Loading...
Хоншоорын араа бүлэг шүдийг хоншоорын хөндийн зарим шугаман үзүүлэлттэй харьцуулан судалсан дүн
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
210
End Page
215
ISSN
2959-6947
Хураангуй
Үндэслэл: Хоншоорын араа бүлэг шүдний сурвалжийн орой болон хоншоорын хөндийн хоорондох ясны зузаан, хоорондын харьцаа нь нүүр ам судлалын эмнэл зүйд шүдний имплант суулгац суулгах болон нүүр амны гажиг заслын эмчилгээнд чухал ач холбогдолтой болохыг судлаачид тэмдэглэсэн байдаг. Энэ нь хоншоорын араа бүлэг шүдний сурвалжийн байрлалаас шалтгаалан хоншоорын хөндийн доод ханатай харьцах байдал харилцан адилгүй байдаг. Монгол улсад хоншоор эрүүний морфометрийн үзүүлэлтүүдийг тодорхойлсон судалгаа цөөнгүй боловч хоншоорын араа бүлэг шүдний байрлалтай уялдуулж нарийвчлан судалсан хэмжилт болон ангилалын талаарх судалгаа хангалтгүй байгаа нь энэхүү судалгааны үндэслэл боллоо. Зорилго: Хоншоорын араа бүлэг шүд ба хоншоорын хөндийн зарим шугаман үзүүлэлттэй харьцуулан судлах. Арга, аргачлал: Бид энэхүү судалгааг ретроспектив судалгааны загвараар, 2021–2023 оны хооронд Анагаахын Шинжлэх Ухааны Үндэсний Их Сургуулийн Нүүр Aм Судлалын Төв Шүдний Эмнэлэгт авсан КЦКТГ-ийн 30 ширхэг зургийг судалгаанд хамруулах болон хасах шалгуурын дагуу авч зураг бүрийг HDX, WILL (DENTRI, SEOUL, Korea) төхөөрөмжөөр авч, OnDemand3D (CyberMed, Seoul, Korea) программ хангамжийг ашиглан хэмжилтүүдийг хийсэн. Босоо харьцааг Kwak-ийн ангиллаар 5 төрөлд хуваасан. Судалгааг АШУҮИС-ийн Судалгааны ёс зүйн хяналтын хорооноос олгосон зөвшөөрлийн (2023/3-01-20) хүрээнд гүйцэтгэж, статистик боловсруулалтыг SPSS-27.0 программаар хийж гүйцэтгэв. Үр дүн: Судалгаанд хамрагдсан шинжлүүлэгчдийн дундаж нас 26.87±8.56 жил ба эдгээрийн 12 нь эрэгтэй, 18 нь эмэгтэй байв. Нийт 30 ширхэг КЦКТГ зургаас 202 шүдний хоншоорын хөндийтэй харьцах харьцааг судалж үзэхэд нэгдүгээр бага араа шүдний бүлэгт I ангилал 77.4%, II–13.2%, V–9.4% байсан бол III ба IV ангилал илрээгүй. Харин хоёрдугаар бага араа шүдэнд I ангилал 44.8%, V–37.9%, II–17.2%, нэгдүгээр их араа шүдэнд V–62.3%, I–24.4%, II–6.7%, III–4.4%, IV–2.2%, хоёрдугаар их араа шүдэнд V–63.1%, I–23.9%, II–6.5%, III–6.5% тус тус байв. Хоншоорын шүдний сурвалжийн оройгоос хоншоорын хөндийн доод хана хүртэлх зайг судалж үзэхэд хоёрдугаар их араа шүдний хацар талын сурвалж хоорондын зай хамгийн бага буюу 0.67±1.36 мм, нэгдүгээр бага араа шүдний сурвалж хоорондын зай хамгийн хол буюу 5.14±4.32 мм (p<0.01) байв. Дүгнэлт: Хоншоорын араа бүлэг шүднээс хоншоорын хөндийн доод ханад хамгийн ойр байрласан нь хоёрдугаар их араа шүд, хамгийн хол байгаа нь нэгдүгээр бага араа шүд байв. Хоншоорын их араа шүдний хувьд V ангилал буюу сурвалж нь хоншоорын хөндийн ёроол руу түрж орсон хэлбэр давамгай тохиолдсон бол бага араа шүдний хувьд I ангилал буюу хоншоорын хөндийгөөс зайтай байх хэлбэр давамгайлж байгаа нь тодорхойлогдлоо.
Background: The morphological characteristics of the alveolar bone thickness between the maxillary sinus and root canal tips of the premolars and molars is important for dental implant and orthodontic treatment. The hypotheses formulated were that there would be differences in the morphological characteristics of the alveolar bone at various tooth positions in the posterior maxilla and that age and sex would not influence the findings. This study may provide useful information for dental implant and mini-implant treatment, so as to help lead to successful treatment outcomes. Aim: To evaluate the vertical relationship between the maxillary sinus and molar teeth using cone beam computed tomography (CBCT). Materials and Methods: The study design was retrospective study. We selected 30 CBCT images that were taken in the Central Dental Hospital, Mongolian National University Medical Sciences (MNUMS), between 2021 and 2023. We collected all images according to the inclusion and exclusion criteria. We used Full CBCT (16cm*8cm) images using the target sampling method. The all CBCT images (85kW, 7mA) were obtained with HDX, WILL (DENTRI, Seoul, Korea) using OnDemand3D (CyberMed. Seoul. Korea). The vertical relationship between the maxillary sinus and the maxillary molars was classified into 5 categories according to Kwak’s classification. The study was approved by the Research Ethics Committee of MNUMS. Statistical analyses were done by IBM SPSS version 27 software. Results: A total of 202 maxillary premolars and molars were examined using CBCT images, and were taken in 30 patients. The patient group consisted of 12 men and 18 women with an average age of 26.87 years (range, 16–42 years). In the maxillary first premolars: Class I was 77.4%, Class II was 13.2%, Class V was 9.4%, Classes III and IV were not observed. In the maxillary second premolars: Class I was 44.8%, Class V was 37.9%, Class II was 17.2%. In the maxillary first molars: Class V was 62.3%, Class I was 24.4%, Class II was 6.7%, Class III was 4.4%, Class IV was 2.2%. In the maxillary second molars: Class V was 63.1%, Class I was 23.9%, Class II was 6.5%, Class III was 6.5%. When examining the distance from the apex of the root of the molars to the floor of the maxillary sinus, the distance between the root of the buccal side of the second molar was the smallest, 0.67±1.36mm, and the distance between the root of the first premolar was the furthest, 5.14±4.32mm (p<0.01). Conclusion: Among the maxillary posterior teeth, the second molar was positioned closest to the floor of the maxillary sinus, whereas the first premolar was located at the greatest distance. Regarding the maxillary molars, Type V characterized by root protrusion into the floor of the maxillary sinus was the most frequently observed configuration. Conversely, for the premolars, Type I defined by a distinct separation from the sinus floor was the predominant anatomical relationship.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1243
Эшлэл
Ё.Намуунзул, М.Номинзаяа, Ө.Хатанзаяа, Б.Энх-Орчлон, Р.Оюунтөгс, Ж.Дэлгэрцэцэг. Хоншоорын араа бүлэг шүдийг хоншоорын хөндийн зарим шугаман үзүүлэлттэй харьцуулан судалсан дүн. Эрүүл мэндийн шинжлэх ухаан. 2025;21(4):210-215.