Loading...
Лавлагаа шатлалын эрүүл мэндийн байгууллагын ажилтны ажлаас гарах бодлын судалгаа
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
45
End Page
48
ISSN
2959-6947
Хураангуй
Үндэслэл: 2035 он гэхэд дэлхий нийтэд ойролцоогоор 12.9 сая эрүүл мэндийн ажилтан дутагдах төлөвтэй байгаа нь ихэвчлэн хөгжиж буй орнуудад тохиолдох эрсдэлтэй байна.1 Эрүүл мэндийн салбар нь аливаа улсын нийгмийн амьдралын салшгүй хэсэг тул энэхүү хомсдол нь салбарын тогтвортой байдал, эмнэлгийн тусламж үйлчилгээний хүртээмжийг алдагдуулах эрсдэлтэй бөгөөд үүнийг шийдвэрлэх нь нэн тэргүүний зорилт болж байна. Зорилго: Улаанбаатар хотын лавлагаа шатлалын эрүүл мэндийн байгууллагын ажилтны ажлаас гарах бодлыг судлан тодорхойлох. Арга, аргачлал: Судалгааг агшингийн загвар, тоон судалгааны аргаар 20242025 онд гүйцэтгэсэн. Уг судалгаанд 1 төв эмнэлэг, 1 төрөлжсөн мэргэжлийн төв (амаржих газар), 1 дүүргийн эрүүл мэндийн төвийн 150 ажилтан хамрагдсан. Ажлаас гарах бодлыг Аюурбах (2013 он) нарын боловсруулсан стандарт асуумжийг ашиглав. Судалгааны үр дүнг SPSS 26.0 программ ашиглан боловсруулав. Үр дүн: Уг судалгаанд оролцогчдын 38 хувь нь төв эмнэлэг, 33.3 хувь нь төрөлжсөн мэргэжлийн төв (амаржих газар), 28.6 хувь нь дүүргийн эрүүл мэндийн төвийн ажилтнууд хамрагдсаны 85.3 хувь нь эмэгтэй, дундаж нас 35.2±7.9 жил, тухайн байгууллагадаа ажилласан жилийн дундаж 7.5±6.2 жил байв. Албан тушаалын хувьд 44.6 хувь нь эмч, 34.6 хувь нь сувилагч, 20.6 хувь нь ЭМНА/НЭММ, лабораторийн эмч, ажилтан, эм зүйч, эм найруулагч, эх баригч нар хамрагдсан. Оролцогчдын 78 хувь нь тэтгэвэрт гартлаа эрүүл мэндийн салбарт ажиллах төлөвлөгөөтэй байгаа бол 35.3 хувь нь эрүүл мэндийн салбараас ойрын хугацаанд гарах бодолтой байна. Залуу мэргэжилтнүүд, мэргэжлийн хувьд ЭМНА/ НЭММ, сувилагч нар ажлаа өөрчлөх бодол өндөр байна. Дүгнэлт: Лавлагаа шатлалын эрүүл мэндийн байгууллагын ЭМА-нуудын 78 хувь нь тэтгэвэрт гартлаа эрүүл мэндийн салбарт ажиллана гэж байгаа ч тэдний 85.4 хувь нь одоо ажиллаж буй байгууллагаасаа гарах, 35.3 хувь нь эрүүл мэндийн салбараа ойрын хугацаанд орхих бодолтой байна.
Background: According to the World Health Organization (WHO), the shortage of human resources in the healthcare sector has shown a growing trend year by year. Notably, there is a significant shortage, inadequate distribution, and high turnover of licensed professionals, influenced by various factors. Aim: This study aimed to examine healthcare workers’ turnover intentions and the influencing factors in referral healthcare organizations in Ulaanbaatar city. Materials and Methods: The study employed a cross-sectional study using quantitative research methods was conducted during 2024–2025. A total of 150 healthcare workers from central hospitals, maternity hospitals, and district health centers participated. The standardized questionnaire developed by Auerbach et al. (2013) was used to assess turnover intention. Data were analyzed using SPSS 26.0 software. Results: Of the participants, 38% were from central hospitals, 33.3% from maternity hospitals, and 28.6% from district health centers. The majority (85.3%) were female. In terms of profession, 44.6% were doctors, 34.6% nurses, and 20.6% comprised paramedics, public health specialists, laboratory physicians, pharmacists, and midwives. Regarding retention, 78% of participants intended to continue working in the healthcare sector until retirement, while 35.3% expressed an intention to leave in the near future. Statistically significant differences in turnover intention were observed by age and profession. Younger employees demonstrated a higher intention to leave, whereas middle-aged employees with longer work experience showed greater stability within the healthcare sector. Additionally, 76% of participants emphasized salary and incentives, 68% workplace atmosphere, and 73.3% opportunities for career advancement as key factors influencing job retention. Conclusion: The study revealed that one in five healthcare workers intends to leave the healthcare sector, while one in four is considering leaving their current organization. Turnover intention varied significantly by age and profession.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1290
Эшлэл
Б.Уатгуль, Г.Ичинхорлоо, Д.Алтанчимэг, Г.Надмидцэрэн. Лавлагаа шатлалын эрүүл мэндийн байгууллагын ажилтны ажлаас гарах бодлын судалгаа. Эрүүл мэндийн шинжлэх ухаан. 2025;21(6):45-48.