Loading...
Сонсгол, ярианы бэрхшээлтэй хүүхэдтэй гэр бүлийн амьдралын чанарын судалгаа
Зохиогч
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
68
End Page
71
ISSN
2959-6947
Хураангуй
Үндэслэл: Дэлхийд 240 сая хөгжлийн бэрхшээлтэй хүүхэд байгаагийн 34 сая нь сонсгол, ярианы бэрхшээлтэй бөгөөд Монгол улсад 1538 нь амьдарч байна.1-3 Хөгжлийн бэрхшээлтэй хүмүүст эрүүл мэнд, боловсрол, хөдөлмөр эрхлэлт, нийгмийн үйлчилгээ, амьдрах орчны саад бэрхшээлээс үүдэн нийгмийн амьдралд бүрэн дүүрэн оролцох боломж хязгаарлагдмал байдаг. Хөгжлийн бэрхшээлтэй иргэд илүү их саад бэрхшээлтэй тулгардаг төдийгүй тэдний гэр бүлийн ядуурлын түвшин хөгжлийн бэрхшээлгүй гишүүнтэй гэр бүлийнхээс хоёр дахин өндөр байна.4 Монгол Улсад ХБХ-ийн талаар хийгдсэн судалгаануудад хүүхдийн боловсрол, эрүүл мэнд болон нийгмийн бусад үйлчилгээ авахтай холбоотой асуудлыг хөндсөн ч гэр бүлийн амьдралын чанар, түүнд нөлөөлж буй хүчин зүйлийг судалсан судалгаа хомс байна. Зорилго: Сонсгол, ярианы бэрхшээлтэй хүүхэдтэй гэр бүлийн амьдралын чанарыг үнэлж, түүнд нөлөөлж буй зарим хүчин зүйлийг тодорхойлох. Арга, аргачлал: Сонсгол, хэл ярианы хөгжлийн бэрхшээлтэй хүүхэдтэй гэр бүлийн амьдралын чанарыг АНУ-ын Канзасын их сургуулийн эрдэмтдийн боловсруулсан гэр бүлийн амьдралын чанарыг судалдаг 5 үндсэн чиглэл бүхий стандарт асуумжийг ашиглан 0-18 насны сонсгол, хэл ярианы хөгжлийн бэрхшээлтэй хүүхэдтэй 120 эцэг, эх, асран хамгаалагчийг хамруулсан. Үр дүн: Сонсгол, ярианы бэрхшээлтэй хүүхэдтэй гэр бүлийн амьдралын чанарын дундаж оноо 3.79±0.61 байна. Амьдралын чанарын үнэлгээний дэд үзүүлэлтээс эцэг эхийн үүрэг (3.94), гэр бүлийн харилцаа (3.92) хамгийн өндөр үнэлэгдсэн бол сэтгэл зүйн сайн сайхан байдал бага (3.57) үнэлэгдсэн. Хүүхдийн бэрхшээл хавсарсан байх, асран хамгаалагчийн эрүүл мэндийн өөрийн үнэлгээ, стрессийн түвшин, ам бүлийн тоо, орлогын хүрэлцээ зэрэг нь гэр бүлийн амьдралын чанарт нөлөөлж байна. Дүгнэлт: Сонсгол, ярианы бэрхшээлтэй хүүхэдтэй гэр бүлийн амьдралын чанар сайн байна. Гэр бүлийн амьдралын чанарт хүүхдийн бэрхшээлийн төрөл, асран хамгаалагчийн нас, эрүүл мэнд, стрессийн байдал, ам бүлийн тоо, орлогын хүрэлцээтэй байдал нөлөөлж байна.
Background: There are 240 million children with disabilities worldwide, of whom 34 million have hearing and speech impairments; in Mongolia, 1,538 children are affected.¹,³ Due to barriers in health care, education, employment, social services, and living environments, people with disabilities face limited opportunities to fully participate in social life. In addition to encountering greater obstacles, households with members with disabilities experience poverty levels twice as high as those without.⁴ While studies on children with disabilities in Mongolia have addressed issues related to education, health, and access to social services, little research has been conducted on family quality of life and the factors influencing it. Aim: This study aims to assess the quality of life of families with children who have hearing and speech impairments and to identify factors that influence it. Materials and Methods: The quality of life of families with children who have hearing and speech impairments was assessed using a standardized questionnaire developed by researchers at the University of Kansas, United States, which examines five core domains of family quality of life. A total of 120 parents and caregivers of children aged 0–18 years with hearing and speech impairments were included in the study. Results: The mean family quality of life score among families of children with hearing and speech impairments was 3.79±0.61. Among the subdomains, the highest scores were reported for parental role (3.94) and family interactions (3.92), while emotional well-being received the lowest score (3.57). Factors influencing family quality of life included the presence of comorbid disabilities in the child, the caregiver’s self-rated health, stress level, family size, and adequacy of household income. Conclusion: The quality of life of families raising children with hearing and speech impairments was found to be generally good. Factors influencing family quality of life included the type of child’s disability, caregiver’s age, health status, stress level, family size, and adequacy of household income.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1262
Эшлэл
Ч.Монголмаа, Д.Алтанчимэг, Г.Надмидцэрэн. Сонсгол, ярианы бэрхшээлтэй хүүхэдтэй гэр бүлийн амьдралын чанарын судалгаа. Эрүүл мэндийн шинжлэх ухаан. 2025;21(5):68-71.