Loading...
АШУҮИС-ийн Шүдний их эмч мэргэжлийн оюутнуудын үндсэн мэргэшлийн сонголтод нөлөөлөх хүчин зүйлсийг тодорхойлсон дүн
Зохиогч
Он
2026 оны есдүгээр сарын 15
Төрөл
journal article
Journal
Эрүүл мэндийн шинжлэх ухаан
Volume
22
Issue
6
Start Page
10
End Page
14
ISSN
2959-6947
Хураангуй
Үндэслэл: Төгсөх дамжааны оюутны үндсэн мэргэшлийн чиглэл сонгох шийдвэр нь ирээдүйн мэргэжлийн замнал болон эрүүл мэндийн салбарын хүний нөөцийн төлөвлөлтөнд чухал ач холбогдолтой. Их Британийн анагаах ухааны сургууль төгсөгчдийн судалгаанд мэргэшлийн сонголт цаг хугацааны явцад өөрчлөгдөж болохыг тэмдэглэсэн байдаг1. Монгол Улсын нүүр ам судлалын салбарт төгсөх дамжааны оюутны мэргэшлийн сонголтын талаарх судалгаа хомс байна. Иймээс оюутнуудын сонирхож буй чиглэл болон сонголтод нөлөөлөх хүчин зүйсийг тодруулах нь сургалтын хөтөлбөр, мэргэжлийн чиг баримжаа олгох үйл ажиллагаанд хэрэгцээ шаардлагатай байгаа нь энэхүү судалгааг хийх үндэслэл боллоо. Зорилго: Шүдний их эмч мэргэжлийн оюутнуудын үндсэн мэргэшлийн сонголтод нөлөөлөх хүчин зүйлсийг тодорхойлох. Арга, аргачлал: Бид энэхүү судалгааг хийж гүйцэтгэхдээ аналитик судалгааны агшингийн загварыг ашиглан 2026 онд төгсөх дамжааны 136 оюутнаас 111 оюутанг хамруулав (81.6%). Svirko нарын (2013) аргачлалд суурилсан нээлттэй болон хаалттай асуулт бүхий асуумж ашиглав. Нас, хүйс, өмнөх мэргэжил, мэргэшлийн шийдвэрийн байдал, ирээдүйд сонирхож буй чиглэл (хамгийн ихдээ 2), мөн 9 хүчин зүйлийг 3 түвшинтэй Ликертийн үнэлгээгээр (Маш их=2, Бага зэрэг=1, Огт нөлөөлөөгүй=0) үнэлэв. Тайлбарлах статистик, Пирсоны хи-квадрат тест, Спирманы корреляцийг ашиглав. Статистик ач холбогдлын түвшинг p<0.05 байх үед ач холбогдолтой гэж үзэв. Үр дүн: Оролцогчдын 96 (86.5%) нь эмэгтэй, 15 (13.5%) нь эрэгтэй бөгөөд 74 (66.7%) нь 24-26 насны бүлэгт багтав. Нийт 60 (54.1%) нь мэргэшлийн чиглэлээ эцэслэн сонгоогүй, 2-3 сонирхолтой чиглэлтэй байсан бол 37 (33.3%) нь чиглэлээ эцэслэн сонгосон байв. Нүүр амны мэс засал болон нүүр амны гажиг заслыг тус бүр 48 (43.2%) оролцогч дурдсан бөгөөд дараа нь нүүр амны согог засал 25 (22.5%) орсон байна. Хувийн урам зориг, итгэл үнэмшил хамгийн өндөр дундаж үнэлгээтэй (1.58/2.0), гэр бүлийн гишүүдийн шийдвэр, уламжлал хамгийн бага үнэлгээтэй (0.48/2.0) байв. Багшийн заах арга зүй, ур чадвар болон багш нарын харилцаа, хандлагын үнэлгээ хооронд хүчтэй эерэг хамаарал ажиглагдсан (Спирман ρ=0.72). Дүгнэлт: Судалгаанд хамрагдсан оюутнуудын 54.1% нь үндсэн мэргэшлийн чиглэлээ хараахан эцэслэн сонгоогүй байв. Хувийн урам зориг, итгэл үнэмшил хамгийн өндөр, гэр бүлийн гишүүдийн шийдвэр, уламжлал хамгийн бага дундаж үнэлгээтэй байв. Багшийн заах арга зүй болон харилцаа хандлагын үнэлгээ хооронд хүчтэй эерэг хамаарал ажиглагдлаа. Эдгээр үр дүн нь мэргэжлийн чиг баримжаа олгох зөвлөгөө, сургалтын орчин, гардан дадлагын боломжийг цаашид судалж, сайжруулахад ашиглаж болох анхан шатны мэдээлэл юм.
Background: Speciality choice among graduating students is important for professional development and health workforce planning. Studies of medical graduates in the United Kingdom have reported that speciality preferences may change over time. Evidence concerning speciality choice among final-year dental students in Mongolia remains limited. Identifying students’ preferences and perceived influencing factors may inform curriculum development and career guidance. Aim: To identify the factors perceived to influence speciality choice among final-year dental students graduating from the School of Dentistry, MNUMS, in 2026. Materials and Methods: This cross-sectional questionnaire study included 111 of 136 eligible final-year students (81.6%). A questionnaire adapted from Svirko et al. (2013) collected demographic information, decision status, up to two preferred specialties, and ratings of nine potential influencing factors on a three-point Likert scale (strongly influenced=2, slightly influenced=1, not influenced=0). Descriptive statistics, Pearson’s chi-square test, and Spearman’s rank correlation coefÏcient were used, with statistical significance set at p<0.05. Results: Of the 111 respondents, 96 (86.5%) were female and 74 (66.7%) were aged 24–26 years. Sixty (54.1%) had not finalized their specialty choice, while 37 (33.3%) had made a definitive decision. Oral and Maxillofacial Surgery and Orthodontics were each mentioned by 48 respondents (43.2%), followed by Prosthodontics (25, 22.5%). Personal motivation and conviction had the highest mean rating (1.58/2.0), whereas family members’ decisions or traditions had the lowest (0.48/2.0). Teaching methodology and faculty attitudes/communication showed a strong positive correlation (Spearman’s ρ=0.72). The reported statistical results for sex-related comparisons require verification against the original dataset. Conclusion: More than half of respondents had not finalized their specialty choice. Personal motivation received the highest perceived-influence rating, while family-related factors received the lowest. Teaching methodology and faculty attitudes/communication were strongly correlated. These findings may inform further evaluation of career guidance, training environments, and clinical learning opportunities. The single-institution, cross-sectional design limits generalizability and does not establish causality.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1738
Эшлэл
Д.Хаш-Эрдэнэ, Г.Дарамбазар, Б.Батбаяр. АШУҮИС-ийн Шүдний их эмч мэргэжлийн оюутнуудын үндсэн мэргэшлийн сонголтод нөлөөлөх хүчин зүйлсийг тодорхойлсон дүн. Эрүүл мэндийн шинжлэх ухаан. 2026;22(6):10-14.