Loading...
Чих хамар хоолойн үрэвсэл үүсгэгч зарим бактерууд тэдгээрийн антибиотикт мэдрэг чанарыг тодорхойлсон дүн (Дархан-Уул аймгийн жишээ дээр)
Зохиогч
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
182
End Page
187
ISSN
2959-6947
Хураангуй
Үндэслэл: Чих, хамар, хоолойн үрэвсэлт эмгэг нь түгээмэл тохиолддог ба эмнэлэгт хандалтын өндөр хувийг эзэлдэг өвчлөл юм. Эдгээр өвчин нь өвчтөний амьдралын чанарыг бууруулах, ажлын болон суралцах чадварыг сааруулах, эрүүл мэндийн зардлыг нэмэгдүүлэх сөрөг нөлөөтэй. Антибиотик нь халдварын эсрэг эмчилгээнд чухал үүрэгтэй боловч түүний зохисгүй хэрэглээ нь эмгэг төрүүлэгчидийн антибиотикт тэсвэржилтийг нэмэгдүүлдэг. Монгол Улсад, тэр дундаа ДарханУул аймагт эдгээр өвчний үед илэрч буй бактери болон антибиотикт мэдрэг чанарын талаарх мэдээлэл хязгаарлагдмал тул орон нутгийн нөхцөлд MRSA болон антибиотикт тэсвэржилтийн тархалтыг үнэлэх нь эмнэлгийн практикт эмчилгээ үйлчилгээний зөвлөмж боловсруулах, антибиотикийн зохистой хэрэглээг дэмжихэд чухал ач холбогдолтой юм. Иймд Монгол Улсын нөхцөлд хамар дайврын, залгиур хоолойн болон чихний үрэвсэлт эмгэгүүдийн үед илэрч буй эмгэг төрүүлэгчийн бүтэц, антибиотикт мэдрэг чанарыг харьцуулан үнэлэх нь эмчилгээний үр дүнг сайжруулах, антибиотикт тэсвэржилтийн тархалтыг хязгаарлахад чухал ач холбогдолтой байгаа нь энэхүү судалгааг хийх үндэслэл боллоо. Зорилго: Хамар дайвар, залгиур хоолой, чихний үрэвсэлт эмгэгүүдэд зонхилон халдвар үүсгэгч эмгэг төрүүлэгч бактерууд ба тэдгээрийн антибиотикт мэдрэг чанарыг үнэлэх. Арга, аргачлал: Судалгааг АШУҮИС, Био-АС, Эм судлалын тэнхим, Дархан-Уул аймгийн “Бид” эмнэлгийг түшиглэн 2024 оны 1 сараас 2025 оны 2 сар хүртэлх 1 жилийн хугацаанд чих хамар хоолойн амбулаторид чих хамар хоолойн үрэвсэлт эмгэгтэй гэж сэжиглэсэн үйлчлүүлэгчдийн арчдасын шинжилгээний мэдээллийн нэгдсэн сангаас (n=185) хамруулах болон хасах шалгуурын хүрээнд 145 үйлчлүүлэгчдийн мэдээлэлд үндэслэн, байгууллагад суурилсан, ажиглалт судалгааны нэг агшингийн, ретроспектив загвараар SPSS-26.0 (IBM software Inc USA) программ ашиглан хийж гүйцэтгэсэн. Үр дүн: Судалгаанд 1–73 насны нийт 145 үйлчлүүлэгч хамрагдсанаас хамрын арчдасанд 36 (24.8%), залгиур хоолойн арчдас 56 (38.6%), чихний арчдас 53 (36.6%) авсны 117 (80.7%)-д эмгэг төрөгч илэрсэнээс Staphylococcus aureus нь хамрын арчдасны сорьцын 65.5%, залгиур хоолойн арчдасны 53.6%, чихний арчдасны 67.4%-д тус тус илэрсэн бөгөөд чихний арчдасд илэрсэн S. aureus-ийн 27.6% (n=8) нь MRSA байв. Антибиотик мэдрэг чанарын шинжилгээгээр хамрын арчдасанд илэрсэн S. aureus нь амоксациллин (100%), ампициллин (90.0%), эритромицин (87.5%), азитромицин (81.8%) тэсвэржилттэй, цефазолин (72.7%), доксициклин (80.0%), ванкомицин (75.0%)д мэдрэг байв. Залгиур хоолойн арчдасанд илэрсэн S. aureus нь амоксациллин (100%), ампициллин (100%), хлорамфеникол (87.5%), азитромицин (75.0%) тэсвэржилттэй, ципрофлоксацин (69.2%), ванкомицин (66.7%)-д мэдрэг байв. Чихний арчдасанд илэрсэн S. aureus нь гентамицин (77.8%), кларитромицин (71.4%), азитромицин (66.7%), пенициллин G (66.7%)-д тэсвэржилттэй, нитрофурантоин (87.5%), ванкомицин (68.8%), ципрофлоксацин (64.7%)-д харьцангуй өндөр мэдрэг байдал ажиглагдав. Streptococcus. spp-ийн хувьд эритромицин (84.6%), амоксациллин (76.9%), хлорамфеникол (71.4%)-д тэсвэржилттэй, амоксиклав (54.6%), цефазолин (63.2%), цефотаксим (50.0%)-д тус тус мэдрэг байв. Дүгнэлт: 1. Чих, хамар, хоолойн үрэвсэлт өвчлөл нь Staphylococcus aureus -р зонхилон үүсгэгдэж байна. 2. Зонхилон тохиолдож буй Staphylococcus aureus нь пенициллин, макролид, аминогликозидын бүлгийн антибиотикуудад өндөр тэсвэржилттэй байна.
Background: Ear, nose, and throat (ENT) inflammatory diseases are common conditions that account for a high proportion of healthcare visits. These diseases negatively affect patient’s quality of life, reduce work and learning capacity, and increase healthcare costs. Antibiotics play a crucial role in treatment; however, inappropriate use contributes to the emergence and spread of antimicrobial resistance among pathogenic bacteria. In Mongolia, particularly in Darkhan-Uul Province, data on bacterial pathogens and their antimicrobial susceptibility patterns in ENT infections are limited. Therefore, evaluating the local prevalence of methicillin-resistant Staphylococcus aureus (MRSA) and antimicrobial resistance is essential for guiding clinical practice and promoting rational antibiotic use. Aim: To assess the bacterial pathogens and their antimicrobial susceptibility patterns in inflammatory diseases of ear, nose and throat. Materials and Methods: The study was conducted at the School of Biomedicine, Mongolian National University of Medical Sciences, in collaboration with the Department of Pharmacology and the “Bid” Hospital of Darkhan-Uul Province. Data from ear, nose, and throat swab examinations of patients suspected of having ENT infections in the outpatient department between January 2024 and February 2025 were extracted from the hospital’s centralized database (n=185). Based on the inclusion and exclusion criteria, information from 145 patients was analyzed. The study was designed as a facility-based, retrospective, cross-sectional observational study and was carried out using SPSS - 26.0. Results: A total of 145 patients aged 1-73 years were included in the study, of whom 48.2% (n=70) were male and 51.7% (n=75) were female. Overall, 145 clinical specimens were collected, including nasal swabs 36 (24.8%), throat swabs 56 (38.6%), and ear swabs 53 (36.6%). Bacteriological examination revealed pathogenic microorganisms in 80.7% (n=117) of the specimens. S.aureus was isolated from 65.5% of nasal swabs, 53.6% of throat swabs, and 67.4% of ear swabs. Among S. aureus isolates from ear swabs, 27.6% (n=8) were identified as methicillin-resistant Staphylococcus aureus (MRSA). Antimicrobial susceptibility testing showed that S. aureus isolates from nasal swabs were resistant to amoxicillin (100%), ampicillin (90.0%), erythromycin (87.5%), and azithromycin (81.8%), while they were susceptible to cefazolin (72.7%), doxycycline (80.0%), and vancomycin (75.0%). S. aureus isolates from throat swabs demonstrated resistance to amoxicillin (100%), ampicillin (100%), chloramphenicol (87.5%), and azithromycin (75.0%), but were susceptible to ciprofloxacin (69.2%) and vancomycin (66.7%). S. aureus isolates from ear swabs were resistant to gentamicin (77.8%), clarithromycin (71.4%), azithromycin (66.7%), and penicillin G (66.7%), while higher susceptibility was observed to nitrofurantoin (87.5%), vancomycin (68.8%), and ciprofloxacin (64.7%). For Streptococcus spp, resistance was observed to erythromycin (84.6%), amoxicillin (76.9%), and chloramphenicol (71.4%), whereas susceptibility was noted to amoxiclav (54.6%), cefazolin (63.2%), and cefotaxime (50.0%). Conclusions: 1. Staphylococcus aureus predominated in samples from ear, nose, and throat infections, confirming it as the main causative bacterium of these conditions. 2. The predominantly isolated Staphylococcus aureus showed high resistance to antibiotics from the penicillin, macrolide, and aminoglycoside groups.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1596
Эшлэл
Т.Маралмаа, С.Сарнай, Б.Ойгончимэг, А.Алтанзул, И.Хүслэн, Д.Итгэл нар. Чих хамар хоолойн үрэвсэл үүсгэгч зарим бактерууд тэдгээрийн антибиотикт мэдрэг чанарыг тодорхойлсон дүн (Дархан-Уул аймгийн жишээ дээр). Эрүүл мэндийн шинжлэх ухаан. 2026;22(1):182-187.