технологийн шинэчлэл хийн гарган авсан Иммунофлю эмийн архаг сульдлын үед үзүүлэх нөлөөг судлан тогтоох. Арга, аргачлал: Бид Бид Jia Wang, Chengxin Sun (2013) нарын аргаар архаг сульдалын эмгэг загвар үүсгэн сийвэнгийн IL-1β, IL-2, IL-5, IL-10, IL-17a цитокины хэмжээг ELISA аргаар, цөхрөлийн төлөвийг “Албадан сэлэлтийн сорил” (Forced swim test) сорилоор үнэлэн Иммунофлю эмийн үзүүлэх нөлөөг судлан тогтоосон. Үр дүн: Бид архаг сульдлын эмгэг загварт Иммунофлю эмийг хэрхэн нөлөөлж буйг 100, 200, 400 мг/кг тунд сийвэнгийн интерлейкин (IL) IL-1β, IL-2, IL-5, IL-10, IL-17a цитокины хэмжээ, “Албадан сэлэлтийн сорил” (Forced swim test) сорилоор цөхрөлийн төлөвийг үнэлсэн. Харханд албадан сэлэлтээр өдөөсөн архаг сульдалын эмгэг загварт сийвэнгийн IL2 үзүүлэлтэд Иммунофлю эмийн бүлгийг эмгэг хяналтын бүлэгтэй харьцуулахад 100 мг/кг тундаа 23.8%иар, Иммунал 50 мг/кг тундаа 23.3%-иар тус тус статистик магадлалтай нэмэгдүүлсэн(p<0.05). Мөн IL17a цитокины хэмжээнд Иммунофлю эмийн бүлгийг эмгэг хяналтын бүлэгтэй харьцуулахад 200 мг/кг тундаа 23.7%-иар бууруулсан байна. Албадан сэлэлтийн сорил (Forced swim test) -оор амьтны хөвөх төлвийг үнэлэхэд Иммунал 50 мг/кг (52.03±9.3 сек) тунгаар өгсөн бүлгийг эмгэг хяналтын бүлэгтэй харьцуулахад 31.6%-иар (*p=0.038), Иммунофлю 100 мг/кг (49.19±8.54 сек) тунгаар өгсөн бүлэг 35.3%-иар (*p=0.01) тус тус бууруулсан бол бусад бүлэгт статистик магадлал бүхий ялгаа илрээгүй. Дүгнэлт: 1. Архаг сульдалын эмгэг загварын үеийн сийвэнгийн цитокины хөдлөл зүйд IL2 хэмжээнд Иммунофлю эм 100 мг/кг тундаа 23.8%-иар нэмэгдүүлж дархлааг дэмжиж байна. Мөн IL17a цитокины хэмжээнд Иммунофлю уламжлалт эмийн 200 мг/кг тундаа 23.7%-иар бууруулж үрэвслийн эсрэг нөлөөтэй байна. 2. Албадан сэлэлтээр өдөөсөн архаг сульдалын эмгэг загварт Иммунофлю уламжлалт эм 100 мг/кг тундаа 35.3%-иар амьтны цөхрөл, сульдлыг бууруулж байна. - Some of the metrics are blocked by yourconsent settings
Item type:Publication, Колсаурин сироп эмийн цочмог бронхит оноштой үйлчлүүлэгчдийн амьдралын чанарт үзүүлсэн нөлөө(2026-04-16) ;А.Ану ;Ч.Чимэдрагчаа ;Г.Цэвэлмаа ;Ц.ОлонбаярА.АлтантунгалагҮндэслэл: Амьсгалын тогтолцооны өвчин хүн амын өвчлөлийн тэргүүлэх 5 шалтгааны эхний байранд орсоор байгаа бөгөөд 2021 оны байдлаар 10 000 хүн ам тутамд 788.4 тохиолдол бүртгэгдсэн байна. Үүнээс цочмог бронхит 9.3 хувийг эзэлж байна. Олон улсад мөрдөж буй “Насанд хүрэгчдийн цочмог бронхит” өвчний оношилгоо эмчилгээний удирдамжид шинж тэмдэг 1-3 долоо хоногийн дараа аяндаа арилдаг ч амьдралын чанарыг бууруулдаг байна. Иймд Колсаурин сироп байгалийн гаралтай үр дүн сайтай, хор, гаж нөлөө багатай өвдөлт намдаах, үрэвслийн эсрэг үйлдэлтэй энэхүү шинэ эмийн эмнэлзүйн судалгааг хийж, эмнэлгийн практикт нэвтрүүлснээр эх орны үйлдвэрийн бүтээгдэхүүний нэр төрөл нэмэгдэн нийгэм, эдийн засгийн чухал ач холбогдолтой юм. Зорилго: Насанд хүрэгчдийн цочмог бронхит оношлогдсон хүмүүст Колсаурин сироп эмийг хэрэглэн амьдралын чанарт үзүүлэх нөлөөг судлах. Арга, аргачлал: Бид эмнэлзүйн II шатны судалгаа хий ёс зүйн зөвшөөрлийг ЭМЯ-ны Анагаах Ухааны Ёс зүйн Хяналтын Хорооны 2024 оны 05 сарын 27-ны өдрийн хурлаар (№24/049) хэлэлцэн судалгаа эхлүүлэх зөвшөөрөл авсан. СХНЭ-т хэвтэн эмчлүүлж буй цочмог бронхитоор өвчилсөн насанд хүрэгчид (n=97) хамрагдан таниулсан зөвшөөрлийн хуудсыг танилцуулан өөрийн сайн дурын зөвшөөрлийн дагуу судалгаанд оролцуулсан. Судалгааг санамсаргүй хяналтат эмнэлзүй (Randomized Clinical Trials)-н судалгааны харьцуулах хяналттай аргыг ашиглан давхар нууцлалтайгаар явуулсан. Амьдралын чанарыг үнэлэхдээ лейстерийн ханиалгыг үнэлэх асуумж (ханиалгатай холбоотой амьдралын чанарыг үнэлдэг 19 асуулт)-ыг аван үр дүнг тооцсон. Үр дүн: Лейстерийн ханиалгыг үнэлэх асуумжийн нийт оноонд стандарт эмчилгээтэй колсаурин сиропын бүлгийг эмчилгээний дараахыг өмнөхтэй харьцуулахад 49.0%-иар нэмэгдсэн (p<0.001). Үүнээс харахад стандарт эмчилгээтэй колсаурин сиропын бүлэг амьдралын чанар мэдэгдэхүйц сайжирсан байна. Энэхүү асуумж нь ханиалгатай холбоотой амьдралын чанарыг 3 чиглэлд (биеийн, сэтгэл зүйн, нийгмийн) үнэлдэг бөгөөд эмчилгээний өмнөх дундаж оноо нь бүх чиглэлд харьцангуй бага байсан нь оролцогчдын амьдралын чанар буурсан байсан. Харин биеийн чиглэлд колсаурин бүлэгт 57.0%-иар, сэтгэл зүйн чиглэлд 57.1%-иар, нийгмийн чиглэлд 38.2%-иар тус тус статистик ач холбогдолтой нэмэгдсэн (p<0.001). Энэ нь ханиалгын давтамж, хүндрэлийг бууруулах, зовуурь багассанаар өдөр тутмын үйл ажиллагаа хэвийн болох, стресс, ядаргаа, сэтгэл санааны сөрөг нөлөөг бууруулах, нийгмийн идэвх зэрэг амьдралын чанарыг сайжруулж байна. Дүгнэлт: Колсаурин сироп эмийн бүлэгт эмчилгээний өмнө ханиалгаснаар ажиллах чадвар хязгаарлагдаж, шөнө сэрдэг байсан бол, эмчилгээний дараа нь зовуурь эрс багасаж амьдралын чанар сайжирсан нь тогтоогдлоо. - Some of the metrics are blocked by yourconsent settings
Item type:Publication, Харханд албадан сэлэлтээр өдөөсөн архаг сульдалд Иммунофлю (Мана-4) эмийн үзүүлсэн нөлөө(2026-03-30) ;Б.Анхбаяр ;Б.Дэжидмаа ;Ч.Эрдэнэчимэг ;А.АнуЧ.ЧимэдрагчааҮндэслэл: Мана-4 танг уламжлалт анагаах ухааны эх сурвалжуудад халууныг боловсруулах, хижиг халуун, цайвар бор бадган, цусан хатгалгыг дарах үйлдэлтэй хэмээсэн байдаг. Ч.Чимэдрагчаа (2002) нар Мана-4 тангийн халуун боловсруулах, үрэвслийн эсрэг, дархлаа дэмжих үйлдэлтэй болохыг судлан тогтоожээ. Архаг сульдлын хам шинж нь эмнэлзүйд ядрах, халуурах, толгой өвдөх сэтгэл санаа хямрах, мартамхай болох, нойр сэргэг болох шинжээр ирдэг эмгэг юм. Сүүлийн үед нийгмийн хөгжлийг даган хүмүүсийн амьдралын хэмнэл, ажлын ачаалал нэмэгдэж бие, хэл, сэтгэлийн хямрал ихэссэнээс мэдрэл, дотоод шүүрлийн системийн үйл ажиллагаа алдагдах, хямрах, дархлааны чадамж доройтон улмаар архаг сульдлын хам шинжийн өвчлөл жилээс жилд нэмэгдсээр байгаа нь дэлхийн олон судлаачдын анхаарлыг их татаж байна. Гэвч тус эмгэгийн шалтгаан, өвчний хөгжлийн эмгэг жам бүрэн тодорхойгүй, эмчилгээний үр дүнтэй, тохиромжтой аргыг одоо хүртэл эрэлхийлсээр байна. Иймээс бид Мана-4 танд ордог найрлагуудаас бүрдсэн Иммунофлю уусдаг мөхлөгийг гаргаж авсан бөгөөд уг эмийн архаг сульдлын эсрэг үйлдлийн судалгаа хийгдээгүй байгаа нь уг судалгааг хийх үндэслэл боллоо. Зорилго: Уламжлалт анагаах ухаанд өргөн хэрэглэгддэг Мана-4 тангаас гарган авсан Иммунофлю эмийн архаг сульдлын эсрэг нөлөөг судлан тогтоох. Арга аргачлал: Бид Jia Wang (2013) нарын аргаар албадан сэлэлтээр өдөөсөн архаг сульдалын эмгэг загвар үүсгэн авир төрхийн үнэлгээ хийж хөдөлгөөний идэвх (open field test), айдас түгшүүр (elevated plus maze) зэрэг сорилуудаар Иммунофлю уламжлалт эмийн үзүүлэх нөлөөг судлан тогтоосон. Үр дүн: Бид архаг сульдлын эмгэг загварт Иммунофлю эмийг хэрхэн нөлөөлж буйг 100, 200, 400 мг/кг тунд авир төрхийн үнэлгээ хийж үнэлсэн. Задгай талбайн сорил (Open field test)-оор Иммунофлю бүлгийн амьтдыг эмгэг хяналтын бүлэгтэй харьцуулахад төвөөр дамжин гарсан тоонд аль ч тундаа статистик ялгаа илрээгүй (p>0.05). Харин босоо хөдөлгөөний идэвхийг Иммунал 50 мг/кг тунгаар өгсөн бүлгийг эмгэг хяналтын бүлэгтэй харьцуулахад 80.4%-иар (p=0.024), Иммунофлю 100 мг/кг тундаа 82.6%-иар (p=0.003), Иммунофлю 200 мг/кг тундаа 77.4%иар (p=0.035) статистик магадлалтай нэмэгдүүлсэн. Үүнээс харахад Иммунофлю эм 100, 200 мг/кг тундаа хөдөлгөөний идэвхийг нэмэгдүүлж байна. Амьтны сэтгэл түгшил, авир төрхийг үнэлдэг өргөгдсөн “Нэмэх” хэлбэрт замын сорилоор Иммунал 50 мг/кг тунгаар өгсөн бүлгийн амьтдыг эмгэг хяналтын бүлгийн амьтадтай харьцуулахад голын 10х10 талбайд байсан хугацаа 53.3%-иар (p=0.021), нээлттэй талбайд байсан хугацаа 61.4%-иар (p=0.032) тус тус статистик магадлалтай нэмэгдсэн. Мөн Иммунофлю бүлгийн амьтдыг эмгэг хяналтын бүлгийн амьтадтай харьцуулахад голын 10х10 талбайд гарсан тоо, байсан хугацаа, нээлттэй талбайд гарсан тоонд статистик ялгаа илрээгүй (p>0.05). Харин нээлттэй талбайд байсан хугацаанд Иммунофлю 200 мг/кг тундаа 60.6%-иар (p=0.026) нэмэгдүүлсэн байгаа нь айдас түгшүүрийг бууруулж байна. Дүгнэлт: Албадан сэлэлтээр өдөөсөн архаг сульдалын эмгэг загварт Иммунофлю эм 100, 200 мг/кг тундаа хөдөлгөөний идэвхийг 77.4-82.6%-иар нэмэгдүүлсэн. Айдас түгшүүрийг 200 мг/кг тундаа 60.6%-иар бууруулж, 100 мг/кг тундаа 35.3%-иар амьтны цөхрөл, сульдлыг бууруулж байна. - Some of the metrics are blocked by yourconsent settings
Item type:Publication, Анти-Импотенци-4 бэлдмэлийн биологийн идэвхт бодисын агууламж болон бэлгийн сулралын эмгэг загварт үзүүлсэн зарим үр дүн(2026-02-03) ;Б.Ширчинмаа ;Ч.Чимэдрагчаа ;А.Ану ;У.МядагбадамҮндэслэл: Уламжлалт анагаах ухааны эм найрлага, эмт бодис, амьтны гаралтай түүхий эдийг дэлхий дахинд ашигласаар ирсэн. Эрэгтэйчүүдийн бэлгийн сулрал, доройтолд уламжлалт жор найрлага судлагдсаар байгаа хэдий ч Анти-Импотенци-4 бэлдмэлийн биологийн идэвхт бодисын агууламж болон бэлгийн сулралын эмгэг загварт үзүүлэх нөлөөг судалсан ажил ховор байгаа энэхүү судалгааны үндэслэл боллоо. Зорилго: Анти-Импотенци-4 ургамал, амьтны гаралтай бэлдмэлд агуулагдах биологийн идэвхит бодис болон хэт исэлдэтийн эсрэг нөлөөг судлах. Арга, аргачлал: Туршилтад вистар үүлдвэрийн 58 эр хархыг эрүүл, хяналт, харьцуулах, туршилт гэсэн 6 бүлэгт хуваан Peng Zou (2019) нарын арга зүйн дагуу архаг стресс үүсгэв. Архаг стрессийг санамсаргүй байдлаар өдөрт 1 удаа 56 хоногийн турш үүсгэсэн. Судалгааны төгсгөлд хэт исэлдэлтийг фермент холбоот урвалаар тодорхойлов. Харин Анти-Импотенци-4 бэлдмэлийн метанолын ханданд агуулагдах найрлагыг тодорхойлохдоо хэт идэвхт шингэний хроматографи–масс спектрометрийн (UPLC-MS) эерэг ион болон сөрөг ионы горимын хроматограмм шинжилгээний аргыг хэрэглэсэн. Үр дүн: Архаг стрессээр үүсгэгдсэн бэлгийн сулралын эмгэг загварт ДНХ-ийн гэмтлийн 8-гидрокси-2′-дезоксигуанозин (8-OHdG)-ийн хэмжээг Анти-Импотенци-4 бэлдмэлийн 42 мг/кг, 84 мг/ кг, 210 мг/кг тундаа 13.3-32.5%-иар, МДА-ийн хэмжээнд эмчилгээний тундаа 7.9-23.7%-иар (p<0.05) бууруулсан байна. исэлдэлтийг хориглох фермент болох СОД-ийн хэмжээнд Анти-Импотенци-4 бэлдмэлийн 42 мг/кг тундаа 34.1%-иар, 84 мг/кг тундаа 38.1%-иар, 210 мг/кг тундаа 44.6%-иар тус тус (p<0.05) нэмэгдсэн. Харин Глютатионы хэмжээнд 37.0-55.4%-иар статистик үнэн магадлалтай ихэссэн байна. Биологийн идэвхит бодисын хувьд өндөр нарийвчлалт шингэний хроматографи– масс спектрометрийн эерэг ионы горимоор 6 төрлийн амин хүчил, флавоноид болон иридоидын ангилалд хамаарах нийт 10 төрлийн нэгдлийг таньж тодорхойлов. UPLC-MS-ийн сөрөг ионы горимын аргыг ашигласан шинжилгээгээр амин хүчил, нүүрс ус, органик хүчил, өөхний хүчил, флавоноид болон фенолт нэгдэл зэрэг нийт 18 төрлийн биологийн идэвхит бодисыг илрүүлсэн. Дүгнэлт: Анти-Импотенци-4 бэлдмэлийн метанолын ханданд амин хүчил, пурины уламжлал, нуклеозид, нүүрсус, органик болон өөхний хүчил, флавоноид, фенолт нэгдэл, иридоид зэрэг биологийн идэвхит бодисууд агуулагдаж байгааг илрүүлэв. Архаг стрессээр үүсгэгдсэн бэлгийн сулралд Анти-Импотенци-4 бэлдмэлийг хэрэглэхэд Супероксиддисмутаза, Глютатионыг нэмэгдүүлж, 8-гидрокси-2′-дезоксигуанозин, МДА-ыг бууруулж байгаа нь хэт исэлдэлтийн эсрэг нөлөөтэй байгааг тодорхойлогдов. - Some of the metrics are blocked by yourconsent settings
Item type:Publication, Туршилтын амьтанд цууны хүчлээр үүсгэсэн өвдөлтийн үед ache фермент, ltb4 медиаторт баданга хүдрийн заар (moschus moschiferus l)-ын үзүүлэх нөлөө(2020-01-01) ;Ч.Чимэдрагчаа ;Б.Дэжидмаа ;А.Ану ;Ц.МөнхтуулБ.ДагвацэрэнДЭМБ-аас гаргасан уриалгад уламжлалт анагаах ухаанд хэрэглэж буй эм тан, эмчилгээний аргуудыг нотолгоожуулах зайлшгүй шаардлагатай бөгөөд бид Монголын уламжлалт анагаах ухаанд түгээмэл хэрэглэж ирсэн эмийн түүхий эд болох Баданга хүдрийн заарын өвдөлт намдаах үйлдлийг судлан тодорхойлохыг зорилоо. Захын гаралтай өвдөлтийн эмгэг загварыг лабораторын цагаан хулганы хэвлийн хөндийд 1%-ийн цууны хүчлийн уусмалыг тарьж (0.1мл/10г) өвдөлт үүсгэн түүний гадаад илрэл болох “эвхрэлт”-ийн тоог 20 минутын турш тоолж үнэлэн, тархины эдийн LTB4 медиатор, сийвэнгийн AChE ферментийг ELISA аргаар тодорхойлсон. Хүдрийн заар 118 мг/кг тундаа 36%-аар (p<0.01), Хүдрийн заар 236 мг/кг тундаа 27.9%-аар (p<0.05), Хүдрийн заар 590 мг/ кг тундаа 41.2%-аар (p<0.01) өвдөлтийн хариу урвалын тоо бууруулсан. LTB4 медиаторын хэмжээнд хүдрийн заар 118 мг/кг тундаа 33.4%-аар (p<0.05), хүдрийн заар 236 мг/кг тундаа 22.1%-аар (p>0.05), хүдрийн заар 590 мг/кг 45.3%-аар (p<0.01) бууруулсан байна. Мөн AChE ферментийн хэмжээнд хүдрийн заар 118 мг/кг тунд 19.9%-аар (p<0.05), хүдрийн заар 590 мг/кг 17.8%-аар (p<0.05) нэмэгдүүлсэн байна. Баданга хүдрийн заар (Moschus moschiferus L) нь LTB4 медиаторын хэмжээг бууруулж өвдөлт намдаах, үрэвсэл дарах нөлөө үзүүлж байна. - Some of the metrics are blocked by yourconsent settings
Item type:Publication, Туршилтын амьтанд үүсгэсэн толгой өвдөлт (мигрень)-ийн эмгэг загварт Хурцын дээд–6 эмийн нөлөөг Азотын исэл, Кальцитонин ген-хэлхээт пептид, Эндотелинээр тооцсон дүн(2020-01-01) ;Г.Жаргалсайхан; ;Б.Энхжаргал ;Ц.МөнхтуулА.АнуДэлхий дахинд нийгэм болон эрүүл мэндийн ноцтой асуудал болж тулгарч байгаа эмгэгүүдийн нэг бол толгой өвдөлт /мигрень/ юм. Бид уламжлалт анагаах ухааны эмийн эмчилгээнд хэрэглэгддэг Хурцын дээд-6 эмийн толгой өвдөлт (мигрень)-ийн үед үзүүлэх нөлөөг судлахаар зорилоо. Туршилт судалгаанд 60 толгой вистар үүлдрийн хархыг хэвийн, эмгэг загварын хяналт, Хурцын дээд-6 (ХДЗ) эмийн 50мг/кг, 100мг/ кг, 150мг/кг тунгийн болон Ибупрофен 85мг/кг эмийн гэсэн 6 бүлэгт хуваасан. Туршилтын амьтанд арга зүйн дагуу эхний өдрөөс ХДЗ 50 мг/кг тунгаар, 100 мг/кг тунгаар, ХДЗ 150 мг/кг тунгаар, харьцуулах эм Ибупрофен 85 мг/кг тунгаар 10 хоногийн турш амаар уулгасан. Сүүлийн эм өгсөнөөс 1 цагийн дараа хэвийн бүлгээс бусад бүлэгт нитроглицерин (НТГ) 10 мг/кг тунгаар арьсан дор тарьж, эмгэг загварыг үүсгэсэн, 4 цагийн дараа унтуулгын дор цусыг авсан. Цусны сийвэнд Азотын исэл (Nitric oxide, NO), Эндотелин (Endothelin, ET), Кальцитонин ген-хэлхээт пептид (Calcitonin gene-related peptide, CGRP) тус бүрийн хэмжээг иммуносорбентын аргаар тодорхойллоо. Судалгааны ажлын үр дүнд ХДЗ эмийн бүлгүүд цусны сийвэнд NO болон CGRP хэмжээг (***p<0.001) статистик үнэн магадлалтай бууруулсан, харин ET хэмжээнд статистик үнэн магадлалтай ялгаа илрээгүй. Нитроглицеринээр үүсгэсэн толгой өвдөлт (мигрень)-ийн эмгэг загварт Хурцын дээд-6 эм судас идэвхит субстанциудыг бууруулах нөлөө үзүүлсэн. Иймд Хурц дээд-6 эмийг толгой өвдөлт (мигрень)-ийн үед эмийн эмчилгээнд хэрэглэх боломжтой гэж үзлээ. - Some of the metrics are blocked by yourconsent settings
Item type:Publication, Капсаицинаар үүсгэсэн бүдүүн гэдэсний үрэвслийн үеийн өвдөлтөнд хүдрийн заарын үзүүлсэн нөлөө(2020-01-01) ;Ч.Чимэдрагчаа ;Б.Дэжидмаа ;Ц.Мөнхтуул ;А.АнуБ.ДагвацэрэнХүдрийн заар (Moschus moschiferus L) нь гараг адын өвчин болон халуун дарах өвдөлт хатгалга намдаах, нян нядлах зорилгоор өргөн хэрэглэгдэж ирсэн. Капсаицинаар үүсгэсэн бүдүүн гэдэсний үрэвслийн үеийн өвдөлтөнд хүдрийн заарын үзүүлэх нөлөөг судлахаар зорилоо. Эмгэг загварыг (J.M. Laird 2001) нарын аргаар 10%-ийн 50 µl капсаицины уусмалыг туршилтын амьтны шулуун гэдсээр шахаж бүдүүн гэдэсний үрэвсэл үүсгэсэн. 15 минутын дараа тархины гипотламусын хэсгээс эд авч эндотелин болон TRPV1 рецепторыг тодорхойлсон. Эмгэг загварыг үүсгэхээс өмнө 4 хоногийн турш эрүүл болон хяналтын бүлэгт нэрмэл ус, харьцуулах бүлэгт морфин 2 мг/кг, туршилтын бүлэгт хүдрийн заарыг 118 мг/кг, 236 мг/кг, 590 мг/кг тунгаар амаар уулгасан. Үр дүнгээс үзэхэд хүдрийн заарын бүлгүүдийг хяналтын бүлэгтэй харьцуулахад TRPV1 рецептор нь 6162 хувь (p=0.001), Эндотелин-1 уургийн хэмжээг 18-24.1 хувь (p=0.01)-аар тус тус бууруулж байна. Үүнээс үзэхэд хүдрийн заар нь капсаицинээр үүсгэгдсэн цочмог үрэвсэл, өвдөлтийн үед TRPV1 рецептор ба эндотелин-1 уургийн хэмжээг бууруулах замаар үрэвсэл намдаах буюу өвдөлтийн бууруулах нөлөөтэй байна. - Some of the metrics are blocked by yourconsent settings
Item type:Publication, Касторын тосоор үүсгэсэн суулгалтын эмгэг загварт сибирь ерөндгөний үзүүлэх нөлөөг судалсан дүн(2024-11-07) ;Б.Энхнаран ;А.Ану ;Г.Мөнхзул ;Д.ОюунчимэгҮндэслэл: Дэлхийн хэмжээнд жил бүр 525000 хүн төрөл бүрийн шалтгаант суулгалт өвчний улмаас нас бардаг байна. Уламжлалт анагаах ухаанд суулгалтын үед Индра-4 жорыг гол ерөндөг болгон хэрэглэдэг бөгөөд түүний үндсэн найрлагын нэг нь Тэмээн хөх юм. Тэмээн хөхийг зарим эмч нар Сибирь ерөндгөнөөр орлуулан хэрэглэдэг байсан нь хараахан судлагдаагүй бөгөөд суулгалтад хэрхэн нөлөө үзүүлж буйг судлах шаардлагатай байгаа нь бидний судалгааны ажлын үндэслэл болж байна. Зорилго: Касторын тосоор үүсгэсэн гэдэсний цочмог үрэвслийн эмгэг загварт Сибирь ерөндгөний идээшмэлийн үзүүлэх нөлөөг тодорхойлох. Арга, аргачлал: Бид Hamidu Usman (2020) нарын аргыг ашиглан 180-220 грамм жинтэй Вистар үүлдрийн 40 хархыг эрүүл, хяналт, харьцуулах, Сибирь ерөндгөний идээшмэлийн гэсэн 4 бүлэгт хуваасан. Эрүүл хяналтын бүлгээс бусад бүлгийн амьтдад Касторын тосыг 10 мл/кг тунгаар зориулалтын зондоор өгч гэдэсний цочмог үрэвсэл үүсгэсэн бөгөөд 6 цагийн турш суулгалтын тоо, биохимийн шинжилгээ, ELISA аргаар PGE2, TNF-α түвшнийг тодорхойлон харьцуулав. Үр дүн: Туршилтын бүлгийн PGE2-ийн хэмжээг хяналтын бүлэг (76.24±3.60)тэй харьцуулахад Сибирь ерөндгөнө хэрэглэсэн бүлэг (60.74±0.0) 25.5%иар, Диарекс (72.92±7.81) 4.6%-иар тус тус бууруулав. Сибирь ерөндгөнө хэрэглэсэн бүлгийн үзүүлэлтүүдийг хяналтын бүлэгтэй харьцуулахад Калийн хэмжээг 16.1%-иар бууруулж, Хлорын хэмжээг 28%-иар нэмэгдүүлсэн байгаа нь тус тус тодорхойлогдлоо. Дүгнэлт: Сибирь ерөндгөнө нь туршилтын амьтанд үүсгэсэн гэдэсний цочмог үрэвслийн эмгэг загварын үеийн простагландин E2-ийн хэмжээг бууруулах замаар үрэвсэл дарж, электролит болон шингэний алдагдалдлаас урьдчилан сэргийлэх нөлөөтэй болох нь тогтоогдлоо. - Some of the metrics are blocked by yourconsent settings
Item type:Publication, Гэдэсний цочмог үрэвслийн эмгэг загварын үеийн гэдэсний бичил орчинд Индра-4 жорын үзүүлэх нөлөөг судалсан дүн(2024-05-13) ;Ө.Уянга ;А.Ану ;Г.Мөнхзул ;Б.УуганбаярС.ХишигжаргалҮндэслэл: Сүүлийн жилүүдэд гэдэсний бичил орчин буюу гэдэсний Гэдэсний микробиот микробиот нь анагаах ухааны салбарт эрдэмтэн судлаачдын анхаарлыг Касторын тос татсан чухал сэдэв болж байна. Цочмог суулгалтын эхэн үед гэдэсний Гэдэсний бичил биет бичил орчны тэнцвэрт байдал алдагдаж ашигтай бактерийн тоо буурч, Дисбактериоз эмгэг төрүүлэгч анаэроб бактери болох Proteobacteria (ихэвчлэн Е.Coli) болон Streptococcus-ын тоо ихэссэнээр гэдэсний дисбактериоз үүсдэг байна. Уламжлалт анагаах ухаанд хэрэглэгддэг ургамлын гаралтай эмийн гэдэсний бичил орчинд үзүүлэх нөлөөг хараахан судалж амжаагүй байгаа бөгөөд судлах шаардлагатай байгаа нь бидний судалгааны үндэслэл боллоо. Зорилго: Туршилтын амьтанд Касторын тосоор үүсгэсэн гэдэсний цочмог үрэвслийн эмгэг загварт уламжлалт анагаах ухаанд өргөн хэрэглэгддэг Индра-4 жорын гэдэсний микробиотод үзүүлэх нөлөөг судлах. Арга, аргачлал: Бид Hamidu Usman (2020) нарын арга зүйн дагуу туршилтад Вистар үүлдрийн 180-220 грамм жинтэй 20 толгой харх сонгон авч эрүүл, хяналт, харьцуулах, Индра-4 идээшмэлийн гэсэн 4 бүлэгт хуваасан.1 5 өдрийн өмнө эрүүл, хяналтын бүлгийн амьтдад 0.9%-ийн NaCl-ын уусмал, харьцуулах бүлгийн амьтдад Имопек эмийг 2 мг/кг, Индра-4 идээшмэлийг 300 мг/кг тунгуудаар зориулалтын зондоор уулгасан. Үүнээс хойш 18 цагийн турш хоолыг сойсны дараа эрүүл хяналтын бүлгээс бусад бүлгийн амьтдад Касторын тосыг 10 мл/кг тунгаар зориулалтын зондоор өгч гэдэсний цочмог үрэвсэл үүсгэсэн. Үүний дараа кетамин гидрохлоридоор унтуулж зүрхэнд хатгалт хийж цус аван ELISA аргаар простогландин Е2, TNF-α зэргийг тодорхойлсон. Мөн туршилтын амьтдын өтгөний дээжийг аван бүдүүн гэдэсний бичил биетний чанарын болон тоон үнэлгээ хийх шинжилгээ хийсэн. Үр дүн: Туршилтын бүлгийн простогландин Е2-ын үзүүлэлтүүдийг хяналтын бүлэгтэй харьцуулахад Индра-4 нь (Индра-4 73.40±4.06, Хяналтын бүлэг 76.24±3.60) 3.9%-иар, Имопек нь (Имопек 72.90±6.33, Хяналтын бүлэг 76.24±3.60) 4.6%-иар тус тус бууруулсан байна. Туршилтын бүлгийн TNF-α үзүүлэлтүүдийг хяналтын бүлэгтэй харьцуулахад Индра-4 нь (Индра-4 64.31±6.73, Хяналтын бүлэг 71.30±8.69) 10.9%-иар, Имопек нь (Имопек 67.48±8.61, Хяналтын бүлэг 71.30±8.69) 5.7%-иар тус тус бууруулсан байна. Эмгэг төрөгч бактерийн хувьд Индра-4 хэрэглэсэн бүлгийн амьтдын Enterobacterales-ийн үзүүлэлтийг хяналтын бүлэгтэй харьцуулахад 10.6%-иар буурсан байна. Индра-4 хэрэглэсэн бүлгийн амьтдын E.Coli-ийн үзүүлэлтийг хяналтын бүлэгтэй харьцуулахад 12.7%-иар буурсан байна. Дүгнэлт: 1. Монголын уламжлалт анагаах ухаанд өргөн хэрэглэгддэг Индра-4 жор нь Касторын тосоор үүсгэсэн гэдэсний цочмог үрэвслийн үед үрэвсэл идэвхжүүлэгч цитокин болох TNF-α болон үрэвслийн медиатор болох простагландин Е2-ийн хэмжээг бууруулах замаар суулгалтын эсрэг нөлөө үзүүлж байна. 2. Индра-4 жор нь дээрх эмгэг загварын үеийн эмгэг төрүүлэгч бактериудын тоог цөөрүүлэх нөлөө үзүүлдэг болох нь тогтоогдлоо.
