Loading...
Төмрийн солилцооны зарим үзүүлэлтийг бодисын солилцооны хам шинжтэй уялдуулан судалсан дүн
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
110
End Page
114
ISSN
2959-6947
Хураангуй
Үндэслэл: Бодисын солилцооны хам шинж (БСХШ) нь төвийн таргалалт, инсулинд дөжрөл, өөх тосны солилцооны алдагдал, артерийн даралт ихсэх зэрэг олон хүчин зүйлстэй уялдаж зүрх судасны өвчин, чихрийн шижин хэв шинж 2 зэргийн эрсдэлийг нэмэгдүүлдэг болохыг судлаачид тогтоосон ба сүүлийн жилүүдэд БСХШ-ийн тархалт дэлхий даяар эрс нэмэгдэж, дэлхийн нийт хүн амын 1/3 хувь нь уг хам шинжид өртөн нийгмийн эрүүл мэндийн томоохон асуудлын нэг болж байна1. БСХШийн талаар манай улсын хувьд цөөнгүй судалгаа хийгдсэн ч эдгээрт хамгийн ихээр өртөж буй эрэгтэйчүүдийн дунд төмрийн солилцоо болон БСХШ-ийг уялдуулан судалсан судалгаа хомс байгаа нь энэхүү судалгааны үндэслэл боллоо. Зорилго: Төмрийн солилцооны зарим үзүүлэлтийг БСХШ-тэй болон БСХШ-гүй эрэгтэйчүүдэд тодорхойлох. Арга, аргачлал: Бид судалгаандаа Улаанбаатар хотын 30-60 насны, нийт 227 эрэгтэйг хамруулсан. БСХШ-тэй буюу тохиолдлын бүлэг, БСХШ-гүй буюу хяналтын бүлэг гэсэн 2 бүлэг мөн British Columbiaийн High Ferritin and Iron Overload–Investigation and Management (2021) удирдамжийн дагуу ийлдэс дэх ферритины агууламжаар <300 нг/мл бол ферритин хэвийн, 300-600 нг/мл бол гиперферритинеми, >600 нг/мл бол төмрийн хэт ачаалал гэсэн гурван бүлэг болгов. Үр дүн: Судалгаанд хамрагдсан нийт 227 эрэгтэйг насны хувьд авч үзвэл дундаж нь 45.3±8.3 жил байсан ба БСХШ-ийг илрүүлэх 2009 оны JIS зөвлөмжийн дагуу 5 шалгуур үзүүлэлтээр үнэлэхэд 38.8% (n=88) БСХШ-тэй, 61.2% (n=139) БСХШ-гүй байлаа. British Columbia-ийн удирдамжийн дагуу ийлдэс дэх ферритиний агууламжаар бүлэглэхэд 46.7% (n=106) хэвийн, 33.9% (n=77) ийлдэс дэх ферритиний агууламж ихэссэн, 19.4% (n=44) төмрийн хэт ачаалалтай байлаа. Судалгаанд хамрагдагсдын төмрийн солилцооны уургуудыг бүлэг тус бүрээр тодорхойлоход БСХШ-гүй бүлэгт Ферритиний хэмжээ 33.30-1330.00ийн хооронд хэлбэлзэж дундаж нь 320.34 байсан бол БСХШ-тэй хүмүүст Ферритиний хэмжээ 43.10-1044.00-ийн хооронд хэлбэлзэж дундаж нь 378.28 (F=3.957, Sig=0.049) тус тус байж статистик бодит ялгаатай буюу Ферритиний хэмжээ БСХШ-тэй болон БСХШ-гүй бүлгийн хооронд ялгаатай байгаа нь тодорхойлогдлоо. Дүгнэлт: Төмрийн солилцооны үзүүлэлтүүдээс ийлдсэн дэх ферритиний агууламж БСХШ-тэй болон БСХШ-гүй бүлэг хооронд статистик ач холбогдол бүхий ялгаатай харин бусад үзүүлэлтүүдэд статистик ач холбогдол бүхий бодит ялгаа ажиглагдсангүй. Тиймээс цаашид нарийвчилсан судалгаа хийх шаардлагатай байна.
Background: Metabolic syndrome (MetS) has been shown to be associated with multiple factors, including central obesity, insulin resistance, lipid metabolism disorders, and elevated blood pressure, thereby increasing the risk of cardiovascular disease and type 2 diabetes. In recent years, the prevalence of MetS has risen sharply worldwide, affecting about one-third of the global population, becoming a major public health concern. Although several studies on MetS have been conducted in Mongolia, research investigating the relationship between iron metabolism and MetS, particularly among men who are most affected, is limited. This formed the basis for the present study. Aim: To investigate selected indicators of iron metabolism in men with and without MetS. Materials and Methods: A total of 227 men aged 30-60 years from Ulaanbaatar were included in this study. Participants were classified into two groups: MetS (case group) and non-MetS (control group). According to the British Columbia “High Ferritin and Iron Overload – Investigation and Management” (2021) guidelines, serum ferritin levels were categorized into three groups: <300 ng/mL as normal ferritin, 300–600 ng/mL as hyperferritinemia, and >600 ng/mL as iron overload. Results: The mean age of the participants was 45.3±8.3 years. Based on the 2009 JIS criteria for MetS (five components), 38.8% (n=88) had MetS and 61.2% (n=139) were without MetS. According to the British Columbia guidelines, 46.7% (n=106) had normal serum ferritin, 33.9% (n=77) had elevated ferritin, and 19.4% (n=44) had iron overload. When serum iron-related proteins were analyzed by group, the ferritin levels ranged from 33.30 to 1330.00 ng/mL with a mean of 320.34 in the non-MetS group, and from 43.10 to 1044.00 ng/mL with a mean of 378.28 in the MetS group (F=3.957, Sig=0.049), indicating a statistically significant difference in ferritin levels between the two groups. Other iron metabolism indicators, including serum iron, transferrin saturation (TSAT%), Unsaturated iron binding capacity (UIBC), Total iron binding capacity (TIBC), and hepcidin, did not show statistically significant differences between groups. Conclusion: Among the indicators of iron metabolism, only serum ferritin levels showed a statistically significant difference between men with and without MetS. Other indicators did not differ significantly, highlighting the need for further detailed investigation.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1631
Эшлэл
Д.Янсанжав, Д.Нямдорж, С.Энэбиш, З.Болорцэцэг, Б.Журамт, С.Мөнхбаярлах нар. Төмрийн солилцооны зарим үзүүлэлтийг бодисын солилцооны хам шинжтэй уялдуулан судалсан дүн. Эрүүл мэндийн шинжлэх ухаан. 2026;22(2):110-114.