Loading...
Өсвөр насны хүүхдийн хоол боловсруулах замын эмгэгт зохистой хооллолтын дадлын нөлөөллийг судалсан дүн
Зохиогч
Он
2022 оны арван хоёрдугаар сарын 26
Төрөл
journal article
Journal
Эрүүл мэндийн шинжлэх ухаан
Volume
18
Issue
7
Start Page
47
End Page
50
ISSN
2959-6947
Хураангуй
Үндэслэл: АНУ-ын хүүхэд, өсвөр үеийнхний дунд чихэрлэг ундааны хэрэглээ 2001-2010 оны хооронд буурсан ч нийт илчлэгийн 10%-ийг эзэлсээр байгааг цөөнгүй судалгаанд дурьджээ. Мөн 2003-2010 оны хооронд хүүхэд, өсвөр үеийнхний жимсний хэрэглээ нэмэгдсэн байгаа ч жимс, хүнсний ногооны зөвлөмжид заасан хэмжээнд хүрэхгүй хэвээр байна. Tang Q (2018) нарын нийт 1136 оролцогчтой судалгааны үр дүнд сахаргүй хүнсний бүтээгдэхүүний талаар оролцогчид сайн хандлагатай байсан ч мэдлэг, дадал нь харьцангуй муу байгааг тогтоожээ. Монгол улсын хүн амын хоол тэжээлийн үндэсний V судалгааны үр дүнд сургуулийн хүүхдийн дунд илүүдэл жин ба таргалалтын тархалт огцом нэмэгдэж, илчлэг өндөртэй хүнс хэрэглэх, хөдөлгөөний идэвх бага байх нь илүүдэл жин, таргалалтад шууд нөлөөлдөг гэж үзсэн бөгөөд хоол боловсруулах тогтолцооны өвчлөл сүүлийн таван жилд тогтвортой нэмэгдсэн үзүүлэлттэй байгаад хооллолтын талаарх дадлаас нөлөөлөл байгаа эсэхийг тодруулах шаардлага тулгарсан. Зорилго: Хоол боловсруулах замын эмгэгийн улмаас ЭХЭМҮТ-өөр үйлчлүүлж буй өсвөр насны хүүхдийн зохистой хооллолтын талаарх дадлыг тодорхойлох. Арга, аргачлал: Судалгааг эмнэлэгт суурилсан тохиолдлын судалгааны загвар ашиглан ЭХЭМҮТ-өөр үйлчлүүлж буй өсвөр насны хүүхдийн (10-15 нас) зохистой хооллолтын талаарх асуумж авсан. Үр дүн: Судалгаанд нийт 270 хүүхдийг хамруулснаас эрэгтэй 49.7% (n=134), эмэгтэй 50.3% (n=136), УБ хотоос 75.9% (n=205), орон нутгаас 24.1% (n=65) нь хамрагдсан. Зохистой хооллолтын зөвлөгөөг ердөө 34 хүүхэд авч байснаас 79.4% нь зохистой хооллолтын дадал хангалтгүй байв. Нийт судалгаанд оролцогчдоос хангалттай дадалтай оролцогч байгаагүй бөгөөд 97.8% нь хангалтгүй, 2.2% нь хангалттай гэж үнэлэгдсэн. Судалгаанд оролцогчдын насны бүлэг бүрт хангалтгүй дадал хэт давамгайлж байсан ба хүүхдүүдийн эхийн 89.6% нь дээд боловсролтой байсан. Оролцогч хүүхдүүдийн зохистой хооллолтын талаарх дадалд ам бүлийн тоо, ахуйн нөхцөл нөлөөлөх хамаарал үгүй байв (p>0.05). Гэр бүлийн хэн нэгэн гишүүн нь хоол боловсруулах замын эмгэгтэй 19 хүүхэд хангалтгүй дадалтай ба оролцогчдын зохистой хооллолтын талаарх дадал болон биеийн жингийн индекс хооронд хамаарал үгүй байв (p>0.05). Дүгнэлт: Хоол боловсруулах замын эмгэгтэй өсвөр насны хүүхдүүдийн зохистой хооллолтын дадал нь хангалтгүй бөгөөд энэ нь нас, хүйс, харъяалал, эхийн боловсрол, ахуйн нөхцөл, ам бүлийн тоо, гэр бүл дэх хоол боловсруулах замын эмгэг бүхий хүн зэрэг хүчин зүйлүүдээс хамааралгүй байна.
Background: Children and adolescents in the US consumed fewer sugar-sweetened beverages between 2001 and 2010, yet they still made up 10% of all calories. The total amount of fruits and vegetables consumed by kids and teenagers grew between 2003 and 2010, although it still falls short of the recommended daily intake. In a study by Tang Q (2018) involving a total of 1,136 participants, it was discovered that while the participants had positive attitudes about sugar-free foods, their knowledge and practice were often lacking. The prevalence of overweight and obesity among schoolchildren has sharply increased, consumption of high-calorie foods and insufÏcient physical activity have a direct impact on overweight and obesity, and diseases of the digestive system have steadily increased over the last five years, according to the results of the 5th National Population Nutrition Survey of Mongolia. Aim: There was a need to determine whether eating habits have an impact and we set out to ascertain the nutritional practice of adolescents with digestive issues as a result. Materials and Methods: A questionnaire on teenagers (10-15 years) nutritional status was used in the investigation, which was carried out using a hospital-based case study methodology. Results: Out of 270 youngsters, 75.9% (n=205) were from UB city, 24.1% (n=65) were from the neighborhood, and 49.7% (n=134) were males and 50.3% (n=136) were females. Only 34 children received the required nutrition guidance, and 79.4% of them engaged in subpar eating habits. There were no individuals with adequate practices among the total responders, 97.8% were considered inadequate, and 2.2% were considered moderate. Every age group of respondents experienced inadequate practices, and 89.6% of the moms of the children had a higher degree. The number of households and living arrangements did not affect the participating children’s practices for good nutrition (p>0.05). There was no link between the participants’ eating habits and body mass index (p>0.05) and 19 children who had a family member with a digestive disorder had insufÏcient eating habits. Conclusion: Adequate eating habits are not enough for teenagers with digestive problems, and this is true regardless of an individual’s age, gender, nationality, mother’s education level, living circumstances, size of the family, or presence of another family member who also has digestive disorders.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/758
Эшлэл
А.Мягмарсүрэн, Э.Эрдэнэчимэг, С.Мягмарчулуун. Өсвөр насны хүүхдийн хоол боловсруулах замын эмгэгт зохистой хооллолтын дадлын нөлөөллийг судалсан дүн. Эрүүл мэндийн шинжлэх ухаан. 2022;18(7):47-50.