Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Чихрийн шижин хэвшинж 2 өвчтөний инсулин тарилгын арга техникийг сайжруулснаар гликемийн хяналтыг үнэлсэн нь
    (2020-05-01)
    Х.Мөнхзаяа
    ;
    Б.Батцэцэг
    ;
    Э.Ням-Эрдэнэ
    ;
    Их Британи улсад хийгдсэн проспектив судалгаагаар (UKPDS) жил бүр чихрийн шижин хэв шинж 2 /ЧШХШ 2/ шинээр оношлогдсон өвчтөний 5-10 хувьд инсулин эмчилгээ шаардлагатай ба 10-12 жилийн дараа энэ тоо ойролцоогоор 80 хувиар нэмэгдэнэ гэж судалжээ. Инсулин тарих зөв арга техник нь чихрийн шижингийн сайн хяналтанд хүрэх зайлшгүй хүчин зүйлийн нэг юм. Судалгаанд оролцогчдыг насны ангиллаар: 61-70 насны 12 (40%), хүйсийн ангиллаар: эр-13 (43,3%), эм-17 (56,7%); чихрийн шижин оношлогдсон хугацаагаар: 11-15 жил 13,0 (43,3%); инсулин тарьсан хугацаагаар: 1-5 жил 16 (53,3%) тус тус эзэлж байна. Инсулин тарилгын олон улсын зөвлөмжийн дагуу авсан асуумж судалгаагаар: инсулин тарилгын талбайг өөрчилдөг эсэх: тийм - 21 (70%), үгүй - 9 (30%); инсулин тарилгын үед чимхэх техник хэрэглэдэг 10 (33,3%), хэрэглэдэггүй 20 (66,7%), 4 мм зүү-6 (20%), 6 мм зүү - 20 (66,7%), нэг удаагийн тариур хэрэглэдэг - 3 (10%), зүү гэмтэхээр сольдог 16 (53,35%) тус тус эзэлж байна. Өлөн үеийн болон хоолны дараах глюкозын түвшин инсулин тарилгын талбайг өөрчлөх, зүүний диаметртай хамааралтай байна. УХТЭ-ийн эмчилгээний тасгуудад ЧШХШ 2-той инсулин эмчилгээтэй хэвтэн эмчлүүлж байгаа өвчтөнд үзгэн тариур, 4-6 мм-ийн нэг удаагийн зүү, инсулин тарилгын талбайн хүснэгтийг тус тус хэрэглэн гликемийн хяналтыг сайжруулахын сацуу эмчлүүлэгчийг инсулин тарих зөв арга техникт сургах, эрүүл мэндийн боловсрол олгохыг зөвлөж байна.
  • Some of the metrics are blocked by your 
    Item type:Publication,
    Чихрийн шижин хэвшинж 2-той нойр булчирхайн хавдартай өвчтөнд гликемийг хянасан нь
    (2020-05-01) ;
    Б.Онон
    ;
    Т.Цэндсүрэн
    ;
    Б.Энхзул
    1970 оны сүүлээр инсулин шахуургыг - continuous subcutaneous insulin infusion (CSII), эмчилгээнд туршиж үзсэн цагаас хойш 30 гаруй жил өнгөрчээ. Инсулин шахуургыг хэрэглэснээр гипогликемид орох хувийг бууруулах, гликемийн хяналтыг сайжруулснаар амьдралын чанарыг дээшлүүлэхэд оршино. 2010 онд Америкийн эмнэлзүйн дотоод шүүрлийн нийгэмлэгээс 3 төрлийн өвчтөнд инсулин шахуургыг хэрэглэх нь тохиромжтой гэж тодорхойлсон. Эхний 2 төрөлд хэвшинж 1 бүхий өвчтөн хамаарагддаг ба 3 дахь төрөлд хэвшинж 2 бүхий инсулин эмчилгээтэй, бусад буюу панкреатэктоми хийлгэсний улмаас үүссэн чихрийн шижинтэй өвчтөнийг хамааруулдаг. Энэхүү тохиолдолд өвчтөн хоол сойсон хугацаанд инсулиныг зөвхөн тариурын шахуургын тусламжтай тогтмол хийсэн буюу нойр булчирхай орлох (artificial pancreas) аргаар гликемийг хянах үед ямар хүндрэлүүд үүсч байсан талаар тэмдэглэсэн.