Даваа–Баасан 08:30–20:00 · Бямба 09:00–16:00
Now showing 1 - 3 of 3
  • Some of the metrics are blocked by your 
    Item type:Publication,
    Гуурсан хоолойн багтраатай хүмүүст MBL2 генийн rs1800450 полиморфизм болон манноз холбогч лектины уургийг холбон судалсан дүнгээс
    (2021-04-06)
    Л.Наранцэцэг
    ;
    ;
    Б.Гантулга
    ;
    Б.Энхбаяр
    ;
    Гуурсан хоолойн багтраа өвчих үүсэхэд орчны болон генетикийн хүчин зүйлс нөлөөлдөг. Олон улсад хийгдэж буй судалгаануудаас харахад гуурсан хоолойн багтраа өвчин үүсэхэд 70 гаруй өвөрмөц ген нөлөөлдөг байна хэмээн судлагдаад байна. Тэдгээр генүүдийн нэг нь MBL2 ген юм. MBL2 генийн зарим полиморфизм нь халдвар, харшил зэрэг өвчний патогенезийн хөгжилд оролцдог болох нь тогтоогдсон байна. Тиймээс бид харьцангуй эрүүл болон гуурсан хоолойн багтраатай хүмүүст MBL2 генийн rs1800450 полиморфизмын аллель, генотипыг тодорхойлж МХЛ уургийн түвшинг харьцуулах зорилгыг дэвшүүлсэн. Бидний судалгаагаар MBL2 генийн rs1800450 полиморфизмын аллель A хамгийн их, судалгааны бүлгүүдэд мөн хамгийн өндөр давтамжтай илэрсэн бөгөөд аллель G давтамж бага илэрсэн. Харин МХЛ уургийн хэмжээ тохиолдол болон хяналтын бүлэгт статистик ач холбогдол бүхий ялгаатай байв (p<0.0001). Тохиолдолхяналтын бүлгийн GA болон AA генотип илэрсэн хүмүүсийн ийлдсийн МХЛ уургийн дундаж хэмжээ нь статистик ач холбогдол бүхий ялгаатай байлаа (p<0.05).
  • Some of the metrics are blocked by your 
    Item type:Publication,
    Гуурсан хоолойн багтраатай хүмүүст MBL2 генийн rs11003125 полиморфизм, МХЛ уургийн түвшин хоорондын хамаарлыг тодорхойлсон дүн
    (2021-03-21) ;
    Б.Гантулга
    ;
    Б.Энхбаяр
    ;
    ;
    Дэлхийн астмын удирдлагын төв (GINA) дотоод, гадаад шалтгааны улмаас гуурсан хоолойн мэдрэг чанар өөрчлөгдөн, хэт мэдрэгшлийн хариу урвалын дүнд үүсэх амьсгалын замын архаг үрэвслийг гуурсан хоолойн багтраа гэж тодорхойлсон.1 Харьцангуй эрүүл болон гуурсан хоолойн багтраатай хүмүүст MBL2 генийн rs11003125 полиморфизмын генотип, аллелийг ийлдсийн МХЛ уургийн түвшинг харьцуулан судлахад MBL2 генийн rs11003125 полиморфизмын генотип GG (261 х.н), GC (261+239+22 х.н) CC (239+22 х.н) урттай, MBL2 генийн rs11003125 полиморфизмын эрсдэлт генотип GC-CC харьцангуй эрүүл хяналтын бүлэгтэй харьцуулахад гуурсан хоолойн багтраатай тохиолдлын бүлэгт 9.8% их, эрсдэлт аллель С 5.6% их, тохиолдол-хяналтын бүлгийн GG, GC, CC генотиптэй хүмүүсийн ийлдсийн МХЛ уургийн дундажийг тодорхойлон, ялгаатай байдлыг үнэлэхэд ач холбогдлын 0.05 түвшинд GG, GC генотиптэй хүмүүсийн ийлдсийн МХЛ уургийн хэмжээ ач холбогдол бүхий (p≤0.0001) ялгаатай тодорхойлогдсон.
  • Some of the metrics are blocked by your 
    Item type:Publication,
    Чихрийн шижин хэвшинж 2 өвчинтэй хүмүүст PPAR гамма генийн rs1801282 полиморфизмыг тодорхойлсон дүн
    (2024-12-21)
    А.Ариунзаяа
    ;
    Б.Алтанхишиг
    ;
    Э.Номин-эрдэнэ
    ;
    Б.Эрдэнэсувд
    ;
    Б.Товуусүрэн
    Үндэслэл: Чихрийн шижин нь инсулины шүүрэл багасах болон инсулинд дөжирснөөр цусны глюкоз ихэсдэг бодисын солилцооны эмгэг юм. Чихрийн шижинг 6 хэвшинжид хуваан авч үздэг бөгөөд чихрийн шижингийн нийт тохиолдлын 90 хувийг чихрийн шижин хэвшинж 2 эзэлдэг байна. Чихрийн шижин хэвшинж 2 нь олон хүчин зүйлсээс болж үүсдэг өвчин бөгөөд эдгээр хүчин зүйлсийн нэг нь генетикийн хүчин зүйл юм. Сүүлийн үеийн судалгаануудаас харахад чихрийн шижин хэвшинж 2-той холбоотой 70 орчим ген байгаа бөгөөд эдгээрийн нэг нь PPAR гамма ген юм. PPAR гамма ген нь таргалалт, чихрийн шижин, атеросклероз, хорт хавдар зэрэг олон өвчин эмгэгт оролцдог байна. Чихрийн шижин хэвшинж 2 өвчинтэй PPAR гамма генийн rs1801282 полиморфизмыг уялдуулан судалсан судалгаа манай улсад хараахан хийгдээгүй байгаа нь бид энэхүү судалгааг хийх үндэслэл боллоо. Зорилго: Чихрийн шижин хэвшинж 2-той хүмүүст PPAR гамма генийн rs1801282 полиморфизмыг уялдуулан судлах Арга, аргачлал: Бид энэхүү судалгааг аналитик судалгааны тохиолдол, хяналтын загварыг ашиглан хийсэн. Тохиолдлын бүлэгт чихрийн шижин хэвшинж 2-той 91 өвчтөн, хяналтын бүлэгт 92 хүнийг хамруулан нийт оролцогчдоос өлөн үеийн цус цуглуулав. Судалгаанд хамрагдсан нийт хүмүүсийн захын цуснаас ДНХ ялгах протоколын дагуу ДНХ-ийг ялгав. PPAR гамма генийн rs1801282 полиморфизмыг аллель өвөрмөц ПГУ-ын арга ашиглан бай дарааллыг олшруулаад гель электрофорезд гүйлгэн үр дүнг тодорхойлов. Цуглуулсан мэдээллийг боловсруулахад GraphPad PRISM программ ашиглан хийж гүйцэтгэв. Үр дүн: PPAR гамма генийн rs1801282 полиморфизмын СС, СG, GG генотип, аллель, генетик загварыг тохиолдол ба хяналтын бүлэгт харьцуулав. PPAR гамма генийн rs1801282 полиморфизмын гомозигот СС генотипийн давтамж эрүүл бүлгийн хүмүүст 72 (78.2%), ЧШХШ 2-той бүлгийн хүмүүст 68 (74.7%), гетерозигот СG генотипийн давтамж хяналтын бүлгийн хүмүүст 19 (20.8%), ЧШХШ 2 бүхий бүлгийн хүмүүст 20 (22%), гомозигот GG генотипийн давтамж хяналтын бүлэгт 1 (1%), ЧШХШ 2 бүхий бүлэгт 3 (3.3%) тус тус илэрсэн. Эдгээр генотипүүд нь хоёр бүлэг хооронд статистик ач холбогдол бүхий ялгаа байсангүй (p>0.05). Дүгнэлт: PPAR гамма генийн rs1801282 полиморфизмын эрсдэлт G аллель, GG генотиптэй хүмүүс ЧШХШ 2-оор өвдөх эрсдэл ажиглагдсангүй.