Loading...
Төрөлжсөн нарийн мэргэшлийн эмнэлгийн осол гэмтлийн хэвтүүлэн эмчлүүлэх тасгуудын өртгийн тооцоо
Зохиогч
Он
2023 оны хоёрдугаар сарын 16
Төрөл
journal article
Journal
Эрүүл мэндийн шинжлэх ухаан
Volume
19
Issue
1
Start Page
97
End Page
101
ISSN
2959-6947
Хураангуй
Үндэслэл: Монгол Улсын хүн амын дунд осол гэмтлийн шалтгаанаар нас барах, өвчлөх тохиолдол сүүлийн жилүүдэд эрс нэмэгдэж, осол гэмтлийн шалтгаан нь 2020 оны байдлаар өвчлөлийн 5 дахь, нас баралтын 3 дахь шалтгаан болж байна. Мөн 2020 онд Монгол улсын хэмжээнд 142.761 осол гэмтлийн шинэ тохиолдол, нас баралтын 2736 тохиолдол бүртгэгдсэн байна. Осол гэмтлийн тусламж үйлчилгээний өртгийн тоо мэдээ, нэгж өртөгт эзлэх цалин хөлс, эм тээвэр шатахуун гэх мэт зардлуудын эзлэх хувь хэмжээг тогтоосноор салбарын хэмжээнд эрүүл мэндийн даатгалаас болон улсын төсвөөс тухайн эмнэлгүүдийг санхүүжүүлэх эмнэлгийн суурь тарифыг тогтоох чухал ач холбогдолтой зэрэг нь энэхүү судалгааг хийх үндэслэл боллоо. Зорилго: Гэмтэл согог судлалын үндэсний төвийн хэвтүүлэн эмчлүүлэх тасаг бүрийн нэг ор хоногийн дундаж өртгийг тооцох. Арга, аргачлал: Бид энэхүү судалгааг хийж гүйцэтгэхдээ дискрептив загвар ашиглан баримтын аргаар судалгааны тоон мэдээллийг цуглуулсан. Судалгаанд Гэмтэл согог судлалын үндэсний төвийн 2020 оны санхүүгийн тайлан, статистикийн тайлан мэдээллүүд дээр үндэслэн зардлын шинжилгээ хийн хэвтүүлэн эмчлүүлэх тасаг бүрийн өртгийг өртөг тооцох уламжлалт арга буюу дээрээс доош аргыг ашиглан тооцоолсон. Үр дүн: Гэмтэл согог судлалын үндэсний төвийн хэвтүүлэн эмчлүүлэх тусламж үйлчилгээний нийт ор хоногийн тоо 121.605, дундаж ор хоног 8.6 байна. Хэвтүүлэн эмчлүүлэх тусламж үйлчилгээний нийт ор хоногийн 14 хувийг гар сарвуу нөхөн сэргээх бичил мэс заслын тасаг, 12 хувийг түлэнхий нөхөн сэргээх мэс заслын тасаг, гавал тархины гэмтэл согогын тасаг эзэлж байна. Байгууллагын 2020 оны санхүүгийн тайлангийн нийт зардлыг тодорхойлж зардлыг шууд, шууд бус зардлаар нь ангилахад нийт зардлын 52 хувийг шууд зардал, 48 хувийг шууд бус зардлууд эзэлж байна. Шууд зардлыг өртгийн төвүүдэд шууд ногдуулан, шууд бус зардлыг зардал чиглүүлэгч ашиглан өртгийн төвүүдэд хувиарлахад үндсэн үйлчилгээний өртгийн төв шууд зардлын 33.3 хувийг, шууд бус зардлын 76.5 хувийг эзэлж байна. Хэвтүүлэн эмчлүүлэх тасгуудын нэг ор хоногийн дундаж өртөг 147,098 төгрөгөөс 918.931 төгрөгийн хооронд хэлбэлзэлж байна. Дүгнэлт: Дээрээс доош өртөг тооцох аргаар тасаг нэгжүүдийн өртгийг тооцоход эрчимт эмчилгээний тасаг хамгийн өндөр өртөгтэй байгаа нь тодорхойлогдсон бөгөөд нийт тасгуудын нэг ор хоногийн дундаж өртөг 272.583 төгрөг байв. Нэг ор хоногийн дундаж өртгийн 18 хувийг шууд хөдөлмөрийн зардал, 11 хувийг эмийн зардал эзэлж байна.
Background: The incidence of death and illness due to external causes among the population of Mongolia has increased dramatically in recent years, and accidents are the 5th cause of illness and the 3rd cause of death as of 2020. In 2020, 142.761 new accidents and 2736 deaths were registered in Mongolia. It is important to determine the base rate of the hospitals to be financed from the health insurance and the state budget at the industry level by determining the percentage of the costs of accident care services, wages per unit cost, medicine, transportation, fuel, etc. Aim: To calculate the average cost per day of each inpatient ward of the National Trauma and Orthopedic Research Center Materials and Methods: In conducting the research, quantitative research data was collected using a descriptive model. In the study, based on the 2020 financial reports and statistical reports of the National Health Service, a cost analysis was performed and the cost of each inpatient ward was calculated using the traditional method of costing or the top-down method. Results: The total number of inpatient care beds at the National Trauma and Orthopedic Research Center was 121.605 with an average of 8.6 bed days. 14 percent of the total number of beds in inpatient care are occupied by the microsurgery department for hand and paw rehabilitation, 12 percent by the burn rehabilitation department, and the cranial brain injury department. Determining the total costs of the organization’s 2020 financial report and classifying the costs into direct and indirect costs, 52 percent of the total costs are direct costs and 48 percent are indirect costs. When direct costs are directly assigned to cost centers and indirect costs are allocated to cost centers using a cost guide, the main service cost center accounts for 33.3 percent of direct costs and 76.5 percent of indirect costs. The average cost per day of inpatient wards ranges from 147.098 MNT to 918.931 MNT. Conclusion: When calculating the cost of departments using the top-down costing method, the intensive care unit has the highest cost, and the average cost of all departments is 272.583 MNT. Direct labor costs account for 18 percent of the average cost, and drug costs account for 11 percent.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/792
Эшлэл
А.Пүрэвгэрэл, П.Цэдэн, Ю.Гантөгс. Төрөлжсөн нарийн мэргэшлийн эмнэлгийн осол гэмтлийн хэвтүүлэн эмчлүүлэх тасгуудын өртгийн тооцоо. Эрүүл мэндийн шинжлэх ухаан. 2023;19(1):97-101.