Loading...
Сувилахуйн сургуулийн I дамжааны оюутнуудын ясны нягт ба бие бялдрын үзүүлэлтүүдийн харилцан хамаарлыг судалсан дүн
Зохиогч
Г.Алтанзул
Т.Эрдэнэсайхан
Б.Ганбаатар
Т.Бат-Эрдэнэ
Б.Цэрэннадмид
Б.Байгалмаа
Ц.Дашдулам
С.Долгорсүрэн
Д.Мөнхзул
Б.Сүхбат
Х.Цэцэгсүрэн
Г.Цолмонцэцэг
Г.Банзрагч
Б.Номундарь
Б.Энхтуул
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
150
End Page
153
ISSN
2959-6947
Хураангуй
Үндэслэл: Ясны нягт нь ясны бат бөх, хугаралд тэсвэртэй байдлыг илтгэх чухал үзүүлэлт бөгөөд нас, хүйс, удамшил, бие бялдрын байдал, хооллолт, хөдөлгөөний идэвх зэрэг олон хүчин зүйлээс хамаардаг. Залуу насанд яс эрдэсжин нягтрах үйл явц явагдаг тул энэ үеийн өөрчлөлтийг илрүүлэх нь цаашдын эрсдлийг тодорхойлоход ач холбогдолтой. Иймээс Сувилахуйн сургуулийн I дамжааны оюутнуудад ясны нягтыг хэмжин, бие бялдрын үзүүлэлтэд үнэлгээ өгөх нь уг судалгааны ажлын үндэслэл болж байна. Зорилго: Оюутнуудын ясны нягтыг бие бялдрын зарим үзүүлэлттэй харьцуулан судлах. Арга, аргачлал: АШУҮИС-ийн Сувилахуйн сургуулийн I дамжааны 17-35 насны 297 оюутныг судалгаанд хамруулав. Ясны нягтыг хэт авиан оношилгооны төхөөрөмжөөр шуу ясанд авиа тархах хурдаар тодорхойлсон. Гарын атгалтын хүчийг электрон динамометрээр хэмжиж үнэлсэн. Бие бялдрын үзүүлэлтүүдэд нас, хүйс, биеийн өндөр, жин зэрэг үзүүлэлтүүдийг тооцон стандарт аргачлалаар хэмжин үзүүлэлтүүдэд статистик боловсруулалт хийв. Уг судалгаа нь АШУҮИС-ийн Судалгааны ёс зүйн хяналтын хорооны 2025 оны 11-р сарын 21-ний өдрийн (№26/1) хурлаар ёс зүйн зөвшөөрөл авч, 2026 оны 3-р сарын 28-ны (№26/03-Б02) хурлаар ёс зүйн зөрчилгүй гэж дүгнэгдсэн. Үр дүн: Судалгаанд оролцогчдын ясны нягт Т-оноогоор хэвийн (n=110) 37.1%, багасалттай (n=187) 62.9%, Z-оноогоор хэвийн (n=159) 52.5%, багасалттай (n=138) 45.6% байна. T-оноо 20-иос доош насанд 1.87±0.69, 20-30 насанд 1.44±0.55, 30-аас дээш 1.10±0.31 байсан бол Z-оноо 20-иос доош насанд -0.73±1.38, 20-30 насанд -0.43±1.23, 30-с дээш-0.02±1.27 байсан ба ANOVA шинжилгээгээр бүлгүүдийн хооронд статистик ач холбогдолтой ялгаа ажиглагдсан. (p<0.01) T оноо болон насны хооронд эерэг хамаарал ажиглагдсан бол бусад үзүүлэлтийн хооронд хамаарал ажиглагдаагүй. Z-оноо гарын атгалтын хүчтэй эерэг хамааралтай байна. Дүгнэлт: 1. Ясны нягт бууралт өндөр хувьтай илэрсэн нь залуу насанд ясны эрдэсжилт бүрэн гүйцээгүйтэй холбоотой байж болно. 2. Насны бүлгүүдийн хооронд ясны нягт ялгаатай байсан (p<0.01) нь насыг ясны нягтад нөлөөлөх чухал хүчин зүйл болохыг илтгэж байна.
Background: Bone mineral density (BMD) is a key indicator reflecting bone strength and resistance to fracture. It is influenced by multiple factors, including age, sex, genetic background, body composition, nutrition, and physical activity. During young adulthood, peak bone mass is actively formed; therefore, identifying early variations in this period is essential for predicting future skeletal health risks. Accordingly, assessing BMD and evaluating its relationship with physical characteristics among first-year nursing students provides a scientific rationale for this study. Aim: To examine the relationship between bone mineral density and selected physical parameters among students. Materials and Methods: A total of 297 first-year students aged 17-35 years from the School of Nursing, Mongolian National University of Medical Sciences were included. Bone mineral density was assessed by measuring the speed of sound through the radius using an ultrasound bone densitometry device. Handgrip strength was measured using an electronic dynamometer. Physical parameters including age, sex, height, and body weight were measured using standardized procedures, and statistical analysis was performed. The study was approved by the Research Ethics Committee of MNUMS on November 21, 2025 (No. 26/1) and March 28, 2026 (No. 26/03-B02), with no ethical violations identified. Results: According to T-scores, 37.1% (n=110) of participants had normal bone status and 62.9% (n=187) showed reduced bone density. Based on Z-scores, 52.5% (n=159) were normal, while 45.6% (n=138) had decreased values. T-score values were 1.87±0.69 (<20 years), 1.44±0.55 (20–30 years), and 1.10±0.31 (>30 years), while Z-score values were −0.73±1.38, −0.43±1.23, and −0.02±1.27, respectively. ANOVA analysis revealed statistically significant differences among age groups (p<0.01). A positive correlation was observed between T-score and age, whereas no significant correlations were found with other physical parameters. Z-score showed a positive correlation with handgrip strength. Conclusions: 1. A high prevalence of reduced bone mineral density was observed among the students, which may be associated with incomplete attainment of peak bone mass in adolescents and young adults. 2. A significant difference in bone mineral density was found between age groups (p<0.01), indicating that age is an important factor influencing bone mineral density.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1701
Эшлэл
Г.Ням-Очир, Г.Алтанзул, Т.Эрдэнэсайхан, Б.Ганбаатар, Т.Бат-Эрдэнэ, Б.Наранбат нар. Сувилахуйн сургуулийн I дамжааны оюутнуудын ясны нягт ба бие бялдрын үзүүлэлтүүдийн харилцан хамаарлыг судалсан дүн. Эрүүл мэндийн шинжлэх ухаан. 2026;22(5):150-153.