Loading...
Мэргэжлээс шалтгаалсан өвчнөөр хөдөлмөрийн чадвар алдсан иргэдийн бие махбодын үйл ажиллагаа, бүтцийн гэмтлийн алдагдлыг үнэлэх нь
Зохиогч
Он
2026 оны есдүгээр сарын 15
Төрөл
journal article
Journal
Эрүүл мэндийн шинжлэх ухаан
Volume
22
Issue
6
Start Page
72
End Page
79
ISSN
2959-6947
Хураангуй
Үндэслэл: Үйл ажиллагааны олон улсын ангилал (ICF) нь хүний биеийн үйл ажиллагаа, бүтцийн өөрчлөлт, оролцооны хязгаарлалт болон орчны хүчин зүйлсийг цогцоор нь үнэлдгээрээ онцлог юм. Өвчний олон улсын ангилал (ICD) болон үйл ажиллагааны олон улсын ангилал (ICF) ангиллыг хослуулан ашиглах нь сэргээн засах тусламж үйлчилгээний төлөвлөлт, хөгжлийн бэрхшээлийн үнэлгээ, хөдөлмөрийн чадвар алдалтын нөхөн олговрын тогтолцоог илүү бодитой, хувь хүнд чиглэсэн байдлаар хэрэгжүүлэхэд чухал ач холбогдолтой нь энэхүү судалгааны үндэслэл боллоо. Зорилго: Мэргэжлээс шалтгаалсан өвчнөөр хөдөлмөрийн чадвар алдсан иргэдийг үйл ажиллагааны олон улсын ангилал (ICF)-д суурилан үнэлж, бие махбодын үйл ажиллагааны алдагдал, бүтцийн гэмтлийг үнэлэх. Арга, аргачлал: Бид энэхүү судалгааны ажлыг гүйцэтгэхдээ мэргэжлээс шалтгаалсан өвчнөөр хөдөлмөрийн чадвар алдсан иргэдийг хамруулсан ба аналитик судалгааны агшны загварыг ашиглав. Үйл ажиллагааны олон улсын ангилал (ICF) үнэлгээний (ICF checklist Version 2.1a, Clinician form) бие махбодын үйл ажиллагаа (b) болон биеийн бүтэц (s)-тэй холбоотой 2 бүлэг асуумжаар мэдээллийг цуглуулсан. Статистик боловсруулалтыг IBM SPSS-26.0 программ ашиглан гүйцэтгэсэн. Үр дүн: Судалгаанд хамрагдсан 180 оролцогчийн 80.6% (n=145) нь эрэгтэй, 19.4% (n=35) нь эмэгтэй бөгөөд дундаж нас 60.5±10.7 жил байв. Ажлын байрны эрсдэлтэй нөхцөлд ажилласан хугацааны дундаж 19.5±5.2 жил. Оролцогчдын 98.6% (n=178) нь хөдөлмөр эрхэлдэггүй байв. Мэргэжлээс шалтгаалсан өвчний 57.2% (n=103) нь амьсгалын тогтолцооны эмгэг, 20.0% (n=36) мэдрэлийн тогтолцооны эмгэг эзэлж байв. Үйл ажиллагааны олон улсын ангилал (ICF) үнэлгээний дотоод нийцэл бие махбодын үйл ажиллагааны алдагдлын бүлэгт Cronbach’s α=0.904, биеийн бүтцийн гэмтлийн бүлэгт α=0.788 байв. Мэдрэхүйн үйл ажиллагаа ба өвдөлтийн алдагдал (b2) бүх өвчний бүлэгт статистикийн ач холбогдолтой ялгаатай (p<0.001), мэдрэлийн тогтолцооны бүтцийн гэмтэл (s1) мөн статистикийн ач холбогдолтой ялгаатай (p=0.015) байв. Олон хүчин зүйлийн логистик регрессээр хөдөлмөрийн чадвар алдалтын хувь нэмэгдэх нь бие махбодын үйл ажиллагааны алдагдалтай (OR=1.065; 95% CI: 1.003– 1.131; p=0.030), нас нэмэгдэх нь биеийн бүтцийн гэмтэлтэй (OR=1.112; 95% CI: 1.013–1.234; p=0.042) тус тус статистикийн ач холбогдолтой хамааралтай байв. Дүгнэлт: 1. Үйл ажиллагааны олон улсын ангилал (ICF) Checklist Version 2.1a, Clinician Form-ын үнэлгээний дотоод нийцэл хангалттай байгаа нь МШӨ-ий үед энэхүү үнэлгээг ашиглах боломжтойг харууллаа. 2. Мэргэжлээс шалтгаалсан өвчнөөр хөдөлмөрийн чадвар алдсан иргэдийн дунд мэдрэхүйн үйл ажиллагаа ба өвдөлтийн алдагдал түгээмэл илэрч, хөдөлмөрийн чадвар алдалтын хувь нэмэгдэх тусам бие махбодын үйл ажиллагааны алдагдал, нас ахих тусам биеийн бүтцийн гэмтлийн эрсдэл нэмэгдэж байна.
Background: The International Classification of Functioning, Disability and Health (ICF) provides a comprehensive framework for assessing body functions, body structures, activity limitations, participation restrictions, and environmental factors. The combined use of the International Classification of Diseases (ICD) and the ICF can contribute to more comprehensive and person-centered approaches to rehabilitation planning, disability assessment, and compensation systems for work capacity loss. Aim: To assess individuals with occupational diseases and work capacity loss using the ICF framework and to evaluate impairments in body functions and impairments of body structures. Materials and Methods: A cross-sectional analytical study was conducted among individuals with work capacity loss due to occupational diseases. Data were collected using two sections of the ICF Checklist Version 2.1a, Clinician Form, focusing on body functions (b) and body structures (s). Statistical analyses were performed using IBM SPSS-26.0. Results: A total of 180 participants were included in the study, of whom 80.6% (n=145) were male and 19.4% (n=35) were female, with a mean age of 60.5±10.7 years. The mean duration of employment under hazardous occupational conditions was 19.5±5.2 years. Respiratory system disorders were 57.2% (n=103), and nervous system disorders were 20.0% (n=36). The internal consistency of the ICF assessment was high for the body functions impairment domain (Cronbach’s α=0.904) and acceptable for the body structures impairment domain (α=0.788). Sensory functions and pain impairments (b2) differed significantly across all occupational disease groups (p<0.001), while impairments of the structures of the nervous system (s1) also showed a statistically significant difference (p=0.015). Multivariable logistic regression analysis showed that an increase in the percentage of work capacity loss was significantly associated with body function impairment (OR=1.065; 95% CI: 1.003–1.131; p=0.030), while increasing age was significantly associated with impairments of body structures (OR=1.112; 95% CI: 1.013–1.234; p=0.042). Conclusions: 1. The body functions and body structures domains of the ICF Checklist Version 2.1a, Clinician Form, demonstrated adequate internal consistency, indicating that the ICF may be applicable for assessing individuals with occupational diseases. 2. Sensory function and pain impairments were common among individuals with occupational diseases. Furthermore, a higher percentage of work capacity loss was associated with greater body function impairment, while increasing age was associated with a higher risk of body structure impairment.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1749
Эшлэл
Ц.Сансарцэцэг, С.Ачиймаа, Б.Шинэбилэг, С.Мягмарчулуун, Ю.Гантөгс. Мэргэжлээс шалтгаалсан өвчнөөр хөдөлмөрийн чадвар алдсан иргэдийн бие махбодын үйл ажиллагаа, бүтцийн гэмтлийн алдагдлыг үнэлэх нь. Эрүүл мэндийн шинжлэх ухаан. 2026;22(6):72-79.