Даваа–Баасан 08:30–20:00 · Бямба 09:00–16:00
Now showing 1 - 10 of 11
  • Some of the metrics are blocked by your 
    Item type:Publication,
    Ахмад настны саркопени дахь ийлдсийн нейротрофик болон мэдрэл-булчингийн гаралтай маркерын хүйсийн ялгаатай байдлын үнэлгээ
    (2026-05-22)
    Ч.Одгэрэл
    ;
    Б.Эрдэнэсувд
    ;
    Б.Алтанхишиг
    ;
    Э.Номин-Эрдэнэ
    ;
    Э.Энгүүн
    Үндэслэл: Саркопени нь насжилттай холбоотой булчингийн масс, хүч болон үйл ажиллагааны алдагдлаар тодорхойлогдох олон хүчин зүйлт эмгэг хам шинж юм. Сүүлийн жилүүдэд нейротрофик болон мэдрэл-булчингийн гаралтай биомаркерыг саркопенийн боломжит оношилгооны үзүүлэлт болгон судалж байгаа боловч тэдгээрийн хүйсийн ялгаатай илрэлийн талаарх нотолгоо хангалтгүй хэвээр байна. Зорилго: Ахмад настны дунд ийлдсийн BDNF, GDNF болон CAF22 маркерыг саркопени болон булчингийн үзүүлэлттэй хамаарах байдлыг хүйсээр харьцуулан үнэлэх. Арга, аргачлал: Аналитик нэг агшингийн судалгааны загвараар 60 ба түүнээс дээш насны ахмад настныг хамруулан судалсан. Саркопенийг Азийн саркопенийн холбооны ажлын хэсгийн (AWGS 2019) шалгуураар тодорхойлсон. Ийлдсийн BDNF, GDNF болон CAF22 түвшинг ELISA аргаар тодорхойлж, бүлэг хоорондын ялгааг үл хамааралт t-test, хамаарлыг Pearson корреляци, саркопенийг ялган оношлох чадварыг ROC шинжилгээгээр үнэлэв. Мөн олон хувьсагчт логистик регрессийн шинжилгээ хийсэн. Үр дүн: Эрэгтэй болон эмэгтэй бүлгийн саркопенитэй ба саркопенигүй оролцогчдын хооронд BDNF, GDNF болон CAF22 түвшинд статистикийн ач холбогдолтой ялгаа илрээгүй (бүх p>0.05). ROC шинжилгээнд BDNF, GDNF болон CAF22 маркеруудын AUC утга эрэгтэй бүлэгт 0.540–0.542, эмэгтэй бүлэгт 0.508–0.530 байв. Логистик регрессийн шинжилгээгээр нас (OR=1.12, 95% CI: 1.04–1.21, p=0.003) болон бага өөхгүй жингийн индекс (OR=0.78, 95% CI: 0.66–0.91, p=0.001) нь саркопенитэй статистикийн ач холбогдолтой хамааралтай байсан бол BDNF, GDNF болон CAF22 маркерууд бие даасан хамаарал үзүүлээгүй. Дүгнэлт: 1. Ахмад настны саркопенитэй болон саркопенигүй бүлгийн хооронд ийлдсийн BDNF, GDNF болон CAF22 түвшинд эрэгтэй болон эмэгтэй бүлэгт статистикийн ач холбогдолтой ялгаа илрээгүй (бүх p>0.05). 2. Ийлдсийн биомаркеруудын булчингийн үзүүлэлтүүдтэй хамаарлыг үнэлэхэд эрэгтэй бүлэгт CAF22 түвшин булчингийн масс болон өөхгүй жингийн индекстэй сул сөрөг хамааралтай (p<0.05), эмэгтэй бүлэгт BDNF түвшин гарын атгах хүч болон өөхгүй жингийн индекстэй сул эерэг хамааралтай байв (p<0.05). Нас нэмэгдэхийн хэрээр CAF22 түвшин сул нэмэгдэх хандлага ажиглагдсан (p<0.05). 3. ROC болон логистик регрессийн шинжилгээгээр BDNF, GDNF болон CAF22 маркеруудын саркопенийг ялган оношлох чадвар хангалтгүй (AUC=0.508–0.542) бөгөөд саркопенитэй бие даасан хамаарал үзүүлээгүй (бүх p>0.05). Харин өндөр нас (OR=1.12, p=0.003) болон бага өөхгүй жингийн индекс (OR=0.78, p=0.001) нь саркопенитэй статистикийн ач холбогдолтой хамааралтай байв.
  • Some of the metrics are blocked by your 
    Item type:Publication,
    Бөөр, шээлгүүрийн чулууг бамбай булчирхайн үйл ажиллагаатай уялдуулан судалсан дүн
    (2024-01-21)
    С.Тулгаа
    ;
    Б.Чинзориг
    ;
    А.Ариунзаяа
    ;
    Ж.Мөнхцэцэг
    ;
    Үндэслэл: Бөөрний чулуу нь бөөр, шээс дамжуулах замын түгээмэл эмгэгүүдийн нэг бөгөөд сүүлийн жилүүдэд манай орон төдийгүй дэлхий даяр ихсэж байгаа өвчин юм. Гипертиреоидтэй өвчтөнүүдийн 20% нь сийвэнгийн кальцийн хэмжээ өндөр эсвэл бага зэрэг нэмэгддэг. Гипертиреоид нь бөөрний чулуу үүсгэдэг бөгөөд бөөрний тахир сувганцраар эргэн шимэгдэх кальцийг нэмэгдүүлж, гиперкальциемийг үүсгэдэг. Зорилго: Бөөр, шээлгүүрийн чулуутай хүмүүст бамбайн булчирхайн чТ4 даавар, чТ3 даавар, aнти-ТРО, анти-TG болон TSH дааврыг тодорхойлж, цусан дахь кальцийн түвшинтэй холбон судлах Зорилт: 1. Судалгааны бүлгүүдэд бамбайн булчирхайн үйл ажиллагааны үзүүлэлтүүдийг тодорхойлох, 2. Бамбайн булчирхайн үйл ажиллагааны үзүүлэлтүүдийг цусан дахь кальцийн түвшинтэй холбон судлах Арга, аргачлал: УГТЭ-ийн Бөөрний мэс заслын тасагт хэвтэж эмчлүүлсэн бөөр, шээсний замын чулуу оноштой 45 өвчтөн болон харьцангуй эрүүл 45 хүнийг хамруулан, тохиолдол хяналтын судалгааны загвараар хийв. Судалгаанд хамрагдсан өвчтөнүүдэд цусан дахь кальцийн үзүүлэлтээс гадна бамбайн дааврууд болох чT3 (трииодтиронин), чT4 (тетраиодтиронин), TSH (бамбайг идэвхжүүлэгч даавар), Anti-TG (тиреоглобулины эсрэг эсрэгбие), Anti TPO (бамбай булчирхайн пероксидазын эсрэгбие)-ийг фермент холбоот эсрэгбиеийн урвалаар тодорхойлов. Үр дүн: Судалгааны үр дүнгээс харахад бамбайн дааврууд болох чT3-ийн түвшин бөөрний чулуутай бүлэгт 2.110±0.245 pg/mL, хяналтын бүлэгт 2.124±0.135 pg/mL, чT4-ийн түвшин бөөрний чулуутай бүлэгт 2.288±0.135 ng/dL, хяналтын бүлэгт 2.153±0.123 ng/ dL, TSH-ийн түвшин бөөрний чулуутай бүлэгт 2.481±0.235 µIU/mL, хяналтын бүлэгт 2.245±0.326 µIU/mL, Anti-TG-ийн түвшин бөөрний чулуутай бүлэгт 2.613±0.71 AU/mL, хяналтын бүлэгт 3.323±0.78 AU/mL, Anti TPO-ийн түвшин бөөрний чулуутай бүлэгт 8.015±2.98 AU/mL, хяналтын бүлэгт 7.028±3.94 AU/mL байсан нь статистик ач холбогдол бүхий ялгаагүй байв (p>0.05). Дүгнэлт: 1. Бөөр, шээлгүүрийн чулуутай бүлэг болон хяналтын бүлэгт бамбай булчирхайн үйл ажиллагааны үзүүлэлтүүдтэй (чT3, чT4, TSH, Anti-TG, Anti-TPO) статистик ач холбогдол бүхий ялгаагүй байв (p>0.05). 2. Бөөр, шээлгүүрийн чулуутай хүмүүст TSH дааврын хэмжээ нэмэгдэх тусам кальцийн түвшин ихэсч байгаа (r=0.265, p<0.05) нь бөөрний чулуу үүсэхэд нөлөөлж байж болзошгүй юм.
  • Some of the metrics are blocked by your 
    Item type:Publication,
    Бөөрний гэмтлийн маркер KIM1 уураг бөөрний архаг өвчний оношилгооны маркер болох нь
    (2026-03-30)
    Ж.Дүүрэнбилэг
    ;
    Э.Оюунпүрэв
    ;
    ;
    Б.Чинзориг
    ;
    Ж.Мөнхцэцэг
    Үндэслэл: Дэлхий дахинд бөөрний архаг өвчтэй нийт 697.5 сая хүн байгаа нь дэлхийн нийт хүн амын 9.1%-ийг эзэлж байна. Монгол орны хувьд бөөр шээсний замын өвчлөл нийт хүн амын өвчлөлийн 3-р байрт, хэвтэн эмчлүүлэгчдийн өвчлөлийн тэргүүлэх шалтгаан болж байна. Энэхүү өвчин нь зовуурь шинж тэмдэг бага, далд давшингуй явцтай байдаг тул сүүлийн жилүүдэд бөөрний архаг өвчний эрт үеийн оношилгооны асуудал чухлаар тавигдаж байна. Эрт үеийн оношилгооны маркерын нэг нь KIM1 (Kidney injury molecule 1) юм. KIM1 нь бөөрний гэмтлийн үед ойрын тахир сувганцрын хучуур эсэд нийлэгжиж, апоптоз болсон эсийн үлдэгдлийг фагоцитозд оруулах хүлээн авуур болдог. Монголд KIM1 маркерыг бөөрний архаг өвчинтэй холбон хараахан судлаагүй байгаа нь бидний судалгааны үндэслэл боллоо. Зорилго: Бөөрний архаг өвчтэй хүмүүст бөөрний гэмтлийн маркер KIM1 уургийг эмнэлзүйн биохимийн үзүүлэлтүүдтэй холбон судлах. Арга, аргачлал: Судалгааг аналитик судалгааны тохиолдол-хяналтын загвараар хийж гүйцэтгэв. Судалгаанд тохиолдлын бүлэгт 26, хяналтын бүлэгт 28 нийт 54 хүн хамрагдсан. УНТЭ-ийн яаралтай тусламжийн тасаг, дотрын тасгийн хяналтад эмчлүүлж байгаа бөөрний архаг өвчин оноштой 26 хүнийг тохиолдлын бүлэгт хамруулсан. Сийвэнгийн KIM1 уургийн түвшинг фермент холбоот эсрэг биеийн урвалаар тодорхойлов (Human Kim1 ELISA Kit, Cat: ELK2287). Судалгааны ажлын үр дүнгийн статистик боловсруулалтыг SPSS-23.0, текст бичиглэл, үр дүнгийн хүснэгт, дүрслэлийг Microsoft OfÏce программ ашиглан хийж гүйцэтгэсэн. Үр дүн: KIM1 уургийн түвшин нь креатинин, шээг(мочевин), шээсний хүчил, глюкоз, кали зэрэг үзүүлэлтүүдтэй эерэг, кальци, нийт уураг, альбуминтай урвуу хамааралттай байв. KIM1 уургийн дундаж түвшин бөөрний архаг өвчтэй бүлэгт 1379±208.3 пг/мл, хяналтын бүлэгт 91.19±22.09 пг/мл байсан нь хоёр бүлэг хооронд статистик ач холбогдол бүхий ялгаатай байв (p<0.0001). ROC шинжилгээгээр KIM1 (пг/мл) үзүүлэлтийн AUC=0.979 (95% CI:0.951-1.000, p<0.001) байна. ROC шинжилгээгээр босго утга KIM1≥236.17 пг/мл үед мэдрэг чанар 96.2%, өвөрмөц чанар 92.9% үед Youden index хамгийн өндөр (0.89) тодорхойлогдсон тул уг утгыг оношилгооны оновчтой хязгаар гэж тодорхойлов. Дүгнэлт: KIM1 түвшин нь креатинин, шээг, шээсний хүчил, глюкоз, кали зэрэг үзүүлэлтүүдтэй эерэг, кальци, нийт уураг, альбуминтай урвуу хамааралтай байв. KIM1 уургийн түвшин нь бөөрний архаг өвчтэй хүмүүст эрс өндөр буюу KIM1 нь БАӨ-ийг оношлох мэдрэг ба өвөрмөц чанар өндөртэй биомаркер болох нь тодорхойлогдлоо.
  • Some of the metrics are blocked by your 
    Item type:Publication,
    KCNJ11 генийн rs5219 полиморфизмыг чихрийн шижин хэвшинж 2-той холбон судлах нь
    (2021-04-06)
    Э.Солонго
    ;
    Э.Пүрэвдулам
    ;
    ;
    Ж.Мөнхцэцэг
    ;
    Үндэслэл: Геномтой холбоотой хийгдэж буй (Genome-wide association studies (GWAS)) судалгаануудаас харахад KCNJ11 генийн зарим полиморфизм нь чихрийн шижин хэвшинж 2-ыг үүсэхэд нөлөөлдөг байна. KCNJ11 ген нь инсулины ялгаралтыг зохицуулахад оролцдог АТФ мэдрэг калийн сувгийн уураг Kir6.2-ийг кодолдог. KCNJ11 генийн rs5219 полиморфизм нь 23-р кодон дээр гуаниныг аденин болгосноор глутамины хүчил лизин аминхүчил болж өөрчлөгдөнө. Ингэснээр инсулины шүүрэл дарангуйлагдаж, цусан дахь глюкозын хэмжээ ихэсч улмаар чихрийн шижин өвчин үүсэх шалтгаан болдог. Зорилго: Чихрийн шижин хэвшинж 2-ыг KCNJ11 генийн rs5219 полиморфизмтой холбон судлах. Материал, арга зүй: Бидний судалгаа тохиолдол-хяналтын судалгааны загвараар хийгдсэн ба ЧШХШ-2-той 52 хүн, харьцангуй эрүүл 52 хүн нийт 104 хүн хамрагдсан. Биохимийн үзүүлэлтүүдийг цусны ийлдэснээс Respons-910 биохимийн бүрэн автомат анализатор ашиглан тодорхойлсон. Бүхэл цуснаас глюкозжсон гемоглобиныг БНСУ-ын “SD A1cCare” хагас автомат анализатораар, геномын ДНХ-г БНХАУ-ын Hualikexi компанийн “Quick Prep Universal Genome DNA Kit” цомог ашиглан ялгасан. KCNJ11 генийн rs5219 полиморфизмыг өвөрмөц праймер ашиглан ОХУП-ПГУ-ын (RFLP-PCR) аргаар бай дарааллыг олшруулаад бүтээгдэхүүнийг BanII рестрикцийн эсгэг ашиглан зүсэж, гель электрофорезд гүйлгэн үр дүнг тодорхойлов. Үр дүнгийн статистик боловсруулалтыг SPSS 23.0 программ ашиглан хийсэн. Үр дүн: Биохимийн үзүүлэлтүүдээс глюкоз, глюкозжсон гемоглобин, триглицеридийн хэмжээ тохиолдол болон хяналтын бүлэгт статистик ач холбогдол бүхий ялгаатай байв (p<0.05). ЧШХШ-2-той хүмүүст К аллель болон КК генотипийн давтамж илүү өндөр байв (p<0.05). Дүгнэлт: KCNJ11 генийн rs5219 полиморфизмын К аллель болон KK генотипийн давтамж тохиолдлын бүлэгт өндөр байгаа нь чихрийн шижин хэвшинж 2-т илүү өртөмхий байж болохыг харуулж байна.
  • Some of the metrics are blocked by your 
    Item type:Publication,
    Чихрийн шижин хэв шинж 2-той хүмүүст ABCC8 генийн rs1801261 полиморфизмыг бодисын солилцооны зарим үзүүлэлтүүдтэй холбон судалсан нь
    (2022-04-28)
    Б.Нямжав
    ;
    Э.Пүрэвдулам
    ;
    ;
    Э.Солонго
    ;
    Ж.Мөнхцэцэг
    Үндэслэл: Чихрийн шижин хэв шинж 2 (ЧШХШ2) болон үүнээс үүдэлтэй хүндрэлүүд нь эрүүл мэндийн салбарт тулгарж буй томоохон асуудал болоод байна. Нойр булчирхайн β-эсийн АТФ хамааралт калийн суваг нь Kir6.2 болон SUR1 гэсэн уургуудаас тогтдог бөгөөд калийн суваг нь инсулины ялгаралтад нөлөөлдөг. Сульфанилмочевин суваг уургийг (SUR1) ABCC8 ген кодлодог бөгөөд энэ генийн зарим полиморфизмууд нь чихрийн шижин хэвшинж 2-ийг үүсэхэд нөлөөлдөг байна. Судлаачдын үзэж буйгаар ABCC8 генийн rs1801261 полиморфизм нь ЧШХШ2 үүсэхэд нөлөөлдөг байх магадлалтай хэмээн үзэж байна. Арга, аргачачлал: Энэхүү судалгааг тохиолдол хяналтын загвараар, тохиолдлын бүлэгт 89 өвчтөн, хяналтын бүлэгт 89 хүнийг сонгон авч глюкозжсон гемоглобин, өлөн үеийн цусны глюкоз, нийт холестерин, триглицерид, их нягтралтай липопротейд (ИНЛП), бага нягтралтай липопротейд (БНЛП) тодорхойлж үзэв. Цуснаас ДНХ-ийг ялган авж ABCC8 генийн rs1802161 полиморфизмыг ОХУ-ПГУ-ын аргаар тодорхойлов. Үр дүн: Судалгаанд оролцогчдын насны давтамж 2 бүлэгт статистик ач холбогдол бүхий ялгаагүй байсан бол хяналтын бүлэгтэй харьцуулахад тохиолдлын бүлэгт биеийн жингийн индекс (БЖИ), глюкоз, глюкозжсон гемоглобин нь статистик ач холбогдол бүхий ялгаатай байв. Гомозигот СС генотипийн хувьд тохиолдол болон хяналтын бүлэгт БЖИ, глюкоз, глюкозжсон гемоглобин статистик ач холбогдол бүхий ялгаатай байсан бол гетерозигот СТ генотип бүхий ЧШХШ2-оор өвдсөн болон харьцангуй эрүүл хүмүүст глюкоз, глюкозжсон гемоглобин статистик ач холбогдол бүхий ялгаатай байлаа (p<0.05). Дүгнэлт: Бидний судалгаанаас харахад БЖИ, глюкоз, глюкозжсон гемоглобин, триглицерид, ИНЛП хэмжээг хяналтын бүлэгтэй харьцуулахад тохиолдолын бүлэгт статистик хамаарал бүхий өндөр байна(p<0.05). ABCC8 генийн rs1801261 полиморфизмын гомозигот гетерозигот генотипийн аль алиных нь үед глюкоз ба глюкозжсон гемоглобин хэмжээ ЧШХШ 2-той бүлэгт өндөр мөн Т аллель болон ТТ генотипийн давтамж тохиолдолын бүлэгт өндөр байгаа нь ЧШХШ 2-т өртөмхий байж болохыг харуулж байна.
  • Some of the metrics are blocked by your 
    Item type:Publication,
    ABCC8 генийн RS1799854 полиморфизмыг чихрийн шижин хэвшинж 2-той холбон судлах нь
    (2021-04-06) ;
    Э.Пүрэвдулам
    ;
    Э.Солонго
    ;
    Ж.Мөнхцэцэг
    ;
    Дэлхийн хэмжээнд чихрийн шижинтэй хүмүүсийн тоо 463 сая байгаа бөгөөд 2045 онд 700 сая хүрнэ хэмжээх тооцоог олон услын чихрийн шижингийн холбоо мэдээлсэн байна. Нийт чихрийн шижингийн тохиолдлын 90 хувийг 2-р хэв шинжийн чихрийн шижин эзлэх ба нойр булчирхайн бета эсийн инсулин ялгаруулахад оролцдог калийн сувгийн Sur1 уургийг кодолдог ABCC8 генийн зарим полиморфизм нь чихрийн шижингийн 2-р хэв шинж үүсэхэд нөлөөлдөг байна. Олон улсад хийгдсэн судалгаагаар ABCC8 генийн rs1799854 полиморфизм нь чихрийн шижингийн 2-р хэв шинжийг үүсгэхэд нөлөөлдөг байж болзошгүй хэмээн үзжээ. Бид энэхүү судалгааг аналитик судалгааны тохиолдол хяналтын загвараар, тохиолдлын бүлэгт 93 өвчтөн, хяналтын бүлэгт 93 хүнийг сонгон өлөн үеийн цусанд глюкоз, нийт холестерин, ИНЛП, БНЛП болон триглицерид, глюкозжсон гемоглобин тодорхойлсон. Цуснаас ДНХ-ийг ялган ABCC8 генийн rs1799854 полиморфизмыг тодорхойллоо. Судалгааны үр дүнгээр биеийн жингийн индекс тохиолдлын болон хяналтын бүлэгт статистик ач холбогдол бүхий ялгаатай байсан бол биохимийн үзүүлэлтүүдээс глюкоз, глюкозжсон гемоглобин, триглицеридын хэмжээ тохиолдол болон хяналтын бүлэгт статистик ач холбогдол бүхий ялгаатай байв (p<0.05). ЧШХШ-2-той хүмүүст ABCC8 генийн rs1799854 полиморфизмын Т аллель болон ТТ генотипийн давтамж илүү өндөр байв (p<0.05). ABCC8 генийн rs1799854 полиморфизмын T аллель болон TT генотипийн давтамж тохиолдлын бүлэгт өндөр байгаа нь чихрийн шижин хэв шинж 2-т илүү өртөмхий байж болохыг харуулж байна.
  • Some of the metrics are blocked by your 
    Item type:Publication,
    Чихрийн шижин хэвшинж 2-той хүмүүст KCNJ11 генийн rs5219 полиморфизмыг бодисын солилцооны зарим үзүүлэлтүүдтэй холбон судлах нь
    (2021-09-01)
    Э.Солонго
    ;
    Э.Пүрэвдулам
    ;
    ;
    Ж.Мөнхцэцэг
    ;
    Үндэслэл: Чихрийн шижин хэв шинж 2-ыг үүсгэхэд эрсдэлт хүчин зүйл болдог ABCC8, INS, TCF7L2, PPARG гэх мэт 70 гаруй ген судлагдсаны нэг нь KCNJ11 ген юм. KCNJ11 ген нь инсулины ялгаралтыг зохицуулахад оролцдог АТФ хамааралт калийн сувгийн уураг Kir6.2-ийг кодолдог. KCNJ11 генийн rs5219 полиморфизм нь 23-р кодон дээр гуаниныг аденин болгосноор глутамины хүчил лизин аминхүчил болж өөрчлөгдөнө. Ингэснээр инсулины шүүрэл дарангуйлагдаж, цусан дахь глюкозын хэмжээ ихэсч улмаар чихрийн шижин өвчин үүсэх шалтгаан болдог. Зорилго: Чихрийн шижин хэвшинж 2-той хүмүүст KCNJ11 генийн rs5219 полиморфизмыг нүүрс ус болон өөх тосны солилцооны зарим үзүүлэлтүүдтэй холбон судлах. Материал, арга зүй: KCNJ11 генийн rs5219 полиморфизмыг өвөрмөц праймер ашиглан ОХУ-ПГУын аргаар бай дарааллыг олшруулаад бүтээгдэхүүнийг BanII рестрикцийн эсгэг ашиглан зүсэж, гель электрофорезд гүйлгэн үр дүнг тодорхойлов. Үр дүн: Триглицеридийн хэмжээ СС генотиптэй харьцангуй эрүүл хүмүүст 1.47±1.06 ммоль/л, СС генотип агуулсан ЧШХШ (чихрийн шижин хэв шинж) 2-той хүмүүст 3.08±3.35 ммоль/л байгаа нь статистикийн үнэн магадтай ялгаатай байна (p<0.05). ИНЛПын хэмжээ гетерозигот СТ генотипын үед 2 бүлгийн хооронд статистик ач холбогдол бүхий ялгаатай байсан (p<0.05). Харин бусад үзүүлэлтийн хувьд ач холбогдол бүхий ялгаа ажиглагдсангүй. Дүгнэлт: KCNJ11 генийн rs5219 полиморфизмын гомозигот болон гетерозигот генотипын аль алиных нь үед глюкоз болон глюкозжсон гемоглобины хэмжээ тохиолдлын буюу ЧШХШ 2-той хүмүүст илүү өндөр байна. Рецессив гомозигот генотиптэй ЧШХШ 2 бүхий бүлгийн хүмүүст өөх тосны солилцооны үзүүлэлтүүдээс триглицеридын хэмжээ өндөр байна.
  • Some of the metrics are blocked by your 
    Item type:Publication,
    Чихрийн шижин хэвшинж 2-той хүмүүст ABCC8 генийн rs1799854 полиморфизмыг бодисын солилцооны зарим үзүүлэлтүүдтэй холбон судлах нь
    (2021-09-01) ;
    Э.Пүрэвдулам
    ;
    Э.Солонго
    ;
    Ж.Мөнхцэцэг
    ;
    Нойр булчирхайн бета эсийн инсулин ялгаруулахад оролцдог калийн сувгийн Sur1 уургийг кодолдог ABCC8 генийн зарим полиморфизм нь чихрийн шижингийн 2-р хэв шинж үүсэхэд нөлөөлдөг байна. Олон улсад хийгдсэн судалгаагаар ABCC8 генийн rs1799854 полиморфизм нь чихрийн шижингийн 2-р хэв шинжийг үүсгэхэд нөлөөлдөг байж болзошгүй хэмээн үзжээ. Бид энэхүү судалгааг аналитик судалгааны тохиолдол хяналтын загвараар, тохиолдлын бүлэгт 93 өвчтөн, хяналтын бүлэгт 93 хүнийг сонгон өлөн үеийн цусанд глюкоз, нийт холестерин, ИНЛП, БНЛП болон триглицерид, глюкозжсон гемоглобин тодорхойлсон. Цуснаас ДНХ-ийг ялган ABCC8 генийн rs1799854 полиморфизмыг тодорхойллоо. Судалгааны үр дүнгээр биеийн жингийн индекс тохиолдлын болон хяналтын бүлэгт статистик ач холбогдол бүхий ялгаатай байсан бол биохимийн үзүүлэлтүүдээс глюкоз, глюкозжсон гемоглобин, триглицерид, ИНЛП-ын хэмжээ тохиолдол болон хяналтын бүлэгт статистик ач холбогдол бүхий ялгаатай байв. ЧШХШ-2-той хүмүүст ABCC8 генийн rs1799854 полиморфизмын Т аллель болон ТТ генотипийн давтамж илүү өндөр мөн С аллелийн доминант загварын хувьд CC генотипийн давтамж статистик ач холбогдол бүхий бага байв (p<0.05). ТТ генотип болон СС генотипийн бүлэгт холестерины хэмжээ статистик ач холбогдол бүхий ялгаатай байна (p<0.05). СС генотипийн тохиолдын бүлэгт БЖИ, глюкоз, HbA1c, триглицерид, СТ генотипийн тохиолдлын бүлэгт глюкоз, HbA1c, ТТ генотипийн тохиолдлын бүлэгт БЖИ, глюкоз, HbA1c, ИНЛП тус бүр статистик ач холбогдол бүхий ялгаатай байсан (p<0.05).
  • Some of the metrics are blocked by your 
    Item type:Publication,
    Бөөр, шээсний замын чулуу өвчтэй хүмүүст бөөрний гэмтлийн маркер KIM1 уургийг тодорхойлох нь
    (2023-05-22)
    Б.Чинзориг
    ;
    Ж.Мөнхцэцэг
    ;
    Үндэслэл: Сүүлийн үеийн олон судалгаануудаас харахад KIM1 (kidney injury molecule-1) уураг нь бөөрний хэвийн үйл ажиллагааны үед бөөрний проксимал гуурсан хоолойн хучуур эдийн эсүүдбага ялгардаг бөгөөд бөөрний цочмог болон архаг үрэвслийн (гэмтлийн) үед ихэсдэг байна. Түүнчлэн Гохан болон Мансур нарын хийсэн судалгаанаас харахад KIM1 уураг нь бөөрний чулууг оношлох, түүнчлэн бөөрний паренхимийн гэмтлийг тодорхойлоход чухал үүрэгтэй хэмээн үзжээ. Бөөрний чулуу нь бөөр шээс дамжуулах замын түгээмэл эмгэгүүдийн нэг бөгөөд сүүлийн жилүүдэд манай орон төдийгүй дэлхий даяр ихсэж байгаа өвчин юм. Судлаачдын үзэж байгаагаар KIM1 уураг нь бөөрний чулууг оношлоход ач холбогдолтой уураг байж болох юм хэмээн үзэж байна. Зорилго: Бөөр, шээсний замын чулуутай хүмүүст бөөрний үйл ажиллагааг үнэлж, бөөрний гэмтлийн маркер KIM1 уургийг тодорхойлох. Арга, аргачлал: Судалгааг УГТЭ-ийн Бөөрний мэс заслын тасагт хэвтэж эмчлүүлсэн бөөр, шээсний замын чулуу оноштой 45 өвчтөн болон харьцангуй эрүүл 45 хүнийг хамруулан,тохиолдол хяналтын судалгааны загвараар хийв.Судалгаанд хамрагдсан өвчтөнүүдэд биохимийн шинжилгээний креатинин, кали, кальци,шээг болон шээсний хүчил, аммони үзүүлэлтүүдийг тодорхойлов. KIM1 уургийг фермент холбоот эсрэгбиеийн урвалаар тодорхойлов. Үр дүн: KIM1 уургийн хэмжээ бөөрний чулуутай бүлэгт 366.0± 7.65 пг/мл, хяналтын бүлэгт 356.8±17.93 пг/мл байсан нь статистик ач холбогдол бүхий ялгаагүй байв (p>0.05). KIM1 уургийн хэмжээг бөөрний чулууны хэмжээтэй харьцуулан үзэхэд 10мм хүртэл хэмжээтэй бөөрний чулуутай хүмүүст 332.1±24.95 пг/мл, 10мм-ээс дээш хэмжээтэй хүмүүст 433.8± 64.32 пг/мл байсан нь статистик ач холбогдол бүхий ялгаатай байв (p<0.05). Дүгнэлт: Бөөрний чулуу өвчтэй хүмүүст уургийн солилцооны үзүүлэлтүүд болох шээсний хүчил, шээг, креатинин болон аммонийн түвшин өөрчлөгдсөн байна. KIM1 уургийн хэмжээ бөөрний чулуутай болон хяналтын бүлэг хооронд статистик ач холбогдол бүхий ялгаагүй, харин бөөрний чулууны хэмжээ нэмэгдэх тусам бөөрний гэмтлийн маркер KIM1 уургийн түвшин ихэсч байв.