Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 5 of 5
  • Some of the metrics are blocked by your 
    Item type:Publication,
    Шээлгүүрийн хорт хавдар
    (2020-05-01)
    А.Ханхонгор
    ;
    З.Төгөлдөр
    ;
    Б.Галбадрах
    ;
    Б.Ган-Эрдэнэ
    ;
    Ж.Жаргалсайхан
    Шээсний сүвний хорт хавдар нь маш ховор тохиолддог эмгэг. Үүний дийлэнх нь шилжилтийн эсийн хорт хавдар (55%), дараа нь хавтгай хучуур эдийн хавдар (21%), аденокарцинома (16.4%) байна. Эмнэлзүйн тохиолдол: Эмчлүүлэгч Б.Д 54 настай эмэгтэй. Шээлгүүрийн хавдрын эмчилгээ нь одоог хүртэл маргаантай хэвээр байгаа бөгөөд энэ нь ховор тохиолддог эмгэг ба судалгаа хангалттай хэвлэгдээгүй байна. Сүвний аденокарциномын талаар заавар, протокол байхгүй боловч хавсарсан эмчилгээ хамгийн үр дүнтэй байна.
  • Some of the metrics are blocked by your 
    Item type:Publication,
  • Some of the metrics are blocked by your 
    Item type:Publication,
    Шинэ коронавирусын үед илэрч буй шинж, лабораторийн болон багажийн оношилгоонд тулгуурлаж уламжлалт анагаах ухааны халдварт хижиг өвчний оноштой дүйцүүлэн эмчлэх боломж
    Үндэслэл: Уламжлалт анагаах ухааны сурвалж, түүний томоохон тайлбарууд, монгол мэргэдийн зарим бүтээлүүдийн хүрээнд шинэ коронавирусын халдварын үед илэрч байгаа шинжүүд, оношилгоонд тулгуурлан харьцуулж дүйлгэн оношлох нь шинэлэг агуулгатайн зэрэгцээ уламжлалт анагаах ухааны эм, эмчилгээ, гам сахих, сэргээх засах их нөөцийг илрүүлэн ашиглах ач холбогдолтой байна. Зорилго: Шинэ коронавирусын халдварын үед илэрч байгаа шинж, оношилгоонд тулгуурлан уламжлалтын сурвалж, тайлбар бүтээлүүдийн хижиг өвчний ангилалд хамаарах хоорондоо уялдаа, холбоотой өвчнүүдийн эмгэг жам, шинжүүдтэй харьцуулан шинжлэх. Хэрэглэгдэхүүн, аргазүй: ДЭМБ, ХӨСҮТ-ийн тандалтын төвийн болон бусад мэдээлэл, “АУДҮ” сурвалж түүний томоохон тайлбар болох “Манаг лхантав”, монголын мэргэдийн “Рашааны цагаан шүүдэр”, “Увдисын эрдэнэ гарахын орон” бүтээлүүдийг эх хэрэглэгдэхүүн болгож “Эх бичиг, сурвалж судлалын харьцуулах арга”-аар харьцуулан, “Магадлан жагсаах арга”-аар төрөлжүүлэн онцлогийг тодруулж “Нэгтгэн дүгнэх арга”аар хураангуйлан үнэлж судалгааг хийж гүйцэтгэсэн. Үр дүн: Шинэ коронавирусын халдварын үеийн шинж, оношилгоонд шинжлэл хийхэд уламжлалт анагаахын халдварт халуун өвчний эс боловсорсон халууны үе шатыг дамжиж байна. Халдвар заримдаа хурдан хугацаанд боловсрох чөлөөгүй аньсанд буусан хижиг дэлгэрсэн халуунд шилжих эсвэл мөн чанараар үүссэн хямарсан халуун хижиг болж хүндрэх хэлбэрээр эмнэлзүй нь явагдаж байна. Уламжлалт анагаах ухаан өөрийн онол, арга зүйн хүрээнд халдварт хижиг өвчнийг тодорхой таньж мэдэж чаджээ. Шинэ коронавирусын халдварыг уламжлалт оноштой дүйлгэн авч үзвэл хөнгөн үед шууд, хүнд, маш хүнд болон хүндрэлээс урьдчилан сэргийлэхэд орчин үеийн стандарт эмчилгээтэй, уламжлалт эм, заслын аргуудыг хавсруулан эмчлэх их нөөц байна. Монгол мэргэд дүйлгэж байгаа уламжлалт оношийн хүрээнд хачир тавьж хэрэглэх жоруудыг олшруулж ханд болон зүүх, утах, хамарт дусаах эмүүдийг шинээр оруулжээ. Дүгнэлт: 1. Шинэ коронавирусын халдварын шинжүүдийг шинээр илрүүлэн бүртгэж мэдээлж байгаа хэдий ч одоохондоо цэгцэрч бүрэн таньж мэдээгүй байгаагийн зэрэгцээ тодорхой үе шатанд төрөлжүүлэн ангилж амжаагүй байна. 2. Шинэ коронавирусын халдварын шинжүүд болон эмнэлзүйн явцыг уламжлалт анагаах ухааны оноштой дүйлгэн хөнгөн үед шууд, хүнд, маш хүнд үед хавсруулан эмчлэх боломжтой байна. 3. Шинэ коронавирусын халдварын үеийн гол хүндрэл болох “Уушгины судасны бүлэн”-г “Судасны цусан бэтэг” уламжлалт оноштой дүйлгэж хүндрэлээс урьдчилан сэргийлэх эм, заслын сонголт өргөн байна.
  • Some of the metrics are blocked by your 
    Item type:Publication,
    Ацетилхолины рецепторын эсрэг бие илэрсэн Миастени Грависын сэрээ булчирхайн өөрчлөлтийг судалсан нь
    (2021-03-21)
    Ч.Оюунаа
    ;
    ;
    Ж.Сарангэрэл
    ;
    Д.Бямбасүрэн
    Үндэслэл: Миастений гравис (МГ)-тай үйлчлүүлэгчдэд ацетилхолины рецепторын эсрэг бие (AChR-ab), сэрээ булчирхайн өөрчлөлтийг илрүүлснээр, мэс засал эмчилгээг шийдвэрлэж тавиланг сайжруулах давуу талтай. Зорилго: МГ-ийн серологийн шинжилгээ ба сэрээ булчирхайн өөрчлөлтийн хоорондын хамаарлыг судлах. Материал, арга зүй: 2015-2020 оны хооронд Улаанбаатар хотын 18-с дээш насны МГ-ын онош батлагдсан 30 тохиолдлыг хамруулан ретроспектив судалгаа хийсэн ба AChR-ab эерэг болон сөрөг 14 үйлчлүүлэгчдийн сэрээ булчирхайн Компьютер томограф (КТ)-ийн шинжилгээнд дүгнэлт хийв. Үр дүн: Серологийн шинжилгээгээр 85.7% (n=12) нь AChR-ab эерэг, 14.3% (n=2) нь AChR-ab сөрөг байв. КТ-ийн шинжилгээгээр сэрээ булчирхайн өөрчлөлт илэрсэн оролцогчдын 87.5% AChR-ab эерэг байна. Мөн нийт үйлчлүүлэгчдийн 16.7%-д тимома илэрсэн. Дүгнэлт: МГ-тай хүмүүсийн 85.7% нь AChR-ab (+) буюу серологи эерэг хэлбэр давамгайлж байна. Серологи эерэг МГ-тай хүмүүсийн 58% нь сэрээ булчирхайн өөрчлөлттэй байна.
  • Some of the metrics are blocked by your 
    Item type:Publication,
    Хөхний хорт хавдрын үеийн HER2 генийн оношилгоо
    (2021-04-06)
    Э.Цолмончимэг
    ;
    Г.Болор-Эрдэнэ
    ;
    Б.Энхжаргал
    ;
    Ж.Сарантуяа
    ;
    Б.Мөнхцэцэг
    Үндэслэл: Хөхний хавдартай эмэгтэйчүүдэд HER2 генийн идэвхижлийг тодорхойлсноор өвчтний эмчилгээний төлөвлөгөөг боловсруулах цаашлаад өвчтний тавиланг сайжруулах ач холбогдолтой байдаг1. Учир нь HER2 хэт идэвхижилтэй хөхний хавдартай өвчтөнүүдэд tanstuzumab, lapatinib, бай эмчилгээг сонгон, стандарт хими эмчилгээтэй хамт хавсран хэрэглэдэг байна2,3. Одоогоор манай орны хавдар судлалын практикт энэхүү генийн судалгаа цөөхөн байгаа нь бидний судалгааны ажлын үндэслэл болсон юм. Зорилго: Монгол улсад оношлогдсон хөхний хорт хавдартай эмэгтэйчүүдэд HER2 оношилгооны алгоритмд хамаарагдах уураг (IHC) болон генийн идэвхжлийг (ISH) тогтоох. Материал арга зүй: Судалгааг Хавдар Судлалын Үндэсний Төвийн Эмгэг Судлалын тасгийн 2017-2018 онуудад хөхний хорт хавдраар оношлогдон хөх тайрах хагалгааны 30 архивын материалууд дээр ажилласан ба эмгэг судлалын үнэлгээг формалинд бэхжүүлсэн эдийн парафин цутгамаг дээр гемотоксилин-эозины будаг ашиглан иммуногистохими (IHC) шинжилгээ хийж гүйцэтгэсэн. Иммуногистохимийн урвалыг тооцохдоо ASCO/CAP-ийн үнэлгээний удирдамжийн дагуу үнэлгээг өгнө4. HER2 уураг эргэлзээтэй буюу хоёр нэмэх (2++) үр дүнтэй гарсан хоёр тохиолдолд, мөн IHC шинжилгээгээр эерэг гэж батлагдсан гурван нэмэх (3+++) нэг тохиолдолд хяналт болгон байран эрлийзжүүлгийн аргаар (ISH) генийн идэвхжлийг тогтоож үзлээ. Үр дүн: Судалгаанд хамрагдсан 30 архивын материалуудад HER2 рецептор үнэлэх иммуногистохимийн шинжилгээ хийхэд 9% нь эерэг (+++), 6.6% эргэлзээтэй (++), үлдсэн хувь нь сөрөг (+ ба -) ялгарал муу эсийн хавдрууд байлаа. Бид эргэлзээтэй 2 дээж болон эерэг нэг дээжинд IHC шинжилгээ хийж үзэхэд эргэлзээтэй (2++) нэг өвчтөн болон, эерэг хариу гарсан (3+++) өвчтөнд HER2 генийн олшрол тодорхойлогдсон. Иймээс бидний судалгааны үр дүн нь нийт 30 дээжнээс 4 буюу 13.3% нь эерэг хариу гарсан байна. Дүгнэлт: Иммуногистохимийн шинжилгээгээр нийт 30 дээжний 13.3% нь эерэг байгаа нь Монгол оронд HER2 эерэг бай эмчилгээ шаардлагатай тохиолдол харьцангуй их байгаа нь ажиглагдаж байна. Иммуногистохими болон эрлийзжүүлгийн шинжилгээний дүнгээс харахад хөхний хавдрын оношилгоонд иммуногисохими болон гибриджүүлэг, молекул генетик цогц оношилгооны алгоритм зайлшгүй шаардлагатайг харуулж байна.