Даваа–Баасан 08:30–20:00 · Бямба 09:00–16:00
library@mnums.edu.mn
/

Sukhbaatar, Pagmadulam

Loading...
Thumbnail Image
Товч нэр
Sukhbaatar, Pagmadulam
Бүтэн нэр
Sukhbaatar Pagmadulam
Латин нэр
Sukhbaatar Pagmadulam
Албан тушаал
Судлаач
Харьяалал
ORCID
Scopus Author ID

Settings

Now showing 1 - 3 of 3
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Дасан зохицох чадвар оюутны сурлагын амжилт, мэргэжил сонголтын сэдэл хоорондын хамаарлыг судалсан үр дүн
    (2023-05-22)
    П.Батчулуун
    ;
    С.Пагмадулам
    ;
    Б.Энхбаяр
    ;
    М.Туул
    Үндэслэл: Их сургуульд суралцах явц нь хувь хүний амьдралын хамгийн дарамт ихтэй, сэтгэл зүйн стресст өртөх эрсдэл бүхий үеийн нэг гэдэг нь судалгаагаар батлагдсан байдаг. Оюутнууд энэ үедээ дэмжлэг туслалцаа бага авахын зэрэгцээ үүрэг хариуцлага болон ачаалал ихэсдэг. Ажил эрхэлдэг хүмүүсийг бодвол их сургуулийн оюутнууд өөрсдөд нь тохироогүй илүү их ачаалалд ордог. Оюутны дасан зохицох чадвар нь сурлагын амжилтад эергээр нөлөөлж, хамааралтай байна гэсэн статистик үнэн бодит үр дүн гараагүй байна. Харин мэргэжил сонголтын хувийн ач холбогдол бүхий дотоод сэдэл нь сурлагын амжилт, дасан зохицох чадвар хоёрт нөлөөлж байгаа нь харагдаж байна. Зорилго: Оюутнуудын дасан зохицох чадвар сурлагын амжилтад нөлөөлж байгааг судлах Арга, аргачлал: Судалгааг 2023 оны 3 сарын 30-ны өдрөөс 4 дүгээр сарын 05-ны хооронд нэг агшингийн судалгааны загвараар 189 оюутнаас таниулсан зөвшөөрлийн хуудсаар зөвшөөрөл авч, 72 асуулгаар 40 минутын хугацаанд судалгааг авсан. Үр дүн: Судалгаанд Этүгэн их сургуулийн их эмчийн мэргэжлээр суралцаж буй 2 дугаар дамжааны 189 оюутан оролцсон бөгөөд эрэгтэй 30 (15.9%), эмэгтэй 159 (84.9%) оюутан байна. Судалгаанд оролцогчдын 71% буюу 134 оюутан хөдөө орон нутгийнх, 29% буюу 55 оюутан Улаанбаатар хотод оршин суудаг байна. Судалгаанд оролцсон нийт оюутнуудын 33.9% хувь буюу 63 оюутан сургалтын үйл ажиллагаанд дасан зохицох чадвар сайтай, 65.9% буюу 124 оюутан сургалтын үйл ажиллагаанд дасан зохицох чадвар дунд зэрэг, 1.1% буюу 2 оюутан сургалтын үйл ажиллагаанд дасан зохицох чадвар муутай гэсэн үр дүн гарсан байна. Дүгнэлт: Судалгаанд хамрагдсан нийт оюутнуудын нийгэм, хамт олон сургуулийн орчинд дасан зохицох чадвартай оюутан судалгаанд оролцсон нийт оюутнуудын дийлэнх хувийг эзэлж байна. Оюутнууд нийгэм, сургуулийн орчин, анги хамт олондоо дасан зохицох чадвар сайн байх нь хичээлдээ явах идэвх санаачлага нэмэгдэж өөрийн сонгосон мэргэжлээ сайн эзэмшихэд нөлөөлж байна. Судалгаанд нийт хамрагдсан оюутнуудын 98,9% нь сургалтын үйл ажиллагаанд дасан зохицох чадвар сайн, дунд зэрэг гэсэн үр дүн гарсан байгаагаас харахад нийгэм, хамт олон, сургуулийн орчинд дасан зохицож чадсан оюутнууд, сургалтын үйл ажиллагаандаа дасан зохицоход хялбар болж байна. Нийгэм хамт олон сургуулийн орчинд дасан зохицох чадвар, сургалтын орчинд дасан зохицох чадвар хоорондоо хамааралтай байна.
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Тамирчдын стресс болон сэтгэл гутралын түвшнийг тодорхойлон, хамаарлыг судалсан дүн (Монгол улсын Зэвсэгт хүчний харьяа Алдар спорт хороо, Спортын төв ордон, Женко спорт клубийн тамирчдын жишээ дээр)
    (2024-01-21)
    С.Пагмадулам
    ;
    П.Батчулуун
    ;
    З.Нандин-Эрдэнэ
    ;
    Д.Цогзолмаа
    ;
    М.Туул
    Үндэслэл: Монгол улсын хувьд сэтгэц, зан үйлийн эмгэгийн тохиолдол 2000 онд 10.000 хүн амд 77.4, 2016 онд 109.5, 2019 онд 127.9 болж нэмэгджээ. Насны бүтцийн хувьд авч үзвэл 30-54 насны хүн амд хамгийн өндөр үзүүлэлттэй байгаа бөгөөд сүүлийн жилүүдэд хүүхэд, өсвөр насныхны өвчлөл ихсэх хандлагатай байна. Зорилго: Тамирчдын стресс, сэтгэл гутралын түвшин тогтоож, зарим хамаарлыг судлах. Арга, аргачлал: Бид 2023 оны 02 дугаар сараас 2023 оны 04 дүгээр сарын хооронд Монгол улсын Зэвсэгт хүчний харьяа Алдар спорт хороо, Спортын төв ордон, Женко спорт клубийн тамирчдаас санамсаргүй түүврийн аргаар, нэг агшингийн загвараар Этүгэн их сургуулийн ёс зүйн хорооны 2023 оны 03 дугаар сарын 22-ны өдрийн 2023/1-01 тоот зөвшөөрөлтэй таниулсан зөвшөөрлийн хуудсаар зөвшөөрөл авч, 119 тамирчдыг хамруулсан бөгөөд стрессийн түвшнийг SRQ-20 асуулга болон сэтгэл гутралын түвшнийг PHQ-9 асуулгаар судалгааг хийж гүйцэтгэв. Үр дүн: Судалгаанд 16-54 насны тамирчид хамрагдсан бөгөөд дундаж нас нь 22.68 жил байв. Хүйсийн хувьд авч үзвэл эрэгтэй 89 (74.79%), эмэгтэй 30 (25.21%) хүн, спортоор хичээллэсэн хугацаа дунджаар 5.48 жил байсан бөгөөд хамгийн бага нь 1 жил, их нь 18 жил тус тус байв. Судалгаанд оролцогчдын 75 (63.03%) стрессгүй, 44 (36.97%) стресстэй байгаа нь тодорхойлогдлоо. Судалгаанд оролцсон тамирчдын 11 (9.24%) нь хүнд зэргийн стресстэй, сэтгэл зүйн тулгамдсан асуудалтай байгаа бөгөөд сэтгэцийн эмчийн үзлэг, оношилгоо, сэтгэл зүйчийн зөвлөгөө шаардлагатай байна. Сэтгэл гутралын түвшингөөр авч үзвэл 37 (32.50%) нь эрүүл, 33 (27.5%) бага зэргийн сэтгэл гутралтай, 27 (22.69%) нь дунд зэргийн сэтгэл гутралтай, 16 (13.33%) нь дундаас их сэтгэл гутралтай багаа бол 6 (5%) хүнд хэлбэрийн сэтгэл гутралтай байв. Хүнд хэлбэрийн сэтгэл гутралтай тамирчдын 50% нь 4-6 жил спортоор хичээллэж байгаа тамирчин байв. Сэтгэл гутралын түвшин спортын зэргийн хувьд (Chi2=10.74) ялгаатай байгаа үр дүн дисперсийн шинжилгээгээр гарав. Сэтгэл гутралын тулгамдсан асуудал болон стрессийн оноо r=0.87 хүчтэй эерэг хамааралтай байв. Нэг хүчин зүйлийн шугаман регрессээр сэтгэл гутралын тулгамдсан асуудлын оноо нэгээр нэмэгдэхэд сэтгэл гутралын оноо 0.61 дахин нэмэгдэж байгаа нь (p=0.04) статистик ач холбогдолтой байв. Дүгнэлт: Судалгаанд оролцсон тамирчдын стресс болон сэтгэл гутралын тархалт харьцангуй өндөр байгаа нь нийгмийн харилцааны энгийн үйл ажиллагаа явуулах боломжгүй, амиа хорлох эрсдэлтэйг илтгэх тул цаашид гүнзгийрүүлэн судлах шаардлагатай болохыг харуулж байна. Сэтгэл гутралын тулгамдсан асуудал стрестэй хүчтэй шууд, сэтгэл гутралтай сул хамааралтай байгаа нь сэтгэл зүйн тулгамдсан асуудлыг эрт илрүүлж, цаг тухайд нь тохирсон арга хэмжээг авснаар сэтгэл гутрах эмгэгээс урьдчилан сэргийлэх боломжтой болохыг илтгэж байна.
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Тамирчны олон талт оюун ухаан (multiple intelligence) болон сэтгэлийн хөдөлгөөний оюун ухаан (emotional intelligence)-ны хамаарлыг судалсан үр дүн
    (2023-05-18)
    С.Пагмадулам
    ;
    П.Батчулуун
    ;
    Б.Энхбаяр
    ;
    Д.Цогзолмаа
    ;
    М.Туул
    Үндэслэл: Спортоор хичээллэх явцад сэтгэл хөдлөлөө үр дүнтэй Тамирчин даван туулахын тулд, сэтгэл хөдлөлөө удирдах, зохицуулах, хянах, Сэтгэл хөдлөл амжилт гаргахад нөлөөлж болохуйц чухал хүчин зүйл юм. Спорт нь Оюун ухаан олон талын чадварыг зэрэг хөгжүүлэхэд эерэг нөлөө үзүүлдэг бөгөөд, Эмпати тамирчин биеийн хөдөлгөөнтэй холбоотой үйлдэл хийж байх үедээ сэтгэлийн хөдөлгөөнөө удирдах зэрэг нь олон талт оюун ухааны чадвар дээр суурилсан үйлдлүүдийг гүйцэтгэхэд нөлөөлдөг бөгөөд тамирчдад тулгардаг өдөр тутмын сорилтууд нь олон талт оюун ухааны чадвар өндөр байхад нөлөөлж байна гэж үзэн энэхүү судалгааг хийхээр болов. Зорилго: Тамирчдын сэтгэлийн хөдөлгөөний оюун ухаан, олон талт оюун ухааныг судлахад оршино. Арга, аргачлал: Бид судалгаагаа 2023 оны 03 дугаар сараас 2023 оны 4 сарын хооронд Монгол улсын Зэвсэгт хүчний харьяа Алдар спорт хороо, Спортын төв ордон, Женко спорт клубийн спорт зааланд бэлтгэл хийдэг тамирчдаас энгийн санамсаргүй түүврээр 119 тамирчнаас таниулсан зөвшөөрлийн хуудсаар зөвшөөрөл авч эхлүүлэв. Сэтгэлийн хөдөлгөөний оюун ухааны түвшнийг Д.В.Люсины боловсруулсан “ЭмИн” загвараар, олон талт оюун ухааны хөгжлийн түвшнийг Х.Гарднерын MI (Multiple Intelligences) сорилоор хийж гүйцэтгэв. Үр дүн: Бидний судалгааны үр дүнд сэтгэлийн хөдөлгөөний оюун ухааны өөрийн болон бусдын сэтгэлийн хөдөлгөөнийг удирдах, хүмүүс хоорондын сэтгэлийн хөдөлгөөнийг ойлгох, удирдах бүлгийн дундаж оноо өөрийн сэтгэлийн хөдөлгөөнийг ойлгох, удирдахаас өндөр байгаа боловч дундаж түвшинд байгаа бол олон талт оюун ухааны хүмүүс хоорондын оюун ухаан, бие бялдрын оюун ухаан бусад үзүүлэлтээс харьцангуй өндөр байна. Сэтгэлийн хөдөлгөөний оюун ухаан нь хэл ярианы оюун ухаантай r=0.41 дунд зэрэг эерэг хамааралтай, логик математик оюун ухаан, хөгжмийн оюун ухаан, орон зайн оюун ухаан, бие бялдрын оюун ухаан, өөрийгөө илэрхийлэх оюун ухаан, хүмүүс хоорондын оюун ухаан, байгальтай харилцах оюун ухаан (R=0.36, 0.18, 0.29, 0.36, 0.33, 0.37, 0.37) сул эерэг хамааралтай байгаа нь (p<0.05) статистик ач холбогдол бүхий байв. Олон хүчин зүйлийн шугаман регрессийн шинжилгээгээр хэл ярианы оюун ухааны оноо нэгээр нэмэгдэхэд сэтгэлийн хөдөлгөөний оюун ухаан 1.19 дахин (119%) нөлөөлдөг болох нь P=0.032* статистик үнэн магадлалтайгаар батлагдав. Дүгнэлт: Сэтгэлийн хөдөлгөөний оюун ухааны ерөнхий 4 бүлгээс Өөрийн болон бусдын сэтгэлийн хөдөлгөөнийг удирдах чадвар бусад үзүүлэлтээс өндөр байна. Олон талт оюун ухааны дунджаас ажиглахад бие бялдрын оюун ухаан, өөрийгөө илэрхийлэх оюун ухаан, хүмүүс хоорондын оюун ухаан, байгальтай харьцах оюун ухаануудын дундаж болон дунджаас дээгүүр эзлэх хувь харьцангуй өндөр байгаа бөгөөд спортоор хичээллэдэггүй хүмүүстэй харьцуулахад тамирчдын олон талт оюун ухааны чадвар өндөр байна. Хэл ярианы оюун ухааны хөгжлийг тэргүүн эгнээд тавьж хөгжүүлэх нь сэтгэлийн хөдөлгөөний оюун ухаан хөгжих үндсэн суурь болно үзэв.