Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 2 of 2
  • Some of the metrics are blocked by your 
    Item type:Publication,
    Атопийн арьсны үрэвсэлтэй хүүхдүүдийн шинжлэгдэхүүнээс өсгөвөрлөгдсөн Candida albicans-ийн хоруу чанарын зарим хүчин зүйлийг тодорхойлсон дүн
    (2026-02-03)
    С.Тунамал
    ;
    Ч.Эрдэнэчимэг
    ;
    Я.Энхтөр
    ;
    Б.Отгонжаргал
    Үндэслэл: Арьсны атопийн үрэвслийн үед арьсны хамгаалах чадвар алдагдан эмгэгжам, хүндрэлд хүрээлэн буй орчны тоосонцор, бохирдолд илүү өртөмхий болохоос гадна арьсны мөөгний халдвараар хүндэрдэг1. Хүүхдэд тохиолдох атопийн арьсны үрэвсэлт өвчний үед кандидийн төрлийн мөөгний зүйлүүд өвчнийг хүндрүүлж, эмчилгээг үр дүн муутай болгож байна.2 Кандидийн төрлийн мөөг нь арьс, салстад байршдаг түгээмэл нөхцөлт эмгэг төрүүлэгч ба 200 гаруй төрөл судлагдсан байна3. Үүнээс C.albicans, C.glabrata, C.parapsilosis, C.tropicalis, C.krusei зэрэг төрлүүд нь арьс, салст, амны хөндийд түгээмэл тохиолддог.4 Манай орны хувьд арьсны мөөгийг өсгөвөрлөн бодисын солилцооны идэвхи, хоруу чанарын хүчин зүйлийг тодорхойлсон судалгаа хомс байгаа нь бидний судалгааны үндэслэл боллоо. Зорилго: Атопийн арьсны үрэвсэлтэй хүүхдүүдийн шинжлэгдэхүүнээс өсгөвөрлөгдсөн Candida albicans-ийн хоруу чанарын зарим хүчин зүйлийг тодорхойлох. Зорилт: 1. Арьсны мөөгний биофильм үүсгэх идэвхийг тодорхойлох. 2. Арьсны мөөгний фосфолипазагийн идэвхийг тодорхойлох. Арга, аргачлал: Бид судалгаандаа атопийн арьсны үрэвсэлтэй хүүхдүүдийн шинжлэгдэхүүнд өсгөвөрлөгдсөн кандидийн төрлийн мөөгний омгуудыг судлаачийн зөвшөөрлөөр хэрэглэсэн. C.albicans-ийг Сабуро хлорамфениколтой хатуу тэжээлт орчинд (Sabouraud Chloramphenicol Agar) өсгөвөрлөн сэргээж Грамын будгаар будан микроскопт харж үнэлсэн. Биофильмийн идэвхийг тодорхойлохдоо бичил хавтангийн аргаар шөлөнд өсгөвөрлөн, гэрлийн шингээлт хэмжигчээр хэмжин, оптик нягтыг томъёонд ( Оптик нягтын босго хэмжээ = Сөрөг хяналтын дундаж утга + 3хСөрөг хяналтын стандарт хазайлт (Optical density cut-off value (ODc) = average OD of negative control + 3x standart deviation (SD) of negative control) орлуулан тооцоог хийсэн. Прайс нарын боловсруулсан аргаар өндөгний шартай тэжээлт орчин ашиглан фосфолипазагийн идэвх тодорхойлох шинжилгээг хийхдээ яооцооллыг энэхүү томъёо: 끫뢌 = 끫븖끫뢾 Sgjhgjghjghghjgf 끫뢢 = 2 ∗ 끫뢊 ашиглав. Үр дүн: Нийт өсгөвөрлөгдсөн тохиолдлуудын 54.1% (n=33) нь биофильмийн сул идэвхтэй (≤ODc/ODc < ~ ≤2xODc ) харин 32.8% (n=20) нь биофильм үүсгэх дундаж (2xODc < ~ ≤ 4xODc) идэвхитэй байсан бол биофильмийн идэвх хүчтэй үзүүлдэг (>4хODc) омог 13.1% (n=8)-ийг эзэлж байлаа. Фосфолипазын идэвхийн хувьд нийт омгийн 50% нь хүчтэй, 30% нь дундаж, 20% нь бага болон маш сул идэвхтэй омог байлаа. Дүгнэлт: 1. Эзэн эсэд наалдах чадвартай хоруу чанартай мөөгний омог атопын арьсны үрэвсэлийн хүндрэлд оролцож байна. 2. Атопын арьсны үрэвсэлд эзэн эсийг гэмтээж, инвазив болох үйл явцад оролцдог мөөгний омог агуулж буйг харуулж байна.
  • Some of the metrics are blocked by your 
    Item type:Publication,
    Атопийн арьсны үрэвсэлтэй 0-2 насны хүүхдүүдэд кандидийн төрлийн мөөг тодорхойлж, эмийн мэдрэг чанарыг судалсан дүн
    (2023-05-18)
    Ч.Эрдэнэчимэг
    ;
    Б.Отгонжаргал
    ;
    Ч.Баттогтох
    ;
    Я.Энхтөр
    Үндэслэл: Атопийн арьсны үрэвсэл нь нярай, хүүхэд насанд эхэлдэг архаг дахилтат арьсны өвчин юм.1 Атопийн арьсны үрэвслийн шалтгаан бүрэн тодорхой болоогүй ч арьсны хоригийн үйл ажиллагаа алдагдах, харшил төрүүлэгчийн нөлөөгөөр нян, мөөгөнцрийн халдварт өртөмтгий болдог талаар судлаачид тэмдэглэсэн байна.2,3 Дэлхий дахинд хүүхдүүдийн 20%, насанд хүрэгчдийн 3%-д тохиолддог.4 Монгол улсад 2012 оны байдлаар уг өвчний шинэ тохиолдлын тоо 5.7 дахин өссөн байна.5 Атопийн арьсны үрэвсэлт өвчний үед нянгийн халдварыг судалсан судалгаа олон байгаа ч мөөгөнцрийн халдварын талаар харьцангуй бага судлагдсан байна.6 Нянгийн халдвараас гадна кандидийн төрлийн мөөг нь атопийн арьсны үрэвсэлт өвчнийг хүндрүүлж байгааг судалж байна.7 Кандидийн төрлийн нь арьс, салст дээр байдаг түгээмэл нөхцөлт эмгэг төрүүлэгч мөөг ба 200 гаруй кандидийн төрөл судлагдсан байна. Үүнээс C.albicans нь C.glabrata, C.parapsilosis, C.tropicalis, C.krusei зэрэг төрлүүд нь түгээмэл тохиолддог юм.8 Зорилго: Атопийн арьсны үрэвсэлт өвчний хүндийн зэргийг үнэлж, кандидийн төрөл зүйлийг тодорхойлон, мөөгөнцрийн эсрэг эмэнд мэдрэг чанарыг судлах зорилготой. Арга, аргачлал: Бидний судалгаа нь 0-2 насны атопийн арьсны үрэвсэлтэй 100, эрүүл 50 хүүхдийг хамруулан Агшингийн судалгааны загвараар судлав. Үр дүн: Эрүүл бүлэгт ямар нэг мөөгний омог илрээгүй. Судалгаанд хамрагдагсдын 50%(50) нь эрэгтэй, 50%(50) нь эмэгтэй байв. Атопийн арьсны үрэвсэлт өвчний хүндийн зэргийг SCORAD оноогоор үнэлэхэд 23% нь хөнгөн, 37% нь дунд, 40% нь хүнд байв. Хөнгөн болон дунд хэлбэрийн үед мөөг өсгөвөрлөгдөөгүй, хүнд хэлбэрийн үед 40%-д нь кандидийн төрлийн хөрөнгө мөөг өсгөвөрлөгдсөн ба энэ нь өвчний явцыг хүндрүүлж байгааг илтгэж байна. Нийт өсгөвөрлөгдсөн хөрөнгө мөөгний 90% нь C.albicans, 10% нь C.krusei байв. Мөөгөнцрийн эсрэг эмийн мэдрэг чанарыг тодорхойлоход C.albicans нь флуконазол, вориконазол, каспофунгин, микафунгин, амфотерицин Б, флуцитозинд мэдрэг байсан бол C.krusei нь флуконазол болон флуцитозинд тэсвэртэй, вориконазол, каспофунгин, микафунгин, амфотерицин Б-д мэдрэг байв. Дүгнэлт: Атопийн арьсны үрэвслийн хүнд зэрэгтэй хүүхдүүдийн дунд Candida albicans давамгай тодорхойлогдож, өсгөвөрлөгдсөн омог мөөгний эсрэг эмийн бэлдмэлд мэдрэг байна.