Loading...
Шалтгаан тодорхойгүй байршил хамааралт хоргүй толгой эргэлтийн тохиолдол ба эрсдэлт хүчин зүйлс
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
226
End Page
229
ISSN
2959-6947
Хураангуй
Үндэслэл: Дотор чихний гаралтай байршил хамааралт хоргүй толгой эргэлт (БХХТЭ) нь дахилтат гэнэтийн толгой эргэлтээр илрэх захын гаралтай эмгэг бөгөөд АНУ-д хийгдсэн судалгаанд 100,000 хүн ам тутамд 64 шинэ тохиолдол бүртгэгдсэн ба амьдралын туршид тохиолдох магадлал 2.4% байна.1,2 Тус эмгэгийн үндсэн шалтгаануудад нас, хүйс, даралт ихсэлт, ясны сийрэгжилт, Д витамины бууралт голлох байрыг эзлэх боловч шалтгаан тодорхойгүй илрэл нийт тохиолдлын 50-70 хувийг эзэлж байна.3 Тус эмгэгийн шалтгаан тодорхойгүй тохиолдлын судалгаа Монгол улсын хэмжээнд өмнө нь хийгдэж байгаагүй нь тус судалгааг хийх үндэслэл боллоо. Зорилго: Шалтгаан тодорхойгүй байршил хамааралт хоргүй толгой эргэлтийн тохиолдлыг илрүүлж эрсдэлт хүчин зүйлсийг үнэлэх. Арга, аргачлал: Тус судалгааг аналитик загварын нэг агшингийн аргаар хийж гүйцэтгэв. Шалтгаан тодорхойгүй байршил хамааралт хоргүй толгой эргэлтээр оношлогдсон 60 хүнийг нас, хүйс, биеийн жингийн индекс, тамхи таталт, дасгал хөдөлгөөнийг үнэлж захын цусны ийлдэсд агуулагдах нийт “25-гидроксивитамин Д”-ийг “Юби” нэгдсэн лабораторид АНУ-ын EIA & Chemiluminescence Analyzer-ын тусламжтай үнэлж, цуглуулсан мэдээлэлд статистик боловсруулалт хийв. Үр дүн: Судалгаанд хамрагдсан нийт 60 хүний дундаж нас 52, хүйсийн харьцаа 1:3 (эрэгтэй:эмэгтэй). Байршил хамааралт хоргүй толгой эргэлтийн нийт тохиолдлын 60% нь арын тал цагирагт оношлогдсон. Захын цусанд агуулагдах Д витамины дундаж үзүүлэлт 18.64 нг/мл, долоо хоногт тогтмол дасгал хөдөлгөөн нийт хүмүүсийн 31.7% хийдэг ба идэвхтэй тамхи таталт 11.7% тодорхойлогдсон. Биеийн жингийн дундаж индекс 26.58 кг/м2 байв. Дүгнэлт: Шалтгаан тодорхойгүй байршил хамааралт хоргүй толгой эргэлтийн тохиолдлын хүрээнд арын тал цагиргийн илрэл өндөр, урд тал цагирагт бага хувьтай тохиолдсон. Тус эмгэгээр оношлогдсон хүмүүсийн дунд Д витамины түвшин бууралттай ба биеийн жингийн индексээр илүүдэл жинтэй байгаа нь тус эмгэгийн эрсдэлт хүчин зүйл байх боломжтойг илтгэж байна.
Background: Benign paroxysmal positional vertigo is an incompletely studied disease at this time. 50-70 percent of all cases diagnosed as vestibular disorders are Idiopathic Benign paroxysmal positional vertigo (BPPV). Numerous studies have compared risk factors such as female gender, hypertension, diabetes mellitus, hyperlipidemia, osteoporosis, vitamin D deficiency with IBPPV. The main objective of this study is to evaluate the relation between some risk factors and the incidence of IBPPV. Materials and Methods: From January 2021 to August 2021, serum levels of 25-hydroxyvitamin D of 60 patients who were diagnosed as IBPPV at EMJJ Vestibular center in Mongolia. The diagnosis of BPPV was made according to the 2017 AAO-HNS clinical practice guideline of BPPV. Serum vitamin D level was evaluated by EIA & Chemiluminescence Analyzer, at UB central laboratory. Results: A study had 47 female and 13 male patients, whose age range was between 22-76 (mean age 52.16±11.45). Females were more likely to be diagnosed with BPPV than males. Regardless of sex incidence of BPPV was most common between the 5-6th decade of life. The recurrence of BPPV is most likely to happen in older patients (p<0.05). 60% (n=36) of the patients had posterior canal, 31,7% (n=19) had horizontal canal, and 8.3% (n=5) had anterior canal BPPV. 12 patients had geotropic, and 7 patients had apogeotropic horizontal canal BPPV. The mean serum vitamin D level was 18.6 ng/ml. Regular exercise per week was 31.7%, and the average body mass index was 26.58 kg/m2. Conclusion: There was a statistically significant correlation between serum vitamin D level and incidence of IBPPV.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/582
Эшлэл
М.Байгал, Э.Дэлгэрзаяа, Н.Тэргэл, Ч.Сайнбилэг, Б.Өлзийсайхан, Ж.Мөнхцэцэг нар. Шалтгаан тодорхойгүй байршил хамааралт хоргүй толгой эргэлтийн тохиолдол ба эрсдэлт хүчин зүйлс. Эрүүл мэндийн шинжлэх ухаан. 2022;18(1):226-229.