Loading...
Сүрьеэ өвчний оношийн хожимдол ба хэвтэн эмчлүүлэгчдийн шууд зардалд нөлөөлөх хүчин зүйлсийн судалгаа
Зохиогч
Он
2026 оны есдүгээр сарын 15
Төрөл
journal article
Journal
Эрүүл мэндийн шинжлэх ухаан
Volume
22
Issue
6
Start Page
116
End Page
120
ISSN
2959-6947
Хураангуй
Үндэслэл: Сүрьеэ өвчин нь дэлхийн хэмжээнд нийгмийн эрүүл мэндийн тулгамдсан асуудал хэвээр байгаа бөгөөд өвчлөл, нас баралтын тэргүүлэх шалтгаануудын нэг юм. Эмнэлгийн тусламж үйлчилгээ болон оношилгооны хожимдол нь өвчтөний эмнэлзүйн тавиланд сөрөг нөлөө үзүүлэхээс гадна эрүүл мэндийн байгууллага болон хувь хүнд үүсэх санхүүгийн дарамтыг үлэмж нэмэгдүүлдэг.1 Монгол Улсын хувьд сүрьеэгийн оношилгооны хожимдол болон хэвтэн эмчлүүлэгчдийн шууд зардлын талаарх судалгааны мэдээлэл хязгаарлагдмал байна. Зорилго: Сүрьеэ өвчний оношийн хожимдлыг тогтоож, эмнэлэгт хэвтэн эмчлүүлэх үеийн шууд зардлыг тооцоолон, тэдгээрт нөлөөлөх хүчин зүйлсийг үнэлэх. Арга, аргачлал: Энэхүү судалгааг эргэмж судалгааны загвараар гүйцэтгэв. ХӨСҮТ-ийн Сүрьеэгийн клиникт 2024 онд шинээр оношлогдон хэвтэн эмчлүүлсэн 285 өвчтөний өвчний түүхэнд дүн шинжилгээ хийсэн. Статистик боловсруулалтыг SPSS-26.0 болон Microsoft Excel программ ашиглан гүйцэтгэж, p утга <0.05 үед статистик ач холбогдол бүхий ялгаатай гэж үзэв. Үр дүн: Судалгаанд хамрагдагсдын дундаж нас 42.6±16.0 жил, 56.5% нь эрэгтэй (n=161) байв. Үйлчлүүлэгчийн оношийн хожимдлын медиан 14(IQR: 5–31) хоног, оношилгооны хожимдлын медиан 4 (IQR: 0–14) хоног, дундаж ор хоног 21.0±16.0 байв. Нэг өвчтөний эмнэлэгт хэвтэх үеийн оношилгооны зардлын медиан 262 (IQR: 187–363), эмчилгээний зардлын медиан 490.9 (IQR: 234.4–884.1), нийт зардлын медиан 761.7 (IQR: 460.4–1247.6) мянган төгрөг байв. Олон хүчин зүйлийн шугаман регрессийн шинжилгээгээр үйлчлүүлэгчийн хожимдол 14-с дээш хоног байх нь нийт зардалд статистик ач холбогдол бүхий нөлөөтэй байв (=659.333, p=0.004). Дүгнэлт: Сүрьеэ өвчний үед үйлчлүүлэгчийн хожимдлын медиан 14 хоног (IQR: 5–31), оношилгооны хожимдлын медиан 4 хоног (IQR: 0–14) байсан бөгөөд нийт өвчтөнүүдийн 61.6% нь үйлчлүүлэгчийн, 63.5% нь оношилгооны хожимдолтой байв. Эмнэлэгт хэвтэн эмчлүүлэгчдийн нийт шууд зардлын медиан 761.7 мянган төгрөг бөгөөд үйлчлүүлэгчийн хожимдол 14 хоногоос уртсах нь нийт зардлыг статистик ач холбогдол бүхий нэмэгдүүлж байна (=659.333, p=0.004).
Background: Tuberculosis (TB) remains a major public health concern worldwide and continues to be a leading cause of morbidity and mortality. Delays in diagnosis and care seeking exacerbate disease severity and increase financial burdens on healthcare systems and patients. In Mongolia, comprehensive evidence on diagnostic delays and direct hospitalization costs for TB patients remains limited. Aim: To evaluate the duration of diagnostic delay and estimate direct medical costs incurred during hospitalization among TB patients, as well as to identify associated factors. Materials and Methods: A retrospective cross-sectional study was conducted using medical records of 285 newly diagnosed TB patients hospitalized at the National Center for Communicable Diseases (NCCD) in 2024. Statistical analyses were performed using SPSS version 26 and MS Excel. A p-value of <0.05 was considered statistically significant. Results: The mean age of participants was 42.6±16.0 years, and 56.5% (n=161) were male. Median patient delay was 14 days (IQR: 5–31), median diagnostic delay was 4 days (IQR: 0–14), and mean hospital stay was 21.0±16.0 days. Median direct costs per patient were: diagnostic cost 262.0 thousand MNT (IQR: 187.0–363.0), treatment cost 490.9 thousand MNT (IQR: 234.4–884.1), and total cost 761.7 thousand MNT (IQR: 460.4–1247.6). Multivariate linear regression revealed that patient delay >14 days was significantly associated with higher total costs (=659.333, p=0.004). Conclusions: 1. The median patient delay among patients with tuberculosis was 14 days (IQR, 5–31), while the median diagnostic delay was 4 days (IQR, 0–14). Overall, 61.6% of patients experienced patient delay, and 63.5% experienced diagnostic delay. 2. The median total direct medical cost among hospitalized patients was 761.7 thousand Mongolian Tugriks (MNT). A patient delay of more than 14 days was significantly associated with increased total direct medical costs (β=659.333, P=.004).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1756
Эшлэл
Б.Алтанчимэг, Л.Пүрэвсод, Б.Мөнхзул, Р.Оюунгэрэл, Ю.Гантөгс. Сүрьеэ өвчний оношийн хожимдол ба хэвтэн эмчлүүлэгчдийн шууд зардалд нөлөөлөх хүчин зүйлсийн судалгаа. Эрүүл мэндийн шинжлэх ухаан. 2026;22(6):116-120.