Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Өмнөговь аймгийн Даланзадгад, Цогт-Цэций сумдын хүн амын дундах харшлын өвчлөлийн байдал
    (2021-11-01) ; ;
    Б.Солонго
    ;
    ;
    Н.Нариа
    Дэлхий дахинд 2021 оны байдлаар 339 сая хүн астма өвчинтэй байна. Астма өвчний тархалт 2025 он гэхэд 100 саяар нэмэгдэх төлөвтэй гэж тогтоосон байдаг3. Манай орны хүн амын дунд харшил, гүүрсан хоолойн багтраа өвчин нэмэгдсээр байгааг судлаачид онцлон тэмдэглэж байна. 2010 онд шуугиант амьсгалын шинж тэмдэгийн тархалт насанд хүрэгсдийн дунд 15.7%, оношилогдсон багтрааны тархалт 4.7%, 6-7 насны хүүхдүүдийн дундах багтрааны тархалт 20.9% байгааг асуумжаар тодорхойлсон. Зорилго: Өмнөговь аймгийн Даланзадгад ба Цогт-Цэций сумын хүн амын дундах харшлын өвчлөлийг тандаж, харшлын шалтгааныг тодорхойлох. Тус судалгаанд 0-16 насны хүүхэд, 17-оос дээш насны насанд хүрэгсдийг хамруулан асуумж авч, эмнэл зүйн бодит үзлэгт хамруулан харшлын шинж тэмдэг бүхий судалгаанд хамрагдагсдад спирометрийн шинжилгээ, арьс хатгах сорил, арьс бигнэх сорил хийж оношийг баталгаажуулсан болно. Тус судалгаанд 0-16 насны эрэгтэй 50 (51.1%), эмэгтэй 48 (48.9%) нийт 98 хүүхэд, 17-оос дээш насны насанд хүрэгсэд эрэгтэй 46 (25.4%), эмэгтэй 133 (74.5%) нийт 181 хүн хамрагдсан байна. Дүгнэлт: 1. Судалгаанд хамрагдагсдын дунд амьсгалын замын харшлын (харшлын ринит, астма) өвчлөл 129 (46.25%) давамгайлж байна. 2. Амьсгалын замын харшлын зонхилох шалтгаан нь шарилж (n=51, 78.4%; сорилын бэлцрүүний голч 5.8±2.3 мм), хамхуул (n=26, 40%; сорилын бэлцрүүний голч 4.6±2.1 мм) мэдрэгшсэн бөгөөд хамхуулийн зүйлийн ургамлын харшил харьцангуй их илэрч байгаа нь говь нутгийн ургамлын төрөл зүйлийн онцлогтой холбоотой байж болно.
  • Some of the metrics are blocked by your 
    Item type:Publication,
    Амьтны хучуурын аллергены мэдрэгшилт ба эмнэлзүйн шинж тэмдгийн хамаарал
    (2021-11-01) ; ;
    Б.Баяр-Өлзий
    ;
    Амьтны хучуурын аллерген нь хэт мэдрэгшилийн 1-р хэлбэрийн урвалаар явагддаг. Гэртээ амьтан тэжээх иргэдийн тоо өсөх хандлагатай бөгөөд АНУ-д нийт өрхийн 60-65% нь гэртээ амьтан тэжээдэг ба амьтан тэжээдэг иргэдийн 12-15% нь харшлын асуудалтай байдаг. Иймээс бид муур, нохой, адууны хучуурын аллергены мэдрэгшилтийг тодорхойлж эмнэлзүйн шинж тэмдгийн хамаарлыг судлахыг зорилоо. Бид судалгаагаа эмнэлэгт суурилсан агшингийн болон ретроспектив, дискриптив судалгааны загвараар Аллерген өвөрмөц IgE илрүүлэх шинжилгээгээр (BioIC) адуу, муур, нохойн хучуурт мэдрэгшил үүссэн 154 үйлчлүүлэгч хамруулан асуумж, эмнэлзүйн бодит үзлэг хийн дүгнэлт боловсруулсан. Бидний судалгаанд BioIC шинжилгээгээр муурны хучуурт 114 (74.02%), нохойны хучуурт 52 (33.76%), адууны хучуурт 47 (30.51%) үйлчлүүлэгч мэдрэгшсэн байв. Нийт оролцогчдод ринит 90 (58.4%), астма 29 (18.8%), чонон хөрвөс 20 (12.9%), атопын дерматит 15 (9.7%), астма, ринит хавсарсан 7 оношлогдсон. Астма оношлогдсон оролцогчдод муурны хучуурт мэдрэгшсэн мэдрэгшлийн эрчим хүүхдэд 30.84±3.05AU, насанд хүрэгчдэд 14.72±2.85AU (p<0.01) байгаа нь статистик ялгаатай тодорхойлогдож амьтны хучуурын харшилтай үйлчлүүлэгчид ринит, астма зэрэг амьсгалын замын харшлын шинж тэмдгээр голлон илэрч байна.