Loading...
Уушгины хавдрын эсийн нүүн шилжилтэд флаваноны нөлөөг судалсан дүн
Зохиогч
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
129
End Page
132
ISSN
2959-6947
Хураангуй
Үндэслэл: Сүүлийн жилүүдэд байгалийн гаралтай зарим нэгдлүүд нь хавдраас урьдчилан сэргийлэх, хавдрын эхэн шатны эмчилгээнд ач холбогдол бүхий үр дүнтэй болохыг эрдэмтэд тогтоосон ба ургамал, хүнсний ногоо, үр, жимсний хальс, цэцэг зэрэгт агуулагдах полифенолт нэгдэл болох флаванонууд нь хавдрын эсрэг, хэт исэлдэлт, үрэвсэл болон бактерийн эсрэг био идэвхтэйг тодорхойлсон байна. Хавдар нь дэлхий дахинд эдийн засгийн болон нийгмийн эрүүл мэндийн тулгамдсан асуудал болоод байна. Дэлхийн статистик мэдээллээс үзэхэд дөрвөн хүн тутмын нэг (22.8%) нь халдварт бус өвчний улмаас, зургаан хүн тутмын нэг (16.8%) нь хавдрын улмаас нас барж байгааг дурьдсан байна. Зорилго: Нарийн навчит цахилдгаас ялгасан флаваноны уушгины хавдрын эсийн нүүн шилжилтэд үзүүлэх нөлөөг судлах. Арга, аргачлал: Судалгааг АШУҮИС-ийн Био-Анагаахын Хүрээлэнг түшиглэн, флаванон (5,2’,3’-тригидрокси-6,7 метилендиоксифлаванон)-ы хавдрын эсийн нүүн шилжилтэнд үзүүлэх нөлөөг in vitro орчинд, эсгүй зурвас үүсгэх аргаар судлав. Судалгаанд уушгины хавдрын эс (A549)-ийг сэргээн, тогтворжуулан туршилтыг хийж гүйцэтгэв. Үр дүн: Бид A549 хавдрын эсийг флаваноны ялгаатай концентраци (1.25 мкг/мл, 2.5 мкг/мл)-иар 24 цагийн турш үйлчлэн, эсгүй зурвас үүсгэх аргаар шинжлэв. Эсгүй зурвасыг 0.9 мм-ийн өргөнтэй үүсгэсэн бөгөөд А549 эс 24 цагийн дараа эсгүй зурваст тархан ургаж эсгүй зурвасын өргөн 0.25 мм байв. Флаваноны 2.5 мкг/мл концентрациар эсэд үйлчлэхэд эсийн нүүн шилжилтийг бүрэн саатуулсан байв. Дүгнэлт: Нарийн навчит цахилдгаас ялгасан флаванон нь уушгины хавдрын эсийн нүүн шилжилтийг тун болон хугацаа хамааралтайгаар саатуулж байна.
Background: In recent years, natural compounds have been shown to play an important role in cancer prevention and early-stage therapy. Flavanones, a class of polyphenolic compounds present in plants, vegetables, seeds, fruit peels, and flowers, have been identified to possess anticancer, antioxidant, anti-inflammatory, and antibacterial bioactivities. Cancer has become a major global economic and public health challenge. According to international statistics, one in four individuals (22.8%) die from non-communicable diseases, while one in six (16.8%) die from cancer. Aim: To investigate the effect of flavanone (5,2’,3’-trihydroxy-6,7-methylenedioxyflavanone) isolated from Iris tenuifolia on the migration of lung cancer cells. Materials and Methods: The study was conducted at the Institute of Biomedicine, MNUMS. The effect of flavanone (5,2’,3’-trihydroxy-6,7-methylenedioxyflavanone) on cancer cell migration was evaluated in vitro using the scratch assay. Human lung cancer cells (A549) were revived and stabilized before experiments were performed. Results: We treated A549 cancer cells with different concentrations of flavanone (1.25 µg/ml, 2.5 µg/ml) for 24 hours and analyzed them using the scratch assay. A cell-free gap of 0.9 mm in width was created, and after 24 hours, A549 cells migrated and proliferated into the gap, reducing its width to 0.25 mm. Treatment with 2.5 µg/ml flavanone completely inhibited cell migration. Conclusion: Flavanone isolated from Iris tenuifolia inhibits lung cancer cell migration in a doseand time-dependent manner.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1273
Эшлэл
Ч.Жадамба, О.Эрдэнэзаяа, С.Идэржавхлан, М.Бүрнээ, А.Гүрбадам, Д.Тэмүүлэн нар. Уушгины хавдрын эсийн нүүн шилжилтэд флаваноны нөлөөг судалсан дүн. Эрүүл мэндийн шинжлэх ухаан. 2025;21(5):129-132.