Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Тамирчдын мөрний эргүүлэгч булчингуудын шөрмөсний үрэвслийн шалтгаант үйл ажиллагааны алдагдалд Жүдо бариа заслын үзүүлэх нөлөөг судаалсан дүн
    (2023-05-18)
    Р.Чонцолдулам
    ;
    М.Nishikido
    ;
    Г.Мөнхзул
    ;
    Л.Ундрам
    ;
    Үндэслэл: Мөрний эргүүлэгч булчингуудыг оролцуулсан нэгэн Мөрний өвдөлт хэвийн хөдөлгөөнийг удаан хугацаагаар хэт ачаалалтай гүйцэтгэх нь Далны хамрын тамирчдын мөрний үеэр өвдөх хам шинжийн шалтгаан болдог. МЭБдээд булчин ийн гэмтэл нь тоглогчийн карьерт чухал нөлөө үзүүлж, тамирчны Спортын гэмтэл өрсөлдөөнт спортод оролцох чадварыг хязгаарладаг. Мөрний өвдөлт, оношилгоо, эмчилгээний чиглэлээр спортын анагаах ухаанд хийгдсэн судалгаа манай улсад хараахан хийгдээгүй бөгөөд жүдо бариа заслыг түгээн дэлгэрүүлэх нь бидний судалгааны үндэслэл болж байна. Зорилго: Тамирчдын мөрний өвдөлтөд жүдо бариа заслын өвдөлт намдаах, мөрний үений үйл ажиллагаанд үзүүлэх нөлөөг судлах. Арга, аргачлал: Бид судалгаандаа тэмцээний түвшний, мөрний өвдөлттэй 13 тамирчдыг хамруулж санамсаргүй түүврийн аргаар эмчилгээний болон хяналтын 2 бүлэгт хувааж, эмчилгээг нийт 12 удаа хийсэн. Эмчилгээний бүлэгт жүдо бариа засал, хяналтын бүлэгт дасгал хөдөлгөөн хийлгэсэн. Оношийг хэт авайн оношилгооны аппаратаар баталгаажуулж далны хамрын дээд булчингийн шөрмөсний зузааныг хэмжсэн. Үнэлгээг өвдөлтийн эрч, хөдөлгөөний далайцыг тооцож хийсэн. Статистик боловсруулалтыг параметрик бус аргаар хийсэн. Үр дүн: Судалгаанд тамирчдын дундаж нас 19±4.6 жил, хүйсийн байдлаар авч үзвэл 54% нь эмэгтэйчүүд, 46% нь эрэгтэйчүүд байв. Тамирчдын 85% нь баруун гар давамгай, 15% нь зүүн гар давамгай байснаас 62% нь давамгай талын мөр өвддөг, 38% нь давамгай бус талын мөр өвддөг. Эмчилгээний бүлэгт өвдөлтийн эрч эмчилгээний өмнө 44.3±8.3 мм байснаас 11.6±6.1 мм (p=0.002) болж буурсан, далны хамрын дээд булчингийн шөрмөсний зузаан өмнө нь 0.61±0.05 мм байсан бол дараа нь 0.54±0.06 мм (p=0.002) болж багассан. Хяналтын бүлгийн өвдөлт 53.4±9.5 мм байснаас 10.4±5.4 мм (p=0.001) болж буурсан, далны хамрын дээд булчингийн шөрмөсний зузаан 0.70±0.09 мм байснаас 0.64±0.1 мм (p=0.001) болж багассан. Хоёр бүлгийг харьцуулахад эмчилгээний бүлгийн үзүүлэлт статистик магадлал бүхий (p=0.005) илүү байсан. Эмчилгээний болон хяналтын бүлэгт мөрний нугалах, тэнийлгэх, холдуулах, ойртуулах хөдөлгөөн эмчилгээний дараа тус тус нэмэгдсэн бөгөөд хоёр бүлгийг харьцуулахад эмчилгээний бүлгийн үр дүн хяналтын бүлгээс статистик магадлал бүхий (p=0.005) илүү байна. Дүгнэлт: Судалгаанд хамрагдсан тамирчдын далны хамрын дээд булчингийн шөрмөсний зузаан багассан нь үрэвсэл намдаж байгааг илтгэж байна. Мөн судалгаанд хамрагдагсдын үений далайц хяналтын бүлэгтэй харьцуулахад илүү сайжирсан нь жүдо бариа заслын үр дүн давамгай байгааг илтгэж байна.
  • Some of the metrics are blocked by your 
    Item type:Publication,
    Эмэгтэйчүүдийн шээс задгайрах эмгэгийг цахилгаан зүү эмчилгээгээр эмчилсэн дүн
    (2023-05-18) ; ;
    Л.Ундрам
    Үндэслэл: Шээс задгайрах эмгэг (ШЗЭ) нь ойр, ойрхон шээх болон ханиаж, найтаах, хүнд юм өргөх үед шээсээ барьж чадахгүй байх эмгэг юм. ШЗЭ-тэй хүмүүс бусдаас санаа зовох, ичих, өөрийгөө нийгмээс тусгаарлах хандлагатай байдгаас гадна сэтгэл санааны хямралд ордог. Манай орны хувьд шээс задгайрах эмгэгийн үед цахилгаан зүү эмчилгээг хэрэглэдэг боловч тус эмчилгээний үр дүнг тооцсон судалгааны ажил хийгдэж байгаагүй нь бид энэхүү судалгааг хийх үндэслэл боллоо. Зорилго: Цахилгаан зүү эмчилгээ нь шээс задгайрах эмгэгийн үед илрэх эмнэлзүйн шинжүүдэд үзүүлэх нөлөөг үнэлэх Арга, аргачлал: Судалгааг эмнэлзүйн туршилт судалгааны загвараар, дан нууцлалтай, санамсаргүй түүврийн аргаар эмчилгээний (n=30) болон хяналтын (n=30) бүлэгт хуваан хийж гүйцэтгэв. Судалгаанд шээс задгайрах эмгэгтэй 60 эмэгтэйг хамруулсан бөгөөд үр дүнг 2 бүлэгт эмчилгээний өмнө болон дараа “Нэг цагийн хугацаанд живх норгох сорил” (1 hour pad test), “Хоногийн шээсний бүртгэл” (Urinary diary), “Шээс задгайрах эмгэгтэй хүмүүсийн амьдралын чанарыг үнэлэх асуумжаар” (I-QOL) үнэлж тооцов. Бид АШУҮИС-ийн Судалгааны ёс зүйн хяналтын хорооны судалгааны ёс зүйн зөвшөөрөл авсан болно. (Протоколын дугаар 2022/3-01) Үр дүн: Нэг цагийн хугацаанд живх норгох сорилын арга ашиглаж шээс алдалтыг хэмжихэд эмчилгээний бүлгийн дундаж шээс алдалтын хэмжээ 12.7 граммаас 1 гр, хяналтын бүлгийн дундаж шээс алдалтын хэмжээ 11 граммаас 7.4 гр болж буурсан нь статистик ач холбогдол бүхий ялгаатай байна. Хоногийн шээсний бүртгэлийн арга ашиглаж хоногт шээс алдах давтамжийн тоог бүртгэхэд эмчилгээний бүлэгт 6 удаагаас 1 удаа, хяналтын бүлэгт 6 удаагаас 4 удаа болж буурсан байна. Амьдралын чанарыг үнэлэх асуумжийн арга ашиглаж амьдралын чанарыг үнэлэхэд эмчилгээний бүлэг 52.26%-иас 91.9%, хяналтын бүлэг 52.03%-иас 74.4% болж өссөн үзүүлэлттэй байгаа нь тодорхойлогдлоо. Дүгнэлт: Шээс задгайрах эмгэгтэй эмэгтэйчүүдэд цахилгаан зүү эмчилгээ хийхэд эмчилгээний болон хяналтын бүлэгт шээс алдалтын хэмжээ, хоногийн шээс алдалтын тоо буурсан, шээс заадгайрах эмгэгийн үеийн амьдралын чанар сайжирсан үзүүлэлттэй байна. Хяналтын бүлгийн цахилгаан зүү эмчилгээтэй харьцуулахад эмчилгээний бүлгийн цахилгаан зүү эмчилгээ илүү өндөр үр дүнтэй болох нь тодорхойлогдлоо.