Loading...
C57bl/6 хулганад үүсгэсэн харшлын загварын уушгины эд судлалын шинжилгээний үр дүн
Зохиогч
Он
2024 оны нэгдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
20
Issue
2
Start Page
136
End Page
140
ISSN
2959-6947
Хураангуй
Үндэслэл: Харшил нь дархлааны механизмаар үүсгэгдсэн хэт мэдрэг байдлын хариу урвал юм. Харшлын шалтгаант өвчлөл нь дэлхийн хүн амын дунд жил бүр өсөн нэмэгдэж байгаа ба харшлын шалтгаант уушгины эмгэгээс түгээмэл тохиолддог нь гуурсан хоолойн багтраа өвчин юм. Дэлхийн Эрүүл Мэндийн байгууллага (ДЭМБ)-ын 2019 оны судалгаагаар дэлхий дахинд харшлын шалтгаант гуурсан хоолойн багтраа өвчний нийт 339 сая тохиолдол бүртгэгдсэн ба 2025 онд 400 саяд хүрнэ гэж тооцоолжээ. Эмнэлзүйн туршилт судалгаа нь харшлын шалтгаант гуурсан хоолойн багтраа өвчнийг судлахад хамгийн сайн загвар мөн боловч ёс зүйн асуудлаас үүдэн туршилтын амьтны загварыг түлхүү ашигладаг. Харшлын эмгэгжамыг ойлгох, шинэ эмчилгээг туршин судлах, урьдчилан сэргийлэх аргыг нарийвчлан судлахад туршилтын амьтны эмгэг загвар шаардлагатай байгаа нь энэхүү судалгааны ажлын үндэслэл болж байна. Зорилго: С57BL/6 хулганад овальбумин болон хөнгөнцагааны гидроксидын холимгоор үүсгэсэн харшлын загварыг эд судлалын шинжилгээгээр батлах. Арга, аргачлал: Бид судалгаанд 6-8 долоо хоногтой C57BL/6 үүлдрийн 10 эмэгчин хулганыг хяналт болон туршилтын бүлэгт хуваан овальбумин, хөнгөнцагааны гидроксидын холимогоор үйлчилэн харшилын загварыг үүсгэсэн. Туршилтын хулганад овальбуминыг сүүлийн тунгаар үйлчилснээс 24 цагийн дараа егүүтгэж, уушгины эд судлалын шинжилгээ хийсэн. Уушгины эдийн бэлдэцийг гематоксилин эозин болон PAS будгийн аргаар будаж үрэвслийн эсийн нэвчдэс болон хундаган эсийн тоог гистологи оноогоор үнэлэв. Үр дүн: Гематоксилин эозин будгийн аргаар уушгины эдийн бэлдэцийг будаж шинжлэхэд, овальбуминаар үйлчилсэн туршилтын хулганад уушгины судасны ойролцоох бүсэд болон гуурсан хоолой орчимд үрэвслийн эсийн нэвчдэс тэр дундаа эозинофил эсийн нэвчдэс тодорхойлогдсон. Уушгины эдийг PAS будгийн аргаар будаж гэрлийн микроскопоор шинжлэхэд, хяналтын бүлэгтэй харьцуулахад овальбуминаар үйлчилсэн туршилтын бүлэгт хундаган эсийн тоо олширч (*p<0.01), салс ялгаралт ихэссэн. Дүгнэлт: C57BL/6 хулганад овальбумин, хөнгөнцагааны гидроксидын холимгоор харшлын гаралтай уушгины эдийн үрэвслийн загварыг амжилттай үүсгэлээ.
Background: Allergy is hypersensitivity reaction caused by immune mechanisms. Allergic diseases are increasing annually among the world’s population, and bronchial asthma is the most common of allergic lung diseases. According to a 2019 study by the World Health Organization (WHO), there were 339 million cases of allergic bronchial asthma worldwide, and it is estimated that the number will reach 400 million in 2025. Clinical trials are the best way to study allergic asthma, but due to the limitations of clinical trials and ethical issues, researchers use animal models as a alternative to study asthma. Clinical trials are the best way to study allergic asthma, but animal models are often used because of ethical concerns.The need for experimental animal disease models to understand the pathogenesis of allergies, to test new treatments, and to thoroughly study prevention methods is the basis of this research. Aim: To confirm the allergy model induced by ovalbumin and aluminum hydroxide in C57BL/6 mice by histological analysis. Materials and Methods: In this study, 10 female C57BL/6 mice aged 6-8 weeks were divided into control and experimental groups to create an allergy model using a mixture of ovalbumin and aluminum hydroxide. 24 hours after the last dose of ovalbumin, experimental mice were euthanized, and lung histology was performed. The lung tissue specimens were stained with hematoxylin eosin and PAS staining methods to evaluate inflammatory cell infiltration and the number of goblet cells by histological score. Results: Hematoxylin and eosin staining analysis of lung tissue specimens revealed inflammatory cell infiltration, especially eosinophils infiltration, in the pulmonary perivascular and peribronchial region in experimental mice treated with ovalbumin.The lung tissue was stained with (periodic acid Schiff ) PAS staining and analyzed by light microscopy, the number of goblet cells increased (*p<0.01 compared to control group ) and mucus secretion increased in the ovalbumin-treated experimental group compared to the control group. Conclusion: A combination of ovalbumin and aluminum hydroxide induced an allergic lung inflammation model in C57BL/6 mice and was confirmed by histological analysis.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1011
Эшлэл
Ч.Оюун-Эрдэнэ, Г.Ням-Очир, Ч.Гансүх, Б.Уранчимэг, О.Сүрэн, С.Цогтсайхан нар. C57bl/6 хулганад үүсгэсэн харшлын загварын уушгины эд судлалын шинжилгээний үр дүн. Эрүүл мэндийн шинжлэх ухаан. 2024;20(2):136-140.