Даваа–Баасан 08:30–20:00 · Бямба 09:00–16:00
Now showing 1 - 1 of 1
  • Some of the metrics are blocked by your 
    Item type:Publication,
    Насанд хүрэгчдэд тохиолдох цочмог лейкемийн тавиланг ийлдсийн лактатдегидрогеназын төвшингөөр тодорхойлохын ач холбогдлыг уялдуулан судлах нь
    (2021-11-01)
    Д.Нүрзэддулам
    ;
    ; ;
    Б.Оюунбилэг
    ;
    Ц
    Үндэслэл: Цочмог лейкемийн явц, тавиланг урьдчилан тооцоолоход ийлдсийн лактатдегидрогеназа болон ферритинийг дэлхий нийтэд өргөн ашигладаг. Сүүлийн жилүүдэд Монгол улсад цусны хавдрын оношлогоо эмчилгээнд ахиц, дэвшил гарсантай холбоотой цусны хавдрын тохиолдол ихэссэн ч, өвчний явц, эрсдэлийг тооцоход ач холбогдол бүхий биохимийн шинжилгээний үзүүлэлтийг төдийлөн ашиглахгүй байгаа нь энэхүү судалгааны ажлыг хийх үндэслэл боллоо. Арга аргачлал: Энэхүү судалгаанд 2017оны дөрөвдүгээр сараас 2020 оны аравдугаар сар хүртэлх Улсын Нэгдүгээр Төв Эмнэлгийн (УНТЭ) Эмнэлзүйн Эмгэг Судлалын Нэгдсэн Лабораторид (ЭЭСНЛ) цочмог лейкеми онош нь батлагдсан тохиолдлуудыг хамруулж, цусны дэлгэрэнгүй шинжилгээг Sysmex XN-2000 гематологийн бүрэн автомат анализатор дээр хийж, захын цус болон, ясны хэмийн түрхэц, цитохимийн будгуудыг ашиглан урсгал эс тоолуураар иммунофенотипийг “BD-FACSCantoII” тодорхойлон оношийг баталгаажуулсан. Лактатдегидрогеназийн төвшинг биохимийн бүрэн автомат COBAS 6000, C311, Ферритинийг е411 анализатораар хэмжив. Үр дүн: Судалгаанд хамрагдсан 131 тохиолдлын 80.15% (105)д цочмог миелобластын, 17.56% (23)-д лимфобластын, 2.29%(3)-д холимог хэлбэрийн цочмог лейкеми оношлогдсон байна. Судалгаанд хамрагдагсдын насны дундаж 44.1±15.6 байлаа. Цочмог лейкемийн тохиолдлыг лактатдегдрогеназийн төвшин их болон бага гэсэн 2 бүлэгт хувааж харьцуулахад цагаан эсийн тоон (P=0.002), лимфоцитийн эзлэх хувь (P=0.008), өвчтөний амьдрах хугацаа (P=0.003), ясны хэм дэх бластын эзлэх хувь (P=0.02) статистик ач холбогдол бүхий ялгаатай тодорхойлогдов. Оношлогдсоноос хойшх 10-н сарын хугацаанд өвчтөний амьдрах чадвар лактатдегидрогеназын төвшин бага хүмүүст 60%, лактатдегидрогеназын төвшин их бүлэгт 35% байв. Дүгнэлт: Цочмог лейкеми оношлогдох үед лактатдегидрогеназын төвшин өндөр тодорхойлогдох нь өвчтөн тавилан муу байгааг харуулж байна.