Даваа–Баасан 08:30–20:00 · Бямба 09:00–16:00
Now showing 1 - 3 of 3
  • Some of the metrics are blocked by your 
    Item type:Publication,
    Туршилтын амьтанд өдөөсөн архаг сульдлын эмгэг загварт Иммунофлю эмийн үрэвслийн цитокинд үзүүлсэн зарим үр дүн
    (2026-05-22)
    Б.Анхбаяр
    ;
    Б.Дэжидмаа
    ;
    Ч.Эрдэнэчимэг
    ;
    А.Ану
    ;
    Ч.Чимэдрагчаа
    Үндэслэл: Архаг сульдлын хам шинж (CFS) нь анагаах ухаанд одоогоор бүрэн тайлбарлагдаагүй эмгэг ба шалтгаан тодорхойгүй, эмнэлзүйд бие сульдаж ядрах, бага зэрэг халуурах, булчингаар өвдөх, толгой эргэх, сэтгэл санаа хямрах, мартамхай болох, нойр сэргэг болох зэрэг шинжээр илэрдэг эмгэг юм. Шинж тэмдгүүд нь бие махбод, оюун санааны ачааллын үед улам дорддог боловч амрах үед бүрэн сайжирдаггүй ба одоогоор анагаах ухаанд архаг сульдлыг эмчлэх үр дүнтэй батлагдсан эмчилгээ дутагдалтай байна. Иймээс бид Мана-4 танд ордог найрлагуудаас бүрдсэн Иммунофлю уусдаг мөхлөгийг гаргаж авсан бөгөөд уг эмийн архаг сульдлын эсрэг үйлдлийн судалгаа хийгдээгүй байгаа нь уг судалгааг хийх үндэслэл боллоо. Зорилго: Мана-4 тангаас технологийн шинэчлэл хийн гарган авсан Иммунофлю эмийн архаг сульдлын үед үзүүлэх нөлөөг судлан тогтоох. Арга, аргачлал: Бид Бид Jia Wang, Chengxin Sun (2013) нарын аргаар архаг сульдалын эмгэг загвар үүсгэн сийвэнгийн IL-1β, IL-2, IL-5, IL-10, IL-17a цитокины хэмжээг ELISA аргаар, цөхрөлийн төлөвийг “Албадан сэлэлтийн сорил” (Forced swim test) сорилоор үнэлэн Иммунофлю эмийн үзүүлэх нөлөөг судлан тогтоосон. Үр дүн: Бид архаг сульдлын эмгэг загварт Иммунофлю эмийг хэрхэн нөлөөлж буйг 100, 200, 400 мг/кг тунд сийвэнгийн интерлейкин (IL) IL-1β, IL-2, IL-5, IL-10, IL-17a цитокины хэмжээ, “Албадан сэлэлтийн сорил” (Forced swim test) сорилоор цөхрөлийн төлөвийг үнэлсэн. Харханд албадан сэлэлтээр өдөөсөн архаг сульдалын эмгэг загварт сийвэнгийн IL2 үзүүлэлтэд Иммунофлю эмийн бүлгийг эмгэг хяналтын бүлэгтэй харьцуулахад 100 мг/кг тундаа 23.8%иар, Иммунал 50 мг/кг тундаа 23.3%-иар тус тус статистик магадлалтай нэмэгдүүлсэн(p<0.05). Мөн IL17a цитокины хэмжээнд Иммунофлю эмийн бүлгийг эмгэг хяналтын бүлэгтэй харьцуулахад 200 мг/кг тундаа 23.7%-иар бууруулсан байна. Албадан сэлэлтийн сорил (Forced swim test) -оор амьтны хөвөх төлвийг үнэлэхэд Иммунал 50 мг/кг (52.03±9.3 сек) тунгаар өгсөн бүлгийг эмгэг хяналтын бүлэгтэй харьцуулахад 31.6%-иар (*p=0.038), Иммунофлю 100 мг/кг (49.19±8.54 сек) тунгаар өгсөн бүлэг 35.3%-иар (*p=0.01) тус тус бууруулсан бол бусад бүлэгт статистик магадлал бүхий ялгаа илрээгүй. Дүгнэлт: 1. Архаг сульдалын эмгэг загварын үеийн сийвэнгийн цитокины хөдлөл зүйд IL2 хэмжээнд Иммунофлю эм 100 мг/кг тундаа 23.8%-иар нэмэгдүүлж дархлааг дэмжиж байна. Мөн IL17a цитокины хэмжээнд Иммунофлю уламжлалт эмийн 200 мг/кг тундаа 23.7%-иар бууруулж үрэвслийн эсрэг нөлөөтэй байна. 2. Албадан сэлэлтээр өдөөсөн архаг сульдалын эмгэг загварт Иммунофлю уламжлалт эм 100 мг/кг тундаа 35.3%-иар амьтны цөхрөл, сульдлыг бууруулж байна.
  • Some of the metrics are blocked by your 
    Item type:Publication,
    Ревматоид артриттай хүмүүсийн ийлдэсний глюкокортикоидын хэмжээнд эвэр соруул заслын үзүүлэх нөлөөг судалсан дүн
    (2024-03-20)
    Du Leng
    ;
    Na Ren
    ;
    Ч.Чимэдрагчаа
    ;
    Үндэслэл: Ревматоид артрит (RA) нь системийн олон гэмтлээр тодорхойлогддог аутоиммуны өвчин юм. РА-ыг дархлалын үйл ажиллагааны алдагдал бүхий олон тооны өвчнүүдээс бүрдсэн эмнэл зүйн хамшинж гэж үздэг бөгөөд хэрэв эмчлэхгүй бол архаг үрэвсэлд шилжиж, үе мөч, эрхтнүүдэд эргэшгүй өөрчлөлтийг үүсгэдэг. Глюкокортикоидууд (ГК)-ыг насанд хүрэгчдэд РА-ын эхний эгнээний эмчилгээ болгож өндөр тунгаар хэрэглэдэг бөгөөд удаан хугацаагаар хэрэглэхэд цусны даралтыг ихэсгэх, цусан дах глюкоз, өөх тосны хэмжээг нэмэгдүүлэх, таргалалт болон урт хугацааны хордлогыг үүсгэх зэргээр янз бүрийн гаж нөлөөг үзүүлдэг. Эвэр соруул эмчилгээ бол хэрх өвчний эмчилгээнд хэрэглэж ирсэн Монголын уламжлалт анагаах ухааны заслын арга юм. Зорилго: Эвэр соруул засал хийлгэсэн РА-тай хүмүүсийн цусан дах глюкокортикоид (ГК)-ын хэмжээнд илрэх өөрчлөлтийг судлах. Арга, аргачлал: Эрүүл болон РА-тай хүмүүст эвэр соруул заслыг 21 хоногийн турш хийсэн. Эмчилгээний өмнө, дунд, дараа цуснаас сорьц авч, ийлдэст ТМТ-т суурилсан квантитатив протеомиксийн шинжилгээ (tandem mass tag-based quantitative proteomics)-г хийж ГК-ын хэмжээг тодорхойлсон. Үүнээс гадна фермент холбоот иммуносорбент сорил (ELISA)-ийг ашиглан цусны сорьц дах ГК-ын хэмжээг тогтоосон. Үр дүн: ГК-ын тоон болон ялгавартай шинжилгээний үр дүнгээс үзэхэд РА-тай хүмүүсийн ийлдэсний ГК-ын хэмжээ эвэр соруул заслын өмнө өндөр байсан ба эмчилгээний явцад болон дараа (p=0.0013) буурсан байв. Түүнчлэн ELISA сорилоор эвэр соруул заслын дараа РА-тай хүмүүсийн ийлдэсний ГК-ын хэмжээ статистик ач холбогдолтойгоор буурсан нь тогтоогдсон (p<0.0001). Генийн онтологийн арвижуулалтын шинжилгээгээр ГК нь голчлон байршил тогтоох, байршил, зөөвөрлөлт, витамин трансмембран зөөвөрлөлт зэрэг биологийн үйл явцад арвижиж байгаа нь тогтоогдсон. ГК мөн цэврүү, эсийн гаднах эксосом, эсийн гаднах цэврүү, эсийн гаднах органелл гэх мэт эсийн бүрэлдэхүүн хэсгүүдэд их хэмжээтэй байх бөгөөд эсийн араг ясны уураг, актин, жижиг молекул, органик цагариг нэгдлийг холбох зэрэг үүрэгтэй байв. Дүгнэлт: Эвэр соруул засал нь ГК хэрэглэсэн РА-тай хүмүүсийн цусан дах ГК-ын хэмжээг илэрхий бууруулах нөлөө үзүүлж байна. Эвэр соруулаар биеийн шингэнийг татаж гаргах нь ГК-ын удаан хугацааны хордлогыг бууруулж, гаж нөлөөг багасган, бие махбодод үзүүлэх хортой нөлөөг сааруулахад дөхөм болно хэмээн таамаглаж байна.
  • Some of the metrics are blocked by your 
    Item type:Publication,
    Харханд албадан сэлэлтээр өдөөсөн архаг сульдалд Иммунофлю (Мана-4) эмийн үзүүлсэн нөлөө
    (2026-03-30)
    Б.Анхбаяр
    ;
    Б.Дэжидмаа
    ;
    Ч.Эрдэнэчимэг
    ;
    А.Ану
    ;
    Ч.Чимэдрагчаа
    Үндэслэл: Мана-4 танг уламжлалт анагаах ухааны эх сурвалжуудад халууныг боловсруулах, хижиг халуун, цайвар бор бадган, цусан хатгалгыг дарах үйлдэлтэй хэмээсэн байдаг. Ч.Чимэдрагчаа (2002) нар Мана-4 тангийн халуун боловсруулах, үрэвслийн эсрэг, дархлаа дэмжих үйлдэлтэй болохыг судлан тогтоожээ. Архаг сульдлын хам шинж нь эмнэлзүйд ядрах, халуурах, толгой өвдөх сэтгэл санаа хямрах, мартамхай болох, нойр сэргэг болох шинжээр ирдэг эмгэг юм. Сүүлийн үед нийгмийн хөгжлийг даган хүмүүсийн амьдралын хэмнэл, ажлын ачаалал нэмэгдэж бие, хэл, сэтгэлийн хямрал ихэссэнээс мэдрэл, дотоод шүүрлийн системийн үйл ажиллагаа алдагдах, хямрах, дархлааны чадамж доройтон улмаар архаг сульдлын хам шинжийн өвчлөл жилээс жилд нэмэгдсээр байгаа нь дэлхийн олон судлаачдын анхаарлыг их татаж байна. Гэвч тус эмгэгийн шалтгаан, өвчний хөгжлийн эмгэг жам бүрэн тодорхойгүй, эмчилгээний үр дүнтэй, тохиромжтой аргыг одоо хүртэл эрэлхийлсээр байна. Иймээс бид Мана-4 танд ордог найрлагуудаас бүрдсэн Иммунофлю уусдаг мөхлөгийг гаргаж авсан бөгөөд уг эмийн архаг сульдлын эсрэг үйлдлийн судалгаа хийгдээгүй байгаа нь уг судалгааг хийх үндэслэл боллоо. Зорилго: Уламжлалт анагаах ухаанд өргөн хэрэглэгддэг Мана-4 тангаас гарган авсан Иммунофлю эмийн архаг сульдлын эсрэг нөлөөг судлан тогтоох. Арга аргачлал: Бид Jia Wang (2013) нарын аргаар албадан сэлэлтээр өдөөсөн архаг сульдалын эмгэг загвар үүсгэн авир төрхийн үнэлгээ хийж хөдөлгөөний идэвх (open field test), айдас түгшүүр (elevated plus maze) зэрэг сорилуудаар Иммунофлю уламжлалт эмийн үзүүлэх нөлөөг судлан тогтоосон. Үр дүн: Бид архаг сульдлын эмгэг загварт Иммунофлю эмийг хэрхэн нөлөөлж буйг 100, 200, 400 мг/кг тунд авир төрхийн үнэлгээ хийж үнэлсэн. Задгай талбайн сорил (Open field test)-оор Иммунофлю бүлгийн амьтдыг эмгэг хяналтын бүлэгтэй харьцуулахад төвөөр дамжин гарсан тоонд аль ч тундаа статистик ялгаа илрээгүй (p>0.05). Харин босоо хөдөлгөөний идэвхийг Иммунал 50 мг/кг тунгаар өгсөн бүлгийг эмгэг хяналтын бүлэгтэй харьцуулахад 80.4%-иар (p=0.024), Иммунофлю 100 мг/кг тундаа 82.6%-иар (p=0.003), Иммунофлю 200 мг/кг тундаа 77.4%иар (p=0.035) статистик магадлалтай нэмэгдүүлсэн. Үүнээс харахад Иммунофлю эм 100, 200 мг/кг тундаа хөдөлгөөний идэвхийг нэмэгдүүлж байна. Амьтны сэтгэл түгшил, авир төрхийг үнэлдэг өргөгдсөн “Нэмэх” хэлбэрт замын сорилоор Иммунал 50 мг/кг тунгаар өгсөн бүлгийн амьтдыг эмгэг хяналтын бүлгийн амьтадтай харьцуулахад голын 10х10 талбайд байсан хугацаа 53.3%-иар (p=0.021), нээлттэй талбайд байсан хугацаа 61.4%-иар (p=0.032) тус тус статистик магадлалтай нэмэгдсэн. Мөн Иммунофлю бүлгийн амьтдыг эмгэг хяналтын бүлгийн амьтадтай харьцуулахад голын 10х10 талбайд гарсан тоо, байсан хугацаа, нээлттэй талбайд гарсан тоонд статистик ялгаа илрээгүй (p>0.05). Харин нээлттэй талбайд байсан хугацаанд Иммунофлю 200 мг/кг тундаа 60.6%-иар (p=0.026) нэмэгдүүлсэн байгаа нь айдас түгшүүрийг бууруулж байна. Дүгнэлт: Албадан сэлэлтээр өдөөсөн архаг сульдалын эмгэг загварт Иммунофлю эм 100, 200 мг/кг тундаа хөдөлгөөний идэвхийг 77.4-82.6%-иар нэмэгдүүлсэн. Айдас түгшүүрийг 200 мг/кг тундаа 60.6%-иар бууруулж, 100 мг/кг тундаа 35.3%-иар амьтны цөхрөл, сульдлыг бууруулж байна.