Даваа–Баасан 08:30–20:00 · Бямба 09:00–16:00
library@mnums.edu.mn
/

Dorjjugder, Javzan-Orlom

Loading...
Thumbnail Image
Товч нэр
Dorjjugder, Javzan-Orlom
Бүтэн нэр
Dorjjugder Javzan-Orlom
Латин нэр
Dorjjugder Javzan-Orlom
Албан тушаал
Судлаач
Харьяалал
ORCID

Settings

Now showing 1 - 2 of 2
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Уушгины артерийн бүлэнт бөглөрөл оношлогдсон эмчлүүлэгчдийн дунд амьдралын чанарыг үнэлэх нь
    (2025-01-01)
    Д.Жавзан-Орлом
    ;
    Д.Мөнх-Эрдэнэ
    ;
    Б.Золзаяа
    ;
    Б.Солонго
    ;
    Б.Чулуунбилэг
    Үндэслэл: Эмчлүүлэгчдийн амьдралын чанарыг үнэлэх нь эрүүл мэндийн тусламж үйлчилгээний чухал үзүүлэлтүүдийн нэг болсоор байна. Олон улсад УАББ оношлогдсон эмчлүүлэгчдийн амьдралын чанарыг үнэлэх асуумжийг боловсруулан, тэдний амьдралын чанарыг эмнэлзүйн бусад үзүүлэлттэй холбосон судалгаанууд хийгдсээр байна. Зорилго: УАББ оношлогдсоны дараах амьдралын чанарыг үнэлэх стандарт асуумжийг нутагшуулах, эмчлүүлэгчдийн амьдралын чанарыг үнэлэх. Арга, аргачлал: 2022 оны 8 сараас 2023 оны 12 сарын хугацаанд УГТЭ-ийн УСТ-т УАББ оношоор хэвтэн эмчлүүлсэн 33 эмчлүүлэгчдийг судалгаанд хамруулсан. Ажиглалтын судалгааны агшингийн загвар ашигласан. Хавсарсан хүнд эмгэгтэй, 85-аас дээш настай, судалгаанд оролцохоос татгалзсан эмчлүүлэгчдийг судалгааны хасах шалгуурт оруулсан. Судалгаанд оролцогчдын амьдралын чанарыг Р Е тЪ ^ о ^ асуумжаар үнэлсэн. Р Е т Ъ ^ о ^ нь 6 бүлэг 39 асуулттай. Өндөр оноо нь амьдралын чанар муу байгааг илтгэнэ. 8Р88 16 программыг ашиглан дүн шинжилгээ хийв. Үр дүн: Судалгаанд оролцогчдын дундаж нас 61±15, 18 (54.5%) нь эмэгтэй байв. Антикоагулянт эм уусан дундаж өдөр 170 (27-2555) өдөр, эмийн хэрэглээнд сард дунджаар 80000 (63000-400000) төгрөг зарцуулсан байв. Судалгаанд оролцогчдын амьдралын чанарын дундаж оноо 69.7±23.2 байв. 6 үзүүлэлтийн дундаж оноог тус тусад нь тооцоолсон ба зовуурийн давтамж нь 1.6 ООЯ 1.5-1.9; т а х 5 оноо), өдөр тутмын үйл ажиллагааны хязгаарлалт 1.5 (1.3—1.8; т а х 3 оноо), ажлын гүйцэтгэлтэй холбоотой асуудал 1.7 (1.5-2.0; т а х 2 оноо), нийгмийн үйл ажиллагааны хязгаарлалт 2.0 (2.0-3.0; т а х 5 оноо), зовуурь илрэх эрчим 3.0 (3.0-4.0; т а х 6 оноо), сэтгэл зүйн байдал 2.0 (1.5-2.4; т а х 6 оноо) оноо тус тус байв. Асуумжийн 6 үзүүлэлт тус бүрийн дотоод хүчин төгөлдөр байдлыг үнэлэхэд зовуурийн давтамжийг үнэлсэн бүлэг сайн (а=0.74), бусад үзүүлэлтүүд маш сайн үнэлэгдэв (а>0.85). Амьдралын чанарын нийт оноо, судалгаанд оролцогчдын нас хооронд эерэг, маш бага харин БЖИ-тэй сөрөг маш бага хамааралтай үнэлэгдсэн (г=0.14&г= -0.13, Р>0.05). Дүгнэлт: Судалгаанд оролцогчдын амьдралын чанар бага үнэлэгдэж байгаа ба УАББ оношлогдсоны дараах эмнэлгийн тусламж үйлчилгээг сайжруулах шаардлагатай байна.
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Монгол улс дахь уушгины артерийн цочмог бүлэнт бөглөрлийн эрсдэлт хүчин зүйлс, эмнэлзүйн онцлогийг судалсан дүн
    (2025-12-05)
    Д.Жавзан-Орлом
    ;
    Б.Чулуунбилэг
    ;
    Д.Гантогтох
    ;
    М.Энхтөгөлдөр
    ;
    Д.Мөнх-Эрдэнэ
    Үндэслэл: Дэлхий дахинд УАЦББ-ийн шинэ тохиолдол жилд 100 000 хүн амд 39-115 бүртгэгддэг бол барууны орнуудад 60-120/100000, азийн орнуудад 10-20/100000 тархалттай байна. Монгол улсын хүн амын дунд УАЦББ-ийн эрсдэлт хүчин зүйлийн тархалт, эмнэлзүйн илрэлийг судалсан судалгааны ажил харьцангуй ховор байгаа бөгөөд сүүлийн 30 жилд хүн амын зан зүйл, нийгмийн хүчин зүйлээс ихээхэн шалтгаалдаг халдварт бус өвчний нийтлэг эрсдэлт хүчин зүйлийн тархалт нэмэгдэж, түүнчлэн өндөрлөг бүс нутгийнхны дунд уур амьсгалын хүйтэн нөхцөл, гипокси, цус өтгөрлийн байдал зэрэг нь УАЦББ-ийн тохиолдлыг ихэсгэх шалтгаан болж байна. УАЦББ нь үхэлд хүргэх аюултай, архаг хэлбэрт шилжиж, амьдралын чанарыг бууруулдаг ноцтой эмгэг тул түүний эрсдэлт хүчин зүйлс, эмнэлзүйн онцлогийг судлах шаардлагатай байна. Зорилго: Манай оронд тохиолдож буй УАЦББ-ийн эрсдэлт хүчин зүйл, эмнэлзүйн онцлогийг нас болон хүйснээс хамааруулан судалж, лаборатори ба багажийн шинжилгээний өвөрмөц өөрчлөлтийг үнэлэх. Арга, аргачлал: Судалгааг аналитик судалгааны ретроспектив загвар ашиглан гүйцэтгэв. Судалгаанд хамруулах шалгуурыг хангасан 232 хүний мэдээлэлд дүн шинжилгээ хийв. Судалгаанд хамрагдагсдын өвчний түүхээс оролцогчийн ерөнхий мэдээлэл, эрсдэлт хүчин зүйл, хавсарсан өвчин, зовуурь болон бодит үзлэгийн мэдээллийг цуглуулсан. Мөн лабораторийн шинжилгээнд цусны дэлгэрэнгүй шинжилгээ, коагулограмм, иммунологи (Димер, NT-proBNP, тропонин, протейн С, гомоцистейн, С урвалж уураг), багажийн шинжилгээний зарим үзүүлэлтийг судалгаанд ашиглав. УАЦББ байх магадлалыг Вейлс, Женевийн үнэлгээгээр мөн УАЦББ-ийн хүндийн зэргийг хялбаршуулсан sPESI (simplified Pulmonary embolism severity index) үнэлгээгээр тооцсон. Судалгааны нас болон хүйсээр бүлэг хоорондын ялгааг үл хамааралт t тест, бүлэглэсэн хувьсагч хоорондын ялгааг хи-квадрат тест ашиглан боловсруулав. Үр дүн: УАЦББ-тэй оролцогчдын хүйсний хувьд хорт зуршлын хэрэглээ эрэгтэйд статистик ялгаа бүхий өндөр хувьтай байлаа (p<0.001). Хавсарсан өвчтэй оролцогчдоос артерийн гипертензи, уушгины бусад эмгэг эрэгтэйд, харин зүрхний эмгэг эмэгтэй хүйсд харьцангуй өндөр байв (p=0.028). Насны хувьд 65 болон түүнээс дээш настай хүмүүст хавсарсан өвчний тохиолдол болон тогтмол эмийн хэрэглээтэй оролцогчид харьцангуй өндөр үнэлэгдлээ (р<0.001). Судалгаанд оролцогчдын дунд хамгийн түгээмэл илэрсэн зовуурь нь амьсгаадах (90.9%), цээжээр өвдөх (74.2%), ханиах (70.5%), хөлийн өвдөлт (38.9%), цустай ханиах (20.7%), хөхрөлт (9.3%) байлаа. Хүндийн зэргийг хялбаршуулсан оноо (sPESI)-гоор үнэлэхэд 69.8% (162) нь ойрын 30 хоногийн дотор нас барах өндөр эрсдэлтэй үнэлэгдсэн бөгөөд хүйсээр статистик ялгаагүй. Харин насны ангилалаар, ойрын 30 хоногийн дотор нас барах эрсдэл 65-аас дээш насны бүлэгт өндөр тодорхойлогдож байна (P<0.001). Судалгаанд насны бүлэг ахих тусам нейтрофиль/лимфоцитын харьцаа болон тромбоцит/лимфоцитын харьцаа нь ихсэж цочмог үрэвслийг илтгэж байна (p=0.001). Тодосгогчтой КТ-ын шинжилгээгээр оролцогчдын 95 (44.2%) нь уушгины гол салааг хамарсан бөгөөд хүйсийн хувьд ач холбогдол бүхий ялгаагүй. Харин 65-аас дээш насны бүлэгт уушгины артерийн гол салаа бөглөрсөн тохиолдол өндөр хувьтай байна. Дүгнэлт: УАЦББ оношлогдсон хүмүүсийн дунд амьсгаадах, цээжээр өвдөх, ханиах шинж олонтаа илэрсэн. УАЦББ-ийн улмаас 30 хоногийн дотор нас барах эрсдэл эрэгтэйчүүдэд илүү өндөр байгаа ба өвчтөний нас ахих тусам эрсдэл нэмэгдэж байна.