Loading...
Улаанбаатар хотын ерөнхий боловсролын сургуулийн дунд, ахлах ангийн сурагчдын сонсгол бууралтын тархалтын судалгаа
Зохиогч
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
145
End Page
149
ISSN
2959-6947
Хураангуй
Үндэслэл: Өсвөр насныхны дунд сонсгол бууралт нь нийгмийн эрүүл мэндийн чухал асуудал хэвээр байгаа бөгөөд хөнгөн хэлбэрийн сонсголын алдагдал ч танин мэдэхүйн хөгжил, сурлагын амжилт, нийгмийн харилцаанд сөргөөр нөлөөлдөг. Монгол Улсад сургуулийн насны хүүхдүүдийн дунд сонсгол бууралтын тархалтыг үнэлсэн судалгаа хомс байгаа нь энэхүү судалгааг хийх үндэслэл болсон. Зорилго: Улаанбаатар хотын ерөнхий боловсролын сургуулийн дунд, ахлах ангийн сурагчдын сонсгол бууралтын тархалт, төрөл, түвшинг тодорхойлох, түүнд нөлөөлөх хүн ам зүйн хүчин зүйлсийг үнэлэх. Арга, аргачлал: Сургуульд суурилсан агшингийн судалгааг 2024–2025 онд Улаанбаатар хотын 9 дүүргийн 18 сургуулийн 1803 сурагчийг хамруулан гүйцэтгэсэн. Сонсголын эрт илрүүлгийг стандарт протоколын дагуу цэвэр авианы шинжилгээгээр хийж, анхан шатны илрүүлэгт тэнцээгүй сурагчдыг баталгаажуулах аудиометрийн шинжилгээнд хамруулсан. Сонсгол бууралтыг хөнгөн (21–35 dB), дунд (36–50 dB), хүнд (≥50 dB) гэж ангилсан. Хүн ам зүйн мэдээллийг эцэг эх, асран хамгаалагчаас асуумжаар цуглуулж, өгөгдлийг R программ ашиглан боловсруулсан. Статистикийн шинжилгээнд χ² тест хэрэглэж, p<0.05-ыг ач холбогдолтой гэж үзсэн. Үр дүн: Судалгаанд хамрагдсан сурагчдын 7.4 хувь нь дахин шалгах шаардлагатай гэж үнэлэгдсэн бөгөөд 2.3 хувьд сонсгол бууралт батлагдсан. Эцэг, эхийн боловсролын түвшин сонсгол бууралтад статистикийн ач холбогдолтой нөлөөтэй байсан. Дүгнэлт: Улаанбаатар хотын ерөнхий боловсролын сургуулийн дунд, ахлах ангийн сурагчдын сонсгол бууралтын тархалт 2.3 хувь ба хүйсийн хувьд ялгаа ажиглагдсангүй. Сонсгол бууралтын дийлэнх нь хөнгөн хэлбэрийн, нэг чихийг хамарсан байгаа нь сургуулийн орчинд сонсголын эрт илрүүлгийн тогтолцоог тогтмол хэрэгжүүлэх, эцэг эхийн эрүүл мэндийн боловсролыг сайжруулах шаардлагатайг илтгэж байна. Эцэг эхийн боловсролын түвшин сонсгол бууралтын тархалттай статистик хамааралтай бөгөөд цаашид чихэвчний хэрэглээ гэх мэт эрсдэлт хүчин зүйлтэй холбон судлах шаардлагатай байна.
Background: Hearing loss among adolescents remains an important public health concern, as even mild degrees of hearing impairment can adversely affect cognitive development, academic performance, and social interaction. In Mongolia, evidence on the prevalence of hearing loss among school-aged children is limited, providing the rationale for conducting this study. Aim: To determine the prevalence, type, and severity of hearing loss and to assess associated demographic factors among middle and high school students in Ulaanbaatar, Mongolia. Materials and Methods: A school-based cross-sectional study was conducted during 2024–2025 among 1,803 students from 18 general education schools across nine districts of Ulaanbaatar. Hearing screening was performed using pure-tone audiometry according to a standardized protocol, and students who failed the initial screening underwent confirmatory audiometric testing. Hearing loss was classified as mild (21–35 dB), moderate (36–50 dB), or severe (≥50 dB). Demographic information was collected from parents or guardians using a structured questionnaire. Data were analyzed using R software. Associations were assessed using the chi-square (χ²) test, with p<0.05 considered statistically significant. Results: Among the students screened, 7.4% were identified as requiring further evaluation, and hearing loss was confirmed in 2.3%. Parental educational level was significantly associated with hearing loss, while no significant differences were observed by sex. Conclusion: The prevalence of hearing loss among middle and high school students in general education schools in Ulaanbaatar was 2.3%, with no significant difference by sex. Most identified cases were mild and unilateral, highlighting the need for regular school-based hearing screening and strengthened parental health education. The association between parental educational level and hearing loss suggests the importance of addressing social determinants, and further studies are warranted to explore additional risk factors such as the use of personal listening devices.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1590
Эшлэл
Д.Уянга, Б.Батзориг, Ц.Энх-Оюун, О.Чимэдсүрэн, Л.Бямбасүрэн. Улаанбаатар хотын ерөнхий боловсролын сургуулийн дунд, ахлах ангийн сурагчдын сонсгол бууралтын тархалтын судалгаа. Эрүүл мэндийн шинжлэх ухаан. 2026;22(1):145-149.