Loading...
Жирэмсэн эмэгтэйчүүдийн дам тамхидалтын өртөлт ба цусан дахь кадмийн агууламжийг судалсан дүнгээс
Зохиогч
Он
2021 оны зургаадугаар сарын 10
Төрөл
journal article
Journal
Эрүүл мэндийн шинжлэх ухаан
Volume
17
Issue
7
Start Page
17
End Page
21
ISSN
2959-6947
Хураангуй
Үндэслэл: Олон улсын хавдар судлалын агентлагийн ангиллаар кадми нь хавдар үүсгэгч (бүлэг 1) хүнд метал юм. Хүн ажлын байр, хүрээлэн буй орчин, хоол хүнс, тамхины утаа зэрэг олон хүчин зүйлсийн нөлөөгөөр кадмид өртдөг. Энэхүү судалгааг жирэмсэн эмэгтэйчүүдийн цусан дахь кадмийн түвшинд гэрийн дотоод орчны агаарын чанарыг сайжруулах интервенци, дам тамхидалт зэрэг зарим хүчин зүйлсийн нөлөөг судлах зорилгоор явуулав. Материал арга зүй: Судалгааг UGAAR 1 судалгааны хүрээнд баримтын судалгааны арга ашиглан гүйцэтгэсэн. Сүхбаатар дүүргийн 1-11-р хорооны орон сууцанд оршин суудаг, тамхи татдаггүй, 18-аас дээш насны нийт 383 жирэмсэн эмэгтэйчүүдийг судалгаанд хамруулж, санамсаргүй түүврээр гэрийн дотоод орчинд агаар цэвэршүүлэгч НЕРА төхөөрөмж суурилуулсан (хяналтын бүлэг 46.6% (177), интервенц бүлэг 53.7% (206) тус тус байв. Цусны кадмийн агууламжийг индуктив хосолсон сийвэнт масс-спектрометр (ICPMS) багажаар шинжилж, үр дүнг STATA15 программ ашиглан үнэлсэн. Үр дүн: Оролцогчдын дундаж нас 28.9±5.5 байв. Интервенцийн бүлгийн жирэмсэн эмэгтэйчүүдийн цусан дахь кадмийн агууламжийг (геометр дундаж буюу ГД)=0.23 мкг/л; 95%CI:0.21-0.26 мкг/л) хяналтын бүлгийн оролцогчтой (ГД=0.28 мкг/л; 95%CI:0.24-0.31 мкг/л) харьцуулж үзэхэд 0.05 мкг/л-ээр бага, статистик ач холбогдолтой байсан (p=0.01). Нийт оролцогчдын 43.6% (167) гэр бүлийн гишүүдийн тамхины утаанд өртдөг, эдгээрээс 23.3% (39) нь өдөр бүр өртсөн байна. Дам тамхины нөлөөнд өртсөн эмэгтэйчүүдийн цусан дахь кадмийн түвшинг (ГД=0.37 мкг/л; 95%CI:0.26-0.48 мкг/л) өдөр бүр өртөөгүй 76.7% (128) бүлэгтэй (ГД=0.25 мкг/л; 95%CI:0.21-0.28 мкг/л) харьцуулахад 0.12 мкг/л-ээр их, статистик ач холбогдол бүхий байна (p=0.004) байна. Дүгнэлт: Дам тамхидалтын нөлөөнд өртөх нь цусан дахь кадмийн агууламжийг нэмэгдүүлэх эрсдэлт хүчин зүйл болж байна. Гэртээ агаар цэвэршүүлэгч (HEPA filter) хэрэглэснээр тамхины утаан дахь нарийн ширхэгт РМ2.5 тоосонцрыг бууруулж, цусан дахь кадмийн агууламж багасахад нөлөөлж байна.
Objective: The International Agency for Research on Cancer (IARC) has classified cadmium and cadmium compounds as carcinogenic to humans (Group 1). The secondhand smoke is a well-recognized source of human exposure to cadmium. An average cigarette has 1-2 µg of cadmium and one cigarette has been found to raise the blood cadmium level by 0.1-0.2 µg/L. Although by 2012, the smoking is prohibited in public indoor places for our country, laws do not limit exposure to second hand smoke in home indoor environment where women and children are exposed through the smoking of male family members. Therefore, there is a need to study the exposure to second hand smoke during pregnancy. Methods: In this study 540 participants were participated, and 383 out of them gave blood samples to determine the blood cadmium level, in an intervention group (53.7% 206) received 1 or 2 HEPA air cleaners and in the control group (46.6% 177) not received the air cleaners. Study participants, pregnant women after 9 weeks of gestation gave blood samples for blood cadmium level. Inductively Coupled Plasma Mass Spectrometry (ICP-MS) was used to assess the levels of cadmium. In Statistical Analysis was performed using STATA 15. Results: The mean of maternal age was 28.9±5.5 years. The mean of gestational age was 10.39±2.62 weeks. Geometric mean (GM) of cadmium level in blood in intervention group (GM=0.23 µg/L; 95%CI: 0.21-0.26 µg/L) was lower by 0.05µg/L when compared to the control group (GM=0.28 µg/L; 95%CI: 0.24-0.31 µg/L). The difference is statistically significant (p>0.05) between two groups. In a study of exposure to second hand smoke during pregnancy in related to cadmium levels in the blood, 43.6% (n=167) of all participants said that their family members smoked during pregnance. Of these 23.3% (39) pregnant women were exposed to secondhand smoke every day. The level of cadmium in the blood of women exposure to secondhand smoke (GM=0.37 µg/L; 95%CI: 0.26-0.48 µg/L) in the group of 76.7% (n=128) not exposure daily (GM=0.25 µg/L; 95%CI: 0.21-0.28 µg/L) is higher by 0.12 µg/L compared to statistical significance (p=0.004). Conclusion: Exposure of mothers to second hand smoke has a considerable impact on increase of cadmium concentration in their blood. Also the participants who used an air purifier (HEPA filter) could potentially decrease cadmium concentration in mother’s whole blood.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/442
Эшлэл
Г.Ганзаяа, Б.Буянтүшиг, М.Нансалмаа, Г.Энхжаргал. Жирэмсэн эмэгтэйчүүдийн дам тамхидалтын өртөлт ба цусан дахь кадмийн агууламжийг судалсан дүнгээс. Эрүүл мэндийн шинжлэх ухаан. 2021;17(7):17-21.