Даваа–Баасан 08:30–20:00 · Бямба 09:00–16:00
Now showing 1 - 4 of 4
  • Some of the metrics are blocked by your 
    Item type:Publication,
    Архаг чонон хөрвөсийн хулганы загварт лютеолин-гадолиниум нэгдлийн үрэвслийн фенотип ба эдэд үзүүлэх нөлөө
    (2026-04-28)
    A Сүрүй
    ;
    Я.Энхтөр
    ;
    Ши ЖиХай
    ;
    Үндэслэл: Архаг чонон хөрвөс (АЧХ) нь арьсны хүчтэй загатнаа, бэлцрүү болон судасны хавангаар илэрдэг. Лютеолин (Luteolin, Lut) нь үрэвслийн болон харшлын эсрэг идэвхтэй байгалийн флавоноид боловч био хүртээмжийн хувьд хязгаарлагдмал байдаг. Зарим судалгаанд флавоноидыг металлын ионтой комплекс үүсгэх нь тэдгээрийн физикхими болон биологийн шинж чанарыг сайжруулж, синергит үйлдлээр эмчилгээний үр нөлөөг нэмэгдүүлж буй нь тогтоогдсон. Иймд лютеолингадолиниум (Lut-Gd) нэгдэл нь дан Lut-тай харьцуулахад илүү хүчтэй үрэвслийн эсрэг үйлдэл үзүүлэх нь онолын хувьд бүрэн судлах үндэслэл болж байна. Зорилго: АЧХ-ийн хулганы загварт Lut-Gd нэгдлийн үрэвслийн эсрэг үйлдэл болон аюулгүй байдлыг Lut-тай харьцуулан үнэлэх. Арга, аргачлал: C57BL/6 омгийн хулганад овальбумин, хөнгөн цагааны гидроксидоор АЧХ-ийн загвар үүсгэн 14 хоног Lut болон LutGd эмчилгээ хийж, маажих зан үйл болон гистопатологийн өөрчлөлтийг үнэлэв. Үр дүн: Загварын бүлэгт маажих зан үйл мэдэгдэхүйц нэмэгдэж, арьсны эдэд дермийн хаван, коллаген ширхэгийн бүтцийн алдагдал, үрэвслийн эсийн нэвчдэс илэрхий ажиглагдсан. Lut болон Lut-Gd эмчилгээний дараа эдгээр өөрчлөлтүүд буурсан ба Lut-Gd бүлэгт статистик ач холбогдол бүхий ялгаатай сайжрал илэрсэн. Lut-Gd нь маажих давтамжийг 45-50%-иар бууруулсан нь Lut бүлгээс 20%-иар өндөр байв. Түүнчлэн уушги, элэг, бөөр болон тунгалгийн зангилаанд эмгэг морфологийн өөрчлөлт илрээгүй. Дүгнэлт: Lut-Gd нэгдэл нь маажих зан үйл болон арьсны эмгэг эдийн өөрчлөлтийг бууруулах үйлдлээрээ дан Lutаас илүү үр нөлөөтэй бөгөөд чухал эрхтнүүдэд эмгэг өөрчлөлт үүсгээгүй нь аюулгүй байдлыг баталж байна.
  • Some of the metrics are blocked by your 
    Item type:Publication,
    Атопийн арьсны үрэвсэлтэй 2-16 насны хүүхдүүдэд рашаан шүршлэг хэрэглэсэн үр дүн
    (2025-05-05) ;
    Я.Энхтөр
    ;
    Үндэслэл: Атопийн арьсны үрэвсэл (ААҮ) нь бага насны хүүхдэд түгээмэл тохиолддог архаг, дахилтат явцтай арьсны үрэвсэлт өвчин бөгөөд эмнэлзүйд загатнаа болон арьсны тууралтаар илэрдэг. Атопийн арьсны үрэвсэл нь дэлхийн нийт бага насны хүүхдүүдийн 5-30%, насанд хүрэгчдийн 1-10%-ийг эзэлдэг гэх тархвар зүйн судалгаа байдаг. Сүүлийн жилүүдэд дэлхий даяар арьсны архаг эмгэгийг эмчлэхэд рашаан усыг ашигласаар байна. Манай улсад арьсны зарим эмгэгийн үед ялангуяа атопийн арьсны үрэвслийн үед шаргалжуут рашаан шүршлэгийг хэрэглэсэн судалгаа олдохгүй байгаа нь энэхүү судалгааг хийх үндэслэл боллоо. Зорилго: Атопийн арьсны үрэвсэлтэй хүүхдүүдэд шаргалжуут шүршлэг хэрэглэн хүндийн зэрэг, загатнааны эрчим, арьсны зарим физиологийн үзүүлэлтүүдийг үнэлэх. Арга, аргачлал: Бид судалгааг плацебо хяналтат бүлэгтэй, эмнэлзүйн туршилт судалгааны загвараар ААҮ-тэй 2-16 насны хүүхдүүдийг судалгаанд хамруулан шаргалжуут рашаан шүршлэг хэрэглүүлэн эмчилгээний өмнөх болон дараах хүндийн зэрэг (SCORAD), загатнааны эрчим (VAS), арьсны чийгшил (SCH), өнгөн хөрсний чийг алдалтыг (TEWL) үнэлэв. Үр дүн: Судалгаанд хамрагдагсдын нийт тохиолдлоос 81.7% (49) нь SCORAD үнэлгээ хөнгөн, 18.3% (11) нь дунд зэрэгтэй байсан бол VAS үнэлгээгээр нийт тохиолдлын 40% (24) нь бага зэргийн загатнаатай байгаа нь тодорхойлогдлоо. Судалгаанд хамрагдагсдын 96.7% (58) нь арьсны чийгшил хэт хуурай байсан бол өнгөн хөрсний чийг алдалт 76.7% (46) нь сайн байгаа нь тодорхойлогдов. Бүлэг хоорондын хүндийн зэрэг, загатнааны эрчим, арьсны физиологийн зарим үзүүлэлтүүд 30 дахь хоногт статистик ач холбогдол бүхий ялгаатай байлаа (p=0.001, p=0.002). Туршилтын бүлэгт хамрагдагсдын судалгааны эхний хоног, 15, 30 дахь хоногийн хүндийн зэрэг (p=0.001), загатнааны эрчим (p=0.002), арьсны чийгшил (p=0.002), өнгөн хөрсний чийг алдалт (p=0.001) хооронд мөн адил статистик ач холбогдолтой ялгаа ажиглагдав. Туршилтын бүлэгт хамрагдагсдын өнгөн хөрсний чийг алдалтын хэмжээг арьсны чийгшлийн хэмжээтэй харьцуулахад шугаман хамааралтай (r=0.566, p=0.0001) байлаа. Дүгнэлт: 1. Судалгаанд хамрагдсан ААҮ-тэй нийт хүүхдүүдийн 81.7% (49) нь хүндийн зэргийн SCORAD үнэлгээ хөнгөн, загатнааны эрчмийн VAS үнэлгээ 40% (24) нь бага зэргийн загатнаатай байсан бол 96.7% (58) нь арьсны чийгшил хэт хуурай, өнгөн хөрсний чийг алдалт 76.7% (46) нь сайн байгаа нь тус тус тодорхойлогдлоо. 2. Туршилтын бүлэгт хамрагдсан хүүхдүүдийн шаргалжуут шүршлэх хэрэглэхийн өмнөх хүндийн зэрэг, загатнааны эрчим, арьсны чийгшил, өнгөн хөрсний чийг алдалтын хэмжээг шаргалжуут шүршлэг хэрэглэсний дараах хоногуудтай харьцуулахад арьсны чийгшлийн хэмжээ нэмэгдэн, өнгөн хөрсний чийг алдалт буурснаар хүндийн зэрэг болон загатнааны эрчим багасаж байгаа нь тогтоогдлоо.
  • Some of the metrics are blocked by your 
    Item type:Publication,
    Сорвины орчин үеийн эмчилгээний үр нөлөө: системчилсэн тойм өгүүлэл
    (2026-04-28)
    П.Билгүүн
    ;
    Я.Энхтөр
    ;
    Үндэслэл: Орчин үед сорвины эмчилгээнд силикон гель, кортикостеройд, лазер, мэс заслын аргууд тодорхой үр дүнтэй боловч сорвины бүтцийг бүрэн сэргээх боломж хязгаарлагдмал хэвээр байна. Сүүлийн жилүүдэд сорвины эдийн нөхөн төлжилтийг дэмжих шинэ аргууд эрчимтэй судлагдаж байгаа бөгөөд үүний нэг нь аутолог өөх шилжүүлэн суулгалт (AFG) юм. Энэхүү арга нь өөхөн эдийн гаралтай үүдэл эс (ADSCs), стромын судасны фракц (SVF) болон өсөлтийн хүчин зүйлсийг агуулдаг тул ангиогенезийг дэмжих, үрэвслийг бууруулах, коллагены бүтцийг шинэчлэн зохицуулж сорвины эдийн бүтэц, чанарыг сайжруулах боломжтой. Зорилго: Монгол Улсад AFG, ADSCs болон SVF-д суурилсан сорвины эмчилгээний үр нөлөө, аюулгүй байдалд хийгдсэн судалгаа хомс байгаа тул олон улсын мэдээллийг нэгтгэн, эмчилгээний үр дүн, аюулгүй байдлыг үнэлэх. Арга, аргачлал: Энэхүү системчилсэн тойм судалгааг PRISMA удирдамжийн дагуу гүйцэтгэж, PubMed, Scopus, Web of Science мэдээллийн сангуудаас хайлт хийв. Нийт 902 судалгаанаас шалгуурын дагуу 27 судалгааг сонгон авч, чанарын үнэлгээ болон дүн шинжилгээ хийж, AFG, ADSCs болон SVF-ийн сорвины эмчилгээнд үзүүлэх үр нөлөөг үнэлэв. Үр дүн: Нийт хамрагдсан 27 судалгааны дүнгээс үзэхэд AFG, ADSCs болон SVF эмчилгээний аргууд нь сорвины морфологи, эдийн бүтэц, уян хатан чанар, өвдөлт болон үйл ажиллагааны сэргэлтэд нийтлэг эерэг нөлөө үзүүлсэн байна. Өөх боловсруулах олон төрлийн арга хэрэглэгдэж байгаа ч 15 судалгаанд Колеман техникээр боловсруулалт хийж, дерм-гиподермийн заагаар ретроград тарилга хийсэн байна. Нийт сонгогдсон судалгааны 23 нь сорвины бүтцийн өөрчлөлтийг үнэлсэн ба сорвины өнгө, зузаан, уян чанар болон контур сайжирсан, өвдөлт, загатнааг үнэлсэн 6 судалгаанд эдгээр шинж тэмдэг буурсан байсан бол 6 судалгаанд үйл ажиллагааны алдагдлыг сэргээсэн үр дүн гарчээ. Мөн гистологийн өөрчлөлтийг үнэлсэн 6 судалгаанд коллагены бүтэц, зохион байгуулалт сайжрах, ангиогенез идэвхижих, фиброзын хэмжээ буурсан зэрэг мэдэгдэхүйц үр дүн гарсан байлаа. Түүнчлэн AFG-ийг PRP, SVF, фракцийн лазер зэрэг эмчилгээний аргуудтай хослуулан хийсэн 3 судалгаанд илүү үр дүн ажиглагдсан хэдий ч сорвины төрөл, техник болон үнэлгээний аргаас хамаарч харилцан адилгүй үр дүнтэй байв. Дүгнэлт: AFG, ADSCs болон SVF-д суурилсан эмчилгээний аргууд нь сорвины эдийн нөхөн төлжилтийг дэмжин, ангиогенезийг идэвхжүүлж, коллаген ширхгийн бүтцийн шинэчлэлтийг түргэсгэснээр фиброзын хэмжээг бууруулан сорвины эдийн уян хатан чанар, үйл ажиллагааг сайжруулж улмаар өвчтний амьдралын чанарыг дээшлүүлэх үр нөлөөтэй болохыг батлан харуулж байна. Иймд эдгээр аргууд нь Монгол улсад сорвины шинэ эмчилгээний стратеги болох боломжтой бөгөөд эмнэлзүйн практикт стандартчилан нэвтрүүлэх шаардлагатай байна.