Loading...
Өнгөрийн гаралтай буйлны үрэвслийн эмчилгээнд пробиотик агуулсан ам зайлах уусмал хэрэглэсэн үр дүн
Зохиогч
С.Хонгорзул
Г.Намуундарь
Ч.Нарантуул
А.Саранчимэг
Н.Болор
Г.Хулан
Э.Нямсүрэн
Б.Баярчимэг
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
112
End Page
116
ISSN
2959-6947
Хураангуй
Үндэслэл: Өнгөрийн гаралтай буйлны үрэвслийн эмчилгээнд механик өнгөрийн хяналтаас гадна химийн аргаар өнгөрийг хянах буюу тодорхой хугацаанд ам зайлах уусмал хэрэглүүлэх нь эмчилгээний үр дүн, тавиланд эерэг нөлөө үзүүлж байна. Өнөө үеийн судалгаануудад пробиотик нь амны хөндийн бичил орчны тэнцвэрийг хадгалж, эмгэг төрөгч нянгийн өсөлт, өнгөр үүсэлтийг бууруулж, буйлны үрэвслээс урьдчилан сэргийлэх ач холбогдолтой байгаа нь энэхүү судалгааг хийх үндэслэл болов. Зорилго: Өнгөрийн гаралтай буйлны үрэвслийн эмчилгээнд пробиотик агуулсан ам зайлах уусмалын нөлөөг судлах. Арга, аргачлал: Судалгааг давхар нууцлалтай, санамсаргүй түүвэрлэлт, хяналтат, эмнэл зүйн туршилт судалгааны загвар ашиглан 2025 оны 1 сараас 3 сарын хооронд АШУҮИС-ын Нүүр Ам Судлалын Төв Эмнэлгийн Шүдний Тулгуур Эд, Сувгийн Эмчилгээний Тасагт түшиглэн хийж гүйцэтгэсэн. Судалгаанд шалгуур хангасан 45 хүнийг хамруулсан бөгөөд санамсаргүй түүврийн аргаар 1:1:1 харьцаатай 3 бүлэгт хуваасан. Судалгааны эхний өдөр болон 14 хоногийн дараа сэтгүүрдэхэд буйлнаас цус гарах байдал, өнгөрийн үзүүлэлтийг хэмжсэн. Судалгаанд хамрагсдад чулуу болон өнгөрийн цэвэрлэгээ, амны эрүүл ахуйн зөвлөгөө өгсөн. 1-р бүлэгт пробиотик агуулсан (Бионекс Про, Пробакарт ХХК), 2-р бүлэгт хлоргексидины 0.12% (Хлоргексидин 0.1%, Тавин Ус Фарм), хяналтын бүлэгт ам зайлах уусмал хэрэглүүлээгүй. Үр дүн: Судалгаанд нийт 20-25 насны 45 хүн хамрагдсан (31.1% эрэгтэй). Эхний ирэлтээр өнгөрийн үзүүлэлт, сэтгүүрдэхэд буйлнаас цус гарах байдлын дундаж утга бүлэг хооронд статистик ач холбогдолгүй (p=0.174, p=0.887) байв. 14 хоногийн дараа өнгөрийн үзүүлэлт болон сэтгүүрдэхэд буйлнаас цус гарах байдлын дундаж утга бүлэг хооронд статистик ач холбогдол бүхий ялгаатай байв (p<0.001, p<0.001). 1 болон 2 бүлгийг харьцуулахад 14 хоногийн дараа өнгөрийн үзүүлэлтийн дундаж утгын ялгавар 8.04 буюу статистик ач холбогдолгүй (p=0.39); сэтгүүрдэхэд буйлнаас цус гарах байдлын дундаж утгын ялгавар 2.11 буюу статистик ач холбогдолгүй байна (p=0.89). 1-р бүлгийг хяналтын бүлэгтэй харьцуулахад өнгөрийн үзүүлэлтийн дундаж утгын ялгавар -22.52 буюу статистик ач холбогдолтой (p<0.004), сэтгүүрдэхэд буйлнаас цус гарах байдлын дундаж утгын ялгавар -25.14 буюу статистик ач холбогдолтой (p<0.001) байна. Дүгнэлт: Пробиотик агуулсан ам зайлах уусмал нь FMBS болон FMPS үзүүлэлтүүдийг бууруулж, өнгөрийн гаралтай буйлны үрэвслийн эмчилгээнд хэрэглэхэд үр дүнтэй байна.
Background: In the treatment of plaque-induced gingivitis, in addition to mechanical plaque control, the use of chemical plaque control such as mouth rinses for a certain period has shown a positive effect on treatment outcomes and prognosis. Aim: To evaluate the efÏcacy of a probiotic mouthwash in the treatment of plaque-induced gingivitis. Materials and Methods: A randomized controlled clinical trial was designed for a period of 2 weeks on 45 systemically healthy subjects between 20 and 25 years having plaque-induced gingivitis. The study population was divided into three groups. Group 1-15 subjects were advised experimental (probiotic) mouthwash. Group 2-15 subjects were advised positive control (chlorhexidine) mouthwash and Group 3-15 subjects into a negative control group. Oral prophylaxis was done for all groups at baseline. After the proper oral hygiene instructions, groups 1 and 2 were instructed to rinse their mouth with 15 ml of their respective mouthwashes, for 1 min twice daily, 30 min after brushing. Clinical parameters such as Full mouth plaque score (FMPS), Full mouth bleeding score (FMBS) were assessed at baseline, 2 weeks respectively. Results: At baseline, there was no statistically significant difference between the groups in terms of FMBS and FMPS mean values (p=0.174, p=0.887). At day 14, the FMPS, FMBS mean values were significantly reduced by all treatment modalities ranking probiotic and chlorhexidine is greater than negative control group (p<0.001, p<0.001). Conclusion: The probiotic mouthwash was effectively used as an adjunct to mechanical plaque control in the treatment of plaque-induced gingivitis.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1225
Эшлэл
С.Хонгорзул, Г.Намуундарь, Ч.Нарантуул, А.Саранчимэг, Н.Болор, Г.Хулан нар. Өнгөрийн гаралтай буйлны үрэвслийн эмчилгээнд пробиотик агуулсан ам зайлах уусмал хэрэглэсэн үр дүн. Эрүүл мэндийн шинжлэх ухаан. 2025;21(4):112-116.