Loading...
Улаанбаатар хотын ялгаатай бүсийн 12 настай хүүхдүүдийн шүд, буйл, тулгуур эдийн байдлыг PM 2.5-ын түвшинтэй уялдуулан судалсан дүн
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
100
End Page
104
ISSN
2959-6947
Хураангуй
Үндэслэл: Монгол улсын нийслэл Улаанбаатар хот нь дэлхийн хамгийн хүйтэн уур амьсгалтай нийслэл хотуудын нэг төдийгүй удаан үргэлжлэх хүйтний нөлөөллийн улмаас сүүлийн жилүүдэд гадаад орчны бохирдлын хэмжээгээр хамгийн их бохирдолтой хотын нэг болоод байна.1 Түүнчлэн Дэлхийн Эрүүл Мэндийн Байгууллагын (ДЭМБ)-ын олон улсад баримтлах стандартад заасан агаарыг бохирдуулагч нарийн ширхэглэгт тоосонцорын (PM2.5) зөвлөмж хэмжээнээс 7 дахин их,1,2 Монгол Улсын үндэсний стандартад заасан жилийн дундаж зөвшөөрөгдөх дээд түвшингөөс 3 дахин их байна.3 Энэ үзүүлэлт нь Улаанбаатар хотын нийт хүн амын эрүүл мэнд болон ялангуяа хүүхдийн эрүүл өсч хөгжих, эрүүл аюулгүй орчинд амьдрах эрхийг зөрчиж байна. ДЭМБ-ын мэдээлснээр хүний эрүүл мэндэд хамгийн хортой агаарыг бохирдуулагч бол PM2.5 юм.4 Энэхүү нарийн ширхэгт тоосонцор нь хүний амьсгалын замаар дамжин биед нэвтэрч уушги, зүрх, тархи, бөөр, хоол боловсруулах эрхтнүүдийг ноцтой гэмтээхээс гадна хүний амны хөндийд буйл, тулгуур эдийн эмгэг, амны хавдар, шүд цоорох өвчин болон амны хөндийд олон төрлийн өөрчлөлт дагуулж байгааг нотолсон олон судалгаа байна.5-12 Манай улсад буйл, шүдний тулгуур эдийн үрэвсэлд РМ 2.5 агаар бохирдуулагчийн нөлөөг судалсан судалгаа хомс байгаа нь судалгааг хийх үндэслэл боллоо. Зорилго: Улаанбаатар хотын ялгаатай бүсийн 12 настай хүүхдүүдийн шүд, буйл, тулгуур эдийн байдлыг агаар бохирдуулагч PM2.5-ын түвшинтэй уялдуулан судлах. Арга, аргачлал: Бид судалгаандаа Улаанбаатар хотын агаарын бохирдол харьцангуй их ба багатай бүсийн 12 настай 190 хүүхдийг таниулсан зөвшөөрлийн дагуу хамруулж, хүүхэд бүрийн амны хөндийн үзлэгийг ДЭМБ-ын 2013 оны зөвлөмжийг баримтлан хийж гүйцэтгэв. Судалгаанд хамрагдсан хүүхдийн ШЦӨ-ний тархалт, эрчим, амны хөндийн эрүүл ахуйн байдал, буйл, шүдний тулгуур эдийн үзүүлэлтийг тодорхойлж, тоон үзүүлэлтийн статистик боловсруулалтыг SPSS-29.0 программ ашиглан хийж гүйцэтгэлээ. Үр дүн: Судалгаанд хамрагдсан 12 настай нийт 190 хүүхдийг агаарын бохирдлын түвшингээр ангилан судалж үзэхэд агаарын бохирдол бага бүсэд ШЦӨ-ний тархалт ба эрчмийн үзүүлэлт 96% ба 5.37±2.75 ЦЛА/ш, өндөр бүсэд 91% ба 5.39±3.95 ЦЛА/ш (p<0.01) байв. Судалгаанд хамрагдсан нийт хүүхдийн 23.2% нь буйлны үрэвсэлтэй гэж оношлогдсон ба агаарын бохирдлын түвшин багатай бүсэд 20.5%, өндөртэй бүсэд 25.2% нь буйлны үрэвсэлтэй байна. Шүдний тулгуур эдийн байдлыг эмнэл зүйн холбоосны түвшин (CAL)гийн дундаж үзүүлэлтийг ашиглан тодорхойлоход агаарын бохирдол бага бүсийн хүүхдэд 1.94±0.77 мм, өндөр бүсийн хүүхдийнх 1.89±0.89 мм (p<0.001) байсан ба энэ нь шүдний тулгуур эд хэвийн гэсэн ангилалд хамаарч байна. Дүгнэлт: Судалгаанд хамрагдсан ялгаатай бүсийн 12 настай хүүхдийн шүд, буйл, шүдний тулгуур эдийн үзүүлэлт бага бүсийн хүүхдүүдийн үзүүлэлтээс доогуур үзүүлэлттэй тодорхойлогдлоо.
Background: The capital city of Mongolia, Ulaanbaatar is not only one of the coldest capitals in the world but has also become one of the most polluted cities in recent years due to the prolonged effects of severe cold. According to the World Health Organization (WHO), the most harmful air pollutant to human health is PM2.5. These fine particulate matters can penetrate the human body through the respiratory tract, causing various changes in the body and the oral cavity. Aim: Relationship between dental caries, gingivitis and periodontal status and PM2.5 air pollutant levels among 12 years old children in different areas of Ulaanbaatar. Materials and Methods: The study population consisted of 190 children aged 12 years old, who were selected from high and low level areas with air pollutant PM2.5 in Ulaanbaatar city, Mongolia. We obtained informed consent No.24-25/10-1 of the Ethical Committee, MNUMS. The oral examination of every child was done according to WHO recommendation (2013). We determined the prevalence of dental caries and mean DMFT score, and the prevalence of gingivitis, and CAL score. Statistical analysis was done by the SPSS 29 software. Results: The prevalence and mean DMF/t score of dental caries were 96% and 5.37±2.75 among children living in the high level area of the PM2.5 air pollutant; and 91% and 5.39±3.95 in the low level area, respectively (p<0.01). The prevalence of gingivitis was 23.2% among all children; 25.2% among children living in the high level area of the PM2.5 air pollutant and 20.5% in the low level area. The CAL score was 1.89±0.89 mm in the high polluted area and 1.94±0.77 mm in the low polluted area (p<0.001). Conclusion: The prevalence of dental caries and gingivitis and the mean DMFT and CAL score among children living in air polluted areas were higher than low polluted areas.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1300
Эшлэл
Б.Ичинхорлоо, Б.Шүрэнцэцэг, Б.Нямдэлгэр, С.Хонгорзул, М.Нандин-Эрдэнэ, Ж.Дэлгэрцэцэг. Улаанбаатар хотын ялгаатай бүсийн 12 настай хүүхдүүдийн шүд, буйл, тулгуур эдийн байдлыг PM 2.5-ын түвшинтэй уялдуулан судалсан дүн. Эрүүл мэндийн шинжлэх ухаан. 2025;21(6):100-104.