Loading...
Орчны агаар дах тоосонцор (РМ2.5)-ын бохирдлыг түүхий нүүрс болон шахмал түлш хэрэглэдэг Монгол улсын хоёр хотыг харьцуулан судалсан дүнгээс
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
62
End Page
66
ISSN
2959-6947
Хураангуй
Үндэслэл: Дэлхийн нийт хүн амын 99% ДЭМБ-ын агаарын чанарын зөвлөмж (15мг/м3)-өөс хэтэрсэн тоосонцор (РМ2.5)-ын бохирдолтой орчинд амьдарч байна. Дэлхийн дахинд агаарын бохирдлын улмаас жил бүр 4.2 сая хүн нас барж (2018) байна. Монгол улсын нийслэлд жил ирэх тутам агаарын бохирдол ихсэж, нийгмийн эрүүл мэндийн төдийгүй, улс орны тулгамдсан асуудал болж байна. Монгол улсын зарим хотуудын агаарын чанарыг харьцуулан судлах шаардлагатай байгаа нь энэхүү судалгааны ажлын үндэслэл болсон. Зорилго: Улаанбаатар болон Дархан хотуудын гадна орчны агаар дахь РМ2.5 тоосонцорын бохирдлыг судалж, харьцуулан үнэлэх Арга, аргачлал: Судалгаанд нийслэл Улаанбаатар болон Дархан хотуудыг хамруулж 2024 оны 12-р сарын 10-ны өдрөөс 2025 оны 2-р сарын 19-ний хооронд судалгааны мэдээллийг цуглуулсан. Сонгосон хот бүрд 30, нийт 60 байршилд шууд хэмжилтийн өртөг багатай (PurpleAir Classic+) багаж байрлуулж, 2 минутын интервалтай хэмжилт хийн мэдээлэлд цуглуулсан. Мэдээлэлд R программ ашиглан статистик боловсруулалт хийж үр дүнг үнэлэв. Хэмжилтийн дундаж үр дүнг Монгол улсын агаарын чанарын стандарт (MNS4585:2016), ДЭМБ-ийн зөвлөмжийн 24 цагийн утгатай харьцуулан үнэлэв. Үр дүн: Улаанбаатар хотын агаарт РМ2.5 тоосонцорын 24 цагийн дундаж агууламж 112.3±62.2 мкг/м3, харин Дархан хотын агаарт 30%-иар бага (79.2±25.6 мкг/м3) тодорхойлогдсон (p<0.05). Нийслэлийн агаар дахь тоосонцрын (РМ2.5) дундаж агууламжийг сараар харьцуулахад 2024 оны 12-р сард 119.9±67.7 мкг/м3, 2025 оны 1-р сард 113.5±60.8 мкг/м3, 2-р сард 95.0±51.9 мкг/м3 байгаа нь статистикийн хувьд ач холбогдол бүхий ялгаатай байв (p<0.05). Дархан хотын агаарт мөн дээрх саруудад 79.1±22.2 мкг/м3, 78.7±28.6 мкг/м3, 84.6±30.0 мкг/м3 тодорхойлогдсон (p>0.05). Өвлийн улиралд хэмжсэн 3 сарын хугацааны РМ2.5 тоосонцорыг 24 цагийн дундаж агууламжийг Монгол улсын стандарт (MNS4585:2016-д заасан 50 мкг/м3)-тай харьцуулахад нийслэлд 69.8%, Дархан хотод 64.6%-д хэтэрсэн байна. ДЭМБ-ийн зөвлөмжтэй харьцуулахад (15 мкг/м3) сонгосон хотуудад 93.4%-д хэтэрсэн байна. Дүгнэлт: Өвлийн саруудад, Дархан хотын агаар дахь РМ2.5 тоосонцорын агууламжийг нийслэлтэй харьцуулахад 30%-иар бага боловч сонгосон 2 хотуудын агаарын чанар Монгол улсын стандарт (MNS4585:2016) болон ДЭМБ-ийн зөвлөмжөөс хэтэрсэн байна.
Background: An estimated 99% of the global population lives in environments where PM2.5 levels exceed the WHO air quality guideline of 15 μg/m³. In 2018, air pollution contributed to approximately 4.2 million deaths worldwide. In Mongolia, air pollution—particularly in urban centers like Ulaanbaatar, worsens significantly during the winter season, posing a serious public health and local concern. Therefore, it is compulsory to compare the outdoor air quality in Ulaanbaatar, the capital and Darkhan city. Aim: To assess and compare the outdoor PM2.5 concentrations in Ulaanbaatar and Darkhan during the winter season. Materials and Methods: This study was conducted in Ulaanbaatar and Darkhan from December 10, 2024, to February 19, 2025. A total of 60 PurpleAir Classic+ sensors (30 per city) were installed to assess PM2.5 concentrations at 2-minute intervals. We analyzed collected data using R software. The 24-hour average PM2.5 concentrations were compared with both the Mongolian National Air Quality Standard (MNS4585:2016) and the WHO air quality guidelines (2021). Results: The 24-hour average PM2.5 concentration in Ulaanbaatar was 112.3±62.2 μg/m³, which was significantly higher than that in Darkhan (79.2±25.6 μg/m³; p<0.05). In Ulaanbaatar, the monthly averages were 119.9±67.7 μg/m³ (December), 113.5±60.8 μg/m³ (January), and 95.0±51.9 μg/m³ (February) respectively (p<0.05). In contrast, Darkhan city’s monthly average PM2.5 remained relatively close across the months: 79.1±22.2 μg/m³ (December), 78.7±28.6 μg/m³ (January), and 84.6±30.0 μg/m³ (February), with no statistical significance (p>0.05). During the study period, the 24-hour average PM2.5 concentrations exceeded the MNS4585:2016 (50 μg/m³) in 69.8% of days in Ulaanbaatar and 64.6% in Darkhan. WHO’s guideline of 15 μg/m³ was exceeded 93.4% of the time in both cities. Conclusion: Darkhan city has lower PM2.5 concentrations compared to Ulaanbaatar, both cities significantly exceeded MNS4585:2016 standard and the WHO air quality guidelines (2021) during the winter months.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1216
Эшлэл
Б.Буянтүшиг, Г.Энхжаргал, Б.Батзориг, Б.Өлзийхутаг, Д.Даваалхам. Орчны агаар дах тоосонцор (РМ2.5)-ын бохирдлыг түүхий нүүрс болон шахмал түлш хэрэглэдэг Монгол улсын хоёр хотыг харьцуулан судалсан дүнгээс. Эрүүл мэндийн шинжлэх ухаан. 2025;21(4):62-66.