Loading...
Циркон шаазан болон метал шаазан бүрээсээр сэргээсэн шүдний хазах хүчийг тооцсон дүн
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
216
End Page
220
ISSN
2959-6947
Хураангуй
Үндэслэл: Зажлах үйл нь зажлуурын булчингийн агшилтаар, хоол хүнсний зүйлийг боловсруулах хоншоор эрүүний биомеханик үйл юм. Зажлах үйлийн бүтээмж нь хазах хүчнээс хамаарах бөгөөд шүдний эгнээний бүрэн бүтэн байдал, тухайн хүний нас, хүйс, биеийн жин өндөр гэх мэт бие махбодийн онцлогоос хамаардаг байна. Судлаачид хүний өөрийн буюу бүрээс хийлгээгүй болон бүрээс хийлгэсэн авагддаггүй, авагддаг шүдэлбэр хийлгэсэний дараах хазах хүчний үзүүлэлтийг харьцуулан судалсан байдаг. Судлаач Gibbs нар Эскимо хүний шүдний хазах хүч 348 lbs буюу 138 кг хүчээр хаздаг гэж үзсэн байхад Al-Zarea нар хэсгийн авагддаггүй шүдэлбэрийн хазах хүч 580.9 N, судлаач Ж.Урангуа нэгдүгээр их араа шүдний хазах хүч 472 N гэж үзжээ. Монгол хүний хазах хүчний үзүүлэлтийг авагддаг шүдэлбэрээр сэргээсэн үеийн судалгаа хийгдсэн байдаг ч авагддаггүй шүдэлбэрийн хазах хүчний үзүүлэлтийг судалсан судалгаа хийгдээгүй байгаа нь энэхүү судалгааг хийх үндэслэл боллоо. Зорилго: Шүдний цөгцийг циркон шаазан болон метал шаазан бүрээсээр сэргээсний дараах хазах хүчийг тодорхойлох. Арга, аргачлал: Бид 18-34 насны нэг талдаа эрүүний их араа бүлгийн шүдэндээ циркон шаазан болон метал шаазан бүрээсээр сэргээсэн нөгөө талдаа өөрийн бүрээсгүй шүд нь сувгийн эмчилгээнд ороогүй их хэмжээний цөгцний алдагдалгүй байх зэрэг шалгуурыг хангасан 20 хүнийг хамруулав. Судалгааг нэг агшингийн загвараар хийж гүйцэтгэв. Хазах хүчийг (Occlusal force meter GM10) багаж ашиглан тодорхойлов. Статистик боловсруулалтыг SPSS-26.0 программ хангамж дээр гүйцэтгэж магадлалын түвшин p<0.05 үед тухайн үзүүлэлтийг статистикийн хувьд үнэн магадтай гэж үзэв. Үр дүн: Бидний судалгаанд 18-34 насны 20 хүн хамрагдсаны 65% (13) нь эрэгтэй, 35% (7) нь эмэгтэй байсан бөгөөд дундаж нас нь 28.2±3.5 жил байв. Бүрээстэй шүдний хазах хүчний дундаж үзүүлэлт 393.2±0.3 N, бүрээсгүй шүдний хазах хүчний дундаж үзүүлэлт 445.5±70 N байв. Циркон шаазан бүрээсний хазах хүчний үзүүлэлт нь 407.0±0.7 N металл шаазан бүрээсний 367.7±0.9N хазах хүчний үзүүлэлтээс их байв. Хүйсээр харьцуулан үзэхэд эрэгтэй хүнд бүрээсгүй шүдний хазах хүч 484.1±46.2N бүрээс хийлгэсэн шүдний хазах хүч 445.3±43.7 N, эмэгтэй хүнд бүрээсгүй шүдний хазах хүч 373.7±15.4 N, бүрээстэй шүдний хазах хүч (296.4±19.6 N) байв. Дүгнэлт: 1. Циркон шаазан бүрээсний хазах хүчний үзүүлэлт нь 407.0±76 N металл шаазан бүрээсний хазах хүчний үзүүлэлт 367.7±97 N байв. 2. Бүрээс болон амь шүдний хазах хүчийг тодорхойлоход бүрээстэй шүдний хазах хүч 296.4±19.6 N, бүрээсгүй шүдний хазах хүч 445.5±70 N тус тус байв. 3. Хүйсээр харьцуулан үзэхэд эрэгтэй хүнд бүрээсгүй шүдний хазах хүч 484.1±46.2 N, бүрээстэй шүдний хазах хүч 445.3±43.7 N, эмэгтэй хүнд бүрээсгүй шүдний хазах хүч 373.7±15.4N, бүрээстэй шүдний хазах хүч нь 296.4±19.6 N байсан бөгөөд үзүүлэлтүүдийг харьцуулан үзэхэд хазах хүч нь хүйсээр хамааралтай байсан (p<0.0001).
Background: Mastication is a biomechanical process that involves the jaws and teeth working together to effectively break down food through the contraction of masticatory muscles. The efÏciency of this process is influenced by factors such as bite force, the integrity of the dental arch, and individual characteristics, including age, gender, and body weight. Previous research has investigated the bite force of natural teeth, comparing the differences between removable and fixed denture teeth. For instance, Gibbs et al. estimated the bite force of Eskimo individuals to be 348 lbs (138 kg), while Al-Zarea et al. reported a bite force of 580.9 N for fixed partial dentures. Additionally, J. Urangua estimated the bite force of first permanent molars to be 472 N. Although studies have explored the bite force of Mongolian individuals with removable dentures, there has been no investigation into the bite force of fixed partial dentures, highlighting a significant gap in the literature that the current study aims to address. Aim: This study aims to assess the bite force following the restoration of teeth with Zirconia and Porcelain-Fused-to-Metal crowns. Material and Methods: The study involved 20 individuals aged 18 to 34 years, each of whom had their mandibular molars restored with Zirconia and Porcelain-Fused-to-Metal (PFM) crowns on one side, while the other side retained their natural teeth, which had not undergone root canal treatment and exhibited no significant alveolar bone loss. A single-instance design was employed to measure occlusal force using the Occlusal Force Meter GM10. Statistical analysis was conducted using SPSS 26.0 software, with results considered statistically significant at a probability level of p < 0.05. Results: The cohort comprised 20 subjects aged 18 to 34 years, with 65% (13) male and 35% (7) female, yielding a mean age of 28.2 ± 3.5 years. The mean bite force for teeth covered with crowns was (393.2±0.3 N), compared to (445.5±70 N) for natural teeth. Notably, the bite force of the Zirconia crown (407.0±0.7 N) was higher than that of the Porcelain-Fused-to-Metal (PFM) crown 367.7±0.9N. When analyzed by gender, the bite force of natural teeth in men averaged 484.1±46.2N, while that of crowns was 445.3±43.7N. In women, the bite force of natural teeth averaged 373.7±15.4N, compared to 296.4±19.6 N for crowns. Conclusions: 1. The bite force of zirconia porcelain crowns was 407.0±76N, while the bite force of metal porcelain crowns was 367.7±97N. 2. When determining the bite force of crowns and natural teeth, the bite force of crowns and natural teeth was 296.4±19.6N, and the bite force of uncoated teeth was 445.5±70N, respectively. 3. When compared by gender, the bite force of uncoated teeth in men was 484.1±46.2N, the bite force of coated teeth was 445.3±43.7N, and the bite force of uncoated teeth in women was 373.7±15.4N, and the bite force of coated teeth was 296.4±19.6N, and the bite force was significantly related to gender (p<0.0001).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1244
Эшлэл
Э.Батболд, Г.Мөнхжаргал, П.Жавхлан, Ш.Батсүх. Циркон шаазан болон метал шаазан бүрээсээр сэргээсэн шүдний хазах хүчийг тооцсон дүн. Эрүүл мэндийн шинжлэх ухаан. 2025;21(4):216-220.