Loading...
Эрүүл болон чихрийн шижинтэй хүмүүст цусны улаан эсийн үзүүлэлтүүдийг харьцуулан судалсан дүн
Зохиогч
Он
2023 оны арван нэгдүгээр сарын 3
Төрөл
journal article
Journal
Эрүүл мэндийн шинжлэх ухаан
Volume
19
Issue
5
Start Page
163
End Page
166
ISSN
2959-6947
Хураангуй
Үндэслэл: Олон Улсын Чихрийн Шижингийн Холбооны 2021 оны тоон үзүүлэлтэд тэмдэглэснээр дэлхийн хэмжээнд 20-79 насны 537 сая хүн чихрийн шижин (ЧШ) өвчнөөр өвчилсөн бөгөөд 206 сая хүн нь Номхон далайн баруун эргийн бүс нутагт бүртгэгджээ. Уг үзүүлэлт нь 2030 онд 238 сая, 2045 онд 260 сая болж өсөх төлөвтэй байгааг дурьдсан байна. Монгол улсад ЧШ өвчний тархалт 1999 онд нийт хүн амын 3.2%-ийг эзэлж байсан бол 2020 онд 8.3% болжээ. Сүүлийн үед ЧШ өвчний хяналт, судасны хүндрэлийн оношилгоонд гематологийн үзүүлэлтүүд чухал ач холбогдолтой болохыг судлаачид онцолж байна. Цусан дахь глюкозын түвшин тогтмол өндөр байх нь гемоглобин, улаан эс, ялтас эсийн тоо болон бүтцэд нөлөөлж, гемоглобин глюкозжих шалтгаан болдог байна. Зорилго: ЧШ хэвшинж 2 оноштой болон эрүүл хүмүүсийн цусны улаан эсийн үзүүлэлтүүдийг харьцуулан судлах. Арга, аргачлал: Уг судалгааг АШУҮИС-ийн Монгол-Японы эмнэлгийг түшиглэн нийт 156 хүн хамруулж, тохиолдлын бүлэгт ЧШ хэвшинж 2 оноштой 78, хяналтын бүлэгт эрүүл 78 хүнийг хамруулав. Цусны дэлгэрэнгүй шинжилгээний (ЦДШ) үзүүлэлтийг “Sysmex-XN2000” бүрэн автомат анализатораар хэмжив. Үр дүн: Тохиолдлын болон хяналтын бүлэг хооронд ЦДШ-ний үзүүлэлтүүд статистик ач холбогдол бүхий ялгаатай байв. ЧШ хэвшинж 2 онош бүхий тохиолдлын бүлэгт улаан эс (5.13±0.43 vs 4.87±0.41, p<0.001), гемоглобины (14.6±1.7 vs. 14.2±1.0, p=0.04) их, RDW-улаан эсийн тархалтын өргөн (39.6±3.0 vs. 40.7±2.4, p=0.007) ба MCV-улаан эсийн дундаж эзлэхүүн (83.9±4.4 vs 85.5±4.6, p=0.014) хяналтын бүлгээс бага тодорхойлогдлоо. Тохиолдлын бүлгийг гликемийн хяналт сайн, муу бүлэгт ангилан судлахад хяналт муу бүлэгт RDW (38.8±2.6 vs. 41.5±3.3, p<0.001), MCV (83.2±3.9 vs. 85.7±5.3, p=0.013) бага илэрлээ. Дүгнэлт: 1. ЧШ хэвшинж 2 онош бүхий тохиолдлын бүлгийг эрүүл бүлэгтэй харьцуулахад цусны улаан эсийн тоо, гемоглобин ихсэж, улаан эсийн тархалтын өргөн, эзлэхүүн багассан байна. 2. Гликемийн хяналтын үнэлгээнд цусны улаан эсийн тархалтын өргөн, эзлэхүүн ач холбогдол бүхий үзүүлэлт болж байна.
Background: The International Diabetes Federation’s report indicates that globally, 537 million adults aged 20 to 79 have diabetes, with 206 million cases in the Western Pacific in 2021. Projections suggest this could rise to 238 million by 2030 and 260 million by 2045. In Mongolia, diabetes prevalence has surged from 3.2% in 1999 to 8.3% in 2020. Recent research highlights the importance of hematological parameters for diabetes control and vascular complication diagnosis. Persistent high blood sugar can alter red blood cells, hemoglobin, and platelets, causing issues like glycosylation of hemoglobin. Aim: We aimed to compare red blood cell parameters in diabetic and healthy subjects. Materiald and Methods: A total of 156 participants, including 78 T2DM patients and matched healthy controls. The study participants were retrieved from the Mongolia-Japan University Hospital, following rigorous inclusion and exclusion criteria. Complete blood count (CBC) parameters were measured using the XN2000 hematology autoanalyzer. Results: Significant differences in CBC parameters emerged between T2DM patients and healthy controls. T2DM patients exhibited elevated levels of RBC (5.13±0.43 vs. 4.87±0.41, p<0.001), hemoglobin (14.6±1.7 vs. 14.2±1.0, p=0.04), decrease levels of RDW (39.6±3.0 vs. 40.7±2.4, p=0.007) and MCV (83.9±4.4 vs. 85.5±4.6, p=0.014). Subsequent analysis revealed distinct profiles among T2DM patients with varying glycemic control. Those with poor control displayed lower red cell distribution width (RDW, 38.8±2.6 vs. 41.5±3.3, p<0.001) values and mean corpuscular volume (83.2±3.9 vs. 85.7±5.3, p=0.013). Conclusions: 1. When compared to healthy individuals, those with diabetes exhibit an elevated kemoglobin red blood cell count and decreased MCV and RDW. 2. Red blood cell distribution could potentially be linked to glycemic control in patients with diabetes.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/947
Эшлэл
Су-Яа (Su-Ya), Н.Мөнх-Учрал, Ц.Одгэрэл, Б.Оюунтөгс, А.Отгонбат. Эрүүл болон чихрийн шижинтэй хүмүүст цусны улаан эсийн үзүүлэлтүүдийг харьцуулан судалсан дүн. Эрүүл мэндийн шинжлэх ухаан. 2023;19(5):163-166.