Даваа–Баасан 08:30–20:00 · Бямба 09:00–16:00
Now showing 1 - 5 of 5
  • Some of the metrics are blocked by your 
    Item type:Publication,
    Зүрхний ховдлын үйл ажиллагааны шинж тэмдэггүй алдагдлыг чихрийн шижинтэй үйлчлүүлэгчдэд илрүүлсэн нь
    (2025-01-01)
    Ө.Цолмон
    ;
    ;
    Б.Бурмаа
    ;
    Ц.Сумъяа
    ;
    Үндэслэл: Чихрийн шижин 2 хэв шинж зүрхний дутагдал үүсэх эрсдэлийг 2-4 дахин ихэсгэдэг. Иймд чихрийн шижинтэй үйлчлүүлэгчдэд ховдлын үйл ажиллагааны шинж тэмдэггүй үйл ажиллагааны алдагдлыг натри хөөгч пептидийн сорилын тусламжтай эрт илрүүлэх нь нь зүрхний дутагдлын өвчлөл ба эндэгдлийг бууруулах хамгийн оновчтой арга юм. Зорилго: Зүрхний дутагдлын эмнэлзүйн шинж тэмдэггүй, чихрийн шижинтэй үйлчлүүлэгчдэд натри хөөгч пептидийн сорилын тусламжтай зүрхний үйл ажиллагааны алдагдлыг илрүүлж, түүнд нөлөөлөх хүчин зүйлсийг тодорхойлоход оршино. Арга, аргачлал: Энэхүү тохиолдол хяналтын судалгаанд 35-64 насны, зүрхний дутагдлын эмнэлзүйн шинж тэмдэггүй, чихрийн шижинтэй ба чихрийн шижингүй хүмүүсийг хамруулсан. Зүрх судасны эрсдэлт хүчин зүйлсийг асуулгын ба үзлэгийн аргаар аргаар илрүүлсэн. Зүрхний ховдлын үйл ажиллагааны алдагдлыг натри хөөгч пептидийн сорилоор үнэлсэн. Натри хөөгч пептидийн хэмжээг Р1А1100 маркийн анализаторыг ашиглаж тодорхойлсон. Натри хөөгч пептидийн хэмжээ >300 пг/мл байвал хэвийн түвшнээс их буюу сорилыг эерэг гэж үзсэн. Натри хөөгч пептидийн сорил эерэг гарсан тохиолдолд зүрхний ховдлын үйл ажиллагаа алдагдсан гэж үнэлсэн. Үр дүн: Судалгаанд 35-64 насны нийт 536 хүн хамрагдсанаас чихрийн шижинтэй 150, чихрийн шижингүй 386, эмэгтэй 52.4% (281), дундаж нас 52.8±7.8 жил байв. Зүрхний ховдлын үйл ажиллагааны алдагдал чихрийн шижинтэй бүлгийн 7.3%-д, чихрийн шижингүй бүлгийн 5.2%д тус тус илэрсэн. Чихрийн шижинтэй бүлэгт зүрхний ховдлын үйл ажиллагааны алдагдал нас ахих тутам ихсэж байсан ба эмэгтэйчүүдэд арай илүү илэрч байсан боловч статистикийн ач холбогдол ялгаа илрээгүй (8.3% ^8 6.4%, р>0.05). Чихрийн шижинтэй үйлчлүүлэгчдэд зүрхний ховдлын үйл ажиллагааны алдагдал үүсгэх эрсдэлийг өвчний үргэлжилсэн хугацаа (5.30, 95%С1 1.36-20.66), хяналтгүй артерийн гипертензи (3.80, 95%С1 1,07-13.44), ахимаг нас (5.40, 95%С1 1.29-22.88) статистикийн үнэн магадлалтай ихэсгэж байсан. Дүгнэлт: Чихрийн шижингүй бүлэгтэй харьцуулахад чихрийн шижинтэй үйлчлүүлэгчдэд зүрхний ховдлын үйл ажиллагааны алдагдал 1.4 дахин их илэрсэн, гэхдээ статистикийн ая холбогдол бүхий ялгаа ажиглагдаагүй. Чихрийн шижинтэй үйлчлүүлэгчдэд зүрхний ховдлын үйл ажиллагааны алдагдал үүсгэх эрсдэлийг ахимаг (55-64) нас 5.4 дахин, өвчний удаан (>10 жил) үргэлжилсэн хугацаа 5.3 дахин, хяналтгүй артерийн гипертензи 3.8 дахин тус тус ихэсгэж байсан.
  • Some of the metrics are blocked by your 
    Item type:Publication,
    Натри хөөгч пептидийн сорилыг зүрхний архаг дутагдлыг эрт илрүүлэхэд хэрэглэсэн нь
    (2022-12-26)
    Ө.Цолмон
    ;
    ;
    Б.Бурмаа
    ;
    Ц.Сумъяа
    ;
    Н.Бат-Эрдэнэ
    Үндэслэл: Зүрхний архаг дутагдал (ЗАД) нь зонхилон тохиолдох эмгэгийн халдварт бус архаг өвчин бөгөөд нас баралтын тэргүүлэх шалтгааны нэг юм. Манай орны насанд хүрсэн хүн амын 4.9% нь зүрхний архаг дутагдалтай байсан бөгөөд энэхүү эмгэгийн тархалт нь нас ахих тутам ихсэж, 60-аас дээш насны хүн амын 14%-ийг эзэлж байв.1 Зорилго: Зүрх судасны эрсдэлт хүчин зүйлтэй хүмүүст шинж тэмдэггүй зүрхний архаг дутагдлыг натри хөөгч пептидийн сорилын тусламжтай эрт илрүүлж, натри хөөгч пептидийн хэмжээ ихсэхэд нөлөөлдөг хүчин зүйлсийг тодорхойлох. Арга, аргачлал: Энэхүү агшингийн судалгаанд 35-64 насны, зүрхний дутагдлын эмнэлзүйн шинж тэмдэггүй, зүрх судасны эрсдэлт хүчин зүйлтэй хүмүүс хамрагдсан. Зүрх судасны эрсдэлт хүчин зүйлсийг эмнэлзүйн аргаар илрүүлсэн. Натри хөөгч пептидийн хэмжээг БНХАУ-ын FIA1100 маркийн иммуны анилизаторыг ашиглаж тодорхойлсон. Натри хөөгч пептидийн хэмжээ ≥125 пг/мл байвал хэвийн түвшнээс их буюу сорилыг эерэг гэж үзсэн. Үр дүн: Судалгаанд зүрх судасны эрсдэлт хүчин зүйл бүхий нийт 768 хүн хамрагдсанаас 336 (42.5%) нь эрэгтэй, 432 (57.5%) нь эмэгтэй байсан бөгөөд тэдгээрийн дундаж нас 51.2±8.4 жил байв. Судалгаанд оролцогчдын 12.9%-д натри хөөгч пептидийн сорил эерэг гарсан. Эерэг сорилтой хүмүүсийн натри хөөгч пептидийн дундаж түвшин 299.6±19.4 пг /мл байсан. Натри хөөгч пептидийн эерэг сорилтой эрэгтэйчүүдийн эзлэх хувь эмэгтэйчүүдийнхээс арай бага байсан боловч статистикийн ач холбогдол ялгаа илрээгүй (11.9% vs 13.7%, p>0.05). Артерийн гипертензитэй хүмүүсийг хэвийн артерийн даралттай хүмүүстэй харьцуулж, логистик регрессийн шинжилгээгээр үнэлэхэд зүрхний архаг дутагдал үүсэх эрсдэл 3.5 дахин их байсан. Дүгнэлт: Бид зүрх судасны эрсдэлтэй 35-64 насны хүмүүсийн 12.9%-д нь зүрхний архаг дутагдлыг эрт үе шатанд илрүүлсэн. Зүрхний архаг дутагдлын эрт илрүүлгийн үндсэн арга болох натри хөөгч пептидийн сорилын үр дүн эерэг гарахад ахимаг нас ба артерийн гипертензи статистикийн үнэн магадлалтай нөлөөлж (p<0.05) байв.
  • Some of the metrics are blocked by your 
    Item type:Publication,
    24 цагийн зүрхний цахилгаан бичлэгийг Хиймэл оюун ухаан ашиглан судалсан үр дүн
    (2024-11-07)
    Х.Төгөлдөр
    ;
    Э.Тунгалаг
    ;
    ;
    Ц.Сумъяа
    Үндэслэл: Зүрхний сэрлийг биеийн гадаргад байрлуулсан электрод 24 цагийн ЗЦБ бүхий холболтоор бүртгэж гальванометрийн тусламжтай бичиж Хиймэл оюун ухаан авах аргыг зүрхний цахилгаан бичлэг (ЗЦБ) гэх ба1 зүрхний хэм Хэм алдагдал хэвийн бус болохыг хэм алдагдал.2 Хэм алдагдлыг 24 цагийн ЗЦБГүн мэдрэлийн ийн шинжилгээгээр илрүүлэх боломжтой байдаг.3 Энэхүү арга нь хэм сүлжээ алдагдлыг илрүүлэх олон улсын эмнэлзүйн удирдамжинд тусгагдсан ач Үүлэн технологи холбогдол өндөртэй, өвчтөнд зовуурьгүй, инвазив бус, эрсдэлгүй арга болохыг цөөнгүй судалгаагаар дурьдсан байна.4–6 Зүрх судасны эмч нар 24 цагийн ЗЦБ-ийн тоон өгөгдлийг уламжлалт арга буюу боловсруулах программ ашиглаж боловсруулахад хугацаа их зарцуулдаг, анхаарал шаардсан төвөгтэй ажилд тооцогддог. Мөн алдаа гарах, хэм алдагдлыг орхигдуулах зэрэг хангалтгүй боловсруулагдаж эмчийн ур чадвар, туршлагаас шууд хамаарч байдаг. Өнөө үед хиймэл оюунаар 24 цагийн ЗЦБ-ийг дүн шинжилгээ хийж, боловсруулсан хариунд зүрх судасны эмч хамтарч баталгаажуулах болжээ. Хиймэл оюунд (AI) суурилсан 24 цагийн ЗЦБ бол олон сая тохиолдлуудад сургагдаж, алдаа бага гаргадаг, хэм алдагдлыг илрүүлэх мэдрэг ба өвөрмөц чанар өндөртэй арга болохыг судлаачид онцлон тэмдэглэсэн байна.7,8 Хиймэл оюунд суурилсан 24 цагийн ЗЦБ дүгнэх шинжилгээ манай улсад нэвтэрснээр үүнийг алдаагүй дүгнэх, ховор хэм алдагдлыг илрүүлэх, эмч нарын цагийг хэмнэх зэрэг давуу талтай хэдий ч энэ чиглэлээр хийгдсэн судалгааны ажил олдохгүй байгаа нь энэхүү судалгааг хийх үндэслэл болж байна.9 Зорилго: 24 цагийн ЗЦБ-г уламжлалт платформ болон хиймэл оюун ухаан ашигласан үр дүнг харьцуулан судлах. Арга, аргачлал: Зүрхний хэм алдагдалтай эмчлүүлэгчдэд (n=40) 24 цагийн ЗЦБ-ийг стандарт аргаар BI9900 (Biomedical, Germany, 2023) төхөөрөмжөөр хийж гүйцэтгэв. 24 цагийн ЗЦБ-ийн шинжилгээг орчин үеийн Ecglab (Biomedical, Germany, 2023) программаар боловсруулав. Мөн бичиглэлийг ЗЦБ-т дүн шинжилгээ хийх хиймэл оюунаар (Cardiomatic, Poland 2024) уншуулж тус тус дүгнэв. Боловсруулалтыг SpSS 27.0 (IBM, USA) программаар хийв. Үр дүн: Судалгаанд нийт 40 хүн хамрагдсанаас эрэгтэй 30.8% (n=13), эмэгтэй 69.2% (n=27) байсан бөгөөд дундаж нас 52±33 жил байлаа. Хэм алдагдлыг оношлох уламжлалт аргыг стандарт гэж үзэн хиймэл оюун ухаантай харьцуулахад нийт хэм алдагдлын өвөрмөц чанар spec=91.3%, мэдрэг чанар sens=97.9% байсан ба каппа статистик нь k=0.90 гарсанаар хоёр арга хоорондоо нийцэлтэй байгааг илтгэж байна. Хоёр аргын хэм алдагдлын төрлүүдийг тус бүрт нь илрүүлсэн байдалд боловсруулалт хийхэд ховдлын дээрх хэм алдагдалд мэдрэг чанар Sens=84.2% буюу хангалтгүй, өвөрмөц чанар Spec=100% буюу хангалттай байв. Ховдлын хэм алдагдлын хувьд мэдрэг чанар нь Sens=100% буюу хангалттай боловч өвөрмөц чанар Specificity=71.4% хангалтгүй байлаа. Тосгуурын жирвэгнэх хэм алдагдал, тахикарди, пауз зэрэг хэм алдагдлуудад тус тус мэдрэг чанар Spec=100%, өвөрмөц чанар Sens=100% байсан ба брадикардид мэдрэг чанар Spec=100%, өвөрмөц чанар Sens=91.3% байсан бөгөөд тус хэм алдагдлуудад мэдрэг, өвөрмөц чанар хангалттай байв. Дүгнэлт: Хиймэл оюун ухаанд суурилсан платформ ховдлын хэм алдагдлыг илүүтэй илрүүлж (p<0.001), уламжлалт програм бол артифактыг тосгуурын хэм алдагдалтай (p<0.05) хамт тооцоолж байв. Хиймэл оюун ухаан мэдрэг чанар 92.3%, өвөрмөц чанар 97.9% болж каппа утга 0.90 буй нь уламжлалт программаас давуу тал ихтэй байгаа нь тогтоогдов.
  • Some of the metrics are blocked by your 
    Item type:Publication,
    Тосгуурын жирвэгнэх хэм алдагдал ба зүрх судасны эрсдэлт хүчин зүйлсийн харьцуулсан судалгаа
    (2021-09-01)
    Б.Индэрмаа
    ;
    ;
    Ц.Сумъяа
    Судалгааны зорилго нь Улаанбаатар хотын насанд хүрэгсдийн дундах тосгуурын жирвэгнэх хэм алдагдлыг илрүүлж, зүрх судасны зарим эрсдэлт хүчин зүйлстэй харьцуулан судлахад оршиж байв. Судалгаанд Улаанбаатар хотын 8 дүүргийн 127 өрхийн эрүүл мэндийн төвөөс нийт 4515 хүнийг санамсаргүй түүврийн аргаар сонгон авч, тосгуурын жирвэгнэх хэм алдагдлын эрсдэлт хүчин зүйлсийг судлахдаа асуумж, биемахбодийн хэмжилтүүд, оношийг батлахын тулд багажийн шинжилгээг хийсэн. Судалгаанд оролцсон 4515 хүнд microlife аппаратыг ашиглан тосгуурын жирвэгэнх хэм алдагдлыг илрүүлэхэд 49 тохиолдол буюу 1.1%-д нь тосгуурын жирвэгнэх хэм алдагдал илэрсэн. Тосгуурын жирвэгнэх хэм алдагдал илэрсэн хүмүүсийн дундах зүрх судасны эрсдэлт хүчин зүйлсийг судлахад хорт зуршлын хэрэглээ, хөдөлгөөний хомсдол нь зонхилох эрсдэлт хүчин зүйл болж байна.
  • Some of the metrics are blocked by your 
    Item type:Publication,
    Титэм судсанд дотуурх оношилгоо эмчилгээний үед шуу ба гуяны артерийн хүрцийн эмнэлзүйн үр дүнг харьцуулж судалсан нь
    (2026-09-15)
    Б.Бум-Эрдэнэ
    ;
    ; ;
    Б.Бурмаа
    ;
    Ц.Сумъяа
    Үндэслэл: Титэм судсан дотуурх оношилгоо эмчилгээ хийх үед судасны хүрцийг зөв сонгох нь интервенцийн ажилбарын амжилт, аюулгүй байдал, судасны хүндрэл, сэтгэл ханамж, эмнэлэгт хэвтэх хугацаанд шууд нөлөөлж байдаг. Сүүлийн жилд олон улсын удирдамжинд шууны артерийн хүрцийг (TRA - transradial access) илүүтэй ашигладаг болсон боловч Монгол улсад шуу ба гуяны артерийн хүрцийн эмнэлзүйн үр дүнг харьцуулсан судалгаа хомс ба манай нөхцөлд хоёр хүрцийн эмнэлзүй, эмчлүүлэгч төвтэй үр дүнг харьцуулан үнэлэх шаардлагатай байгаа нь энэхүү судалгааны үндэслэл боллоо. Зорилго: Титэм судсанд дотуурх оношилгоо эмчилгээний үед шуу ба гуяны артерийн хүрцийн эмнэлзүйн үр дүнг харьцуулж судлах. Арга, аргачлал: Бид энэхүү судалгааг эмнэлэгт суурилсан когорт судалгааны загвараар уг судалгааг гүйцэтгэв. Судалгаанд титэм судсан дотуурх оношилгоо эмчилгээ хийлгэсэн 200 эмчлүүлэгч хамрагдсан. Шууны артерийн хүрцийн бүлэгт 100, гуяны артерийн хүрцийн бүлэгт 100 эмчлүүлэгч тус бүр хамруулав. Судалгаанд нас, хүйс, интеренцийн ажилбарын дараах өвдөлтийн үнэлгээ (VAS), эмнэлэгт хэвтсэн ор хоног, судасны хүрцтэй холбоотой хүндрэл, эмчлүүлэгчийн сэтгэл ханамж зэрэг үзүүлэлтүүдийг үнэлэв. Статистик боловсруулалтыг SPSS-25.0 программыг ашиглан хийж, хувьсагчийг дундаж±стандарт хазайлтыг үнэлсэн. Мөн үл хамааралт Т тест ба Манн витнейн тест, ангиллын хувьсагчийг χ², фишерийн нарийвчилсан тестээр харьцуулж, p<0.05 байх үед статистикийн ач холбогдолтойд тооцов. Үр дүн: Судалгаанд оролцогсдын дундаж нас 60.8±11.56 жил байсан бөгөөд 75.5% нь эрэгтэй байв. Шууны артерийн хүрцийн бүлгийн интервенцийн ажилбарын дараах өвдөлтийн дундаж үнэлгээ гуяны артерийн хүрцийн бүлгээс статистикийн ач холбогдолтой бага байсан (VAS: 2.5±0.29 vs 3.4±0.21, p=0.031). Мөн интервенцийн ажилбарын дараах 24 цагийн хөдөлгөөний идэвх шууны артерийн хүрцийн бүлэгт илүү сайн байв (p=0.009). Жижиг судасны хүндрэл болон 10 см-ээс бага хэмжээтэй гематома зөвхөн гуяны артерийн хүрцийн бүлэгт тус бүр 1.0%-д бүртгэгдсэн бол томоохон судасны хүндрэл аль ч бүлэгт ажиглагдсангүй. Эмчлүүлэгчийн хэсэг газрын шинж тэмдгийн өөрчлөлт (p=0.048), эмчлүүлэгчийн сэтгэл ханамж (p=0.041) шууны артерийн хүрцийн бүлэгт статистикийн ач холбогдолтой өндөр байсан бол эмнэлгийн тусламж үйлчилгээний чанар, хүртээмж, эмч ба эмнэлгийн багийн харилцааны үнэлгээнд хоёр бүлгийн хооронд статистикийн ач холбогдолтой ялгаа ажиглагдсангүй (p>0.05). Дүгнэлт: Титэм судсан дотуурх оношилгоо эмчилгээний үед шууны артерийн хүрц интервенцийн ажилбарын дараах хэсэг газрын өвдөлтийг бууруулж, эмнэлэгт хэвтэх хугацааг багасгаж байв. Харин шууны артерийн хүрцийн үед судасны хүндрэл бага, сэтгэл ханамж өндөр түвшинд байгаа нь тодорхойлогдлоо.