Loading...
Эрүүл мэндийн байгууллагын ажилтнуудын таргалалтын тархалтыг нойрны үзүүлэлттэй холбон судалсан нь (Баянзүрх дүүргийн жишээ дээр)
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
165
End Page
170
ISSN
2959-6947
Хураангуй
Үндэслэл: Эрүүл мэндийн салбарын ажилтнууд нь ажлын ачаалал, шөнийн ээлжийн хуваарь зэргээсээ шалтгаалан таргалалт, нойрны хямралд өртөх эрсдэлтэй байдаг боловч манай улсын эрүүл мэндийн байгууллагын ажилтнуудын таргалалт болон нойрны хэв маягийн хоорондын хамаарлыг судалсан судалгаа харьцангуй хомс байгаа нь энэхүү судалгааны үндэслэл боллоо. Зорилго: Баянзүрх дүүргийн эрүүл мэндийн байгууллагын ажилтнуудын таргалалтын тархалтыг нойрны хэв маягтай холбон судлах. Арга, аргачлал: Энэхүү судалгааг аналитик судалгааны агшингийн загвараар 2025 оны 10-12 сарын хооронд Баянзүрх дүүргийн эрүүл мэндийн ажилтнуудыг хамруулан хийж гүйцэтгэсэн. Судалгаанд шалгуурыг хангасан 293 ажилтан сайн дурын үндсэн дээр хамрагдаж, ДЭМБ, НҮБ, АНУ-ын Өвчний Хяналт Сэргийлэлтийн Төвөөс хамтран боловсруулсан эрүүл мэндийн зан үйл, эрсдэлийг үнэлэх Питтсбургийн нойрны чанарын индекс (PSQI), Нойргүйдлийн хүндийн зэргийн индекс (ISI)-ийг тодорхойлох нийт 51 асуумжид хариулсан. Оролцогчдын өндөр, жинг хэмжиж биеийн жингийн индекс (БЖИ)-ийг тодорхойлон ДЭМБ-ын шалгуураар 6 ангилсан. Бүсэлхийн тойргийг хэмжиж төвийн таргалалтыг үнэлсэн. Статистик боловсруулалтыг SPSS-23.0 программаар гүйцэтгэн хамаарлыг корреляци, ANOVA шинжилгээгээр үнэлсэн. Үр дүн: Судалгаанд хамрагдагсдын 83.3% нь эмэгтэй, 37.9% нь 25-34 насныхан байв. БЖИ-ийн үнэлгээгээр 40.6% нь хэвийн жинтэй, 42.0% нь илүүдэл жинтэй, 15.4% нь таргалалттай, эрэгтэйчүүдийн 63.3%, эмэгтэйчүүдийн 67.6% нь төвийн таргалалттай байв. Судалгаанд хамрагдагсдын 56.7% нь өдөрт 5–6 цаг унтдаг, 67.2% нь нойр дутуу үед сэргэх зорилгоор кофе, энергийн ундаа хэрэглэдэг байв. Нойргүйдлийн хүндийн зэргийн индексээр үнэлэхэд 30.7% нь нойр хэвийн, харин 39.9% нь хөнгөн, 23.5% нь дунд, 5.8% нь хүнд зэргийн нойргүйдэлтэй байв. БЖИ болон нойргүйдлийн хүндийн зэргийн хооронд статистикийн ач холбогдолтой хамаарал илрээгүй (p>0.05). Орондоо орсны дараа унтах хүртэлх хугацаа уртсах болон шөнийн ээлжинд ажиллах нь нойргүйдлийн хүндийн зэрэг нэмэгдэхтэй хамааралтай байв (p<0.05). Питтсбургийн нойрны чанарын индексээр оролцогчдын 63.8% нь нойрны чанар сайн, 35.8% нь нойрны чанар муу, БЖИ болон нойрны чанар хооронд маш сул хамаарал ажиглагдсан (r=0.135, p<0.05). Дүгнэлт: Эрүүл мэндийн байгууллагын ажилтнуудын дунд илүүдэл жин, таргалалтын тархалт өндөр, БЖИ болон нойрны чанар хооронд маш сул хамааралтай байв.
Background: Healthcare workers are at risk of obesity and sleep disorders due to workload and night-shift schedules. However, studies examining the relationship between obesity and sleep patterns among healthcare workers in Mongolia are relatively limited. Aim: To investigate the prevalence of obesity and its association with sleep patterns among healthcare workers in Bayanzurkh district. Materials and Methods: This analytical cross-sectional study was conducted among healthcare workers in Bayanzurkh district between October and December 2025. A total of 293 employees who met the inclusion criteria voluntarily participated in the study and responded to 51 questionnaire items assessing health behaviors and risks using the Pittsburgh Sleep Quality Index (PSQI) and the Insomnia Severity Index (ISI), which were developed collaboratively by the World Health Organization, the United Nations, and the U.S. Centers for Disease Control and Prevention. Participants’ height and weight were measured to determine body mass index (BMI), which was classified into six categories according to WHO criteria. Waist circumference was measured to assess central obesity. Statistical analysis was performed using SPSS version 23.0, and associations were evaluated using correlation and ANOVA tests. Results: Among the participants, 83.3% were female and 37.9% were aged 25–34 years. Based on BMI classification, 40.6% had normal weight, 42.0% were overweight, and 15.4% were obese. Central obesity was observed in 63.3% of males and 67.6% of females. Among the participants, 56.7% reported sleeping 5–6 hours per night, and 67.2% consumed coffee or energy drinks to recover from sleep deprivation. According to the Insomnia Severity Index, 30.7% had normal sleep, 39.9% had mild insomnia, 23.5% had moderate insomnia, and 5.8% had severe insomnia. No statistically significant association was found between BMI and insomnia severity (p>0.05). However, longer sleep latency after going to bed and working night shifts were associated with increased insomnia severity (p<0.05). According to the Pittsburgh Sleep Quality Index, 63.8% of participants had good sleep quality and 35.8% had poor sleep quality, and a very weak correlation was observed between sleep quality and BMI (r=0.135, p<0.05). Conclusion: The prevalence of overweight and obesity among healthcare workers was found to be high. A very weak association was observed between BMI and sleep quality.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1642
Эшлэл
Э.Цэлмэг, И.Туяажаргал, Ж.Мядагмаа, Д.Амарсайхан. Эрүүл мэндийн байгууллагын ажилтнуудын таргалалтын тархалтыг нойрны үзүүлэлттэй холбон судалсан нь (Баянзүрх дүүргийн жишээ дээр). Эрүүл мэндийн шинжлэх ухаан. 2026;22(2):165-170.