Loading...
Шээсний ариун чанарын шинжилгээний үр дүн хадгалах хугацаанаас хамаарах нь
Зохиогч
Он
2023 оны арван нэгдүгээр сарын 3
Төрөл
journal article
Journal
Эрүүл мэндийн шинжлэх ухаан
Volume
19
Issue
5
Start Page
142
End Page
146
ISSN
2959-6947
Хураангуй
Үндэслэл: Шээс дамжуулах замын халдвар нь дэлхий даяар жил бүр 150 сая хүнд тохиолддог хамгийн түгээмэл халдваруудын нэг ба грам сөрөг болон эерэг бактери, түүнчлэн зарим төрлийн мөөгөнцөрөөс шалтгаалдаг.1,2 АНУ-д жилдээ 7 сая орчим хүн ямар нэгэн өвчин эмгэгийн улмаас эмчид хандаж байгаагаас 1 сая орчим нь шээс дамжуулах замын халдварт өвчний оноштой байдаг бөгөөд үүнээс дийлэнх нь давсагны цочмог үрэвсэл, 250,000 орчим нь цочмог пиелонефриттэй гэсэн судалгаа байна.3,4 Шээс дамжуулах замын халдвар нь амбулатороор үйлчлүүлэгсдэд тохиолддог хамгийн түгээмэл халдвар бөгөөд 3 эмэгтэй тутмын 1 нь 24 нас хүртлэх насандаа антибиотик эмчилгээ хийлгэх шаардлагад хүрдэг, насанд хүрсэн эмэгтэйчүүдийн 50–60% нь амьдралынхаа туршид энэхүү халдвараар дор хаяж 1 удаа өвчилсөн байдаг.5,6 Шээсний замын халдварт өвчнийг шээсний ерөнхий шинжилгээ, микроскопи шинжилгээ, шээсний ариун чанарын шинжилгээнд тулгуурлаж оношлодог.7 Өөрөөр хэлвэл шээсний замын халдварт өвчнийг шээсний ариун чанарын шинжилгээгээр баталж, эмчилгээг тодорхойлдог байна. Шээсний сорьц нь хучуур эс, хэвлийн хөндийн болон үтрээний эсүүдээр амархан бохирлогддог. Шээсийг зөв цуглуулах, хадгалах, тээвэрлэх зэрэг шинжилгээний өмнөх шатыг сайтар анхаарч үзэх нь эдгээр бохирдлоос сэргийлэх хамгийн өндөр үр дүнтэй арга юм.3 Үйлчлүүлэгчийн шээсний сорьцод нянгийн тоо өсөх эрсдэлээс сэргийлж сорьцыг хөргөгчинд эсвэл хадгалалтын бодист хийгээгүй тохиолдолд сорьцыг цуглуулснаас хойш хоёр цагийн дотор шинжилгээнд хамруулах ёстой. Ингэснээр хуурамч эерэг хариу гарах, антибиотикийн зохисгүй хэрэглээг бууруулахад шууд нөлөөтэй хэмээн үздэг.8 Зорилго: Шинжилгээний өмнөх үе шатанд тохиох алдаа болох шинжлэгдэхүүний хадгалалтын хугацааны хамаарлыг шээсний ариун чанарын шинжилгээнд тулгуурлан тодорхойлох. Арга, аргачлал: Судалгааны ажлыг туршилт судалгааны загвараар УНТЭ-ийн Эмнэлзүйн Эмгэг Судлалын Нэгдсэн Лабораторийг түшиглэн гүйцэтгэсэн ба 2020 оны 10 дугаар сарын 8-аас 2021 оны 2 дугаар сарын 10-ны хугацаанд тус лабораторид шээсний шинжилгээ өгсөн үйлчлүүлэгчдээс санамсаргүй түүврийн аргаар 61 сорьцыг сонгож тасалгааны хэмд хадгалж, 1, 2, 3 цагийн зайтай шээсний ерөнхий шинжилгээ болон нян судлалын шинжилгээнд хамруулав. Үр дүн: Нитритын агууламж 3 цагийн дотор ямар нэг өөрчлөлт үзүүлээгүй бол нян судлалын шинжилгээгээр 103 КҮН/мл нянгийн ургалттай нийт сорьцуудын 42.8% нь 3 цагийн дотор нянгийн өсөлт ажиглагдаагүй. Харин 28.5% нь 2 цагийн дараа нянгийн тоо 104 КҮН/мл болж өссөн, мөн 28.5% нь 3 цагийн дараа нянгийн тоо 104 КҮН/мл болж өсжээ. Харин нянгийн ургалтгүй нийт сорьцын 9.0% нь 2 болон 3 цагийн дараа 103 КҮН/мл нянгийн ургалттай болж бохирлогдсон байна. Дүгнэлт: 1. Шээсийг 1 болон 3 цаг тасалгааны хэмд хадгалахад нитритын агууламжинд ялгаа ажиглагдсангүй. 2. Шээсний нян судлалын шинжилгээг 1 болон 3 цагаар харьцуулахад нянгийн ургалтгүй сорьцонд 3 цагийн дараа нян өсгөвөрлөгдөж байгаа нь бохирдол үүсч байгааг харуулж байна.
Background: Urinary tract infections are among the most prevalent infections, affecting approximately 150 million people worldwide annually. These infections are caused by Gram-negative and Gram-positive bacteria, as well as certain fungi. In the United States, approximately 7 million individuals seek medical attention each year due to various ailments. Of these cases, around 1 million are diagnosed with urinary tract infections (UTIs), with the majority being cases of acute cystitis, and approximately 250,000 diagnosed with acute pyelonephritis. UTIs rank as the most common infections among outpatients, and notably, one in three women receive antibiotics for UTIs by the age of 24. An estimated 50-60% of adult women who require treatment have experienced UTIs at some point in their lives. The diagnosis of UTIs relies on a comprehensive evaluation that includes general urinalysis, microscopic examination, and urine culture tests. In essence, UTIs are determined by the qualitative analysis of urine quality. Urine specimens are susceptible to contamination, which may include the presence of epithelial cells, peritoneal cells, and vaginal cells. Implementing meticulous pre-test measures, such as proper urine collection, storage, and transportation, represents the most effective approach to mitigate these potential contaminations. It is imperative that urine specimens be tested within two hours of collection unless refrigerated or stored with a suitable preservative to minimize the risk of bacterial growth. This approach is believed to directly impact the occurrence of false-positive results, promote judicious antibiotic use, and reduce overtreatment. Aim: To determine the relationship between the storage time of the analytes, which is an error in the pre-analysis phase, based on the analysis of the quality of urine. Materials and Methods: Based on the test results of customers who performed urinalysis at the central laboratory of clinical pathology of First Central Hospital Mongolia, between from October 8, 2020 to February 10, 2021. 61 samples were selected by random sampling, and the samples were subjected to detailed urine analysis and bacteriological analysis at 1, 2, and 3 hour intervals, and the results were compared. Results: Nitrite concentration did not show any change within 3 hours. According to bacteriological analysis, 42.8% of the samples with bacterial growth of 103 CFU/ml showed no bacterial growth within 3 hours, 28.5% of the samples increased to 104 after 2 hours, and 28.5% of the samples increased to 104 CFU/ml after 3 hours. However, 9.0% of all samples without bacterial growth were contaminated with bacterial growth of 103 CFU/ml after 2 and 3 hours. Conclusions: 1. No difference in nitrite concentration was observed when urine was stored at room temperature for 1 and 3 hours. 2. Comparison between urine culture results at 1 and 3 hours, it showing that bacterial culture after 3 hours, indicating contamination.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/943
Эшлэл
Э.Бадралмаа, Ч.Онон, С.Хашчулуун, Б.Бадмаараг, А.Гэрлээ, А.Аварзэд нар. Шээсний ариун чанарын шинжилгээний үр дүн хадгалах хугацаанаас хамаарах нь. Эрүүл мэндийн шинжлэх ухаан. 2023;19(5):142-146.