Даваа–Баасан 08:30–20:00 · Бямба 09:00–16:00
Now showing 1 - 4 of 4
  • Some of the metrics are blocked by your 
    Item type:Publication,
    Хоол боловсруулах замын дурангийн шинжилгээнд пропофолын хэрэглээ, хөөрлийг судалсан үр дүн
    (2024-01-28)
    Т.Маралмаа
    ;
    С.Сарнай
    ;
    ;
    Ц.Тэмүүлэн
    ;
    Б.Марал
    Үндэслэл: Тайвшруулах нөлөөт зарим эмийг хэрэглэснээр хоол Эндоскопи боловсруулах замын дурангийн шинжилгээний үед тохиолдох Панэндоскопи үйлчлүүлэгчийн айдас, таагүй мэдрэмжийг арилгах, эмч шинжилгээг Пародоксикал илүү тайван, гүйцэтгэл сайтай хийх боломжийг олгодог. Пропофол Дундаж тун (2,6 диизопрофилфенол-10 мг/мл) нь хоол боловсруулах дурангийн БЖИ шинжилгээнд өргөн хэрэглэгддэг богино хугацааны үйлдэлтэй тайвшруулах, амнетик, гипнотик үйлчилгээтэй индукцийн бодис юм. Дурангийн шинжилгээний үед эмийг давтан хийх тун, хугацааг тооцоход үйлчлүүлэгч бүрийн хариу урвалаас хамааран хүн бүрд пропофолын нийт тун харилцан адилгүй байдаг. Тайвшруулах нөлөөт эмүүдийн хэрэглээнд зарим тохиолдолд парадоксикал эффект буюу хөөрөл илэрдэг. Энэ нь зөвхөн дурангийн үйл явц, гүйцэтгэлийг доройтуулаад зогсохгүй өвчтөн өөртөө гэмтэл учруулж болзошгүй юм. Пропофолын хэрэглээнд хөөрөл үүсгэх эрсдэлт хүчин зүйл одоогоор бүрэн тодорхой болоогүй буюу судалгаа хомс байна. Зорилго: Дурангийн шинжилгээний үед мэдээгүйжүүлэгийн бус эмчийн тайвшруулах эм хэрэглээний үр дүнг тооцох, хөөрөлд нөлөөлөх хүчин зүйлсийн талаар судлах. Арга, аргачлал: Бид энэхүү судалгааг АШУҮИС, Био-Анагаахын сургуулийн Эм судлалын тэнхим, Интермед эмнэлгийн Хоол боловсруулах дурангийн тасгийг түшиглэн байгууллагад суурилсан, ажиглалт судалгааны ретроспектив загварыг ашиглан, 2018-2022 оны хооронд дурангийн шинжилгээнд хамрагдсан 6393 үйлчлүүлэгчдээс хамруулах болон хасах шалгуурын хүрээнд 3693 үйлчлүүлэгчдийн мэдээлэлд үндэслэн, судалгааг хийж гүйцэтгэсэн. Судалгааны ажлын үр дүнгийн тоон мэдээллийг боловсруулахдаа Microsoft Excel, ЅРЅЅ26.00 (IBM software, Inc. USA) программуудыг ашиглан, дундаж утга, стандарт хазайлт, стандарт үзүүлэлтүүдийг тус тус тодорхойлон, хамаарлыг Пирсоны корреляцийн аргаар тооцоолов. Үр дүн: Нийт 3693 үйлчлүүлэгчдээс улаан хоолой, ходоод дээд гэдэсний дурангийн шинжилгээнд 16-69 насны (дундаж нас 42.78±12.76 жил) 2118 (57.351%), бүдүүн гэдэсний дуранд 17-70 насны (дундаж нас 45.06±12.97 жил) 251 (6.797%), панэндоскопид 16-70 насны (дундаж нас 46.72±11.60 жил) 1324 (35.852%) тус тус хамрагдсан. Тайвшруулалтад хэрэглэсэн пропофолын дундаж тун улаан хоолой, ходоод дээд гэдэсний дурангийн шинжилгээнд 101.92±47.31 мг, бүдүүн гэдэсний дуранд 151.51±61.5 мг, панэндоскопид 188.55±60.17 мг байв. Судалгаанд нийт хамрагсдын 24.24% (895) хөөрөл илэрсэн ба нас нь сул сөрөг хамааралтай, биеийн жин, хүйс ба пропофолын тун нь хөөрөлтэй сул эерэг хамааралтай байгаа нь тус тус тодорхойлогдсон. Дүгнэлт: Дурангийн шинжилгээний төрөл, үргэлжлэх хугацаанаас хамааран профопол хэрэглэсэн тунгийн дундаж үзүүлэлт харилцан адилгүй, статистикийн хувьд ялгаатай нь ажиглагдаж байна. Пропофол ашигласан тайвшруулалтад илэрсэн хөөрөлд үйлчлүүлэгчдийн нас харьцангуй залуу байх, жингийн илүүдэл, пропофолын тун хамааралтай байна.
  • Some of the metrics are blocked by your 
    Item type:Publication,
    Чих хамар хоолойн үрэвсэл үүсгэгч зарим бактерууд тэдгээрийн антибиотикт мэдрэг чанарыг тодорхойлсон дүн (Дархан-Уул аймгийн жишээ дээр)
    (2026-02-03)
    Т.Маралмаа
    ;
    С.Сарнай
    ;
    ;
    А.Алтанзул
    ;
    И.Хүслэн
    Үндэслэл: Чих, хамар, хоолойн үрэвсэлт эмгэг нь түгээмэл тохиолддог ба эмнэлэгт хандалтын өндөр хувийг эзэлдэг өвчлөл юм. Эдгээр өвчин нь өвчтөний амьдралын чанарыг бууруулах, ажлын болон суралцах чадварыг сааруулах, эрүүл мэндийн зардлыг нэмэгдүүлэх сөрөг нөлөөтэй. Антибиотик нь халдварын эсрэг эмчилгээнд чухал үүрэгтэй боловч түүний зохисгүй хэрэглээ нь эмгэг төрүүлэгчидийн антибиотикт тэсвэржилтийг нэмэгдүүлдэг. Монгол Улсад, тэр дундаа ДарханУул аймагт эдгээр өвчний үед илэрч буй бактери болон антибиотикт мэдрэг чанарын талаарх мэдээлэл хязгаарлагдмал тул орон нутгийн нөхцөлд MRSA болон антибиотикт тэсвэржилтийн тархалтыг үнэлэх нь эмнэлгийн практикт эмчилгээ үйлчилгээний зөвлөмж боловсруулах, антибиотикийн зохистой хэрэглээг дэмжихэд чухал ач холбогдолтой юм. Иймд Монгол Улсын нөхцөлд хамар дайврын, залгиур хоолойн болон чихний үрэвсэлт эмгэгүүдийн үед илэрч буй эмгэг төрүүлэгчийн бүтэц, антибиотикт мэдрэг чанарыг харьцуулан үнэлэх нь эмчилгээний үр дүнг сайжруулах, антибиотикт тэсвэржилтийн тархалтыг хязгаарлахад чухал ач холбогдолтой байгаа нь энэхүү судалгааг хийх үндэслэл боллоо. Зорилго: Хамар дайвар, залгиур хоолой, чихний үрэвсэлт эмгэгүүдэд зонхилон халдвар үүсгэгч эмгэг төрүүлэгч бактерууд ба тэдгээрийн антибиотикт мэдрэг чанарыг үнэлэх. Арга, аргачлал: Судалгааг АШУҮИС, Био-АС, Эм судлалын тэнхим, Дархан-Уул аймгийн “Бид” эмнэлгийг түшиглэн 2024 оны 1 сараас 2025 оны 2 сар хүртэлх 1 жилийн хугацаанд чих хамар хоолойн амбулаторид чих хамар хоолойн үрэвсэлт эмгэгтэй гэж сэжиглэсэн үйлчлүүлэгчдийн арчдасын шинжилгээний мэдээллийн нэгдсэн сангаас (n=185) хамруулах болон хасах шалгуурын хүрээнд 145 үйлчлүүлэгчдийн мэдээлэлд үндэслэн, байгууллагад суурилсан, ажиглалт судалгааны нэг агшингийн, ретроспектив загвараар SPSS-26.0 (IBM software Inc USA) программ ашиглан хийж гүйцэтгэсэн. Үр дүн: Судалгаанд 1–73 насны нийт 145 үйлчлүүлэгч хамрагдсанаас хамрын арчдасанд 36 (24.8%), залгиур хоолойн арчдас 56 (38.6%), чихний арчдас 53 (36.6%) авсны 117 (80.7%)-д эмгэг төрөгч илэрсэнээс Staphylococcus aureus нь хамрын арчдасны сорьцын 65.5%, залгиур хоолойн арчдасны 53.6%, чихний арчдасны 67.4%-д тус тус илэрсэн бөгөөд чихний арчдасд илэрсэн S. aureus-ийн 27.6% (n=8) нь MRSA байв. Антибиотик мэдрэг чанарын шинжилгээгээр хамрын арчдасанд илэрсэн S. aureus нь амоксациллин (100%), ампициллин (90.0%), эритромицин (87.5%), азитромицин (81.8%) тэсвэржилттэй, цефазолин (72.7%), доксициклин (80.0%), ванкомицин (75.0%)д мэдрэг байв. Залгиур хоолойн арчдасанд илэрсэн S. aureus нь амоксациллин (100%), ампициллин (100%), хлорамфеникол (87.5%), азитромицин (75.0%) тэсвэржилттэй, ципрофлоксацин (69.2%), ванкомицин (66.7%)-д мэдрэг байв. Чихний арчдасанд илэрсэн S. aureus нь гентамицин (77.8%), кларитромицин (71.4%), азитромицин (66.7%), пенициллин G (66.7%)-д тэсвэржилттэй, нитрофурантоин (87.5%), ванкомицин (68.8%), ципрофлоксацин (64.7%)-д харьцангуй өндөр мэдрэг байдал ажиглагдав. Streptococcus. spp-ийн хувьд эритромицин (84.6%), амоксациллин (76.9%), хлорамфеникол (71.4%)-д тэсвэржилттэй, амоксиклав (54.6%), цефазолин (63.2%), цефотаксим (50.0%)-д тус тус мэдрэг байв. Дүгнэлт: 1. Чих, хамар, хоолойн үрэвсэлт өвчлөл нь Staphylococcus aureus -р зонхилон үүсгэгдэж байна. 2. Зонхилон тохиолдож буй Staphylococcus aureus нь пенициллин, макролид, аминогликозидын бүлгийн антибиотикуудад өндөр тэсвэржилттэй байна.
  • Some of the metrics are blocked by your 
    Item type:Publication,
    Прегабалин эмийн мэдрэлийн өвдөлт намдаах үйлдлийг өвчтөний амьдралын болон нойрны чанартай уялдуулан судалсан дүн
    (2026-03-30) ;
    С.Сарнай
    ;
    Т.Маралмаа
    ;
    Э.Энхцэцэг
    ;
    Үндэслэл: Прегабалин нь мэдрэлийн өвдөлттэй өвчтөнүүдэд өвдөлтийн зэргийг бууруулахаас гадна амьдралын чанар, нойрны чанарыг сайжруулдаг. Прегабалины эмчилгээний үед өвчтөний нойрны чанар, амьдралын чанар сайжирч буй үйлдэл нь прегабалины өвдөлт намдаах үйлдэлтэй холбоотой эсэх нь тодорхойгүй хэвээр байгаа нь энэхүү судалгааны үндэслэл боллоо. Зорилго: Прегабалины эмчилгээний дараа эмчлүүлэгчийн амьдралын чанар, нойрны чанар, өвдөлт намдаах үйлдлийн хоорондын хамаарлыг үнэлэх. Арга, аргачлал: Судалгааг БГД-ийн Ахмадын эмнэлгийг түшиглэн 2026 оны 2 сараас тус эмнэлгийн амбулатороор үйлчлүүлж буй мэдрэлийн өвдөлт бүхий эмгэгээр оношлогдсон өвчтөнүүдийн ерөнхий мэдээлэл, өвдөлтийн зэрэг, нойрны чанар, эрүүл мэндтэй холбоотой амьдралын чанарын эмчилгээний өмнөх суурь үзүүлэлт болон прегабалины 2 долоо хоногийн эмчилгээний дараах үзүүлэлтийг ерөнхий асуумж, өвдөлтийг үнэлэх тоон үнэлгээний хэмжүүр, Питсбургийн нойрны чанарын индекс, EQ-5D-5L буюу эрүүл мэндтэй холбоотой амьдралын чанарыг үнэлэх асуумжийг тус тус ашиглан тооцоолов. Бид судалгааг хяналтын бүлэггүй, ажиглалтын аналитик судалгааны загвараар, статистик тооцооллыг SPSS-27.0 программ ашиглан хийж гүйцэтгэв. Үр дүн: Судалгаанд нийт оролцогчдын дундаж нас нь 59.5±15.7 (n=78) жил, хүйсийн хувьд 53.8% (n=42) нь эмэгтэй, 46.2% (n=36) нь эрэгтэй байв. Өвдөлтийн зэрэг, нойрны чанар, амьдралын чанарын үзүүлэлт тус бүрийн хоорондын хамаарлыг үнэлэхэд нойрны чанар, амьдралын чанарын хооронд хүчтэй эерэг, статистик ач холбогдол (p<0.05) бүхий хамааралтай байсан бол бусад үзүүлэлт хооронд статистик ач холбогдол бүхий хамаарал ажиглагдсангүй. Дүгнэлт: Прегабалин нь мэдрэлийн өвдөлттэй өвчтөнүүдэд өвдөлтийн зэргийг бууруулж, нойрны чанар 1 нэгжээр нэмэгдэхэд амьдралын чанар 0.7 нэгжээр сайжирдаг болох нь тодорхойлогдлоо.
  • Some of the metrics are blocked by your 
    Item type:Publication,
    Төрөлт дэмжих зарим эмийн хэрэглээнд хүйн цусны хийн үзүүлэлтүүдийг харьцуулсан дүн
    (2024-05-13) ;
    С.Сарнай
    ;
    Т.Маралмаа
    ;
    Ж.Отгонбаатар
    ;
    А.Солонго
    Үндэслэл: Төрөлт сэдээлт нь эхийн болон перинаталь үеийн өвчлөл, эндэгдлээс урьдчилан сэргийлэх зорилгоор хийгддэг үйл явц юм. Төрөлт сэдээх арга нь аюулгүй, өвдөлтгүй, тохиромжтой, үр нөлөөтэй ба өртөг багатай байх ёстой. Окситоцин нь төрөлтийг найдвартай, үр дүнтэй сэдээх нийтлэг хэрэглэгддэг эмийн бэлдмэл хэдий ч умайн хүзүү бэлтгэгдээгүй үед төрөлт амжилтгүй сэдээгдэж болзошгүй. Хэрэв, умайн хүзүү бэлтгэгдээгүй үед простогландины аналогийг умайн хүзүүг бэлтгэх, төрөлт сэдээх зорилгоор өргөнөөр хэрэглэдэг. Төрөлт сэдээх эмийн бэлдмэлийн нярайд үзүүлэх нөлөө нь одоог хүртэл маргаантай хэвээр байна. Зарим судлаачид нярайд ямар нэг сөрөг нөлөөгүй гэж үздэг бол зарим нь нярай бүтэлттэй төрөх эрсдэлт хүчин зүйлсийн нэг хэмээн тодорхойлсон байдаг. Тиймээс бид окситоцин ба мизопростолын ургийн цусан дах хийн үзүүлэлтэд үзүүлэх нөлөөг харьцуулан судлах шаардлагатай байгаа нь энэхүү судалгааг хийх үндэслэл боллоо. Зорилго: Ургийн хүйн цусны хийн үзүүлэлтүүдэд төрөлтийг өдөөх зорилгоор хэрэглэх мизопростол ба окситоцины нөлөөг харьцуулан судлах. Арга, аргачлал: ЭХЭМҮТ-д 2024 оны 2 сарын 26-аас 3 сарын 26 хүртэлх 1 сарын хугацаанд төрсөн эмэгтэйчүүдээс, хамруулах шалгуур үзүүлэлтийн дагуу, хяналтын бүлэг (n=10) төрөлт сэдээхээр дан мизопростол үтрээнд (n=10) ба окситоцин судсанд дуслаар (n=10) хэрэглэсэн эхчүүдийг тус тус сонгосон. Хүйн лугшилт зогсохоос өмнө хүйн артерийн цуснаас дээж авч, хүйн артерийн цусны pH, pCO2, pO2, HCO3, ВЕ (цусны илүүдэл суурь) зэрэг үзүүлэлтүүдийг лабораторид хэмжсэн. Нярайг төрмөгц нярайн эмч амьдралын 1 ба 5 дах минутанд апгарын оноог үнэлсэн. Үр дүн: Ургийн хүйн артерийн дундаж рН утга нь хяналтын бүлэгт 7.34±0.04, окситоцины бүлэгт 7.25±0.07, мизопростолын бүлэгт 7.27±0.04 байна. Хяналтын бүлэгтэй харьцуулахад окситоцин (p=0.006) ба мизопростолын (p=0.044) бүлгийн дундаж рН мэдэгдэхүйц ялгаатай байна. Төрөлт сэдээх 2 эмийн бүлгийн хооронд (p=0.694) мэдэгдэхүйц ялгаагүй байна. Ургийн хүйн цусны хийн бусад үзүүлэлтүүд (pCO2, pO2, HCO3, ВЕ) судалгааны бүлгүүдийн хооронд ач холбогдол бүхий ялгаа ажиглагдаагүй (p>0.05). Дүгнэлт: 1. Хяналтын бүлэгтэй харьцуулахад төрөлт сэдээх эмийн бүлгүүдийн дундаж рН нь ихэссэн буюу мэдэгдэхүйц ялгаатай байна. 2. Төрөлт сэдээх эмүүд нь хүйн цусны рН-д нөлөөлж байна.