Loading...
Өвөрхангай аймгийн тамхи татдаг 50-69 насны хүмүүсийн дунд захын артерийн судасны эмгэгийн тархалтыг тодорхойлсон дүн
Зохиогч
Он
2022 оны зургаадугаар сарын 12
Төрөл
journal article
Journal
Эрүүл мэндийн шинжлэх ухаан
Volume
18
Issue
3
Start Page
109
End Page
112
ISSN
2959-6947
Хураангуй
Үндэслэл: Захын артерийн судасны эмгэг гэдэгт зүрх болон тархины артерийн судаснаас бусад бүх артерийн судасны эмгэгүүдийг хамруулан авч үздэг өргөн цар хүрээ бүхий ойлголт юм. Дэлхий даяар захын артерийн судасны эмгэг (ЗАСЭ)-ээр нийт 202 сая хүн өвчилсөн байна. Үүнээс 69.7% нь бага болон дунд орлоготой оронд амьдардаг бөгөөд Зүүн Өмнөд Азид 54.8%, Номхон Далайн Баруун Бүсэд 45.9% нь амьдарч байна. Монгол улсад 2018 оны байдлаар зүрх судасны тогтолцооны өвчин нас баралтын тэргүүлэх таван шалтгааны нэгдүгээрт байна. Зорилго: 50-69 насны тамхи татдаг хүмүүсийн дунд захын артерийн судасны эмгэг (ЗАСЭ)-ийг илрүүлэх. Арга, аргачлал: Өвөрхангай аймгийн 50-69 насны тамхи татдаг 141 хүнийг хамруулав. ЗАСЭ-ийг илрүүлэхдээ зориулалтын гар допплер хэрэглэн шагай болон бугалганы даралтыг хэмжиж томъёонд орлуулан шагай бугалганы индекс (ШБИ)ийг тодорхойлов. Үр дүн: Судалгаанд 50-69 насны тамхи татдаг 141 хүнийг хамруулав. Эрэгтэйчүүд 91.5%-ийг, эмэгтэйчүүд 8.5%-ийг эзэлж байна. Судалгаанд оролцогчдын 55.3% нь ЗАСЭ-тэй, 44.7% нь ЗАСЭгүй байна. Судалгаанд оролцогчдын өдөрт татдаг тамхины тоо болон ШБИ-ийн хоорондын хамаарлыг үзэхэд өдөрт 5 ширхэгээс доош тамхи татдаг оролцогчдын 40.7% нь ШБИ хэвийн бус, өдөрт 5 ширхэгээс дээш тамхи татдаг оролцогчдын 59.6% нь ШБИ хэвийн бус байна. Өдөрт татдаг тамхины тоо нэмэгдэх тусам ЗАСЭ-тэй болох эрсдэлийг нэмэгдүүлж (p=0.037) байна. ШБИ-ийн дундаж 0.88 байна. Дүгнэлт: 1. Өвөрхангай аймгийн тамхи татдаг 50-69 насны хүмүүсийн дунд ЗАСЭийн тархалт өндөр байна. 2. Өдөрт татдаг тамхины тоо нэмэгдэх тусам ЗАСЭ-тэй болох эрсдэлийг нэмэгдүүлж (p=0.037) байна. Тамхи татсан жил нэмэгдэх тусам ЗАСЭ-тэй болох эрсдэл нэмэгдэж байна. (p=0.156) байна.
Background: The peripheral artery disease (PAD) refers to diseases of the blood vessels located outside the heart and brain and which covers wide range of health issues. In a worldwide, total of 202 million individuals are affected by peripheral artery disease (PAD). Globally, total of 202 million population are suffering from PAD. In addition, 69.7% of them are living in a middle and low-income countries, 54.8% of them are living in East southern Asia and 45.9% of them are living in western region of Pacific Ocean. According to the study conducted in Mongolia, patients who have undergone by surgery were smoking for average 33±15.2 years and they smoke an average 12.7±7.19 pieces of cigarette daily. It proves that smoking is the main risk factor for developing peripheral artery disease and its complication. Materials and Methods: The study participants were aged between 50-69 years, total of 141 individuals and they were nonsmokers and smokers. Moreover, ankle-brachial pressure index was measured which is the early screening test for peripheral artery disease. Results: Total of 141 smoking individuals (average age was 60,5) were participated in the study. Furthermore, 91,5% of them were males and 8,5% of them were females. The daily consuming amount of cigarette was 10.83 and the average years of smoking were 31.8. Moreover, 55.3% of peripheral artery disease. The average ankle brachial pressure index was 0.88. Daily consuming average amount of cigarette increases risk of getting peripheral artery disease and abnormal ankle brachial pressure index (p=0.037). Conclusion: 1. The prevalence of peripheral artery disease (PAD) is high among smokers aged 50-69 in Uvurkhangai province 2. As the number of cigarettes smoked per day increases, the risk of developing PAD increases (p=0.037). As the number of years of smoking increases, the risk of developing COPD increases (p = 0.156).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/647
Эшлэл
Э.Наранцэцэг, Г. Ууганбаяр, В.Даваахүү. Өвөрхангай аймгийн тамхи татдаг 50-69 насны хүмүүсийн дунд захын артерийн судасны эмгэгийн тархалтыг тодорхойлсон дүн. Эрүүл мэндийн шинжлэх ухаан. 2022;18(3):109-112.